Hip Pocket in Aizawl

November 18th, 2009 5:39 pm by Nancy

Sangzuala Hmar

November ni 21 zan dar 7:00 khian Kolkata hotel lar The Park-a kum 12 chuang rimawi lo tum tawh Hip Pocket te chuan Art & Culture Auditorium, Beraw Tlangah live concert an nei dawn. He concert “The Songs Remain The Same” hi Airtel, MSACS leh Odyssey Events tangkawp buatsaih a ni.

Hip Pocket band hi mi entertain thang an nih avangin an chevel a hmuhnawm hle a, khawvela band lar tak tak hla an sa tlangpui. Rock hla engkim an thiam tih ngam khawpa rock music-a tal rei tawh an ni a, The Park hotel-a pub lar Someplace Else-ah kum 10 chuang an play tawh a, The Rolling Stones ho hla atangin tunlai rock rimawi lar ber berte an play thei a ni.

Art & Culture Auditorium, Beraw Tlang hian mi tam tak a dawl zo dawn lova, a chhungah mi 250 vel an leng a, a bak chu pawn lama kan awm a ngai dawn tlat! A chhung hi Rs. 500 man a ni a, a pawn Rs. 200 man, mahse a pawn hi a hahdamthlak viau zawk mai thei, big screen a tihlan a ni ang a, sound system tha tawk tak chhawp a ni dawn bawk.

Seat a limit a, mahse Hip Pocket lam chuan an rimawi erawh limitless a ni dawn e tiin an sawi. “Kan audience te kan hlui tur music chu A-Z a ni mai, rock rimawi ngaite lungawi takin kan haw tir dawn.” tiin Aizawl organisers Odyssey Events an rawn hrilh.

Hip Pocket concert-a opening act ti tur hian Lunglei band tha Cellevain te biak fel an ni tawh bawk a, anni band hi nikum Vulmawi Awards-a Best Rock Band-a thlante an ni a, Mizoram aiawhin Amritsar-a National Youth Festival-ah pawh an lo zai tawh a ni. Cellevain hian mi hla an play ngai meuh lova, mahse concert an hawnsak turte’n mi hla an sak dawn avangin anni pawh hian tunlai band lar tak tak hla an rawn sa dawn a, an bassist Sangzuala chuan Green Day, System of A Down, Metallica, Limp Bizkit hlate an rawn keng dawn tih a sawi.

“Kan theihtawp chhuahin kan bei dawn, Aizawla show mumal taka kan tel vawikhatna tur a nia, kan tang khawp mai, Hip Pocket lam chuan rock rimaiw tlema hlui tawh deuh an sa dawn niin a lang a, keini chuan contemporary rock kan rawn auchhuahpui ang e,” tiin an bassist Sangzuala chuan a sawi.

Sound system-ah Active Sound hman a ni dawn a, Zoram rimawi khawvela hriat hlawh tak Magdalene manager thin Freddy chuan sound tha tak hunchhuah a nih theihnan hma a la mek a, Hip Pocket hian 24 tracks an mamawh a, hneh taka pek an tum tih Active Sounds te chuan an sawi.

He concert neihna tur hmun hi a len loh avangin ticket pawh ‘limit’ taka siam a ni a, MYKOP, Zarkawt leh Zote Bakery, Dawrpui-ahte lei theihin a awm tawh a ni.

20 Responses to “Hip Pocket in Aizawl”

1
H.Vangchhia Says:
November 18th, 2009 at 5:43 pm
An thiamlo e. NGTV ahlimawm zawk maithei.
Report this comment
2
kook Says:
November 18th, 2009 at 5:48 pm
Kei chu Lady Gaga ka duh ber.
Report this comment
3
ConstantineXX Says:
November 18th, 2009 at 5:50 pm
An thau hlom em mai, an hmel leh pian a rock lo…
Report this comment
4
shabito Says:
November 18th, 2009 at 6:16 pm
Mizorama band/singer kan neih ho hian min entertain zo toklo tihna a ni ber mai, hetianga Mizoram pon atanga zaithiam chahluh hian. Mahse, Mizoram poisa chu a luangchhuak leh teuh don ni mai. Tihtheih kan nei chuang em ni, midang chahluh loh chuan.
Report this comment
5
Taikheri Says:
November 18th, 2009 at 6:17 pm
Pik pocket a? Post ho e
Report this comment
6
kook Says:
November 18th, 2009 at 6:28 pm
Pic Pocket ani leh ringawt dawn anih hi. Haiha Huiha
Report this comment
7
Irreplaceable Says:
November 18th, 2009 at 6:48 pm
Someplace Else, lung a va tileng rawih rawih ve!

Kan hunlai chuan Delta Sound tluka thra a awm ngai lo
Report this comment
8
Hotshot Says:
November 18th, 2009 at 6:57 pm
Ot lawks.

Khawngaihin AVI with subtitles tih topic-a comment 33-naa ka zawhna hi min chhang thei in awm chuan min chhang teh u. Ka buai teh mai a nia.
Report this comment
9
tlau Says:
November 18th, 2009 at 7:15 pm
Band ni ve lem si, mahnia hla poh hleilo neilo, mi hla sak rigot, ang takin an sa rigot aga, originality eroh a om om silo, chu ai cuan kan mizo band tha tak2 mahnia hla nei a bikin drop doubt te hi k ngaisag daih jok keicu, chah chhuah anih leh hun chu hawh u, dream theater te hi chah ve ila, a ngaisang tu te tan hian a ropui dn em asin
Report this comment
10
chhana Says:
November 18th, 2009 at 7:22 pm
Zaithiam kan ngah tawh fuin ka hre sia; kan khamlo emni?
Report this comment
11
Pim Pom Says:
November 18th, 2009 at 7:48 pm
Originallity awmlo tawp tur, mi hla copy ringawt tur concert en chu tilo mai teh ang. Megadeath lokal ta se chuan ka en ve mahna le.
Report this comment
12
littlerascal Says:
November 18th, 2009 at 8:12 pm
mi hla hlir sa dawn poh nise chah chhuak duhtu kan la awm a thra ve tho lawm
Report this comment
13
mzvision Says:
November 18th, 2009 at 9:10 pm
Aizawl huau huau lawm ho inmhu leh threm threm ila ni mai alawm a ngai te te in

Mi hla sa ho hi chu a ori nen compare an awl lutuk a, mahse mi sak lar sa hi mi hriat lar chu ani bawk si. Eng genre pawh Live Band tithei hi awm ila chu thra tur. kan thiam ho (an bye-heart) play ho style duh lah hi a inang thrum lehnghal

Kei chu MI pahin kalpui tur ka sawm lehpek ngei ang :roll:
Report this comment
14
littlerascal Says:
November 18th, 2009 at 9:14 pm
Lo enjoy rawh u
Report this comment
15
Pc-a Says:
November 19th, 2009 at 1:31 am
Bengchheng leh awm..!
Report this comment
16
noizoz Says:
November 19th, 2009 at 1:26 pm
MSACS te hi HIV AIDS venna kawng a hma la tu an ni emaw ka lo ti a concert hian engtin nge aids an control theih dan tur han sawi teh un concert neih hian aids hi a tawmim deuh dawn tihna enmi ang trla la lu
lu
l
u
Report this comment
17
meester Says:
November 19th, 2009 at 5:41 pm
Sawi lar chawp ngai ang chi hi chu chahchhuak tawh lo ila a tha in ka hria, entu an tlem thei e mai, a zahthlak pha tlats.
Report this comment
18
TeeBone Says:
November 19th, 2009 at 11:06 pm
An zai ngaihthlak hma hauh a lo soisel ringot tur a ni ngailo e..Someplace Else ah poh helai ai a kan senso ai a tam zawkin min Entertain tho a,chuvang in kolkata,Park hotel ah kher kal ngailo a helai a pawisa tlem te seng a lo en hi a hlawk zawk lom ni!Tantra ah te poh a let cuang2 sengin DJ in hla fahrah te2 play karah thiam lo deuh2 zai ngaithla in a sang tel2 kan seng ngam tho alom le!A hrim2 in thalai te hian in tih hlim na tur kan neih zawng2 min khap zawh sak lai a hetiang kan hmu thei tur hi chu lom zok tur a ni don lom ni?Sawisel hmasa lo in an Music play lo ngai thla ve chhin phot ula chuan D-Key poh hre lo ho hian kan sel don nia!
Report this comment
19
muantea Says:
November 19th, 2009 at 11:58 pm
Ni e, tuman sawisel suh u, Mr Big Indian version an nih hi :lol:
Report this comment
20
Ramchhana Says:
September 2nd, 2010 at 12:17 pm
Va en chak ve le aw! Ka mizo zai te sit mai lovin a support zawngin awm zawk ang u. Sel aiin an mawina tur lam ngaihtuah sak a tha ngai e.
Report this comment