Thla leh khawvel hian inkungkaihna a nei nasa hle awm e. Tuifinriat atui fawn te pawh thla bial lai, thla det leh mang ah te hian a innghat nasa viau an ti si a, mihring taksa hi hmun thum a hmun hnih vel tui a ni bawk si a, hei vang hi ani ngei ang nausen te pawh thla det etc.ah te hian an zia a lo danglam thin. Puitling pawh thla mang lai hre riau kan awm thin a ni lawm ni!
Similar Posts:
- Mumang mai mai…
- Kan awmna Khawvel hi
- Abortion hi tualthahna a ni
- Christy – Lalzuitluanga
- arngeng…pimples…acne
hairehai
May 1st, 2009 at 2:40 am
kan naupan laiin rual u ten thla de hi mit veilam a hmuh chu luck lohna an ti a thla de ka hmuh hian ka hrechhuak ziah. kan hriatchhuah leh chu le
[Report abuse]
May 1st, 2009 at 3:02 am
April 24, 2009 zan khan thla thar a de —mahse, thla de han tih hian mitlawngin a hmuh theih loh va; Zopa phei chuan ‘thla mang’ kan ti thung. “Thla mang zana thing leh mau sah chu a nget duh lo,” tiin Zopate hian an lo chhinchhiah ngun khawp mai.
April 24 zana thla de (Hebrai-ho sawi danin Moladoth) kha Bible hun chhiar dan ang chuan Yyar (Zif) thla … Juda Sacred Calendar-a an thla hnihna a ni a; an Civil Calendar ang chuan an thla riatna a ni thung e.
Chung-thla ngei kalphung hian thla hi chhut a ni a — Juda Calendar hman lar ber Hillel’s Beth Din Calendar ang chuan kum 19 chhung khung (Mahzor)-ah kum pui (leap year) vawi 7 a thleng thin a —chutiang kumah chuan thla 13 a awm thung thin, thla 13 a awm kum chuan Adar thla hi vawi hnih a awm a, Adar II emaw Adar Sheni tiin an sawi thin.
Juda-te hun chhut dan tlangpuiah chuan THLA KHAT (one month, one moon) rei zawng hi “29 Days, 12 hours leh 793 hekel” a ni a; a tawi zawngin 29d 12h 793p tiin an ziak mai thin.
Kum pangngai (Common Year) rei zawng hi 365d 5h 997p 48m a ni, an ti a; Leap Year-ah erawh chuan 365d 5h 997h 48regaim a awm, an ti thung.
Zopate pawhin Kum Pui (thla 13) a awm kum an lo sawi ve thin a; chung thla chungchang hi kan pi leh pute khan an lo hre ril ve hle a lo ni. Thla de a lei dan azirte khan ramchhuak hlawhtling tur/ ruahtui tam dan tur etc., an lo inhmakhualawk ve thin; Awkin Thla a lem phei chuan —tai-kuangah tui an bun a, an thlir a; tuemawin taikuang a lo tawh chet hret lahin taikuanga image a lo fawk fawn kual a, “E khai, talchhuah tumin a bei ve hle mai,” an lo ti thul —hun an lo hmang INTERESTING ve thei khawp mai!
Ni chhuahna lam hi khaw-chhak lamah a ni ziah a; thla de ve thung chu khaw thlang lam atangin a ni ziah thung.
A picture an capture mawi leh hle mai, in thiam bakah in camera-lens-in a zir khawp mai; Tripod-a cable button-shutter nena chet chi maw le! Kutlawng chuan a phe hman duh mai thei … mahse, XaiA camera-te ang kha chu —phe map lo tura device nei changtlung a nih tawh kha maw! In tinuam thei hle mai!
[Report abuse]
May 1st, 2009 at 3:09 am
Kum pangngai (Common Year) rei zawng hi 365d 5h 997p 48m a ni, an ti a; Leap Year-ah erawh chuan 365d 5h 997h 48regaim + 29d 12h 793p a awm, tih tur a ni zawk e. Typing mistake!
[Report abuse]
May 1st, 2009 at 3:10 am
chawnghilh tun sunday kal ta kha thla thar a ni nissan ni 30 chiah, tun ah hian yiar ni 6 kan hmang zo chiah.
[Report abuse]
May 1st, 2009 at 3:12 am
oh ka sawi sual friday kal ta zawk kha a ni e ka en sual a nih hi
[Report abuse]
May 1st, 2009 at 3:13 am
@zodin : Kan inang chiah tho a nih chu! Zif/Yyar 6 ka hmang ve tan mek.
[Report abuse]
May 1st, 2009 at 3:15 am
Friday kalta chiah kha Nisan 30, i ensual hret a nih ka ring deuh reng a!
[Report abuse]
May 1st, 2009 at 3:15 am
chu ti chu khawi ah nge i awm le aw chawnghilh
[Report abuse]
May 1st, 2009 at 3:18 am
Khawvel lehlamah, ha ha!
[Report abuse]
May 1st, 2009 at 3:32 am
Chhawrthlapui a ni emaw —chhawrlohthlapui pawh ni se, DUH BER nen thla eng hnuaiah he hla hian
https://www.youtube.com/watch?v=szx9EgXOY0M
han inchhai ziai ziai mai ila … nuam dawn mang tak e.
[Report abuse]
May 1st, 2009 at 3:32 am
hehe ka hre mai, mel sang nga dan ah i awm a ni maw ka awmna a tang chuan, darkar 24 ka rawn fly a ngai dawn a ni maw
[Report abuse]
May 1st, 2009 at 4:20 am
Israel lama unaute, engnge swine flu lam chanchin… in damtlang em? Mexico-ah chuan 176 an thi tawh — 1,265-in a natna an vei mek!
[Report abuse]
May 1st, 2009 at 7:38 am
@chawnghilh lung hlui tepoh i ti leng alom le TEESRI MANZIL hi high field nakpek chhuahlam saipai ho tan an chhuah kha civil mi hian kan han chhim ve a, Asha Bhosle leh Shammi Kapoor te han inchhai vel te kha ka la hre reng.
khatia hlim deuha Vai sipai hoin Vaisicope a an chhuah kan han en thin kha kan ramhnuai unauten an khap ta si a. school ah Hindi poh zir loh tur vai film en loh tur tihte an nih khan ka lo zawm lu deuh nge tunthleng hian ka hindi thiam lo lutuk hi mi hriat tham loh buaina fahrah te te ka nei ka nei mai. Hindi film erawh tunhnai Slumdog bak kha a inkarah zungtang thliah tham chiah ka en ang.
[Report abuse]
May 1st, 2009 at 8:59 am
Thlalak nalh tak chu a va ni em!!!
[Report abuse]
May 1st, 2009 at 10:28 am
tleirwl lai kha chuan pass lom emo b’day lomna emo a om loh kha cuan fullmoon a piang in thian te nen kan lom ve ringot thin nih kha…..
[Report abuse]
May 1st, 2009 at 7:17 pm
@mzvision : Hindi film hi a namai lo asin! Khawchhak lamah khian Hindi hla ka sakpui theih Thai, Lao, Malaysian an lo Ralvawng uite tam zek mai! Kan rawlthar chhoh khan English Film-te chu Sunday Morning Show chiah a ni thin a —abak chu Hindi.
Boarding-a awm chuan Weekend Movie neih ngei ngei ang tluk a ni a; Hindi Film 1970s chu kan chhuah lo viau! A bak ka en tawh chuang bawk lo va —XaiA thla de pix ka hmuh phat khan Asha Bhosle hla ngei kha, a audition neih thar-ho kha ka rilru-ah a rawn lang phut a, ka sa riai riai a — ka’n zawng ngial zui bawk a, a lo awm lo va — a awmchhun ka rawn ninhlei tar mai mai a ni.
Ka thianpa Lunglei zin chu —bialnu a rawn nei haw a; lehkhathawn an in swap tawn zing mawlh mawlh khawp mai a. Thiana chuan min chhiartir ve zel thin a; chu nu chuan, “Thla bial apiang hian ka ngai thin che,” a rawn ti deuh hluai a. Ka thianpa hnenah chuan, “Thla bial chauhvin a ngai che a nih ber hi,” ka ti ta a; ani’n a la na thar ve ta —lehkha a va thawn leh, chu nu chuan, “A bial loh pawhin ka ngai tho che …” tiin a rawn ziak kur leh nasa mai maw le! Thianpa hming hi chu thup rih ang!
[Report abuse]
May 1st, 2009 at 9:01 pm
Genesis 1;14 ah Pathian in van boruak zau tak ah entute a siam thu leh chung chu hun bi chhinchhiah nan leh hriatna tur anih thu asawi.Tun thleng hian Juda te hian an la hmang dik khawpin ka hria,an thla thar rual deuhthaw hian thla hi a de ve nghal zat zel asin,thla thar hnu ah hian thla de en chung in Pathian hnenah lawmthu sawina “kidush Levana” an hmang thin.Tin,Cawnghilh sawi ang khian kum khat a thla 13 awm kum ah pawh thla vawi 13 a de tho thin.Hei hian khawvel hi Pathianin a siam tirh a a kal phung pangai reng khan a la kal zel chu a ni tih a lan tir e.
Hmanah kan thian te pahnih thla seki tihah leh a lawi ki tih an inhnial vangin an in sual tawh.Tun ah khian a lawi ki nge a seki? Milu a chawi a ni lo maw?
[Report abuse]
May 1st, 2009 at 10:02 pm
July 20, 1969 khan —lei mihringte zinga thla leilunga ke nghat hmasa ber Neil Armstrong kan nei a; khami nia kan hawklak ve zia te kha!
Thla leilung rap hnuhnung ber (Apollo 17) Eugene Cernan-a’n a tunu a awihtlei dan hi a ngaihnawm danglam bik teh asin!
“… One evening, as the moon climbed above the hills, I scooped my five-year-old grand-daughter Ashley into my arms, just as I had once held her mother, Tracy, beneath a similar night sky.
She pointed up and declared, “Poppie, there’s your moon.” She had always called it that, never knowing why.
“Do you know how far away it is, Punk?” I asked. She seemed puzzled, so I rambled on. “It’s way, way far away in the sky, out where God lives.
Poppie flew his rocket ship up there and lived on that moon for three whole days. I even wrote your mommy’s initials in the sand,” so the story telling went on by a man called Eugene Cernan …
… ka ziak zawm phal tawh lo … sap putarm Cernan-a’n, a tute awih tlei nana a thawnthu hi a ril danglam bik em mai! Keini Zopa ve te chuan, “Thlapui —rawn tla rawh, Teteii’n a awrh nual nual ang che,” tih bak kan thiam belh vak mang si lo!
[Report abuse]
May 1st, 2009 at 10:06 pm
“Thlaa englo dum awm khi Mizo chuan Bungpui a ni, an ti; mahse, a dik lo, kawr thuk tak a ni zawk ….” tih kan zirlaite kha. Gorkha-ho chuan Baweng hcaw a ni e, an ti …
A lova hoh theih mai mai!
[Report abuse]
May 13th, 2009 at 9:12 pm
What a beautiful sliver!
[Report abuse]