mi(sual).com

Mizoram sorkar thar chuan corruption a zung chawp a phoro tih hi an thil tum a ni a, sawi pawh a hlawh khawp mai a .Corruption a zung chawp a phoro tur chuan sorkar hi sorkar a nihna ang tak a dan leh dun awmsa leh a zam te a zawm a pawimawh hle a. Contract employees kan chhawr te financial power kan pe thin hi a pawi hle a ,dan kan zah lohna a ni a, regular service te tan responsibility leh accountability an hna thawhna a an neih tur hi an inthlahdah phah nasa in a lang.

Rural Development Department bik hi entirna ang in han bihchiang ila.DRDA a thawk Assistant Engineer te, Account Officer te leh hmun thenkhat a NREGS atana Programme Officer an lak te hnen a Drawing and Disbursement power chu sawi loh financial power an pe te hi kan sorkar thar hian chuan ennawn se a tha viau in ka ring.

Financial power pek hi ,ka lo hriat ve dan chuan,Delegation of Financial rules 1978 chuan head of office hnen ah chauh a pe a , General financial rules chuan DDO power nei tur pawh in Gazzetted First Class Officer hnen ah Sanctioning authority in a delegate tur a ni.Tin,a ti chiang zual tur in DP&AR Office memorandum No.A.41020/1/2003-P&AR(GSW)/ dt.10/11/2004 a tih chhuah point No.8 ah chuan ‘ No contract employment should be made against the post having financial powers and a contract employee should neither be delegated with financial powers nor assigned the work of D.D.O. ‘ tih a ni a.

Heti chung hian DRDA hnuai a thawk AE tam tak chu IWDP hnuai a project thenkhat enkawl tur in Project Implementing Agency ah te ruat an ni a, Account Officer leh Contract basis a lak thenkhat pawh NREGS enkawl tur in Programme Officer ah lak an ni.

Heng contract employees te hian thil ti sual se security sorkar tan engmah a awm lo a, accountability leh responsibility an hna ah awm tur ang a ngaih chu thil har tak a ni ngei ang. Recruitment harsa tak a paltlang leh oral interview a tling te sorkar in thuhmun reng a treatment a pek hian regular service officer thenkhat tan complacency a siam hlauh thei a, a siam bawk ni in a lang.

Heng ho financial power neihna chhan hi tu ten emaw ‘rul kua an zen tirna ‘ hmanrua lek fang ni mai in a lang a , covert corruption awm theihna loopholes chhe tak a ni a, Centrally sponsored schemes pawngsualna hmanrua pakhat ang mai a ni hial a, ‘Schemes and sins ‘ an tih phahna chhan pakhat a ni.

Entirna kan pek Rural Development Department ah chauh lo Department dang ah pawh hetiang thil hi a awm thei, enthat a siam that hi accountability leh responsibility te regular service officer ten an neihna tur atan a fuih tu tha tak a ni ngei ang.

Tak tak ah chuan Deputy Commissioner /Secretary ……. is please to appoint tih leh Governor of Mizoram is please to appoint tih te chu an function dan a thuhmun tur a ni dawn em ni.

Similar Posts:

• Sorkarin city bus leh taxi nuar service turin thu a pe
• CIC Operator ten IT Minister hmu
• IAS officer transferred 6 times in 6 months
• Thla 6 chhungin sorkar hnathawk 51 ban
• IIPM-best only in claims?

Recent Posts:

• mi(sual) member piancham!
• Kal dem dem.
• Nova’n Anchhia A Lawh Sual Emni? {:Sunday Pual:}
• Beiseina nung (Pathianni pualin)
• Burma-ah ka zin Part – IV (Tuingo khuaa lung satel mak an tih kha)

This entry was posted on Sunday, July 5th, 2009 at 12:18 am and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.