Hmanlai thawnthu a kan hriat ruai ruai, RO tling hi kan hlut lo hle maia. Sailulak khua ah Chhura Talhtum bung chu mi in sirah a let reng mai enkawltu awm lovin. Leng leh Sailulak inkar kawng kamah Chhura Vawk kuang pawh ngaihsak tu nei lovin a bawk mai mai. Thangthar te hian ngaihsak leh hlut nachang hriat a va tul ve.
(Click images for larger size)
Similar Posts:
- Picture hrang hrang!!!
- Aizawl khawchhung hmun thenkhat
- Why men cannot be car models!!
- Tunlai vrs Traditional Dress
- Nauban
May 11th, 2009 at 9:01 am
Nih khi.. Arsi ek a kai tuarh tawh mai a, upa tawh tawk bawk a nih dawn khi. Kawngthlang lamah khian a lun daih ang tih va hlauhawm ve aw.. Hmana Tarmita khawthlir lum ta daih pawh kha, a lum hnu chauhvin a ni a uihawmzia kan hriatchhuah ni.
Report this comment
May 11th, 2009 at 9:30 am
Thangtharte ai a trul zawl chu kan sawrkar hian official tak artefacts conservation policy fel fai te hi neih hi ani. A mak hi ka ti ngawih ngawih tun ang day and age ah, intichang ve hle si a hetiang policy fel fai pawh neih loh. A nep thlak.
Report this comment
May 11th, 2009 at 10:23 am
khi khi chura vawk chaw pekna chu ami? Thutthleng pawh a ang zawk mah in ka hria
Report this comment
May 11th, 2009 at 10:30 am
Ka vawikhat hriatna leh hmuhna. Tha taka enkawl a humhalh chi a nih khi
Report this comment
May 11th, 2009 at 10:48 am
Hmar pa berin kan Pu Chhura hmunhma ka lo va bel chiang ngai lo a, i rawn post tha hle mai, thangthar zel te tan ah humhalh a va han tha ve maw le… khi ti ngawt chuan kut nghal deuh lakah a riral mai ang tih a hlauhawm hle mai, a khawbul hnai neitu chan chang awm deuh tanah chuan humhalh a tha hle mai, tun atang a kum 20-30 a han ral leh meuh chuan “Hman a ka pi leh pu kha chu Mizo a sin maw le…” te hi an la rawn ti ang a, a humhalh theitu tur han awm teh un.
Report this comment
May 11th, 2009 at 11:07 am
He thlalak hi an lo dah tel hmaih a kan hotute’n https://img141.imageshack.us/im.....umbung.jpg Sailulak khua a Chhura talhtum bung an tih chu a ni e
Report this comment
May 11th, 2009 at 11:10 am
He thlalak hi an lo dah tel hmaih a kan hotute’n Sailulak khua a Chhura talhtum bung an tih chu a ni e
https://img141.imageshack.us/im.....umbung.jpg
Report this comment
May 11th, 2009 at 11:11 am
A rih hmêl hle mai, Cubic lung pawh a chhuak teuh thei ang. Kan ker laite pawh min ngaihtuah chhuahtir e a….!
Report this comment
May 11th, 2009 at 11:37 am
Va hmufuh bik ve a,heng hi hnam ro tling tak tak an nih hi.Kan hotu te hian ngaihhlut/pawimawh nachang han hria sela aw!!!A hmun hma nen a preserve chi anih khi-thang leh thar te tan.Ram chang kang zawk ah engtin takin vawngtha ang maw le!Good work!!!
Report this comment
May 11th, 2009 at 12:14 pm
Mizote hi thil hlui vawn that kawngah hma kan sawn ve zel a, chutih laiin a pix. atanga a lan dan chuan khi lai hmun hi chei hnum loh a ang hle mai. Kawng an sial thar atang hian a hlat loh teh reng nen!! Nge, a hlu lutuk lo a an chei tha lo aw.. te ka ti a.
Report this comment
May 11th, 2009 at 12:16 pm
ni ngawt mai ti raw… geminiboyz
Report this comment
May 11th, 2009 at 1:16 pm
A ni ngawt mai, Mizoram hi eng vanga zawl vek nilo nge tih proof-na kan neih chhun liau liau a ni a. Hei hi chu enkawla, vawn hima, thangthar zel ten thawnthu ngaihnawm tak an hriat reng nana sorce tha tak a ni thei em aw! ka ti deuh.
Report this comment
May 11th, 2009 at 2:05 pm
Mawina leh Hlutna pawh nei tawh lo! BRTF ho lung dah that mai mai te pawh a ang lek lek a lawm mawle. A khaw hnaih ber YMA ten la hmak se! Art &Culture Dept emaw Museum ah emaw hlan hmak se a Mawina leh Hlutna a lo vul tha leh in ka ring mang e.
Report this comment
May 11th, 2009 at 4:06 pm
Hmanli ro chu a ro hle mai a…hehehe
Report this comment
May 11th, 2009 at 6:11 pm
Goelogist ho in Chhura thil hi engtia upa nge han asses sela, khi a rang ruk tawh maia
Report this comment
May 11th, 2009 at 6:12 pm
@Ruatmawia Chhura chu enge i pu anih dan? a tuchhuan engzatna nge i nih? Nge Hmar nih hrim hrim khan kan pu Chhura in ti ta mai em ni? Kan pi leh pu te khan hetiang lung kherna hmanrua pawh hi an nei re re mi?
Report this comment
May 11th, 2009 at 6:17 pm
Chhura chu thlahtupa ania lawm,hmarkungpui a nih chu..Vanlaiphai pawh a vuak zawl,phung pawh a hlau lo ,biakbum pawh a nei.He!He!
Report this comment
May 11th, 2009 at 6:50 pm
Chhura vawkpa chungah khian ka chuang toh asin! Taka 2005 kum khan kan tloh a,kha tih lai kha chuan kawng chhak lamah hnim kara mi kan han zawng chhuak kha a nia! Lung a ti leng reuh.
Taka sailulak a mi Lal Dokulha ralven buk te kha a thlalak nei kan awm em? Han post teh u…
Report this comment
May 11th, 2009 at 8:35 pm
Lunglei Chanmari Farm veng thlang lawkah sawn ‘Chhura Lungrem’ a awm thin a; North Vanlaiphai dai-ah khian ‘Chhura Sekawi’ a awm a; Ruantlang khaw chhungah khian ‘Chhura Farep’ leh chumi kiang lawkah chuan ‘Chhura Lung-verh’ an tih te hi a awm bawk a … heng pix-te nen hian mitthlaah Chhura chu a rawn thar nawn uai uai mai!
Chhut chiang duh ila chu —ka pi, tuemaw ber pasal kha Chhura hi a ni ngei ang! Ka chhut trha duh lo mai mai alawm!
A pix latu pawhin a thiam hle mai; thangtharte sulhnu lang tel zelin Chhura sulhnu a rawn la thiam a, “linking past and present subject” a thiam khawp mai; ka kal ve hunah chuan thangtharte sulhnu lang tel lovin ka la ve mawlh ang.
Tin, Chhura talhtum bung len lam kan suangtuah thiam zui theih nan —a bulah khian Balma-slipper hrui chhum tawh pakhat emaw tal han let bal sela, kan mengphawk lehzual ngei ang le!
Report this comment
May 11th, 2009 at 8:47 pm
Cherhlunah khian Chhura vawk pahnih an bawk dun rual bawk asin.
Report this comment
May 11th, 2009 at 9:47 pm
INTACH, Mizoram Chapter ho hnenah hriattir a va tha ve aw…
Report this comment
May 11th, 2009 at 9:49 pm
Lung sawi takah chuan chhim a ka awm laia min hrilh a ni a.Chapui khaw bula Kahrie Tlang ah lung sei tha tak,thut nana rem deuh hi a awm a,chu chu Zawngling khaw ho in an la a.Chapui khua chuan engemaw puithu na avangin an la duh lo a.Zawngling khaw daiah an dah a,nula leh tlangval an thu thin a.Mak tak mai chu nula sawn pai an tam ta riau mai a.An chhui an chhuiin kha lunga thu tawhte hlir kha an lo ni a ni awm e.Zawngling khua chuan an han dah let leh a,nula sawn pai thu hla pawh a reh hmak an ti asin.
Report this comment
May 11th, 2009 at 11:30 pm
@burger : Trhut nan ngawt ai chuan, han mutzal nan a lo remchang zawkmah a ni dawn maw? STUD LYAH a nih ber chu! LOL
Report this comment
May 12th, 2009 at 12:30 am
Chhura lung, Lalruanga se hnu tih vel te chu Ram ro ang a sawi theih a ni dawn a mi . Heng te chu legend leh myth ang a ni mai a, Lianchhiari lunglenna tlang tihte nen chuan a dang daih in ka hria.
Mahse zin veivak te lo en theih tur chuan duhleh YMA in emaw humhalh se .
Hetianga legend leh myth kan ngaihthutak leh lutuk chuan ‘Tuipui Sen kan’ atang khan he lung te hi ‘Grep sawr na lung’ ti a zeldin chho tur te hi kan kat leh nuk ang e. Chhura = Hura, Ahusuera etc lolz
Report this comment
May 12th, 2009 at 3:55 am
@chawnghilh
Chhura talhtum hi a bung lehlam a ni a lehlam awman ka zawh ten an hre mai lo. A size tehna chang ka hre lo mahse ka mitthla in kan calibrate a a diameter hi 300mm ft khat bial thuak a ni. A sei zawng hi 600mm vel ft hnih thuak
PMGSY kawng laih thar ah ramhnuai a awm kha lak thlak a ni. Kawnglaih thar lang lo hian taima deuh ila chu lak dan chu a awm mawle i kal hunah i lak mai a ngai ang.
Keipawh kapi hi Hmar chi, N. Vanlaiphai a piang hmar lam an pem zela Phuaibuanga seilian Ngopa a pasal nei a ni.A kuang chu Pakhuongte a nia a peng zel erawh ka hre lo, a damlai chuan a thriante nen hmar trawng hian an inbe thrin chuvangin Chhura rim ka nam ve deuh a ni mahna.
Report this comment
May 12th, 2009 at 4:18 am
Kan legendary stories-te hi Army-ho chuan an zir ngun tho asin! Ka army-thianpa pawhin, “NEHU-ah Chhura Thawnthu ka zir,” tiin mi rawn hrilh. A phur viau leh nghal! Public relation nei nghet tur tak tak chuan kan thawnthu-ah hian kan bei nghet tih hi an hre khawp mai; kan thawnthu hi ka hre kim chiah lo nain, nghet tak chu ka ni tlat! Hnam dangho pawh hi anmahni thawnthuah an bei nghet hlawm hle bawk. English literature, poetry lepse tur tak tak chuan Greek thawnthu hlui kha an pawimawh em em tho, Mizo-te thawnthu hmasa pawl chu Chhura leh Nahaia te hi an ni tlat a; Chhura lam ringawt dap khawm lo hian, Nahaia lamah ka rawn truan a ngai dawn bawkin ka hria.
Mipuite hian thil (hlui) hi dah hlu thiam tlat ila, Directorate lam pawhin hmalak an nei chak zawk ang; hlawh laa chhawrte hi chuan hlawh an la tho a nia! Mi ramah pawh “orphan pillar” takngial pawh an hlut thar leh a, man chawiin kan en zak zak zel a nia! Hlut lovin kawng sirah let mai mai sela, Museum/Archive Halls-in awmzia engnge a neih tehchiam ang?
Chhura chu a pa lian awm khawp mai!
Report this comment
May 12th, 2009 at 4:34 am
“Talhtum” tih takah chuan HOLOPHRASIS (the use of one word to express a number of ideas) han thawh zawk ila; nuihza fiamthu kan mamawh alawm!
Pa pakhatin vawk a talh dawn a; a kiangah vawk pawh fafu pet chut chutin a thaw ri hruah hruah a. Chu pa lah chuan, “Khawnge ka talhtum?” tiin a phi-li ruai a. Chumi kianga awmhote chuan, “I talh tum chu i kianga kha thaw ri hruah hruah tawh a lawm!” an lo ti.
“Talh tum” leh “talhtum” tih mai thu —Chhura talhtum atranga rawn POP chhuak vel mai mai maw le!
Report this comment
May 12th, 2009 at 4:46 am
Report this comment
May 12th, 2009 at 5:48 am
Heng lung ang te, Farkawn dai a lung a mak tak tak in ker ang te hi mithiam ten chhui chiang se ka ti ngawt mai. Mizo hian Chhura leh Lalruanga tih vel sulhnu ah hian kan puh ngawt zel a, archeological lam thil pawimawh te pawh a ni thei mai tur asin. Tunlai mi pangai tan chuan Chhura kutthlak hnu, Sailak (Sailulak) dai vel a mi Chhura taltum tih ang emaw, Suangpuilawn a Lalruanga lung dawi chhuah tih vel te hi a ni theilo hrim hrim tih kan hai lovang mahse, tu te lo siam nge emaw…whatever… chhui chhuah a chakawm ka ti. Farkawn dai ah pawh khian, Chhura chi rawtlung an tia, thil dang daih a nih ka ring. Ka hmuh dan chuan, Typical Mizo gate ti mai ang, mau tlawn ban kaw kar a an rawlh luh ang chi…thingtlang a kan naupan lai a an gate siam dan design te kha a ang ka ti zawk daih mai. Chhura chi rawt lung an ti ngawt a, a chawi zo lo nasa ngawt ang..hmanlai mi phei kha chu an tet hmel hlawm ropui si
Report this comment
May 12th, 2009 at 4:34 pm
Leitlapawp Cave Champhai zotlang ami pawh khi stone quarry ah a chang zo ta! Uihawm khop mai.
Mizo te hi thil humhalh nachang inzirtir a hun tawhin ka hria,Hmanlai Ro atanga kan Nula te thleng hian kan humhalh a hun tawh…kan boral mai dawn..
Report this comment
May 12th, 2009 at 6:18 pm
Vawiin Tawrh Bawm front page ah he thlalak chung ber hi a chhuak
Report this comment
May 12th, 2009 at 8:45 pm
@Pu Mzvision i ti tha reng reng ,he tiang PMGSY kawng kam a let mai mai Tawrh Bawm mit i lak tir thei hi ,kei ni tuikhur leh brick te ngaihtuah chuan ‘click’ tur i hre tlats.
Chuan i zin veivahna ah camera nen misual a post tur thil dangdai deuh te hi i melh ve nasa a ni maw.
Kei pawh ka melh nasa thin a, hmanni chu ui chhe zet thla te , vawk inbual te, bike dangdai ve ang reng te ka la zawt zawt mai.
Camera hman nuam ,chuan Pu.Aryana post hi comment sak ve ila , Mi dang a comment sak ang hian bul deuh deuh in comment sak ve ila ka ti deuh.
Report this comment