Tunlai ang ah te hi chuan, ‘Khawmu chawi bo’ (khawimu ni lovin) tih ri pawh hre ngai lo leh enge a nih chiah hrelo pawh kan tam tawh ngawt in ka ring. Engle khawle, mi ram vak emaw, mi tuemaw, a awm tha hle hle lai bo ta daih (vanished) te hi,” e, khawmu in a chawibo a ni maw,” an ti thin!
Tum khat chu, 1980 emaw a hma hret emaw khan, Kulikawn leh Thakthing bazar in kar, Khamphei ti a koh ah khian chhungkua hi an khawsa a. Nidang a a lo tih fo thin angin, an pa ber chu a ramchhuak leh ta a. Hemi tum hian enge maw thil tha lo a chunga thleng ta ang mai hian a reh ta hmak mai a ni. Chutia chhungkaw pa ber ramchhuak lo haw talo chu, khawtlang in zawn an rawt ta a; kei erawh chu hre ve mah ila, ka la tet deuh avangin ka kal ve ta lo a ni.
Tlawng lui dung chu an zawh thla zel a, rei fe hnu chuan lui kam ah chuan an mi zawn chu lung tum hum in , saruak vekin a lo ding reng hi an zuk hmu ta a ni. An sawi dan chuan a lung hum lai kha an laksak hma chu a en ngai en reng in, a ngawi reng a, tumah pawh a be lo a ni awm e. A lung an han laksak hnu erawh chuan, a mah chuan tha takin a chanchin chu a sawi ta a ni.
A sawi dan chuan, a Nghal-mal hnu chhui chu a hnaih tawh hle ni tur a ni, a thaw ri suk suk te pawh a hre thei tawh a. Chutia ngawi reng a a lo chan lai chuan hnim kar atangin Nghalchang chu a lo chhuak ta a, a chung ah nula hmeltha em em mai, sam sei hniang mai hi chuang in a hmu ta a ni awm e. Chu nu chuan lung a hum tir hnu ah an khua ah te a hruai thu a sawi a, an khaw nawmzia te chu a sawi tui hle a ni awm e. “Chaw tui tak tak te min pe a, sa hemhmin te nen tui taka ka ei lai chuan ka lung ken chu ka dah a, kan hawi chuan changel hmun hlir hi a lo ni a, khua reng a lo ni lova, ka chaw tui tak tak ei te chu changpat leh katchat hnimte an lo ni hlawm a,” a ti a ni awm e.
An lo hruai haw hnu chuan a buai deuh tak avang chuan khawtlang in kan men pui thin a,tum khat chu ka tel ve ta nghe nghe a ( mi hawkdak tak kalo ni ni ngei tur a ni). Mak ve mai mai chu… mi pangai tak hian a awm a, inleng te chu tha takin a bia a..chutah le vawi leh khat ah, ” chu chu an lo kal e, min lo hruai an tum….” a ti ta chel chul mai a. Kei la naupang ve ta chu ka khur hlerh hlerh mai mawle.
Khatiang kha a ni a, Shillong lam ah ka chhuk san tak avang khan ka hre zui ta reng reng lova… mi(sual) ah hian khami chanchin te kha lo hre ve emaw, an chhungte ni emaw…engemaw awm hria kan awm em tiin ka han ziak a ni e. Ka lehkha hlui ah ka ziah ka haichhuak hlawl mai a. Min chhut thui tir kher mai.
Pathian thu...
August 15th, 2008 at 12:22 am
xTx, thanx, a lo awm ni maw? Ka lo en lem lo a.
Report this comment
August 15th, 2008 at 1:27 am
aawb: Lake of No Return hi a awm tak tak a, Mizoram atang pawn adventure club hrang hrang in an tlawh chhuak tawh alawm. Arunachal leh Burma border (Burma chhung lam) a awm a ni… phai zawl dar tha tak ti chiap chuap… hmun a ni.
A dik m (accurate) em ka hre chiah lova mahse, ka lehkahbu chhiar (?) ah kha chuan Japanese leh Allied Force sipai hemi hmun ah hian a chhan hriat lovin an bo vak mai a ni awm e. A hmun, lake of No Return thlen hma, sign board ah pawh tlem a zawng hu an ziak… kawl (Burmese) a an ziah erawh kha chu ka bo haih thung.
Report this comment
August 15th, 2008 at 1:32 am
xTx: i comment 49 ami hi kan chhiar takah chuan a awm ang khawp ang. A hmun hi tui leh nul ilo timai ang… swamp an tih ang hmun hi a ni ber. a sir chu ram ngaw vek ala nia mahse, helia hi chu tui a awm per pur a hnimhnah a tlo tlang fur thung.. ralkhat atang chuan lelet hlui te pawh a ang mah mah…. ( ahmun taka).. lehkahbu ziak tu te hian a thu ziah hi angaihnawm nan an ziak uar thin bawk a ni. I sawi hi i copy mah nise, a awm ang khawp mai….
Report this comment
August 15th, 2008 at 3:19 am
ngaihnawm chur chur ve a sawi tur chu ka hre ve em em lo na a mahse naupang te ka nih laiin vawi 1 chu kan thenawmte fapa chu a bo daih a an zawng zawng a an au vak vak bawk a a awm na an hre si lo a hmun dang dang an zawn kual hnu a an beidawn hnu ah an mahni in hnuai ah chep em em ah ngawi reng a a lo thu an va hmu ta a nih chu ka hre ve ruai ruai ka hlau em em bawk a khawimu tiin ka lo hre ve ngai zawk lo a Ram mu tiin ka lo hre daih thung hre lo ve ang reng tak ka ni
.
Report this comment
August 15th, 2008 at 9:57 am
Tiang lam hi alawm film a ka la siam chak chu. Engtik ni ah emaw ni chuan ka la siam ve ngei ka beisei.
Ti daih ila, hmanni chu Aliens Existence lampang vel hi National Geographic ah ka lo en a, min van convince chiang ve. Pyramid an sak dan te kha mihring han sak mai atan chuan thil theih anih loh zia leh, tunlai chhanah pawh machinery hmang pawhin sak a hau tak dawn zia mai bakah te, an sakna kha centimetre khat/hnih lekin True North Pole a khoih lo tih te an sawi kha a mak ve mai mai.
En kan lo awm ve em? en ve lo tan chuan a sirah thu nawi mai mai anga han hnawl hi a awl a, mahse han en takah chuan ni ve thei bur a hriat na te ka nei rum rum mai. A documentary a an sawi ang deuhin, ” it’s not good to be too gullible about aliens but on the other hand we should not be too naive about our existence. Isn’t it rather foolish to think that we are the only life-form that exist in the entire universe?” a rawn tia dik ka ti khop mai.
Report this comment
August 15th, 2008 at 11:00 am
@spikey
keipawh ka en a lom…hmuhnom khop mai. Lehkha bu tha tih topic ah khan lehkhabu hming 1 coment ah khan ka dah a kha2 lo chhiar chhunzawm la…
Report this comment
August 15th, 2008 at 1:46 pm
wonderboy chu Khawimu in Brahmaputra kamah chawlhni tlai in a chawi phei thin
Report this comment
August 15th, 2008 at 4:19 pm
spikey: hetiang lam hi chu LPS B.T.S an, “ngaihtuah peih te tan” a tih thin ang deuh kha a ni awm e te ka tia… ngaihtuah a ti thui duh khawp mai.
Bts-a (LPS) khan tihian a ti e an tia lawm (joke) : aw tham chil chel low tone deuh khan…” sawi laia sakhi tla zel zel sawwww, kangaroo a nih sawwww” a tie an ti :)) a thu sawi dan hria chuan in hrethiam ngei ang hairehai…
Report this comment