Kei ngei pawh ka tel, a bul atangin. Mizo thalai zingah rintlak leh huaisen an lo awm a ni tih ka hriatin ka lung a muang hle mai a. Hun a lo kal zel a, inthlan kan lo hnaih ve zel a, YMM hi engnge a nih dawn le tiin keimah pawh ka inzawt ve hial thin.
Khaw hrang hrangah kan zin chhuak a, thalai tam takin min lo lawm a, kan rilru a inhmu tlang thei hle. Hetiang kawngah hian Mizo thalai te hi kan la penchhuak tam lo hle hian ka hre thin a. Tapchhak zawla phun lungawi leh mai mai tur ah hi chuan ka inphal tawh bik lo a ni.
Hawh u, kumin zet chu i tangtlang teh ang u. Kan ram tan hian ngaihtuahna i seng teh ang u. Heti ringawt hi chuan kan ram hian hma a sawn theih dan tur angin hma a sawn dawn lo a nia. Nang i tel lohva i ram a kal thei tho tih zawnga i ngaihtuah chuan i tu leh fate’n an la rawn chhuahchhal che anga, engtin nge i chhan tak ang le??
Hetiang hunah hian a ni dawn lo’m ni thalaite kan auchhuah dawn? Tawng pung pung kher a ngai lo. Mahse rilru fim takin ngaihtuah ila, hetiang hian zawi te te talin kan ram hian hma a sawn thei dawn a ni tih hi i ngaihtuah ang u..
Similar Posts:
- Kan meng ve tawh dawn lo a nih hi
- Thalai ten tan kan lak a ngai
- Min ti harh tu atan Zu!!!
- Kan ni bik em le ?
- Chi thlah
July 23rd, 2008 at 6:30 am
Theihtawp a kan tan angai reng ani,kan ramin hma asawn chuan nang leh kei hian hma kan sawnve dawn ani, ka ngaih dan ah chuan MLA va nih tum kher ngai ka ti lo, tupawh sawrkar rawhse khalh ngil turin tanla ang u, ka bei tidawng thintu ber chu Pawl thenkhat ram siam tuma in tel khawm ten MLA nih an chak tlat zel mai hi, MLA nih athalo ka tihna ani lo; thutha kan sawi a mipui rilru kan hneh te te a,kan in hmulian a,in thlan alo hnai a, in candidate duhna rilru kan nei zela kan pawl hi politics rawngkailo ani kan ti zawr zawr a,zak map lovin politics khelnan kan pawl hming thiang hlim kan ti bawrh bang leh thin, a hrim hrim in in thlan dawn hnaih a MLA nih chak thut kan awm leh thin; inthlan dawn kum chauh politics tuipui peih inthlan hnaih loh lai mahni eizawnna bur ngar ngar; Zoram tan a thil tha an tih em em pawh hriat loh ten MLA tlingmai thei tur a kanin ngai leh ringawt thin hi tha ka tilo. YMM a in hmangte pawh hian hei hriase ka duh mahni inphatin ram rawng bawl ang u.
Report this comment
July 23rd, 2008 at 9:02 am
@ThaiBoy: I comment thra khawp mai… ka ngaihdan chiah a ni. ka support e
Report this comment
July 23rd, 2008 at 9:14 am
Kan politics leh ram rorel khawl ti thianghlim tur chuan Mizo mipui ten hengte hi kan tih / neih hmasak a ngei
1. Officer leh cer lem lo te EIRUK a taka kan do ngam, ensan ngam a ngai.
2. Eiruk, kidnap, hlem hle Politician kan vote loh ngam a ngai
3. Chung ho chu YMA leh kohhran hruaitu atan kan thlan loh ngam a ngai.
4. Eiruk pawisa nia rinhlelh chu Kohhranin a hnawl ngam a ngai.
5. Sumdawngin a retail price a inchhu angin a bungrua a hralh ngam a ngai.
6. Sawrkar hnathawk te hlawh vanga nuar te mipuiin kan do ngam a ngai.
Tun dinhmunah chuan khitiang do ni la:
1. Mi zawng2 in mi a an ti ang che.
2. Khawtlang ensan i hlawh mai thei.
3. Kohhran phei chuan zing tawngtai naa i point thawh pawh an phal lo mai thei a ni.
4. I rethei telh telh ang.
Mipuiin kan tihtlan vek erawh chuan:
(fiamthu)
1. Sawrkar thianghlim kan nei ang.
2. Kan ramin hma a sawn ang.
3. Kohhran nasa takin a thang ang.
4. misualdotcom hi mifeldotcom a lo ni ang
Report this comment
July 23rd, 2008 at 10:26 am
Kan ram in harsatna a tawh chhan bulpui ber ni a ka hriat chu ‘Corruption’ hi a ni. Hei hi kan tihtlem loh chuan eng kan ang thei chuang lo ang. Hmanni deuh ah hetiang lampang topic ah hian tu ber nge ka hre tawh lo, a comment kha tha ka ti khop mai, kohhran member deuh vek kan nia eiru tih hriat ho te hi chu danpawnah hnawtchhuak ngam ila, khawtlangah pawh an pawisa thawh la lo ngam ila ti lampang zawng nia…4-5 bak kan in hnawtchhuak hman kher lo ang…
Hetiang ti thei tur chuan kohhran leh tlawmngai pawl te an inenfiah hmasak a ngai. Kohhran leh tlawmngai pawl members te hi MIPUI te kan ni a, chuvangin mipuite kan thanharh phot a ngai.
Mipui beng harh tur a YMM in hma a la hi tha ka ti tak zet2 e. Tunkum election ah hian an hmalakna zar zo hman ngei i beisei ang u!!
Kan nitin nunah RINAWMNA leh DIKNA in a rorel theihnan tan ila sauh ang u hmiang!!
Report this comment
July 23rd, 2008 at 11:23 am
Kanidari sawi khi a dik vek, ka sawi tum min lo sawi khalh leh ta…
Report this comment
July 23rd, 2008 at 4:03 pm
kanidari comment khi ka chhiar zo peih lo e a
Report this comment
July 23rd, 2008 at 5:28 pm
YMM ho hi an hmalakna kalo chhiar ve thin a.Ka hmuh ve dan chuan kan ram tlu chhe toh lutuk vei avangin thlai leh mi tha hnem ngaiten pawl an din a.Kan ram tung ding leh tur hian rorel khawl atanga tan hi a tul toh a,kan politician hlun ho leh political party dinglai ho hi tumah rintlak kei chuan ka hmulo..Chuvang chuan YMM ho hmalak na hi beisei takin ka thlir a.A tul chuan inthlan hunah vote thlak turin ka haw nal nal ang..
Report this comment
July 23rd, 2008 at 11:22 pm
YMM hmalakna beiseina nena thlir chungin.. hawh u.. kan ram siamthat hna thawk turin thalaite i in truk chhuak ang u. Nang leh kei hi kan ram hian tunah hian min nghak mek… nang leh kei hi tunah hian ram siamthat hna kan thawh loh chuan tuin nge min thawhsak chuang ang? I ramin a ko che asin..
Report this comment
July 24th, 2008 at 2:12 am
what happened to YMM website?
https://ymm.co.in/
Report this comment
July 24th, 2008 at 5:47 am
https://ymm.co.in/ kha hack tu an lo awm pek a. Buaipui leh mek a ni e.
Report this comment
July 25th, 2008 at 7:00 pm
Mizo thalai zingah ram tana ke pen tum lo, engmah tih tum lo an tam lutuk hi manganthlak ka ti khawp mai. YMM tang sauh sauh rawh u.
YMM-a hruaitu langsar zualte chu ka hriatzawng mi deuh vek an ni a, mahni-a eizawnna nei deuh vek an ni a, ram vei lo mahse mahni-a dingchhuak thei tur thah an ni tih ka hria a, hruaitu nih chak vang mai maia hetianga movement siam hi an niin ka ring lo. Mahni pawha dingchhuak theiin hetia ram an vei hi ropui ka ti khawp mai. An thiltih vawikhatah ka kal ve tawh a, ram rorelna dik tundin an duhzia an sawiin min hneh hle a ni.
Mahse, thalai zingah phun lungawi duhtawk, ram siamthat duhna rilru pu lo an tam em a, Mizo thalai nih hi a zahthlak lam deuh chu a ni e. YMM hruaitute in fakawm a, in thiltihna apiangah thalaite’n kan thlawp tlat che u a nia. Zam suh u.
Report this comment
July 25th, 2008 at 7:02 pm
Misual.com chhiartute, in vaiin ramin a ko a che u
Report this comment