Hranghlui han ti dawn i la, ‘18 till i die’ la ti ve ngat a ni a, a aw dangdai leh bengverh tak avanga Zoram puma hriat lar, Ngengpuii chuan tunlai hian album tihchhuahna tur kawngah sawi chian thei chiah nei si loin harsatna leh pawtbuai tu neuh neuh a ngah hle.
Hun rei tak atang tawha beiseina sang tak nena lo thlir reng tute rilru pawh a tingui lek lek tawh a. Amah pawhin pawi a ti a, a fans te beiseina chu tihhlawhtlin ngei pawh a tum a ni.
“Ka hman lo lutuk hi a buaithlak lai taka chu a ni a. Tunah hian Side B lama awm tur, Ram ngaih hla ang chi chu ka neih that hle laiin, Side-A a awm tur, Gospel hla hi duh aiin ka la nei tlem a, han khawn khawm ngaihna vak ka hre bik si lova, hei hian harsatna min thlen mek. Gospel hla sak tur nei tha thawkhat ni ilang, a tih dan dan te pawh a awm ngei ang,” tiin a sawi.
Hetih lai hian a zaipuite’n an tih huks nak nak tawh laiin a ni erawh a mahin a la tla fal tlat mai a, ‘Engtikah tak ni ang maw’ tia a tan a rilru lo seng a, lo ngaihtuah puitu pawh an thahnem hle. Chutih laiin a ni erawh chuan beiseina em em pawh nei tawh loin a tul phei chuan len tar mai pawh a ngai dawn niawmin a sawi ta tlat mai.
“Inleng ka nei ngai lo, ka sawi tak tak a nia. Kan hmu zo lo lutuk hi i hrechiang lo a ni. Dik taka sawi chuan pasal neih chungchangah kher hi chuan ka beidawng tawh! Kan kumte pawh a upa tawh a, kum hian min chal delh tawh tlat. Min rawn zawng hmu tawh loh a nih phei chuan len tar a ni tawh mai,” tiin Ngengpuii hian a sawi.
Similar Posts:
- Beiseina
- Mapuia (Zephyr) rilru a na hle
- ‘Miss North East’ a Mizoram aiawh tur tichiang ta
- ‘Bei la, beinawn rawh’
- Hmangaihna.. Beiseina.. Rinna..
Pathian thu...
June 13th, 2007 at 2:08 pm
neih hmiah mai tur..
Report this comment
June 13th, 2007 at 2:55 pm
Who is Ngengpuii ? Looked at Google. Apart from two entries in https://www.mizoworld.net and names in electoral rolls, the article above is the only entry there. Is she that famous ?
Report this comment
June 13th, 2007 at 3:23 pm
Hotmail, Ngengpuii i hre lo a maw?
A awm ve tho e. Tunlai khawvela chuan zai thiam em em (bakah aw mawi leh sexy) nih mai a tawk tawh lo va. Zaithiam tan pawh hmelthat, inchei thiam, hawiher zei etc. vel a ngai tel vek (deuhtaw) tawh a nih hi.
Hmehchhuah channel era-a cheng kan ni tlat a. Nula senior Ngengpuii te ang, a en-a en chi ni vak lem lo, a ngaihthlak-a ngaihthlak chi tan chuan hmun a chep ta deuh a ni e.
A chang phei chuan zai thiam ve angreng tho si, chu aia an hmel leh thil danga intheh hing thiamte chan hi a tha ta zawk emaw ka ti hial thin.
A tha vek e… “Engkim mai hi a lo tha vek mai”… hehe!!
Report this comment
June 13th, 2007 at 4:08 pm
Ngengpuii hi chu a zaithiam a ni.. zaithiam ka la tihna ber chu. Tu te fa nge, khami thi ta puala an hla phuah a sak kha a nia…. a thunawn a, a aw kha, nalh khawp mai, tah a ti chhuak thei alawm le… “I lawi ta maw vangkhawpui….. I sakhming sawi reng kan bang dawn lo….” a han ti hnap hnap mai te kha…
Report this comment
June 13th, 2007 at 5:02 pm
He nu aw hi a special tlat.. a zai thiam hle in ka hria, zaithiam ni a kan hiar lar tam zawk ai hian.. a chhe lemlo pawh niin ka hria.. a in sawi lucklo vel mai mai a ni mai thei.. duh tu chu an awm teuhin ka ring.. a zeilo viau pawh a ni thei e… len tar te chu tihchi nang le…
Report this comment
June 13th, 2007 at 6:52 pm
Hihihihiiii….Ka hre sual a nih loh chuan fa nu a neiin ka hria…a lian ve tawh viau ang. Chi thlah miah lo chu a ni bik lo e!!!!
Report this comment
June 13th, 2007 at 7:48 pm
ZoBarbie kha mi Ngenpuii hi, ani chaun I wanna fly something!!
Report this comment
June 14th, 2007 at 7:24 am
Wait a minute.. Ngengpuii tih ringawt hian ka hre lo alawm. LALNGENGPUII TOCHHAWNG tiin ka lo hria a. Mizo hming inkoh dan hi a mak in ti ve em. Minister LalthangLIANA kha ThangTEA tiin News headline ah an ziak tlat nia. Benjamin kha “Jamin” tiin ko ta ila hre tak ang maw. Lalrengpuii chu Lalrengpuii, Rengpuii ni lovin.
Report this comment
June 14th, 2007 at 9:51 am
Benjamin poh Jama emo Mina ti toh ila tha ang [:)]
Report this comment
June 14th, 2007 at 10:09 am
Robert Zolina hian a rawn “kampain” pui ni mawww..:)) Misual mipa ho ho kan fel tih a hriat a…
@hotmail:khiting khi chu mizo in koh ve dan alawm le.But,i hre chhuak thei mai lo chu awmtho.
Report this comment
June 14th, 2007 at 11:53 am
A ni tak a sin, chhungten min koh duatna a pawnlama (official i han ti bik ten) min han ko ve ngawt zel hi chu ka duh hauh lo a nia. Duh leh hming pumin mi ko se na ka ti lo. Hming puma inkoh hi mizo thenkhat chuan na kan ti tlat zel, capital letter in mi ko te kan ti mai mai thin a. A awki (tone) kha a pawimawh ber zawk chu a ni.
Report this comment
June 15th, 2007 at 11:33 pm
a aw a mawi chiang ngot mai henu hi chu
Report this comment