Look Alike Contest-2007’ chu a hmawr bawk a hnai ta a, sawi leh selna a ri ring tulh tulh emaw tih mai turin kil tin atangin neuh neuh a tam ta hle. Tunah hian Audio round khatna chu zawh fel a ni ta a, a host- tu ber Mapuia pawh a thaw huai tawh ang chu maw tih nak a laiin, hahdam taka khawsak leh thlamuang taka hun han hman chu a tan chuan a la theih tlat hrih loh.
“Sawi leh selna a tam tulh tulh mai emaw ni chu aw a tih theih hial tawh a. SMS kaltanga min rawn be tute zingah pawh tawngkam mawi lo leh duhawm lo tak tak rawn hmang an tam hle a. Chhiar sen pawh a ni lo. Ka delete (paih) char char chung pawhin a rawn thleng reng a. Heti ang thil te hi chu a tir atang reng khan ka dawng ang tih ka ring sa tho na a, heti em ema a nasa lutuk hi chu kei pawhin hrehawm ka ti hle. Ka mihring mihrinna pawh a chhuak lek lek thin a, rilru a na thei khawp mai,” tiin Mapuia hian a sawi.
Nizan hmasa khan live in Mapuia leh NGTV te hi an inbia a, boruak pawh a tha chho tawh dawn niin a lang. Tun hma deuh kha chuan thahnemngaih luat vangin pafa inkarah pawh inhmuhthiam lohna a chhuak lek lek fova, NGTV hian a lem leh tihdan zir tum an awm pawha lo phal lo tura Mapuia a hriattir chung pawhin stage- a rawn inlan leh nawlh nawlh an awm reng mai bawk nen. An inkhap seng lo nge ni a, an sezawl chhuah tawp tih pawh sawi chian harsa khawpin, leh lam leh lam atangin boruak a hot tha hle.
A bik takin, NGTV chu a sa hle mai a, ‘Ka lemchang an awm chuan stage atangin ka phih thla nghal ang,’ a ti chhuak hial nia hriat a ni. Mahse, tunah chuan engkim a fel tawh nia hriat a ni a, tha taka boruak a kal chhoh zel pawh beisei a ni.
Audio final round neih hun tur taka hi hriat theih a la ni mai lova, a hmun chungchanga harsatna neuh neuh a awm avangin July thla lam khi a hawlh thleng mai thei niin Mapuia hian a sawi a ni.
Similar Posts:
- NgTV vs Mapuia
- A lem an chan loh vangin NGTV inchhir chiah em?
- Ngtv Rock & Roll
- Congress thalaite’n Mimi Lalzamliani leh a nu rilru ti nâ
- A lo nih tak chu!!
June 18th, 2007 at 3:45 pm
A iak theih nazawng hi ngaihsak tlak an ni lo ti chu mi vengva chin chuan a hriat theih mai a. Mahse, a tlangpui thuah Mizote hi za ah za kristian inti mahila hnam tha leh rinawma sawitur chu kan ni thei awm love. Thil reng reng hi a chhung chauha langfiah a ni vek chuang hlei nem. Mizoram pawn atang hian, Mizorama cheng Mizote mizia hi a lang fiah angreng viau a sin !
Report this comment
June 18th, 2007 at 5:39 pm
va khongaihthlak reuh ve, mapuia chu…
Report this comment
June 18th, 2007 at 9:42 pm
sawiseltu an tam leh mipuiah i tla na tihna a ni mai mapuis. zam reng reng loh tur. chhungpuipa takin le…………….
Report this comment
June 19th, 2007 at 6:27 am
A hmuna awm ve ta lo chu kan va bangbo ve mawle. Hmanni deuh khan Look Alike Contest final result kha an ron tarlang daih toh emaw tih laiin “a hmawr bawk a hnai ta” an ron ti leh bawk si. Hmannia an result puan kha round khatna chauh a lo ni maw? ka hrethiam teh nuai toh love, kei mi mawl hian.
RT-a chu a va khawngaihthlak tak ve mole. Chutia lungawi loh avanga host-te han tawng vak pawh chu a dik ber pon ka hre lem lo
Report this comment
June 19th, 2007 at 10:31 am
Sap ho entawn mai tur. Uksak vak lo se, an style ngaiin kal se, khatiang sawiselna te kha chu pawm tlak a a hriat chu pawm se, zawm se, a sakechek nazawng thurawn hi chu pawm vek loh tur. Sap ramah pawh show a tam, sawiselna pawh a tam, an ngaipawimawh vek seng lo, an kal ngai in an kal pawp2 zel.
Report this comment
June 19th, 2007 at 1:55 pm
Engatinge Mipa ve si in rilru te hi a nat hma em2 mai aw??? A nep theu2 lutuk! Fing, fel, zei, thiam etc. inti lutuk te hian sawisel hi an dawl lo ber zawmah emaw ni te ka tia!!!!
Report this comment
June 19th, 2007 at 3:00 pm
A rilru a na tak tak amaw ni le..!!?? An show tan a “boruak siam” nan a ti mai maia ni lo maw..?:-P
Report this comment
June 20th, 2007 at 10:30 am
I qoute: “Mizoram pawn atang hian, Mizorama cheng Mizote mizia hi a lang fiah angreng viau a sin!”
Mizoram pawn atanga Mizote mizia a lan fiah chuan Mizoram pawna cheng Mizote te mizia pawh a lan fiah ve tho ka ring. Lehlam atanga a fiah chuan lehlam atang pawhin fiah ve tho tur a ni (logically speaking)
Report this comment
June 20th, 2007 at 12:58 pm
Sawiseltute hian ti ve chiah se chu Mapuia ai hian sawisel an hlawh nasa zawk ang
Report this comment
August 24th, 2007 at 1:38 pm
hhhm thil reng reng hi planned strategy nei lo cuan a buaithlak,mapui cu lungngai suh se,engkim ah hlohtlina a om tei bik lo,janet jackson khovel a zaithiam lar voi 4 a album a flop hnuah a lar cauh lom,mizo te hi beidong hma lo ang u !!
Report this comment