Nu hmangaihna hlutzia hi mihring tawngka hian sawifiah thiam mai harsa khawpin ka ring thin. Lungngaih leh mangan lai ber a min hnemna aw nem tak mai kha kan tan khawizu aiin a thlum zawk fova, kan hlim ber laiin a hming kan lam a, kan tah laiin amah kan auh ber ani fo thin.
A tam zawk tan hringnun kan chhiar tirh ata kan lam ngun ber leh kan koh ngun ber chu “Nu te” an nih hial ka ring. Mahse engvang hian nge “Pa te” hming hi kan lam loh fova, engvang hian nge “Ka pa” tih hi kan ka atang hian a chhuah khat zawk fo ni ang le!? Nu hi nge hlu a, Pa hi? Nu hian nge min hmangaih a Pa hian?
Ka tahlaiin ka nuin hmangaihna nen min hnem a, min tawrhpui zia a aw nem damtaka min fah malh malh laiin, ka pa erawh chuan aw chhuah ve lo mahse a thinlung ka tan a lo rum thin. Mahse kal zel ka thiamnan leh harsatna avanga ka tluk mai lohnan kaldan min zirtir thin.
Hlimna leh lawmna ka tawn changin Ka nu ka nu duhtak min lawmpuina kha ka tan a va hlu em. Chutihlaiin awmdan tawk leh tha ka hriat theihnan ka pa chuan thlirdan min lo kawhhmuh a.
Sual khur ka dai chang a ka nu hmangaihna aw nem tak mai leh ka sual chungpawh a min lo pawmna kha ka thlamuanpui ber a ni fo va, mahse kawng diklo a ka pen lohnan a ka pa zilhna thu khan ka kawng a siam tha thin.
Rual ka awh bik lohnan leh ka phakloh biklohna tura theihtawp a ka nun min tanpui lai khan, ka tan a thlantui a luang thin ka pa kha.
Ka pa hi ka nu ai hian a hlutlohna ka zawng chhuak zolova, min hmangaihna hi a intluk fo zawk tih ka zir chhuak thin. Tin ka nu min hmangaihna aiin ka pa min hmangaihna hi a tlemchuang heklo. Hetichung hian ka pa hming hi ka lam khat em em, ka koh tlem zawk a la ni fo si. Mi tamtak hi kan ni lovang maw tia ka ngaihtuah chang a tam. Engvang hian nge nu hming hi kan lam ngun bik em em, pa hming hi kan ka atang hian a chhuah khat fo zawk ni ang le!!!!
Similar Posts:
- Watermark ?
- Ava na em -Mki
- Ka ṭap ṭhin
- Engvang nge Isua KA PA ti a a tawngtai thin?!!
- Thatna in aw niang…..
July 15th, 2008 at 5:42 am
Pa te ai mah in Nu hovin an fa te kal san an harsat zawk in ka hria.
Report this comment
July 15th, 2008 at 10:56 am
Keimahah chuan nitina harsatna ka tawh emaw zawhna ka neih ho hi atlangpuiin te tham deuh annih hian ka nu hi ka rawn mai a,mahse harsatna lian tham deuh emaw,chhungkaw involve thilah chuan ka pa ka rawn ber thin.
Thil ho te tea pate tihbuai a ngai lem loa ka hriat avangin ka nu ka rawn zingin ka ko tam zawk ni maiin ka hria. Min hmangaih dan a intluk ang bawkin keipawhin ka hmangaih dan chu a intluk reng,an pahnihah hian thlan bik tur ka hre hauh lo mai…..
Report this comment
July 15th, 2008 at 11:14 am
naupang chu sikul atangin a ron banga, in a ron lut chiah, ‘A Nu’ a ron ti lut nghal a ….. Nu hi kan trongkam chhuak hmasa a ni fo asin!!!!
Report this comment
July 15th, 2008 at 12:02 pm
Thil dang daih:
Misual.com hi article leh thu neuh neuh hi a tam sawt riau mai a, News (especially IT) lampang hi kan post tlem tran riau, article leh poll lak tumna post vel hi a tam toh mah mah em. Tlawh a manhla thin teh lul nen, mizo tawng ngei a IT news lampang han chhira te kha nuam ve asin mole.
Report this comment
July 15th, 2008 at 3:58 pm
ka nu min van ti ngai e..nute bulah hi chuan thu te reuh te pawh kan sawi ngam a..bialpa ka neih ve pawn ka nu ka hrilh hmasa thin,ka pa chu ka hrilh hre deuhthin,mipa hi chu an zahawm thiam chuan an lo zahawm bik aniang..
Report this comment
July 15th, 2008 at 4:41 pm
@sword, i duh zawng leh tha i tih zawngte chu rawn post ve la. Mi thil post lo sawisel ai chuan a fin thlakzawng ang chu. misual dot com hi IT post-na bik wed pawh anih hran lo a, a duh a piangin mahni duh zawng2 an rawn post a ni mai a, i duh zawng awm loh vang a, midang tan nuam lo tur a rawn sawi kher chu a tha chiah lo deuhin ka hria.
Report this comment
July 15th, 2008 at 9:13 pm
chepahakhata: Mi post ka soisel ani hran lo, tin tuna public chhiar tura admin lam ten an rawn dah chhuah bak pawh hi article leh public opinion lakna tamtak alut tawh thin ngei ang ka ring. Ka rawn sawi tum tak zawk chu kum naupang zawk leh tlema la thalai zawkte tana chhiar nuam post hi awm tam se ka tihna mai ani e.
PS: If my prevous post means any harm to anyone, than apologise do I.
Report this comment
July 15th, 2008 at 10:01 pm
Ka nu hi ka ngaina zawk, an inhnial nikhua ah pawh ka lo tran zawk thrin. Mahse ka upa tulh2a, kapa ka ngainatna a zual tulh tulh.
Report this comment
July 15th, 2008 at 11:32 pm
Nu nge Pa hlu zawk ti a khaikhin ralah chuan sawi tur a tam thei ngawt ang,ka ngaihdan pakhat mai2 ah chuan Nu a thih hmasak chuan a tlangpui in Pa te hian an fate an kurpui peih lo a,reilote ah nupui dang an nei leh mai thin a,hei hian broken family a siam duh phian lehnghal.Pa an thih hmasak ve thung chuan 80% Nu te hian an fate an kurpui a, an theihtawp in an fate tan an hun an pe a,an fate pawh an hlawhtling duh zawk bok. an la dam lai ve2 chuan an hlut dan a in ang lo,a tam berin Nu te kan ngaina deuh thin in a lang.
Report this comment