Taia pa & co. te’n an hnawla an paih hnu van lal reng ro pialral Lal Isua Krista lo pianna champhaphak vawi 2015-na kan lo thleng dawn leh ta reng mai. He hunpui lo thleng tur hi keini Kristiante chuan kan phak ang tawk tawkin tisa leh thlarauvah kan inbuatsaih thin a ni.
Kohhran tam zawk chuan he hunpui lo thleng turah hian ran lukim talh duh mahse an thei vek kher lovang. Chuvangin Mizo mipui a rethei ber thleng pawha kan vulh vawk hi Lal Isua hunlaia an kawchhunga ramhuai an luh avanga tuipuia zuanglut tate aia tam mah kha a awlsam leh a hrisel avangin kan khawng thlu leh ngei ang.
Engvanginnge vawksa hi Zofate hian kan duh em em? A tui em vang emni? Hnai love!! A aia tui a tam lutuk. Anihleh engvangnge? A hrisel em vang mawle!!
Khai mahaw: Kan chaw eite chakna (energy) a chantir an nih theihna tura tangkai tak vitamin B, chi hrang hrang heng; B1 (thiamine), B2 (Riboflavin), B3 (Niacin) leh B5, (Pantothenic Acid) an tihte hi vawksaah hian an awm vek a ni.
Kan taksaa tui chi hrang hrang awm leh thil pawimawh tak tak awm, kan hriselna atana pawimawh em em thlentu hi vawka tam em em mineral avanga lo awm anni Vawksaa minerals pawimawh tak tak awmte chu; calcium, iron, magnesium, phosphorous, potassium leh sodium te an ni.
Tin, vawksaah hian thau(fat) tha mi 48g lai a awm ani.
Vawksa ei thatna dang leh chu mita lung awm (gall stone) tan a tha. Nitina ei phei chuan zai kher loh pawhin a dam thei a ni. Thisen dawt thalo tan a thaa; heng thisen sang, lungna leh lungphu chawlte hi nasa takin a pumpelh tir thei a ni. Mizorama BP sang leh cancer tamna em em te hi kan vawksa ei tlem vang te pawh a ni mahna
Tin, vawksaah hian fiber (dietary fiber) a awma; hei hian kan chaweia thau thalo, lapua-in tui a hip angin (sponge) a hip thei a ni. Kan thil eia thau thalo, cholesterol te kha a lo hipa, kan ek lamah a chhuak zawk ta thin a ni.
Mizote hi hnam mawlah kan inngai leh thin. Amaherawhchu heti khawpa sa tuilo vawksa, a hrisel em avanga ei nachang kan hria hi chu kan fin vang ka ti lo theilo.
Kan hma lawka Krismass lo thleng tur hi mi tamtak chuan sual nunchan zirna bul atan an hmang thin. Mahse keini mi(sual).comer ho hi chuan he sa hrisel tak hi ei nachang kan hrelo pawh a ni maithei e. He hunpui atang hian I ei uar ang u. Kan thiante leh chhungte pawh hrilh darh ila; a ei tawhte’n an zawngchhanga, la ei ngailote’n ei ve an chak nan. Tichuan Krismas chu hriselna bultannan kan hmang dawn zuk nia.
Similar Posts:
- Krismas Ruaitheh (Pic album)
- Top-2 leh Chawlhni(Sunday)
- Exercise hian min ti cher em?
- Vawksa thatlohzia
- Buh Chang rum leh lei
November 20th, 2009 at 7:52 am
hv: i rindan khi ka pawm dan a nia. Uisaa phuihnam kan thlak ang hian. Uisa chak ltk tur phuihnamin a lo neutralize ang hian. Vawksa tel lo a chaw tlemte ei ai chuan vawksa nena kan ei treuh chuan buh leh hmarcha vela chakna awm kha kan ei tam thung don a lo nia. Ha ha.
Report this comment
November 20th, 2009 at 8:28 am
#127 hi a tha pap2 hle mai!
Ti deih ila, vawksa hi eng a tui na?
Report this comment
November 20th, 2009 at 9:20 am
Chhana post chu, hit phian a nih hi….!
Chhana khawsak dan in han sawi takah chuan, a Kristian na a kalsan thei nganglo ava nih hmel ve?
Report this comment
November 20th, 2009 at 10:35 am
Vawksa leh zu hi chu inhnialna topic atana a lo buatsaihsa a ni mahna.
Report this comment
November 20th, 2009 at 11:21 am
Teatak2 “Pathian thilsiam tinreng hi a thra si a… engmah duh loh tur a ni lo” i ti zut zut zo chiah a, a hnu lawkah “zu ruihna te, zu hmun hlimnate…chutiang thil tih hmangte chuan Pathian ram an chang lo vang” i rawn ti ve leh lawi si. Pu HV a i ngam rawk rawk dawn em ni ? Pu HV a te pawl chuan, Zu hi an lo dah pawi lutuk lo ve mai thei ania.
Report this comment
November 20th, 2009 at 5:37 pm
@virthli
pu hva hi zu ruih hmang a ni lo hrim2 tih ka chiang. Pathian ram an chan loh tur hi thih hnu vanram nge damlaia nun chhenfakawm hi ni ang tih poh soi thui theih tak a ni. Zu in zz hi meidilah an kal vek don lo tih hi chu a chiang viauin ka hria.
Report this comment
November 20th, 2009 at 7:15 pm
Jews leh Muslim ho hian vawksa kher nilo…vawk a tang a chhuak chu an ei-ngaih hun a awm ve thin tho ang le…..Pancreatic enzymes damdawi a kan hman hi vawksa tang a lak ani sia!! an hmang ve tak ang maw???
Report this comment
November 20th, 2009 at 9:17 pm
Pu HV a chuan Zu a rui ngai hauh lo ani tih i hre chiang chiah maw ?
Zu in ve thrin, Zu rui ngai miah lo tura lo chian em em kha i sawi huai mah mahin i inhre ve mai mai em ? Zu ruihna avanga Pathian ram chang lo tur i tih zingah hian eng ti ang chin a zu in thrin chiah nge ni ta ang ? Pu HV a chuan Zu a in thrin ani tih amah ngei pawhin a pha ngai hauh silova, Meidil tla lo tawk chiah chiah turin a in thrin tihna em ni ?
Report this comment
November 20th, 2009 at 11:56 pm
bible in ruih hmang a tih chin hi eng ang chiah nge tih chu mahni threuh kan chiang mai ang a. Nitina thu thar thra tak2 a ron thawh reng theih chuan a ruilo a ni phot mai a. Awmdan phung pangngai hlauh lo ho hi chu an lu lo kai deuh mahse ruilo ah ka ngai mai. Zu hmun hlimna ngaisang nise thu thra tak2 sawichhuah tumin Pu Hva hian a hun a khawhral malêk ang. Doc ho in an medical poh hian consumed but not drunk tihchang an neih ve thrin hi mawle.
Report this comment
November 21st, 2009 at 12:03 am
Pu HV hian alcohol % chin chu hre vet vet tak a ni—motor ruih te, politics ruihte hi chu thil dang daih a ni tawh! :oops:
Report this comment
November 21st, 2009 at 12:09 am
meidil kal leh kal loh chungchang hi chu Pathianin a khawngaih leh ngaih loh lam a ni daih. Piantharna te hi thli ang a nia tiin Isua khan a sawi a. Chumi camping ah, kha mi darkarah ka piangthar kan tihte hi vanramah hunbi reng awm toh lohna kan thlen hun chuan tunah hian ka piangthar kan tih reng a ngai don asin. Kan tlak teh duah a, Pu Hva vanram kai leh kai loh thu chu amah leh Isua inkar a ni e. Keini lo rel fel theih a ni lo tlat.
Report this comment
November 21st, 2009 at 12:23 am
Vanram kai thei leh thei lo-ah in la buai a maw ? Beginners zirlai naupang ho zawt rawh u… ei leh inah a ni ngai lo….
Report this comment
November 21st, 2009 at 1:04 am
In sawi thui tawh viua mai Isaia bung 66;17 tawp lam hi han hrilh fiah teh u.Vawksa leh Sazu sa leh thil tenawm ei te chu an boral ang a tih miau si hi engtia han hrilh fiah tur nge
Pathian thu chu chhun han pakhat pawh tih danglam thiang ani silo a. Boral tih tak hian eng nge a sawi ber ni ang??, Mahni ngaihdan kal pui thui lutuk hi a hlauh awm ani
Report this comment
November 21st, 2009 at 1:18 am
Kan hriat chinah hian chiang ila; mi tamtak chuan hriat tam lutukte pawh hi kan chhiatpui niin alang.
‘Lal Isua hi lo ring ve tawh rawh u’ an tiha an awih mai hunlai kha a ngaihawm lek lek zawk mai.
Report this comment
November 21st, 2009 at 1:29 am
chhana, a dik hle mai,mahni hriatchinah chianga zawm theih theuh hi a pawimawh khawp mai.
Report this comment
November 21st, 2009 at 1:42 am
@Chhana,Hriat duhloh lui neiin awmlo bawk ila ti raw???? Ka zawhna che i chhang lo, Pathian thu ka zawt mai che ania. Lal Isua ringtute chuan Bible hi zawm awm tak ani si a “ka hriatchinah” tih hi hriat belh tur kan nei ani mai lo maw kan hriat chin pawh hi fiah dawl ni tal se la maw le
Report this comment
November 21st, 2009 at 2:20 am
Nghasih@Thil tha zawng zawng hi a tihvek theih kherlo. Chuvang alawm Lal Isua tlan kan ngaih.
Report this comment
November 21st, 2009 at 2:25 am
virthli & Teatak2, zu chu lo in ve thin e. US chhuk tirh te chuan ka rui ve zeuh2 alawm. Tun hnu hi chuan rui khawpin ka in duh tawhlo. Zu dawr ah chuan, 1shot 1 beer, in ah chuan 1 glass of red wine. (fact) chu pawh chu ka in lohna chen thla 7 a chuang leh tawh.
Drivers license neih hma in alcohol and drug awareness class kal ngei ngei angai a, chumi ah chuan chawnghilh pawh hian drivers license a neih chuan alcohol % vel chu a hre ve viau tho ang.
tra la la la la
Report this comment
November 21st, 2009 at 2:26 am
@ Chhana Ka hrethiam mihring hi kan famkimlo, kan famkimloh naah tak khan krista kan aiin a thi reng a, chuvangchuan kan tih theihtawk hi chu kan ti ve hram dawn lawm ni chhandam fa te hian kan ti maw le (NOI)
Report this comment
November 21st, 2009 at 2:26 am
Remchangah Juda-te’n ei/in chungchang leh chawlhni an serh dan ka la rawn ziak dawn nia.
Anni hi dan ngai pawimawh tak anni. Chhandam nih an tum dan hi a hahthlak lehzual a nia..Thuthlung Hlui hun laia Pathian thupekte hi zawm theih chuan a tha. Mahse Lal Isua’n thu a rawn thlung thar tawha; chuvangin zawm kher tum hi a pawimawh ber tawh lo.
Report this comment
November 21st, 2009 at 2:32 am
nia, Kristian nih chuan
Report this comment
November 21st, 2009 at 2:40 am
nghasihQ nia pawimawh tehreng mai. Pathian hian a tiha kan tih ve hi a phut tlat a ni.’Biak In khera inkhawm lo pawhin Pathian chu hmun tinah a awm ‘ kan ti a ni thei.Mahse Biak In va pan hram hram khan kan lo chak phah lehzual dawn a ni. Chawngheia tawngtai chungchangte pawh hi, mi’n an ei phah azeng pawh a ni silo. Mahse Pathian chuan, “Hmun tinah chuan kan awm ngei alawm. Ina tih mai kha a pawina a awm reng reng lo. Mahse kei min ring tak taka ka thupekte zawm in duh a nih chuan tih hram hram nun a ngai. Harsatna paltlang ve in tum ve hi kan phut tlat a ni. Exam naah, “Lalpa min pass tir rawh” tiha zir chuan siloh anga Pathian chu hmun tinah a awm alawm tih avanga paw’ng Biak In hnualsuat ngawt chu a fello a ni. Chawnghei chungchang pawh kha mi retheite’n eitur an dawn phah dawn avanga phut ka ni lova; eng hna pawh thawk dawn ula, in chetchhuah loh chuan a theihloh ang bawk hian thil engpawh ti dawn ula, in chet chhuah ve hi ka phut tlat a ni. Mahni hrehawm pawisa lovin, ni tin a kraws puin mi zui tur a ni. In in senso ve hi ka phut a ni. Lal Davida’n Jebus mi Arauna hnena a tawngkam, “Engmah insengso lovin LALPA ka Pathian hnênah hâlral thilhlante ka hlawn tawp lo vang,” tih kha in thupui lo ni ve rawh se. Samdala ang maia theipui tla nghaka an reng tur a ni lo. A kunga lawn kha ka phut a ni.Tin, keimah min ring anga lang sia, thiltiha in lantir siloh chuan min ring thlawn mai a ni” a tih ka ring a ni.
Report this comment
November 21st, 2009 at 2:50 am
Pu HV@ a dazat mai chu ka nilo asin.
Ka chian em avang in a nia min ngei em em ni. noizoz-a khan ka computer a rukin a lo ena; chungchu midangte a lo hrilh darh vel mawle. Tunah chuan Hmingtea a ni leh daih tawh.
Ziakmi anga lar hi ka chak thin. Mahse hetah thung chuan ka lar vet vet khawp mai. Mizo ho hian ka thu leh hla hi an chang ngar ngara; Hebrew/English-te’n an leta; Rabbi-te an pek bakah a thente phei hi chu Mizo in tinah a copy an sem vel mawle.
Report this comment
November 21st, 2009 at 3:04 am
chhana, ka fiam che a nih kha, ka buai pha lo khatiang ah.
Report this comment
November 21st, 2009 at 3:21 am
Hv@ i buai pha ka tilo. Mahse min hmuhsit hmel tlat. Ka Kristian puite lehzelin min hmusit hi chu na tak a ni.
Report this comment
November 21st, 2009 at 3:27 am
Hmusit love a, Mizo tawh phawt tumah ka hmusit ngailo. Ka fiamthu erawh kalo uar sual aniang e. Tih palh a nih chu. Tap tawh suh
dam dam vanah kai
Report this comment
November 21st, 2009 at 3:35 am
Khurbing —pampering duh deuh in ang hlawm! NOI :roll: Ka vawk vulh ni hlawm ula chu —chhungkhat leh thenrual thate sawm khawmin, ruai atan ka va han talh tawh dawn chiang che u!
Report this comment
November 21st, 2009 at 10:23 pm
Naktuk Pathianni a lo ni leh dawn ta reng mai. Vawksa hmeh leh siah siah mai ang u aw.
Report this comment
August 24th, 2010 at 3:52 am
Manchester City 3-Liverpool 0.
Report this comment
August 24th, 2010 at 4:09 am
Chhana, i post-ah chuan in lo va inhnial nasa ve.. hehe.
Report this comment
August 24th, 2010 at 2:19 pm
MR TSa hi i va vak kim em em ve maw le, ka chhiar ni niten i la rawn comment ta lai riha. Thu post hlui hai vak vak suh i 1st thei lo palh ang,…..lolz …Ka chhiar chhuak dap……. hahahhahaaa…..
Report this comment
January 8th, 2011 at 1:07 pm
@chhana. Pu Chhan, kei hi mi mawl mai ka nih avang hian fiamthu leh thutak pawh hi a chang chuan ka thliar hrang thiam ta thin lova. Chuvang chuan hrilhchawpa kawm ngai pawh min ti u la ihe lovin ka pawm thlap ang.
I thupui,”Vawksa fakna” kha ka lo chhiar ka lo chhiar thrin a, tu dang mah lah khan thutak tehchiam khan an lo comment lo niin ka hria a, kei vawksaheha tih takah vawksa hi fakna tur awm ve se ka lo ti fo thrin a, hmanah sap megazine pakhatah chuan tlemte ei chuan thrat lohna a nei lo tih an rawn ziak ve a, chubak chu vawksa fakna dang hi ka lo la hmu fuh ve miah lova. Vawksa thrat loh zia tih bak hi a fakna lam hi ka bengah hian a lut nai lo reng reng ti ila, a dik awm e. hengte avang hian i thil rawn ziah hian min ti phur riau a, mahse ka sawi tawh ang khan, fiamthu leh fiamthu lo pawh thliar hrang thiam lo ta chu vawksa i haw lutuk rawn sawiel mai mai nge, i rawn fak tak tak tih ka han zawt duh che a ni. ka lawm e
Report this comment