«
»

Vanglaini

August 18th, 2006 9:42 am by chabetkaia

Phuahtu:Lalnunmawia(Valtea)

Ka dawn ngam lo vanglaini an chuai tur
Damten dawn bik hian ka ring lo hringmi lengten,
Ngaih a ngam thei mawlh lo ka dawn in
Rualkim tea khuahmun a lenlai in
Vanglainite chul mai’an an mawi silo
Dawntawi val kan riang chuang khuarei ah

Piallei bawm parmawina ten chuaini an nei thrin
Chutin kan hringnun hian vanglaini alo ralin
Chuaini alo tawng thrin
Chhuihthangvala lunglen tizual reng’an

Tufa chawia hai ang kan lo tarin,
Kan vanglaini te hi a tu tuai thar mah khan
Hril zel hian an mawilo ka dawnin
Lengzawng thinlai kan luah zo mawlh silo
Sakhmingthan ve nan, a i mah kan hawih lo
Dawntawi val kan riangthui dawn mang e.

Piallei bawm parmawi na ten chuaini an tawng thrin
Chutin kan hringnun hian vanglaini alo ralin
Chuaini alo tawng thrin
Chhuihthangvala lunglen tizual reng’an

Similar Posts:

Recent Posts:

This entry was posted on Friday, August 18th, 2006 at 9:42 am and is filed under Music and lyrics. You can follow any responses to this entry through the RSS 2.0 feed. You can leave a response, or trackback from your own site.

4 Responses to “Vanglaini”

  1. 1
    chabetkaia Says:
    August 20th, 2006 at 3:19 am

    “Tufa chawia hai ang kan lo tarin,
    Kan vanglaini te hi a tu tuai thar mah khan
    Hril zel hian an mawilo ka dawnin
    Lengzawng thinlai kan luah zo mawlh silo
    Sakhmingthan ve nan, a i mah kan hawih lo
    Dawntawi val kan riangthui dawn mang e.”

    khilai chang khi ka chang thlan ani e. he hla hi in tuipui ve meuh na nge??? Ka hla thulkhung ka rawn phawrh ve e ka tia, in ngawi bo ta diak mai si?????

    A hunlaia Tlangval manto(amah Mary winchester Zoluti sawi dan takah) ni ve ngat in he hla min lo phuah khalh hi chu a daw deuh ka ti lo thei lo.

    Kei hian, chang 2na hi phuah ni ila chuan in chawih mahna, mahse Valtea hi zawng, ” kei tu tuai thar leng hian a sakhming leh hla hi ka la hril zel dawn zawng anih hi.. SAKHMING THANG VE NAN A I MAH KAN HAWIH LO a la ti cheu hi chu ka hrethiam tlawt love.. mahse, thinglung chhungril tlawmna nun nen a, a phuah chhuah ani ngei ang tih ka han ngaithuah chang hi chuan ka dem em em bik ta lem love

    Report this comment

  2. 2
    patawrawt Says:
    August 20th, 2006 at 3:36 am

    Chabeta chu tunlai lyrics lam ah i tui thar ani maw?

    Report this comment

  3. 3
    chabetkaia Says:
    August 20th, 2006 at 4:04 am

    nia hei web tharah hian MIZO LYRIC section awm chin chu, Mizo hla thu tam thei ang ber khawn khawm ka tum a, tran min lo lak pui teh a, hla hlui leh tunlai hla lar thlengin..

    Report this comment

  4. 4
    patawrawt Says:
    August 20th, 2006 at 4:16 am

    ekhai i ti tha hle mai nang nge nge,lo chhunzawm zel rawh nie ka lo tum ve thin dawnnnia.

    Report this comment

Leave a Reply

You must be logged in to post a comment.