Bible hi ngun taka ka zirin, Pathianin ‘tualthah’ a phal lova, sual rapthlak tak a ni a; mahse, ‘ralthah’ hi chu a phal niin a lang. Rawlthar Davidan Goliatha a that kha ‘ralthat’ a ni. Pathianin zawlnei hmangin counselling a neihpui miah lo.
Mahse, Bethsebi pasal Uria chungchanga Davida ruahmanna kha chu ‘ralthat’ ni lovin ‘tualthat’ dik tak a ni. Chuvangin, zawlnei Nathana pawh a rawn lang vat a nih kha. Kainan a nau Abela a that pawh kha tualthat dik tak a ni, mimal initsikna a nih vangin. Engnge tualthat leh ralthat hi a danglamna?
Tualthat chu mimal inhuatna leh inhmelmakna atanga midang nunna laksak a ni. Ralthat erawh chu, hnam leh ram hmelma, ram leh hnam, nunau tana hlauhawm thei mihring nunna laksak hi a ni. Mimal taka inhuatna a awm lo tlangpui. Tunah hian Mizoram run tum, nunau sawisak tum, hmeichhia te pawh pawngsual duh tur eng hnam emaw awm ta se, Mizoram hi rawn run ta se, Pastor leh Kohhran upa pawhin hriamhrei chelekin lo that hmiah hmiah se, tualthat an ni lova, ralthat an ni.
Indo laia kan do sipaite kan kap hlum te hi ralthat a ni. Mimal takin khang sipaite kha huatna kan nei hran lo. College khatah te zirho ila, kan ‘best friend’ turte pawh an ni mai thei. Thuthlung Hlui zirtirnaah pawh tualthah chu Pathianin a phal lova, amaherawhchu, an hnam hmelma, an ral te chu that turin thu a pe fo.
Amaherawhchu, ral thahah pawh rawng lutuka an chet chuan Pathianin a hrem tho – entirnan, lal Ahaba fapa Jeroma leh a nu Jezebeli thattu Jehua te pawh, a che na deuh a, Hosea hnenah ‘Jezreel thisen phuba chu Jehua chhungte chungah ka la ang’ (Hosea 1:4) a ti mai a ni. Ralthah huang chhunga khung theih loh mihring nunna lak reng reng chu ‘tualthat’ a ni mai dawn lo’m ni?
Nautihtlak te pawh ralthat chu a ni lo phawt, tihtlak chhan chu eng pawh ni se. Ralthat leh tualthat hi a ‘concept’ kan chian a ngai. Keini Mizo kristiante ngei pawh hi Indopui pathumna velah chuan silai nen indona field-ah kan la zuan luh a ngai mai thei sia. Engnge in ngaih ve dan le?
Similar Posts:
- Mob Rule/Tit for Tat
- Zo Sakhaw Zepui
- Mizo Nationalism leh Indian Nationalism Indona!!!
- Abortion hi tualthahna a ni
- T Melody – Thinlung Thawnthu
lol
April 10th, 2009 at 10:58 am
Bible zira thuthlung hluii lam chauh en chuan a nih hmel khawp mai. Mahse thuthlung thar zirchiana Isua zirtirna eng atanga thlir chuan tualthah chauh nilovin ‘ralthah’ pawh hi kristiante tih tur anih hmel loh khawp mai. Inthah chu sawi loh unau chuanga thinur pawh rorel sak anih tur thu Isuan a sawi. Sawi teuh lovin Bible zirtirna hi en tlang zawk ila a tha awm e.
1) ” Kei erawh chuan ka hrilh a che u, tupawh a unau chunga thinur apiang chu, a chungthu rel a ni ang..”
2) “Biang lehlama bengtu che chu lehlam pawh dawh rawh; tin i puan laksaktua hnenah chuan i kawr lak pawh hnial suh.”
Heng chang 2 atang chauh pawh hian tualthah ani emaw ralthah ani emaw, mihring puite thah hrim2 hi Isua zirtirna kalh ani. Hei aiin pawh hian han kal thui leh hret ila : Nu in atan hlauhawm mahse nau a tihtlak/tih hlum pawh hi Isua zirtirna kalh tho ani. Enge a chhan i ti anih chuan Isua zirtirna bulpui chu midangten nun an neih nana mahni nun chan ani tlat ani.
“Tupawh a nun humhimna zawng apiangin a chan ang a, tupawh a nun chan apiangin a humhim angâ€. Khawvel DAN chuan mahni nun hmu him nana midang thah chu a phal mahse ringtu chuan Krista avangin a chan mai tur ani. A nun hmuhim nan midang [ral pawh nise] a that tur ani lo. Kristian nun hi a kawng a zim teh asin. ‘Kawngka zimah chuan lut rawh u’ tiin min hrilh reng ani.
[Report abuse]
April 10th, 2009 at 11:15 am
Zawhna awm thei ta chu… Kristian chu sipaiah a tang thei lo emni tih hi ani ta a. Ani renga zawhna chhan harsa tak ani awm e. Kohhran history kan chhiar chuan kohhran hmasa alo pian pawh khan Rom sipaite pawh kha Kristian anlo ni ve ta a, tam tak phei kha chu sipai hotu lawk te anni a, kohhran tana mi tangkai leh zirtirtu ropui tak nita teh pawh an awm. Hengte pawh hian sipai nih leh Kriatian nih chu inrem thei a an hriat loh avangin sipai atangin an bang reng ani.
Sipai ni chung hian midang that lo hian a awm theih em ?
Indona ah ral that lova awm hi dawihzep nihna nimahsela Krista avanga that lo ngam anih theih angem? Heng hi a theih loh anih chuan Krista avangin sipai atang hian kan bang ve mai ngam zawk angem ? Henghi midang inchhan sak chi ani lova mimal theuh in kan chhan tur ani ang. Kei chuan sipai a tana midang thah a tul dawn ai chuan tan loh emaw ban mai emaw ka thlang zawk ang. Sipai ah chauh lo hian eizawnna dang Pathian zarah a hmuh theih ka ring.
[Report abuse]
April 10th, 2009 at 3:29 pm
‘Midang titlutu chu buhrawtsawmna lung lian pui awrhtir sela, tuifinriat thuk lai berah thlak se la, a tan a tha zawk ang’ tiin Isua pawn min zirtir ve tho kha………..
[Report abuse]
April 10th, 2009 at 4:39 pm
Ani khop mai…. amaherawhchu helai thu hian kha tlukna thlentirtu kha ringtuin buhrawtsawmna awrhtira, tuifinriata thlaka, tihlum turin a zirtir lo. A thu lehlin hi a fuh chiah lo pawh ani maithei e. A sawitum chu midang tihtluk ai chuan thi daih sela a tan atha zawk ang a tihna mai ani.
English version hian a fiah thei zawk awm asin :
” But if anyone causes one of these little ones who believe in me to sin, it would be better for him to have a large millstone hung around his neck and to be drowned in the depths of the sea.”
Thah emaw tihhlum lam inzirtirna anilo.
[Report abuse]
April 10th, 2009 at 11:35 pm
I bible reading neih dan hi tlemin chhui zau deuh a tha khawp mai. I Bible chang rawn tarlan hi Thuthlung Hlui ami a ni fur a, thuthuhlui hi relevant love tih thu awm lo, mahse, tunlai Kohhran zirtirna nghahchhan tamber chu thuthlungthar lam ami a ni fur zawk a. Thuthlungthar atangin Tualthah emaw ralthah chungchang hi han chhui tel chhin teh. Tuna i ngaihdan lo daih hian thu i khar mai thei a ni.
[Report abuse]
April 11th, 2009 at 12:07 am
April 2 – June 14, 1982 khan Falkland thliarkarah Argentina leh British sipaite an indo a nih kha. Argentina sorkarin Falkland thliarkar hnehlak a tum a, chu chu British sorkarin a duh lova, Falkland chhanchhuak turin indo a puang ta a ni. Indo mai loh kha chu duhthlan tur dang a vang khawp, a hunlaiah khan. Ni 74 an indo a, British sipai 255 leh Argentina sipai 649 an thi. Hetih laia British Prime Minister hi ni ta la, engtin nge decision i siam ang? 1861-1865 chhung America ramah tualchhung indo a awm a, nuai tam tak an thi tih kan hre vek. Sal (slavery) chungchanga ngaihdan inan loh vang a ni. Hetih laia President Abraham Lincoln hi Pathian tih mi niin kan hre vek. President hi ni ta la, engtin nge thutlukna i siam ang? Hetiang President nihna ang dinhmun pawimawhah hian kan ding thei vek. Kan duh emaw duh lo emaw indo kan hmachhawn thei vek. Thutlukna fel tak siam thei turin kan inbuatsaih a tha. Ram hruaitute decision dodal tur emaw thlawp tur emaw tala ngaihdan kan neih a tha. Burma ram te hi a kal sual nasa tiraw? A ram mipui tuarna rapthlak takte hi sawiin a siak lo. Eng sorkar emaw hian sipai chakna nen chhanchhuak dawn ta se, engnge i ngaihdan? Hitler-a anga khawvel hnehlak tumte awm leh ta se, a dolettu sorkar i thlawp ve thei ang em? Heng thil hi kan hmachhawn thei vek. Chutiang atan chuan alawm he thupui hi thluak vawrhvirtu atan ka rawn theh chhuah. Nangmah ngei pawh kha indo chungchanga decision siamtu, hruaitu pawimawh tak pawh i la ni thei asin!!!!
[Report abuse]
April 11th, 2009 at 12:30 am
indo lam hi sawi tur ka ngah khawp mai. War war I War War II histry ngat hi ka video en tui lai ani. Library ah ka kal pawh INDO lehkha bu ngat ka hawh thin..
Indo chu lalpan tual that a ti lo, Tual thah chu, civil mi that leh tunah kan sawi thin te hi… Nau tih tlak te,…Ext…
[Report abuse]
April 11th, 2009 at 4:50 pm
@mkima kan thil tih thin cu va in ang ve,,,
Battle of Thermopylae kha chhiar roh… and Ramayan by Ashok Banker a ngaihnom ltk..
Tualthat vs Ralthat hmmm whocares kill em both,, muahhahah jokin
nie tulathah hi chu,, well it just messed up..
[Report abuse]
April 13th, 2009 at 3:42 am
Johana 8:44 kan chhiarin Setana hi tualthat hmasa ber niin a lang a; tualthattu pahnihna chu Kaina niin a lang.
Zakaria 14:2-3 kan chhiarin he khawvel Final drama a lang ruih mai a; Sipaihote LALPA (Isua, lalte Lal, hotute Hotu) ngeiin Armageddon Indopuia Jerusalem dorawntu hnam tinte a rawn tihlum vek dawn.
Kan thupui hi “TUALTHAT Vrs RALTHAT” tih deuh mai a ni a; an danglamna kan inzawt chauh a ni. Creed leh Doctrine lam kan sawikai tel vak lo. Chuvangin, Tualthat leh Ralthat chu a dan a lo dang hret; in sawi fiah tawk viau.
[Report abuse]
April 13th, 2009 at 3:53 am
Mizoram Congress Ministry hmasa zawkah khan Pu Lal Thanhawla’n NAU A TITLA … a awih lai leh a puak lai MPC Minister chanvo chelh ve dem demte kha, nau-puakpuan suih fip duh lovin —mawng sawh dawm khawpin an tla ta thliah thliah hlawm a nih kha! LOL
[Report abuse]