Kan rama zirna a tlahniam chho zel a, hei hi hi a chhan leh vang kan chhut ngun a tul ta hle. Kum 30/40 liamtaa kan rama zirna kha tunlai nena khaikhin chuan a danglam ta hle mai.
Khatih hunlai kha chuan zirtirtu zingah sap kutchhuak an la tamin an zirtirna leh inenkawlna kha a tha a, naupang pawhin zirna mai bakah nungchang thlengin hma an sawn hle a, tunah erawh chuan zirtirtu ten zirna (Education) ngawr ngawr ngaihtuahin naupang an enkawl a, naupang nungchang tha an vang tawh em em a ni. Faina lam inzirtirna School phei chu a vang pharh tawh a ni.
Tin, tunlaia naupang te`n an tlakchham em em chu thu ziak dan dik (Punctuation) hi a ni. A dik tak chuan tunlaia zirtirtute zingah hian Punctuation thiam tak an vang tawh em em a, chu chuan naupang an zirtirna kawngah thuziak dan dikah hma a sawntir thei ta lova, hei hi ngaihtuah chian chuan thil pawi tak a ni a, mizo tawng a dal tial tial ni pawhin a lang.
Sawrkar hian zirlai bu a siamte hi ennawn lehin Punctuation dik lote chu siamtha leh sela thil tha tak a ni ang. Tunlai zirlaibuah hian mizo tawng dik lo a tam ta hle a, naupang te’n dik vekah an ngai tawh si a, hetianga kan kal chhoh zel chuan kan hnam tawng (Mizo tawng) hian awmzia a nei lo thuai ang tih a hlauhawm a ni.
Chuvang chuan sawrkar hian zirna kalphung a siamthatna kawngah hian mizo tawng dik lo hi siamthat hna thawk sela a va tha dawn tehlul em!!
Tunlaiin SMS a thu inthawn kan uar hle a, hei hian kan mizotawng hi nasa takin a tidal a, a tawi thei ang berin kan ziak a, a chhiar thang chuan an hrethiam mai a, chhiar thang lo tan chuan hriat ngaihna pawh a awm lo. He SMS hian kan Mizotawng hi nasa takin a tidal a, thangtharte’n a short cut thei ang bera an hmang hi intihchangkanna’n tak an la hmang zui a, hemi a nih avang hian zirtirtute’n nasa taka tan an lak a ngai a ni.
Similar Posts:
- Film lehlin/ Media – Tawng uluk a ngai.
- Punctuation kan hman dan hi…
- Kan lehkhazir dan hi
- Juai!
- Keimah-II
hairehai
April 15th, 2009 at 6:50 pm
School ah chuan health education tih subject a awm ve thin kha, chuan karkhatah fai en ni vawikhat an nei thin, lu buk leh tin sei chu an hrem thin.
SMS kaih toi khi chu ramdangah pawh an buaipui khawp mai. Word pumhlum thlap thlapa type dawn chuan character limit 160 hi hman zoh a awl sia, pelh hlek chuan message 2 thon angin an charge zel. Telecom ho hian an pricing hi per message without character limit in ti se a ziaawm deuh ka ring, ti ta daih ila
[Report abuse]
April 15th, 2009 at 9:32 pm
@Thanghmingliana writes : Tin, tunlaia naupang te`n an tlakchham em em chu thu ziak dan dik (Punctuation) hi a ni. A dik tak chuan tunlaia zirtirtute zingah hian Punctuation thiam tak an vang tawh em em a, chu chuan naupang an zirtirna kawngah thuziak dan dikah hma a sawntir thei ta lova, hei hi ngaihtuah chian chuan thil pawi tak a ni a, mizo tawng a dal tial tial ni pawhin a lang.
C. Lalzova’n i thuziak khi endik ta se —
Tin, tunlaia naupangten an tlakchham em em chu, thu ziak dan dik (punctuation) hi a ni. A dik tak chuan, tunlaia zirtirtute zingah hian punctuation thiam tak an vang tawh em em a; chu chuan naupang an zirtirna kawngah thu ziak dan dikah hma a sawntir thei ta lo va. Hei hi ngaihtuah chian chuan thil pawi tak a ni a; Mizo tawng a dal tial tial ni pawhin a lang.
C. Chhuanvawra’n edit ve leh ta se …
Tin, tun laia naupangten an tlakchham em em chu ‘thu ziak dan dik (punctuation)’ hi a ni. A dik tak chuan, tun laia zirtirtute zingah hian Punctuation thiam tak an vang tawh em em a; chu chuan naupang an zirtirna kawngah thu ziak dan dikah hma a sawntir thei ta lo va. Hei hi ngaihtuah chian chuan thil pawi tak a ni a; Mizo tawng a dal tial tial ni pawhin a lang.
Kan mithiam duhtuite pawhin punctuation hi chu ‘arpui mei ang pat’ hi chuan an hmang lo hlawm viau. UNITY ang deuh reuh chuan kan nei nial a; UNIFORMITY ang hi chuan kan nei thei ngutin ka ring lo.
Entirna ka rawn tarlang mai a ni e … thawkhat lai khan MBSE hnuaia Class ???? General Knowledge Text Book tur kha TEXT BOOK RELEASE a nih hnu lawka CONDEMN tur a ni tih a chiang a. CORRECTION engemaw zat lai siam nawnin, Board-ah theh luh nawn leh a ni a. Offset-plate-a dah tlakin an nei ta chauh a nih kha.
MBSE vek hian Punctuation Bu ang tur chu a tichhuak tawh a, a buatsaihtute pawh an fakawm khawp mai; mahse, thil engemaw zat lai chu belhchhah ngai leh siam rem hret hret la ngai awm awma la ngai thiante ka nei ve nual.
[Report abuse]
April 15th, 2009 at 9:53 pm
Hman zan chu kan ti ti mai mai a, zirna pangai piah lam ah tih khi sikul zawm an awm tawh mang lo nia. PC Girls erawh chuan CCA zingah buhthlei thlengin an la inzirtir a ni awm e.
Tin, Mizo tawng hi ka thiam loh em vang zawk hian ka ngai pawimawh a. Mizo tawnga matric pass pawh hian ziah zawm tur leh tur lo pawh hi ka inbuk fe thin. Saptawng pawimawh zia chu kan hai lo a, amaherawh chu tawngah hian hnam zia rang leh nunphung a inzeh tun avangin mahni hnam tawng hi thlauhthlak a tul kher em? Ka ngaihdan kim zawkin tah hian lo thlir rawh….
https://vai-va.blogspot.com/2008/10/saptawng-hi-pawimawh-ber-em.html
[Report abuse]
April 15th, 2009 at 10:21 pm
High School kan kal laiin kan Mizo teacher in chawlh a lak avangin aikal a la a, kan zirtirtu thar chuan Mizo tawng chu a lo chhiar thiam vak silo, zirlai mah ni ila kan ngaisanglo ve khawp mai. A hnuah M&B class room-ah an chhiar leh a, mak kan tih khawpin a thiam leh si
[Report abuse]
April 15th, 2009 at 10:36 pm
Tunlai naupang zirhi a tam ta lutuka an naupang si, faina,nungchang,aia upa zah etc zirna hun in a daih lo kumtluan a skul kal kimparhin an syllabus an zo hman ngawr2,infiamhlimna hun pawh an neilo home work in a khat tlatsanlo puitlin hun chuan an hlawhtling mahna mahse naupanlai hun hlimawm an hman leh engthawl lai sawi tur a vang dawn a nih hi huui haa!responsible, respectable citizen nih phei chuh!!!nu leh pa te pawh ngainatna hun a awmlo homework2… keini ho chu kan tar hun chuan tar chawmnaah awm a ngai hialin ka ring.
[Report abuse]
April 16th, 2009 at 1:09 am
Student-te hi kan chhungkaw khawsak a inchen lo; Zirtirtuten HOME TASK an pe hnem lutuk. Class-a an zirtir aia tam Home Task an pe; nu leh pa thiamna a lo inchen lo hlawm a; keini a mawl deuhte tan phei chuan kan fate zirlai kan lo thlekpui thiam tawh si lo … a hahthlak thei khawp mai. Nu leh pa thiamna neite fa nge nge an dingchang deuh ni te pawhin a lang.
Tin, mark an hmuhnaa tel ngei ngei turin an THESIS kan ti dawn nge —computer khera chhut chhuah, a kawm multi-color ngei ngei, spiral binding man to an han phut leh ngei a; an lehkha hmanah pawh a to ber chi BOND PAPER leh Photostat Copying Paper … BPL chhungkaw tan chuan a khirh trak trak hle mai! Uniform hakthlak pawh kan sualchhuak zo lo a ni tawh ber e.
[Report abuse]
April 16th, 2009 at 8:24 am
Punctuation dik taka thuziak hi chhiar a nuam a, kan sawi tum a chhiartu tan a fiah bik thin. Mahse, Mizotawng hi a lo har phian mai a, ngaihdan hrang hrang nei kan lo tam fu bawk si nen; buaithlak fu fu a tam duh ang reng khawp mai.
Ka vei ber thin zawk chu – Thangtharte hian ziah dik tumna hrim hrim hi an nei vak tawh lovin ka hre tlat mai. Hei hi a pawi a ni. Tin, thuziah hrim hrim hi ti ngai lo an tam ta em a, chu mai ni lovin chhiar peih an tlem bawk si nen. Chhiar kher lo leh ziak kher lo hian rualpawl tawk hian a nun theih ta riau bawk si. TV-ah an en thei a, an ngaithla thei bawk a. Ziak kher lovin an sawi fel thei deuh vek tawh bawk a. Letter ziah a tul lem tawh bawk si lo. An ziah ve ber SMS lah Shortcut thei ang berin an ti leh si. Punctuation lama hmasawn chu har ve tak tur a ni.
Tin, tunlai mi ho hi chu an zirna kawngah kan tawng thiam a har ve bawk a ni. Keinin A AW B-a bul kan tan laiin A B C vekin bul an han tan phawt a. Heta tang mai pawh hian beisei san tur an awm lo tih a lang reng mai. Kan naupan laia Chhiarlai bu sipel chawp deuha kan chhiar thin angte kha awm ve tawh bawk si lo. Tuna Cl-X result chhuaka hlawhtling tam zawk kha test chiah mah ula, nal taka Mizo tawng chhiar par par thei an tam zawk ka ring miah lo.. Ka ti ti thui lutuk dawn…… Writing skill neih that pawimawhna ka la sawi chak teh lul nen.
[Report abuse]
April 16th, 2009 at 10:36 am
A dik hlawm khawp mai. Tunlai kan tawng leh thu ziah dan hi kan duhtui tawk tawh lo niin a lang. Mizotawng ziak dik tak chu chhiar a nuam a, zirna ngawr ngawr kan kalpui lutuk hian kan society pawh hi a tichhe ta nia ngaih theih a ni. Thu ziah dik chungchangah Mizotawng thiam vak lo hnamdang School a kan chhawr tam ta lutuk hian kan tawng hi awmze nei lo leh thu ziak dik lovah naupangte a hruai nasa hle a, hei hi tuna hma kan lak chuan siamthat theih a la niin ka hria.
[Report abuse]
April 16th, 2009 at 8:31 pm
Kawnga leh Valbawihi chu in ziak chhiar a nuam samkhai dep dep bik ngei mai.
Thil pakhat ELLIPSIS (Three Dot System) . . . hi inzirtir belh leh ta ila . . . a fuh ngawtin ka ring tel bawk. Thenkhattin kan han uar lutuk ta deuh va; thuziak laklawh laiin kan han dah kimchang duh lo ve vel a ………. three dot system kalhmang pel rawkin period kan han inzuitir chiam thin hi . . . Ka hmangaihzia che hi i hrethiam mai em? Valmawi ……………………..
[Report abuse]