DELHI MIZO ZIRLAI PAWL
(Delhi Mizo Students’ Association)
New Delhi-110021
DMZP/pr-01/2012-2013 Dated: New Delhi, 21st December, 2012
PRESS RELEASE
Delhi Police chuan North East mite himna tur leh harsatna tawk an awm palha tanpui thei turin North East Cell a din a. He North East Cell-ah hian India hmarchhak hnam hrang hrang aiawh dah an ni a, Mizoram aiawh atan Chakma zirlai pahnih (2) dah an ni. Hemi chungchangah hian Mizo mipui te’n thu dik tak an hriat hi Delhi Mizo Zirlai Pawl (DMZP) chuan a duh a, thil awmdan dik tak chu hetiang hi a ni:
North East hnam aiawh thenkhat ten Doner Minister an hmu a. Hemi tum hian DMZP pawh min rawn sawm ve a. North East Student Federation din tur chungchang engmah sawilan a ni lo. Hetih lai hian Delhi Mizo khawtlangah chhiattawk(mitthi) an awm avangin DMZP aiawh te chu he meeting-ah hian kan tel ve thei lo a ni. Hemi tuma meeting chuan hriatlawk leh rinlawk miah lovin North East Student Federation a lo din ta mai a, DMZP aiawh kan telloh avangin Mizoram state aiawh turin Chakma Zirlai dah an ni ta ni(Chakma Students Union aiawh te meeting ah hian an tel).
Hetianga Mizo aiawha DMZP kan tel loh chungchangah hian kil hrang hrang atangin DMZP demna thu hriat a ni thin a, hei hi DMZP chuan pawi a ti takzet a ni. North East Student Federation-ah DMZP hian tel a duh lo a ni lova, duh a duhlo turin NESF din a nih chungchang hi engmah kan hre lo a ni. North East Cell a Chakma Zirlai pahnihin Mizoram state an represent hi Delhi Mizo te chuan hriatthiam harsa kan ti a ni.
Hemi chungchangah hian Mizo aiawha Mizo ngei dah turin rawtna pawh Chief Coordinator (Robin Hibu, IPS) hnenah thlen ani tawhin tun thlengin DMZP chuan chhanna kan la dawng lo a ni. North East Cell a Mizo aiawh telh a nih loh chungchangah Mizo tan thil pawi leh hlauhthawn tur engmah a awm lova, North East Cell hian tun thlengin eng ang in nge hma an lak tih pawh kan hre lo. North East Cell hnathawh tur ni awm tak chu Delhi Mizo Zirlai Pawl leh Delhi Mizo Welfare te’n kum tam tak kal ta atang khan an lo thawk tawh thin a, Delhi a Mizo te tanpui turin an la thawk zel dawn a ni.
North East Cell-ah hian North-East a hnam hrang hrang aiawh telh an ni a. State tin an mahni mi leh sa ngei telh an nih lai a, meeting a tel tura phone hmanga min rawn sawm theituin North East Student Federation (NESF) din anih dawn thu min hrilh lo leh Mizoram aiawh tur North East Cell a dah chungchanga min rawn leh miah lo hi chu hriatthiam har kan ti hle a ni.
DMZP chu Delhi Mizo khawtlangah chuan Mizo kut leh ke ber a ni a, a hmalakna hian zirlai te leh zirna chauh huam lo in, zirlai mai ni lo, mizo tawh phawt chu eng harsatna pawh tawk se a theih ang tawkin a tanpui thin a ni. Delhi-ah Mizo in chhiat a tawhin ruang buaipui zawng zawng chu DMZP in kan hma thin a, Doner Minister hmuh dawn (NEFS din anih tum) pawh hian Delhi ah Mizo chhiattawk (mitthi) an awm avangin leh DMZP chuan Mizo khawtlang chu kan ngaihpawimawh zawk avangin kan tel theih loh thu kan hrilh a, kan tel ta lo a ni.
(V.L. MUANPUIA TOCHHAWNG)
General Secretary
Delhi Mizo Zirlai Pawl
(LALSANGLIANA HNAMTE)
President
Delhi Mizo Zirlai Pawl
Similar Posts:
- Chakmas representing Mizoram will not resign: NESF
- Dear DMZP…
- Cheraw Lam at ‘Images and Songs of North East’
- DMZP thuchhuah hrang hrang
- DMZP vrs Siamsinpawlpi football match
December 22nd, 2012 at 6:49 am
Hmmm……..an comment lo en ila.
Report this comment
December 22nd, 2012 at 8:34 am
Chakma in Mizo aiawh ?! Political Party ho tih loh chuan an pawm lovang.
Duh leh chung Chakma te chuan an Chakma zirlai puite aiawh mai rawh se.
Report this comment
December 22nd, 2012 at 12:14 pm
Press Release hi an chhuah tlai hle mai. He thil rawn irhchhuah tirh khan chhuah daih tawh tur alo’m maw le.
Report this comment
December 22nd, 2012 at 3:28 pm
A lo ni maw, han tang ula chakma chu dahsawn chi an nih chu.
Report this comment
December 22nd, 2012 at 3:58 pm
Tun ka tawng haw lo sela, naupan lai a ka chhiar pakhat, “Let the dead bury the dead” an tih kha kan hriat chhuah ngawt chu.
Hmeichhe thudawn takin sawi ta ila, Delhi Mizo hruaitute kha mitthi buaipui hian kal vek lo ta sela…”nangni pahnih kha va thawk chhuak ta che u, mitthi in lamah chuan kan lo phat-mar sak ang che u,” tiin emaw…
Takam fin hi kan chelh lo chho zel chu a ni e. State pawnah kan ai an awh a, kan state-ah kan minister an ni mek zel a, nakin lawkah chuan kan ram pumpui roreltu pawh an la ni ngei ang le. USA ah pawh hman kum lawk, kan pian hnu thlengin midum ten vote an nei thei lo, tunah chuan khawvel a thunei ber (the most powerful man in the world) chu midum a ni der tawh. Mizo te, ngaihsam takte hi chu hnamdang tan hian thawm nei hmasa lem lova, kan chung a kut hlei hi a nuam dawn em asin.
Fuihnaah ngai thei hram ila.
Report this comment
December 22nd, 2012 at 4:04 pm
Delhi students te, kum 2004 ami ho kha ka tan an va han tangkai tak e aw… ka dam lo min buaipuina lam a an inpek zawh zia kha, ka dam chhungin ka hre reng ang.
Report this comment
December 22nd, 2012 at 4:06 pm
‘Mizo’ tih leh ‘Mizoram’ tih sawi hran nachang an hre lo zauh zauh. “Mizoram aiawha Mizo ngei” tih turah “Mizo aiawha Mizo ngei” tih vawi hnih vawi thum an ziak tlat. Mizoram tih chuan Chakma an tel thei a. Mizo ti chuan an tel thei lo.
Chbakah hlatekhua sawi ang hian an tawng chhuak tlai lutuk deuh.
Report this comment
December 22nd, 2012 at 4:42 pm
#5 ami “..USA ah pawh hman kum lawk, kan pian hnu thlengin midum ten vote an nei thei lo,” tih khi ka ziak uar mah mah, 1964-ah ka la piang lo, ka tihpalh a ni e. hairehai
Report this comment
December 22nd, 2012 at 7:58 pm
#3
Report this comment
December 22nd, 2012 at 8:36 pm
@5, H.Vangchhia, ka sawi tum tak min lo sawi khalh chu le! Eng pawh ni se, tuna DMZP hruaitute hunlaia he thil thleng avang hian hruaitu ni mekte tan chuan thil zahthlak tak chu a ni reng rengin ka hria.
Report this comment
December 22nd, 2012 at 10:02 pm
Pu HV
Mitthi buaipui vek lovin 2/1 tal lo tel ve se dik tur a nia le..
Report this comment
December 23rd, 2012 at 3:02 pm
Ngati nge maw kan DMZP chu an va chetlai em em ve!.? #11
Report this comment
December 23rd, 2012 at 5:10 pm
#11, Rinthu mai mai, kal bo bik nih hrehawm khopin a chevel (active) an tlem?
Report this comment
December 23rd, 2012 at 9:56 pm
#3 and #7
..
Report this comment
December 24th, 2012 at 9:48 am
State ai awh annih te chuan enge a pawina? Mizoram khua leh tui anni ve tho a lawm. Mizo ho pawh India ram ai awh in sport leh thil tihna hrang hrangah an tel ve fo ani lawm ni? Vai ho chauh in India ram ai awhtur ti se in kel be chel chul ange aw!
Report this comment
December 24th, 2012 at 10:07 am
# 15…
Report this comment
December 30th, 2012 at 8:02 pm
D.M.Z.P te katan che u in intihtur diktak tlawm ngai pawl te V.I.P tanpui ngaite tanpui navang a in telve theilo hi thiam lohna pakhat mahin nelo vin d.m.z.p din chhan ang ngei a tanpui ngaite intanpui a ngaih miau vang a intelve thei lo hi dema hnek. in infak awm thlawt zawk a lom he inhmuh khawmna ahhian lo telve ta u la hengchhiat tawk tehi tunge thla muan in buai puita angle chhiat tawkte rilru mang ang mahni rampawh nilo leh hngal ah hian mangan na a va thuah hnih dawn em nang mahni vang liau2 hian heng ch
uuhiat tawk te thla muan nahi sum leh dinhmun san na a thla muan chi ani mawlh silo. D.M.Z.P damreng
rawh se.
Report this comment