Misual in ngaihawm hlawm hle mai, khawvel hi a kal ngaia a kal tlut tlut lai hian changkanna hian mi harsa zawk leh a hretlem zawkte chu a chim ral zel a, chu changkanna chuan Zofate ngei pawh a lo tichhia a, harsatna a thlen mek a ni.
Kum 1942 khan Serlui kam hausakna hmanga eizawng turin Builum khua hi a lo piang a, leilet leh eizawnna hmun thra tak a nih avangin a mi chengte pawhin an nghei bik lo. Mahse Mizoram sawrkar chuan Serlui B hydel project a ruahman ta ut si a, chu chuan megawatt 12 a peak hour-ah a pechhuak thei ang. He changkanna hian Builum khua, in za vel khua chu a chim mek a…
“Min chim hlum mahse zangnadawmna kan lak hma chuan kan chhuahsan dawn lo,” tiin tunah hian tui chungah chhungkaw li vel an la cheng a, heng chhungkuate hian an chan tur chang ve loa an inhriat vangin thih thlenga chen an tum, an inkalpawhna pawh pum hmang vekin a ni.
Builum khaw mite tan hian Bawktlang lamah sawrkarin khua an khawh sak a, mahse he khuaah hian an kal vek lo. “Survey tituin leilet intiat rengah a tithiamte nuai li chuang a pek laiin keini cheng za sarih chauh min pe,” an ti, survey hi dawhkan atranga lak mai mai niin an sawi bawk. Heng mite hian ngaihven an hlawh lo hle a, kum thum chhunga an awm tawh a, tunah hian an khua chu tuiin a chim tawh a, tui chungah an cheng mek, mahse chhuahsan an tum lo, an fate sikul an kai hek lo!
Similar Posts:
- Serlui Tuikhuah leh Builum
- Serlui a lian e…
- Chemphai Leilet
- Insawn duh lo chu tuiin chîm mai ang: CM
- Phaisen khuaa Bengali School thuneituten enfiah rang se duh
June 11th, 2009 at 8:47 pm
ZOaTlau: Vawiin Vanglaini-a Toonlaini kha i hmuh ngei ka ring a. Khatiang kha thil awmdan a ni thei lo maw, file lamah hian? Nangni RTI champion-puitu ho hian han dil chhuak leh ula maw le.
Report this comment
June 11th, 2009 at 9:05 pm
Builum khuaa la awmte thusawi khi tak2 anih chuan Sorkar hian ngaihven vat se ava tha ve. Kolasib DC lah chuan, “Force” hman hun ala awm ang, te ala ti lehnghal a.
Dik takin Sorkar thar hian rorel sela, compensation chungchangah pawh mipui ten an chan tur dik tak chang theuh sela, tuman thih ngam in thil an nawr ka va ring lo em!
Report this comment
June 11th, 2009 at 9:06 pm
“megawatt 12 a peak hour-ah” tihlai tak khi, installed capacity MW 3 khawl hlir 4 emaw MW 4 hlir khawl 3 emaw Serlui Small Hudro ah hian an installed ka ring. Chuan kilowatt-hour khat zel hi kan electric meter atranga min bill dan hi a ni a; heihi UNIT khat lo ni ta sela Serlui installed capacity 12 MW hian kumkhatah million unit (MU) engzatnge a pekchhuah theih tihlai hi a poimoh leh power station tehfung pakhat chu a ni ve ang.
Pakla hisap ah chuan MW 1 hian machine efficiency paihin 9 MU a generate thei a ngaih a ni. chu chu 60% in sum dekchhuak tase (heihi Insia standard tehkhawng ani) MW khat chuan 5.4MU a dekchhuak thei anga MW 12 chuan 5.4X12=64.8MU. Heihi unit khat Rs 4 zelin hralh nitase 64.8X4=Rs259.20million=Rs25.92Crore Say Rs 25 Crore kumkhatah a thawk chhuak thei tihna anih chu :lol:
A enkawl nan hian kumkhatah Rs 5 srore bak lo ngai lo ta se hlep tur hi Rs 20crores kumkhatah a ni dawn a ni. Clean energy fuel thun a ngai ve tawh lo
Hei vang hian Builum ho hi compensation leh Resettlement atan an claim ang poh hian lo hlohtling ta hlauh sela pek harsat loh hmel viau lo maw :?:
Hetiang zat sum a lakluh hi Lily ten han peipung leh phei se chuan, hausak bak kan hmabak lo rengs. mahse sum ngah ngah hian an hmangthiam lo ve thei thloits
Report this comment
June 11th, 2009 at 9:23 pm
He thil a serious a,thinlung a khawih em em ani,he ram hi mi hausa thilti thei pamhamte rah behna hnuaiah a kun mek ani tih entirna chu BUILUM hi ani,Patlingin tha leh tui tamtak sengin Phai khaw lumah ama thain Leilet a chek hmin a chu tah chuan thlamuang takin ei leh bar a dap a; tumah a awt biklo; thi leh thau pawlh a alo sual chhuah tawh ram chu he ram hian hmasawnve kan tum avangin an rauh san alo ngai ta ani, anni pawhin an khawbulo luahlum tawhsa chu mittui nen ui chung chung a an chhuah san alo tul ta a… an dinhmunah hian han inchan ila Leilet pakhat emaw Huan pakhat tal la sual chhuak lo tan chuan a uihawm tur zia kan hrethiamlo ani mai thei; chu ti chung a an zangna dawmna tur a sawrkar in phal tak a a pek pawh kan tih chingpen sak duh amaw!!!! ahun lai teh saktu leh collector te duhdah tak tak a mite thinlung natdan tur pawh dawnlo a mahni lo in hai vur tum tute chungah khan Lalpa’n a thinurna la leihbaw ve mawlh tehse.
Tunah ah hian he builum khaw thlahna music video kan siam mek kan zo tep ani e, chuan nak tuk hian Builum khua ah ngei hian Pathianin rem atih chuan kan kal anga Chu video chu a hmawr kan bawk anga,
He thu hi ala ngaihnawm dawn chauh a mahse kei chuan hriat zui zel ka chaklo hle mai.
Report this comment
June 11th, 2009 at 9:32 pm
Hetianga pawngpaw tawrh tlawk tlawk ai chuan, High Court lamah khing mai se a va thra vele.
Report this comment
June 11th, 2009 at 9:41 pm
Ukil chhawr vat sela, commission engemaw zat! Mawlmang deuh tan pawh ukil fel tak tak an awm tawh alawm! Chanchinbumite khan ngaihnawm lungkuai taka ziak ziak ,lo khan, puibawm vat mai ula …kan trhatlang mai lo’ng maw?
Report this comment
June 11th, 2009 at 10:18 pm
phai vai ukil, pathian nung be velo ACTIVIST mirethei tranpuina anih phot chuan, anmahni sum senga ukil rawih tur hi an awm nual asin :!: ThaiBoy te hian hma han la sela
Han hman ila naktuk chu ThaiBoy te hnung zui a chakawm hle mai
Mi suaksual te remruat angin nge kan awm dawn, mi felte duhdan in :?:
Report this comment
June 11th, 2009 at 11:18 pm
Builum hi Bairabi thlen hmaa mi kha em ni? Khami khaw chhehvel ram leilung leh kawngpui te kha Nevada state khawi’maw lai a ang ve riau —plateau ni ve awm tak tak karah khan lamlianpui a inkhawhphei ve ruih mai a, lung a tileng duh riau!
Report this comment
June 11th, 2009 at 11:25 pm
Builum chu Rengtekawn chhuah lamah pen a ngai,Bairabi opposite a nih chu!
Report this comment
June 11th, 2009 at 11:53 pm
Got deraged with Pangbalkawn! Thnx.
Report this comment
June 12th, 2009 at 12:02 am
mzvision chu pakla hisap i va han nei tha ve! Kan fingvar leh ta sawt mai!
Cheng zasarih compensation chu a va na deuh tak ve maw le! Patling kar khat hlawha zangna han dawm chu…… Tak tak ani meuh maw?
Report this comment
June 12th, 2009 at 12:10 am
A va buaithlak thrin ve..thiltihfel chu a hun tawh,he chanchin ka hriatna pawh hi a kal leh fu tawh mai,vaihawla sawrkar kha an va che har ve,mi rethei VIP an inti a ni lawm ni?sawi mai lovin chingfel rawh se..mi an thi trep tawh chu anih khi.
Report this comment
June 12th, 2009 at 12:14 am
Cheng 700 compensation khi thil awm anglo lutuk a ni,kolasib DC chuan force chhuah a tum a maw?khi 700 tih khi a dik chuan DC mawl tak a nih ka ring..ka thin an tirim tlat..
Report this comment
June 12th, 2009 at 12:15 am
PaK-la hisap nge PaT-la hisap?
Pat-la matlab kya?
Pak-la matlab kya he?
Me janta hu! Trhikse jkanta hu!
Report this comment
June 12th, 2009 at 12:22 am
Ka hriat ve dan chuan, ‘in pahnih Pu Lalruatfela leh Pu Saihnuna te in chhuat a chim thleng tawh a, an khawtlangin an nawr nasat avangin an bungrua engemaw zat chu sawn chhuah a ni tawh’ an ti. An mahni tak chu an la awm lui tho ni awm tak a ni. Tuiah an la mu mai thei a ni. An tum a ruh tlat.
..Nimahsela rorelna dik chu lui angin luang sela,
Felna chu luipui kang ngai lo angin luang rawh se.. Amosa 5:24
He thu hi chu kan la hlat deuh chu ni…
Report this comment
June 12th, 2009 at 12:25 am
“Jump start ni ve lovin … lui angin a luang ang,” tiin Hawla’n a sawi ve tho kha a ni lo’m ni? Lehkhabu hi ziak zawk sela a fuh mah mah zawk tur —ram kaihruaia khuaikhemtu nih fo ai hian!
Report this comment
June 12th, 2009 at 1:12 am
@VaiVa
thump rule kan ti zawk dawn em ni nge misual-mawl-bawk-si ngaihdan kan ti ang :?:
pakla hisap hi ka til-then ve na lam te poh ani mahna
Report this comment
June 12th, 2009 at 1:34 am
An chanchin hi chiang tak in ka la hre lo a, comment thiam a har hle mai. Land acquisition lai a court rorelna ah an lungawiloh te chuan Sorkar in declaration a siam thei chuang hlei nem .
Tin, Rehabilitation plan chu an siam an tia, In te pawh an sak sak an tia ni lawm ni.
Khaw sawn a lungrual hi an awm ngai lo an tia ni lawm ni.
Duh zat zat leh beisei zat zat a pek theih loh bawk, notification chhuah lai a prevailing market rate base in compensation hi pek a ni thin a, complaint lah a awl na rawh , oral complaint chauh a ngai a , Inquiry an la ngei ngei tur a ni bawk ,Sorkar in.
700 chauh min pe tih lai hi a dik a nih chuan sawi tur hu ha neih an nei lo ve tawp thang tihna a ni ang a , neih an nei si a nih chuan compensation buaipuitu in charge chuan hleih a len nasa tih a chiang mai ang.
Project lian tham in a displaced an awm thin. An lungawilohna a in ang vek kher lo. A tam zawk hi chu Rehabilitation Plan mumal awm thin lo hi a ni tlang pui.
Mizoram ah ve thung chuan Tuirial compensation atangin world bank kawng thleng in compensation hi kan buaina ber a ni zel.Mipui hi an thiam awm tho, a ti vir tu te hi SOrkar hnathawk hna thawk dik lo bawk si, mahni share tur in telh ve ching hi an ni zel.
Report this comment
June 12th, 2009 at 3:19 am
Zangnadawma chu a awm tawk an pe ngei tur a ni a. Chumi kawngah chuan a area leh a leilung man a zirin uchuak hauh si lova bithliah tur a ni ang. Mahse uchuak lutuk leh in mil lo lutuk a miin zangnadawma a ngiat erawh chuan sawrkarin dan a neih angin hma a la ve thei tho bawk ang.
Hna tikhaihlak zawng ni lo va, a dam zawnga indawr a tha ber mai. Hetiang tuikhuah project hi chuan chim chin a nei lo thei si lo va, chuvangin ram leh hnam tana thil tha tur a nih phawt chuan ka chan ve tur thil te pawh hi tam tak a awm ngei tur a ni a. Mahse, kan chhungkua tan chauh ni lo, Mizoram pum tana thil tha a ni tih kan hriat tel a pawimawh hle bawkin ka ring. A technical lam thil chu mzvision te sawi hi ring ta ila..
Report this comment
June 12th, 2009 at 3:52 am
Hmasawnna hian min chim hlum mai dawn em ni? Pu Hawla’n a phal lo va; Kolasib DC-in um chhuah luih a tum tho tho em ni? Intihluih chi a ni lo vang; a awm tawk compensation chuhhelh ber ber chu Mizoram Hnarkaitute an nih thin kha maw le!
Report this comment
June 12th, 2009 at 3:55 am
” … a awm tawk compensation chuhhelh ber ber chu Mizoram Hnarkaitute an nih thin kha maw le!” tih thu hi ka ziak sual … “a lova luakchhuaka compensation chuhhelh ber berte kha Mizoram Hnarkaitute an nih trhin kha …” tih zawk tur. Ka ziak zaidam lutuk a, ka inhua!
Mi dang pawh ngaihvensak ve vat rawh se, chuti a nih loh chuan, ram neitute u, Minister-ho hnenah to deuhvin hralh sun sun mai rawh u.
Report this comment
June 12th, 2009 at 9:21 am
A la chambang te chu an tawng uchuak mai mai ani thei mai lo maw. Thih thleng pawh a awm an ngam hi ka ring lo khawp mai. Thih theihna hmun ah hi chuan nun hi a lo hlu zawk daih ania… thih hi hlauhawm deuh mai asin. Hairehai
Report this comment
June 12th, 2009 at 10:40 am
Chakma refugee khua chu ni sela Lalthanhawla leh Sonia Gandhi ten an tlawh daih tawh ang…
Kan Minister leh Politician ho lah hi engmah anti hmanlo “Mithi ralin ” an buai kumkhua dawn anih hi!
Report this comment
June 12th, 2009 at 11:18 am
Khatia tui chunga tei tei lo khan thih ngam thaka tang duh rau rau chuan,thih ngamin court ah te kal zawk sela,cheng 700 leh nuai li chu a inthlau nasa sia,thudik an sawi anih chuan tui chunga mu mai lo in,Pu Hawla in kawtah hunger strike te nei ta sela…va hahthlak hlawm tak em!!!!!
Report this comment
June 12th, 2009 at 11:24 am
an khawngaihthlak khop mai.. hetianga hleihnei taka zangnadawmna an ching kual vel a nih tak2 chuan.. Aizawl Post tunkin chhuakah chuan tuikhuah hi nikhatah feet 1 leh a chanve velin a sang chho an ti sia… hma lak dawn chuan hmanhmawh deuh cu a ngaih hmel
Report this comment
June 12th, 2009 at 11:51 am
Tanpui an ngai khawp mai. A tihdan hriate chuan finchhuah ni se ka tawng huatthu suhah, anni chuan a kalhmang leh nawr dan pawh an thiam lo mai thei e. An eizawnna leh an chenna an chim pil chuan hope a vang kher ang.
Pix 2 a mi, mipa mau tiang keng khi a pian a sek that roh zek khi maw le.
lolzzz
Report this comment
June 12th, 2009 at 12:25 pm
Khawnge kan human right activist te kha le?Zu/drugs etc leh intihlar na remchang chauhah lo pawh an thawk thei zul turah ka lo ngai a,”Tun hun a tan hian ani dawn lawm ni?”
Report this comment
June 12th, 2009 at 3:42 pm
UPDATE: PUCL president leh Ruatfela nu ten tukin khan chief minister an hmu a, CM hian compensation list hi vawiin hian a ennawn nghal dawn a, hmalak nghal a tum
Report this comment
June 12th, 2009 at 10:35 pm
Pic 1 ami khi hei hi vawiin ah chuan https://img7.imageshack.us/img7.....2copyd.jpg
Report this comment
June 12th, 2009 at 11:38 pm
“PUCL president leh Ruatfela nu ten tukin khan chief minister an hmu a, CM hian compensation list hi vawiin hian a ennawn nghal dawn a, hmalak nghal a tum”
– Chief Minister chuan a hma in engmah a hrelo tihna ami? Mitdel-bengngawng Chief Minister kan nei tih kalo hre ngai lova.
Drama te pawh a ang deuh alom…
Report this comment