Thangthar phunchiar, thiam tak tak nei si lova, thiam nei thum; thiam lo tih dawna min melh sala tawk vela thiam silawng ve si, eizawnna atana laktlak tur khawp chuan kutdawh pui tur leka hriatna leh thiamna dawrawm pai thangthar zingah hian, “mi pal khuk hnua lo khuh ve chiam chiam” hi kan tam ber mai awm e aa…
Politics ah te hian thil hi kan hre ve zul si a, politician kan sawisel bawk bawkte hi han thlak dawn chiah ila, Delhi tlang chu sawi loh, North East minister conference ah pawh mahni duh sawi tha thei lo tur khawpa English/ Hindi ah kan pachhia te, midang influence theihna tura personality tha leh mi hneh theih riauna chu sawi loh, public forum a debate mai maia lo thinrim kuh sen tul kan ni bawk si. Politician te sum hman dik loh leh felhlel sawisel tur hre fu si hian “Sum lapse”. Consolidated Fund, Contingency Fund awmzia pawh kan hre mumal lo chu a ni si a tiraw???
Vai kutah Mizo a thi a, kan haw haw hut hut a, chil hlum tumin kan bei uaih uaih a, nunau pawisawi lo thlengin kan vau a, thlabar reng rengin kan siam a, chutih lai chuan hman lawka Mizo nula rawng taka thattu Jail atanga chhuak te kha, kan chansawm duh vek ang chu tihnaklaiin, tumah lah chuan an uksak leh tawh lem lova. Mi chanchin maksak deuh an rawn pal khu hlut a, a ram pumin kan khuh rawn luai luai a.
Tleirawl pahnih khuangcher bo ni te kha ka la hrereng mai. Hei ruang chu an hmu tawh a, an in lam panin an zawn haw mek e tihte an rawn sawi thul, tun thlengin an la hmu lo an ti leh bawk si; ramhuai palianin a hruai tihte, a thiannu demna silaimu nena kan tlir zawt zawt laiin, pakhatin police a rawn dem zauh a, kan silaimu chu police lamah kan sur phei tir leh sung sung a. Hnamdang te hian an lo hre lo a, ram kilkhawr takah kan awm a, mi tuvakmahin min tlawhpawh lo te hi a lawmawm letling phian asin. ILP te pawh a hlu phian.
Thawnthu leh mi thusawi duk dak lo chhiar tha peih hle si a, mahni rilru seng tha peih lovin “Pathian awm ka ring love”, ka mamawh bawk hek lo te kan han ti satliah ve ngawt a. An thu lakna leh an rilru kaipengtute, mi thiamte tawpna leh an chanchin chhui zui mang si lova, an thu puarpawlenga lo sa rak pui ve chiam chiam a, an rinna bulpui innghahna mumal pawh sawipui hleihtheih loh khawpa mahni rin pawh chiang lo thalai kan tam chho tan bawk si nen..!! Huihamzzz
Miin porn te an siam a, sum tam tak an hai lut a, thil tha chu a ni hauh lo mai. Amaherawhchu, keini tlangvalte ve thung chuan hmeichhiain a duh lo chung chungin an laksak luih tih hriat ngawih ngawihin hmeichhe awm nemte an veh thlem a, an duh an hmu a, midang lakah an la timualpho duh ania. Facebook-a kan nula tam takte’n zah pawh dawn thei lova, inbox lama mawi lo leh tenawm tak taka ti tawh lo hram tura ngen ngawih ngawih ngai Mizo tlangval kan tam lutuk te hi a hmai uanna chi vak miah lo.
Ropuiah ropui zual zelin an ti a, hnamdangte chu, keini ve chu kan pipute, kan nu leh pate ropuina hi kan chen hem hem mai chu a la ni si a. Kan thalai phai awmte lah chuan hna ropui leh degree ropui tak tak rawn hawn chu awm ve pheuh pheuh mahse, beidawnga haw ta tam tak an awm a, degree satliah, text-book 3/4 vel chhiara an ziah chhuah certificate hawn hi a tam zawk an ni si; a awm tha duh lo zualin a natna ang zawng te, police case ang zawngte, a mihring ang zawngte, ruihhlo avanga khampheia haw ta an tam bawk si nen.
Miin ropuina tura khawpui pana, dak vah chunga an khawtual an thlen lai hian, thalai tam takte erawh chuan awma khabe siin, kun lapin miin ropuina an chharna hmun, an thangchhuahna hmun atangin an let fo thin. Zoram thalaite kan harhchhuah a va hun ta em.!!
Similar Posts:
- Hnam thanmawhbawk
- Thawhpuite Tarlan Thiam
- Chhungpuinu atan
- Vâl lunglêng – Mi khuaa mahnia mi in luah a awm
- Ka pawm zam ve thei lo
November 1st, 2012 at 11:57 pm
Good Post
Nula dangin Facebook ah an rawn zawn belh leh ngei ang 
Report this comment
November 2nd, 2012 at 12:49 am
A va tha pap pap ve hei chu
Zah deuh chemchem na te ka nei tlat! Mizo thalai tamtak chhiar atan a that hi le…
Report this comment
November 2nd, 2012 at 2:07 am
Tatrawta nge nge.. ziak thiam hle mai.. Good Post!!
Report this comment
November 2nd, 2012 at 5:13 am
Tha kher mai. Mi tam zawkin an chhiar theih turin VANGLAINI chanchi
-nbu lamah te rawn chhuahah ava itawm ve.
Report this comment
November 2nd, 2012 at 7:46 am
Tukchhuah nuam vek u le
Report this comment
November 2nd, 2012 at 7:54 am
A dik thlup thlup khawp mai.. Chhiar paw’n a dak zaih mai lawm.. Ngaihtuah zui veng veng tlak a nih hi
Report this comment
November 2nd, 2012 at 8:39 am
#1 khian a sawi dik lutuk
Report this comment
November 2nd, 2012 at 10:01 am
A va han tha em em ve le. Ngaihtuah zui vawng vawng teh ang.
Report this comment
November 2nd, 2012 at 10:47 am
Report this comment
November 2nd, 2012 at 11:30 am
ava ropui em, vanvadak a Amen rual thup thup pui tlak ani,
Report this comment
November 2nd, 2012 at 11:30 am
Hei zet chuh! i chem i tat hriam bawk a ni maw, min fik hmawk hmawk a lawm Mizo thalaite..haha
Good job
Report this comment
November 2nd, 2012 at 11:41 am
Kha kha a ni mai, Chemtatrawta nge nge, a tat ri leh trawt trawt mai..
Post a tha, ngaituah a tithui, zawm ngei ngei tur a tam mang e..
Report this comment
November 2nd, 2012 at 12:10 pm
Thiam leh thiam lo, tih thu hla ah hian, voikhat chu Ramhlun North zaipawl, Puma zai an modernize kan ti dawn nge ti changkang kan ti dawn, an sawisel vak tum khan ka chhan ve e ka tia mi thenkhat in an lo inngaihbel deuh nge ni personal zawngin min beih tak vak mai kha chu buaihlak duh ang reng
……… OT deuh hlek maithei e.
Report this comment
November 2nd, 2012 at 12:16 pm
A van tha tehlul em!
Report this comment
November 2nd, 2012 at 3:27 pm
Report this comment
November 2nd, 2012 at 6:09 pm
A chem a tat hriam tha bawk a ni ang,
Eithis ho ngawi hle hle lai pawh,
a thlel pilh zeuh. Ke kawr nawh mar ang zeih a mam in, thu tha
deuh deuh hi a rawn tar lang thin a,
a beng var thlak thin khawp mai.
A mah ngei hian kan ram politiks kal phu dik lo lu tuk hi, siam tha tur in lu chilh nge nge se a that ka ring.
Report this comment
November 2nd, 2012 at 6:54 pm
Tatrawta hi maw? Malsawm Colney-a te, P.Siamliana te tluk zeta thawh hlawk leh party dangte tana tawrhhlelhawm ani thei ang chu…
Report this comment
November 2nd, 2012 at 8:31 pm
Ka khur ru der der tep a lawm le.
Report this comment
November 2nd, 2012 at 11:36 pm
Keini te chu Politics ah lut ila, kawneksawn nei tha ve lo ngang chu min nek chhuak rang lutuk ang. Ti hian, a him chinah hian duh duh lo sawi ve mai mai hi kan phu tawk lek alawm le..
Report this comment
November 2nd, 2012 at 11:45 pm
A va tha thuai thuai ve le..Chemtatrawta chuan a Krismas balloon-a cheptu, a mutan, a kaikuang tak a man a, a rawn phochhuak ta nih hi! Thak si, tui si, tih ang deuhin a dik si a, a zahthlak bawk si. Inenfiah kan lo va ngai tak em! A mimal min hauhna chu ni se a na talh talh viau ang mawle…nu ho phei chu an men pur mai. Mahse, thil nihna dik tak a ni lawi si a.
Report this comment
November 3rd, 2012 at 12:06 am
Post chu ka rilrem zong tak ani..ti tha khop mai..
Report this comment
November 3rd, 2012 at 3:31 pm
Report this comment