Thian ka nei a, a hming chu Zova a ni. Zirlai a ni a, kei pawh zirlai ve tho ka ni. Têt tê atanga inzui kan nih avângin kan inngaina hle. Mahse, kan zir sáng ve tial tial a, awmhmun a lo dang ta lo thei lo. Ani chuan zirna a chhunzawm thei lo va, kei ka vânnei hlauh va, chhûngte nena tangrualin ka la chhunzawm hrâm hrâm a.
Mahniin in ka luah a, ka parawl ve tiah tiah a nih chu! A châng chuan buaithlâk tih châng ka ngah. Chhûngkhat nula, nuber leh paber bâkah chhûngkhat tlangvâl nih han fâwm chu namailo deuh a nia! Chutiang chuan kum thum vêl lai chu ka thianpa nen chuan kan inhmu tawh lo va. Kan inngai hle a, biakhlatna hmangin kan inbe thîn a. Inhmuh hlân pawh kan nghâkhlel hle.
Zankhat chu lehkhabu pakhat siam ve ka rilrûk deuh avângin kan thiandûn behchhan deuhvin thu ka ziak malh malh a, keimah chauhvin ka awm nghe nghe a. Hetih lai hian a phone a that loh avângin Zova nen kan inbe khât hle.Chutia thu ka ziah melh melh lai chuan kawngka kik ri kauh kauh thâwm ka hria a, ka va hawn a. Ka thianpa, ka ngaih êm êm kha lo ni rengin!
Thian inngaina tak, kum thum zet inhmuh lo châk tawh kan nih avângin kan inpawm chûk chûk a. Engmah sawi lâwk lova a rawn zin thut avâng erawh chuan mak ka ti têp a, ka dem lek lek a ni. Ka pindan lamah ka hruai lût a, kan nunhlui leh hunhluite kan sawi dûn a, lung pawh a lêng duh veng veng hle.
Dârkâr thum vêl kan inkawm hnuin choka lama ka phone charge chu a lo ri ral ral a. Ka va en chuan ka nu a lo ni reng a.
“Hello, ka nu eng nge ni ta?”
“Hello, bawiha, ka tawng i hre thei em? Tûn maiah khân i thianpa Zova chu khawsikpui avângin a boral a…!”
Chhei le!!
Note: A thawnthu laimu hi sms atanga ka dawn a ni.
September 7th, 2010 at 7:07 am
Bawn thei khawp mai!!!!
Report this comment
September 7th, 2010 at 7:08 am
A den tiah tiah khawp mai a!!!!!!
Report this comment
September 7th, 2010 at 7:13 am
Room lamah chuan kal tawh lo chiang kher ang chu, kawngka pui lam in mit a len tawh ang chu
Report this comment
September 7th, 2010 at 7:14 am
Va den ve a!
Report this comment
September 7th, 2010 at 7:23 am
Chuan engtinzel…..???
Report this comment
September 7th, 2010 at 7:29 am
Thlahrang bawk maw..I hlau ve em a hnu ah..?
Report this comment
September 7th, 2010 at 7:37 am
I ti der nge i ti fiam? :roll:
Report this comment
September 7th, 2010 at 7:51 am
Hetiang deuh hi ka tawng tawh…
Report this comment
September 7th, 2010 at 8:01 am
Thlahrang hi uisa siam in phuihnam nen han siam ila, a tui bawn tawp :lol:
Report this comment
September 7th, 2010 at 8:04 am
chuan… Hlauhnain ka tháu a rawn man a, ka tiril a khur a. Kawngkapui lam chu zawimuangin ka’n melh phei a, thianpa Zova chu a lo kun ngai a. ‘Zova’ a hre lo, ‘Zova’ ka au nawn leh a. Chutah, muangchanga min rawn enin a kâ chu a mak a maka zau hian a rawn âng ta! Bawngpui pawh a dawlh thei hial ang. Ka tiril mai ni lo, ka pûm chu a sài hlawk hlawk a ni ber. Engin nge maw min mawlh tehreng ni, ka ennawn leh chak tlat a, ka va en leh a… A mit chu a lo sén vek a, a ka atangin thi khàr a rawn baw puat puat a… (chhunzawm ve r’u le)
Report this comment
September 7th, 2010 at 8:05 am
@khamrang,nia ti raw,purun var nen sawhthing nen han rawt pawlh ila
Report this comment
September 7th, 2010 at 8:06 am
…tichuan kawngka atang chuan mipakhat lukawlh mil mel sam buk deuh hi a rawn lut hlawl mai a..
Report this comment
September 7th, 2010 at 8:06 am
Thlahrang leh khanghu bai pawlh pawh hi a tui lutuk an ti. Akekeke
Report this comment
September 7th, 2010 at 8:22 am
12@ chhunzawmna: chu lukawlh samsei tak chuan a pangtichawr chu a rawn sawisa phei miah miah mai. :lol:
Report this comment
September 7th, 2010 at 8:27 am
Thiantha te chu hrang pawh nise a hlauhawm ka ring lo tlat.
Report this comment
September 7th, 2010 at 8:38 am
A tawp dan teh tawp chu a.
Report this comment
September 7th, 2010 at 8:51 am
@ Mr TS-A, My dear TS! Ngaihnawmin a tha leh khawp mai! A fuh vel vek mai. Tin, a chhunzawm zelna a nghahhlelhawm hle mai. Han thai leh thuai teh.
Report this comment
September 7th, 2010 at 8:56 am
badboy in thlahrang a hmu ve pawh kha, a hlau lutuk a, ngaihdam te dil vel :lol:
Report this comment
September 7th, 2010 at 9:04 am
tunlai hi horror rawngkai in va uar ve.. den khawp mai
Report this comment
September 7th, 2010 at 9:36 am
… a in luah piah lawk a thingkung chu tek in a rawn den thut avang chuan a mutui lai chu a harh zawk mai a. A mumang chu a ngaihtuah zui rauh rauh a. Engemaw ngaihthat lohna ruk riau a nei zui a. Tichuan a zun lo chhuak em em nen, kawm thlang lam atangin ui an rawn u chuah chuah bawk si. Thli na tawk leh ruah nasa mang kheng a sur bawk si chuan, ‘dementor enigma’ post ah a lut zawm ta a lawm… :lol:
Report this comment
September 7th, 2010 at 9:49 am
Sentet atanga seilian, rualban tih takah ziak thiam khawp mai. :lol:
Report this comment
September 7th, 2010 at 11:59 am
….tichuan ka va let phei leh chu nuisawng chung hian min lo en ran a. Ka room chhung boruak chu a rip ta kher mai!….
contd/-
Report this comment
September 7th, 2010 at 12:04 pm
…. ka tirilah min fan chhuak nghal vek a. Tlanchhuahna tur ka ngaihtuah a, ka hlau bawk si chu chet pawh ka che ngam lo. Ka han mitsir chuan chu hmel tihbaiawm tak mai chuan ka mitah tak mai chuan min lo melh reng mai a… to be cond.
Report this comment
September 7th, 2010 at 2:11 pm
Phone chu ka dah sawk sawk a, a rang a rangin room – ah chuan ka tlanphei a. Ka thianpa chuan nui sawng hian min lo en a, kei chuan tih theih dang ka nei tawh lo tih ka hria. Thinrim zetin, “Tinge i thi tih i sawi loh a, kum kha leh chen kan inkawm ve tawh a, a inngaihpawimawh loh thlak em mai” ka ti ta bawrh bawrh a.
Ka thianpa hmelah chuan inchhirna leh lungngaihna thuk tak ka hmu. Inthlahrung zetin, ” ka phone a tha lo a, ” a ti hnual raih a. Lungchhe takin a inhnit ta hlawp hlawp a
Report this comment
September 7th, 2010 at 2:27 pm
……………..Kawngkhar ri thuai ka hria a, choka lamah chuan ka tlan phei nghal a, ka thian TSA hmel reng reng hmuh tur chu a awm ta lova. Phone a rawn betu khan ka thil hrilh hreh em em mai chu min rawn hrilh khal ni hlauh mai se aw ka i ngawih ngawih a, A nu boral thu hrilh tur a kal kha ka ni si a, engah nge dar kar thum lai ka pehhel chu aw tiin ka inthiam lo hle mai a………….
Report this comment
September 7th, 2010 at 6:11 pm
Room a kava lut leh chu zova chu alola thu reng a, “thianpa hran i tum ami?” ka ti a. “ti hian ka hrang ani pah zel mai, minute 5 hnu velah gothica hi kava tih thaih leh ang” a ti ta a
Report this comment
September 7th, 2010 at 6:36 pm
“Hello Bawiha, ti nge i ngawih reng a ? I va la serious awm ve vawiin hi April fool alawm !”
Report this comment
September 7th, 2010 at 8:50 pm
Thanks for allllllll…
Tunlai chu gothica blog lamah ka leng ngun deuh va, ka rilru-ah thlahrang lam hlir a lang mai!
Ka lawm em em e.
Report this comment
September 7th, 2010 at 9:08 pm
#28, gothica i tlawn sit-set lubuk! :lol: Thlahrang hi insawi insawi a, kei pawh ka insawi tui a, ka inchhiar phùr a, ka la paws ve nge nge ang ti nia! Thlahrang satliah nilo, hringei…!! :evil:
Report this comment
September 7th, 2010 at 9:58 pm
… phone chu ka dah ngamlo, ka hum reng a. Room chhung chu a rawn vawt ta sung mai. Minit 5 vel chu che lo in ka ding a, tichuan ka huaisenna zawng zawng sawmkhawmin vawilehkhatah ka’n lehhawi thut a.
Room chu a lo ruak hiau mai.
Ka hawi kual a, engmah thil danglam a awm lo. Mahse… kawngkhar chu chhunglamah a lo inkalh tlat a…
Ka khur ru der der, chutih lai chuan aw hi a rawn ri chhuak a:
“TS, TS, i pa phuba ka nih hi!!!!!!!!!”
Report this comment
September 7th, 2010 at 10:28 pm
… phone pawh chu ngaithla zawm ta lo chuan, hlau bak leng in, a tial thei ang ber a au tial chungin, in atang chuan ka au chuak ta ruai ruai mai a… :lol:
Report this comment
September 7th, 2010 at 11:07 pm
Thil hrang lamhi chu chhunzawm ve lo mai te’ng.Den dawn tlat
Report this comment