Mizo tawng hi kan namnulin kan zuam sawt khawp mai. Kan sikul luh lai (han ti ve khanglang ila) kha chuan kan Mizo sikulah kha chuan Mizo tawng Grammar kha zirlaiah khan a tel tha khawp mai a. Punctuation leh Grammar kan ngaipawimawh a. Double vowel a awm chuan thluk tur mah ni se thluksei hman a ngai lo tih te, ri kuai, thluk fan a awm chauhvin thluksei hman tur tih te, ‘mahse; leh ‘mah se’ danglamna te ‘…te’ hmanna azira zawm leh zawm loh chungchang te… Tunlaiah chuan kan thluk ta lem lo khawp mai.
Post tha pawl leh Mizo tawng pawh hman ulukna hrang hrang kan hmuh phakah pawh thluksei leh punctuation kan uluk lem lo hle, comment lam chu sawi loh pawh ni se. Hei hian hnam pawlawh leh ziarang nghet nei lo kan nihzia a tilang nge, kan mizia hrim hrimah hian pawlawh pawisaklohna a awm tih a entir?
Pawm dan leh hriat dan a inang hauh lo tih zawng ka pha hauh lo, amaherawhchu Mizo tawnga lehkhabu chhuak engemawzat ka hmuh phak ka chhiar ve chinah pawh mit tikham leh a bu chhungthu aia rilru lapeng thei khawpa grammar, punctuation, usage leh structure chhia ka hmu ta nual mai. Double vowel-a thluksei hman a tam ta a, ri sang satliaha thluksei hmanna kan hmu ta nual mai, hmang famkim chuang si lovin. Tu mawh nge le?
Mithiamte chuan tawng hi tui anga luang reng, danglam leh che reng niin an sawi thin, a dik awm e. Amaherawhchu kan Mizotawng neih ve chhun hi kan diriam a, kan hman pawlawh a, kan tibua zo dawn a nih chuan chhuan bengtlaloho hi kan thlah kal zelte hian min va mawhchhiatin min va diriam nasa dawn em!!!
Mizotawng hi a thluk azira a awmze danglam thei (tonal language) a nih avangin ziah zawm leh zawm loh te, thluksei dah leh dah lohte hian awmzia a nei thui bik hle, kan tawng danglam bikna (distinctive characeristic) angah kan puh thei awm e. Hei hi kan duatin kan chawilian tur a ni dawn lo’m ni? Bihchiang ila, zir ngun lehzual ila, hmasawn tumin tangho ila, tlem tal zawngin hmasawnna kawng kan zawh dah lo’m maw…???
Similar Posts:
- SMS leh Mizo tawng
- Punctuation kan hman dan hi…
- Fimkhur A Va Ngai Ta Em!
- Mizo tawng danglam bik riauna
- Mizotawng chungchâng bawk!!!
hairehai
November 15th, 2009 at 4:21 am
Tan ho chu a ngai deuh tak tak tawh a ni! Mizo tawng hi chu ka thiam lo ve pangngai viau a, mahse kan zirtirtu pakhatin ti tura min hrilh atang khan, SMS-ah te, ‘scrap’ etc-ah te hian a ‘spelling’ chu a pumin ka ziak vek zel – “Phek khata a len dawn loh chuan, phek tharah kai huamin a pumin ziak hram thin r’u” kha min ti a… Mizo tawng chauh pawh ni lo, English ka hman pawhin ka ti pum hram zel. Thuziak a ti zahawmin, a ti hlu ve riau te’n ka hria a. ‘Spelling’ kan thiam phah a, a puma ziah hi a harsa lo bawk! Chass-in min duh loh phah lo bawk!
[Report abuse]
November 15th, 2009 at 4:36 am
A ni khawp mai. Mizo tlangval ka in ti ngun ve viau va, mahse tawng erawh ka thiam fumfe lo hle. A chung a ziaktun’ a rawn tarlang te hi ka naupang lai a ka zir loh hlir a ni. Hnam dang tawng, English, German, Spain, adt..te kan thiam viau pawh a ni thei, mahse mahni tawng ngei thiam hi a zahawm ber in ka hria. Ka duh lohvang ni lovin, ka naupang lai atang systematic tak a zir na tur hmun ka nei loh hrim hrim vang zawk a nia. Thangthar te tan a pawimawh dawn hle in ka hria. Mizo tawnghi systematic tak a kan zir a ngai khawp mai.
[Report abuse]
November 15th, 2009 at 4:44 am
Post zahawm tak ani, mi(sual) hi Mizo trawng thiam nal lo leh ziak thiam vak lo te’n inzir nan an lo hmang ve mek bawk.
Mahse han tihlerh leh tih tunlai nan hian kei ka ching khoops mai. Ululk pawl awm reng a thra e. Mahse mipui kan thuhmun fo thei lo erawh hi chua hriathiam fo a trul NOI
[Report abuse]
November 15th, 2009 at 5:09 am
Mizo tawng hi ka thiam thei tak tak lo a ni ber awm e. Thupui te hi ka han theh lut ve thin tak naa, ziah zawm tur leh turlo te leh thu kal phung a ziak diklo hi ka edit fe hnu an rawn dah chhuah hnuah pawh hian ka hmu leh nual thin.
Ziah zawm leh zawm loh tur ah chuan hming kan thendarh fo mai hi ka ngaimawh. Lal Thanhawla tih ang te hi Mizo tawngah chuan ziah zawm ngei tur a ni. Lal Thanhawla a nih chuan a awmzia emaw phuah chhan kha a phawk tawh lo hrim hrim.
Tin, Kawlni tam takin, Colney ti a an sipel te, Zawngte hovin, Jongte ti a an sipel te, Hauhnar thenkhatin Hanner an intih te, Singsuan in Singson an inti te leh a dang te hi ka ngaimawh bawk. Mizo hnam chhung a mi an nih chuan Mizo tawng ngeia chhiar tur an ni si a, chhiar/koh ngaihna an awmlo a ni ber awm e
[Report abuse]
November 15th, 2009 at 7:22 am
Mizo trawng thiam chuan thlukseina tur a hre mai a, thluksei dah leh dah loh hi a pawimawh vak amawn le?
HV, hming ziah zawm leh zawm loh ka sawi ve dawn. Eg. Thianpa Biakdika hi BD-a kan ti mai a. BD-a a nih chuan a hming hi ‘Biak Dika’ tia ziah tur a ni. A ziah zawm chuan ‘B-a’ tih mai tur a ni zawk lo maw? AwPa, TMa, SKi etc. te pawh.
UNO chu United Nations Organisation tihna a nia, U hi word pakhat lamtawina a ni mai a. UNTNTOGNST kan ti lau. Rawngbawla hi kan ziak zawm dawn a nih chuan ‘RB’ ti lovin ‘R’ tih tur.
Hming ziah zawm loh tur ka ti lo a nia. Kan ziah zawm chuan kan hming abbreviation hi uluk takin i hmang ang u ka tihna mai a ni e.
[Report abuse]
November 15th, 2009 at 7:35 am
ZerO, Mihring hming lam tawi hi abbreviation angin kan hmang thin. Hawrawp min siam sak tu Sap ho pawh hian an lo hmang ve tho mai, kan hman dan erawh a in anglo thei. Abbreviation awmzia pawh, “phrase emaw word emaw lam tawi,” tihna a ni.
Mahse, hming tluan ziah nan hi chuan ziah dan hi hnam tin hian kan nei hrang. Kan ziah dan ang lova kan then darh erawh chuan awmzia a nei tawh thin lo a ni.
Entirnan: Lalrinawma tih chuan Pathian hi rintlak a nih zia a rawn puang chhuak a mahse, Lal Rinawma tia ziah a nih chuan, Lal (king/chief) Rintlak a mah kha a ni tihna a ni daih thung ang. Sap hming ah pawh, Frederick tih chuan mihring hming pangai a ni tih kan hre mai ang mahse, Fre De Rick tih ni ta se chuan Fre-a Rick khaw mi tihna a ni daih ang.
Mizo chuan Lalrinawma lam tawi ah chuan abbreviation kan hman dan sap nen in ang lovin, L.R.AW, kan ti ang, Sap ho chuan Frederick atan abbreviation an hman dan tur chu Fred tih a ni thung ang. Abbreviation ve ve a ni a, hman dan a in an loh avangin abbreviation kan hmang sual chuangin ka hrelo. Therefore, since abbreviation means a shortened word or a phrase or shortening something by omitting parts of it, the way the mizo’s and whites use are both correct. clap clap clap
English hmang ve ve American leh English ho pawh an English hman dan a danglam tho hi maw. A meaning a danglam phah lo a nih chuan a dik tho turah ka ngai asin. As in color and colour or cheque or check, they mean the same.
[Report abuse]
November 15th, 2009 at 7:57 am
Ku muanga, ka hre bik lo tawp mai.
Mizo tawng hrim2 hi a zir ngai ber te zing a mi ka ni chiang khawp mai a,kei ka pawloh vang pawh ani lova,sikul ka kal theih tan tirh atang a mizo zirna awm miah lohva kal ka nih avang hian ka thiam lo khawp mai.state dang a pawl sawm ka pass hnuah mizoram board ah pawl sawm pass leh ka duh avangin pawl kua atangin ka kal tha leh a,term exam ah hian mizo subject ah hian ka fail ziah a ka nu hian note min siam sak thin a,chu chu ringin finalah chuan ka pass thei hram thin a HSLC examah pawh mizo subject ah hian pass mark ka hmu tang tang avangin ka grade pawh nasa takin ka hniam phah nghe nghe.
Ka pawloh vang pawh ani lo ,ka zir nasa khawp mai a,a ziah chu sawi loh a chhiar hi ka thiam lo em em mai a, a chang chuan ka spell chawp thin nghe a, han chhiar hian a thlukah hian ka buai fo thin. Mahni tawng thiam mang loh hi zahthlak ka tih avang hian ka nu bulah hian Bible leh lehkhabu dang hi a riin ka chhiar thin nghe2 a ni.Tawng zut zut mahila sikula a zir zir awm ngut lo chuan ziak leh chhiar,punctuation tih vel thiam chu kaha a ni ri ngawt. Amaherawhchu, mahni tawng nana na chu tawng dang ai chuan kan thiam zawk tho chu anih hi maw.
Manihni tawng pawh nise zirna fielda zirna mumal a awm loh chuan a spelling,puntuation,etc, thiam a har anih hi maw.Mizo chang an nilova, American hnampui zawk te pawh an ni tho mai, nal takin an tawng zut zut a, thil ziah a ngaih hunah hian a tawng neitu lo leh hnamdang mi zawk hi a spelling te leh word thenkhat min zawh chang leh min chhiar chhuah tir chang hi a tam ve thin khawp mai.Chuvangin tawng chung chang hi chu engang pawn ven tum mah ila khawvel ze ken a nih tlat avangin tuna tang kum sawmah chuan in thlak dang hi a tam viau tawh in a rinawm.
English te pawh hi an mah ni ram chhungah ngei pawh kum sawm nga kalta a an word hman dan te an spelling te leh an tawng kau chheh pawh tunlai a an hman dan nen hian a in thlak dan nasat zia hi hmuh theih a ni.
[Report abuse]
November 15th, 2009 at 8:18 am
MIzo tawng hman dik, thang leh thar ten kan thiam na tur chuan mizoram sikul zawng zawng ah hian a hniam ber atang a, a lian ber thleng hian zir ngei ngei tur zing ah dah telin selebus fel takin siam sela, english subject an zir ang chiah hian gramar leh adangte, chip chiar takin zir sela an thiam mai ang.Engdang ani lo zirna hmunah zirtirtu tling takin zirtir sela a tha a ni mai.
Kan pawloh vang ani lo, mahni tawng anih avangin thuk taka zirna kan neih loh tlan avangin kan thiam lo tlang a ni ber mai.
[Report abuse]
November 15th, 2009 at 8:22 am
Zotawng-a thil ziak maw? Ka tîm duh lo. Ka inthlahrung duh lo —inzir sâng leh thiam tak tak, ka ziak aia ziak phawsawlh zà wk si an tam tih pawh ka hre ve rà n tho bawk.
Tà rlan chhuah ka duh hi chu ka ziak mawp ve zèl mai. Ka thian pakhat, Mizo tawng thiam tak chuan, “I Zotawng ziak hi Sà ptawng atanga i lehlin a ang,” min tihsak a. A nih hmèl viau mai thei—rilru lamah sà ptawngin a rawn invalh pap pap a—Zotawngin (ka rilruin) ka letling zar zar a. Ka ziak ve ta mai thìn a ni. Mite pawhin, “Thumal phuahchawp belh i nei thìn hi, kan hrethiam ve tho,” min tihsak châwk.
Ka intipachang a—ka tuang ka tichhah a—ka ziak ngam. Ka thil hriat tlêm tè hi Mizote hriat ve atân duhsak kher lem lo ni ila chu—ka ziak ma’lêk ang. Ka thiam lo—thiam intite pawhin min chuk nasa—mahse, ka tawrh hi a chhel ve hrim a. An mi zirtir chin hi chu ka thiam bel ve hle. Min la zirtîr tlèm rih hlawm èm a ni. Anyhow, We swap, that’s all folks!
Zir belha hmasà wn hi a nuam ka tih zâwng tak a ni a. KuMuanga ziak dà n leh subject chhawpchhuah dà n thlep thlep pawh khi lem nuam ka tiin, sehrep leh a vai, lem zâwnga thap tùr engmah ka hmu lo.
Mi hnam tawng kalphung hrim hrim pawh hi Mizo tawnga sengluh ka tum khawp mai! A Zotawng aw-phawi vak lo a nih pawhin, a hrilhfiahna tal ka’n dah tel mai ta’là wng! A dynamic-na hi ka zalenna a ni ve a—static ni se—ziak ve tùr ka nei tawp na’ng le!
I ziak nuai nuai ang u, ziak dà n kalhmang chi khat chauh a awm hlei ne’m le!
[Report abuse]
November 15th, 2009 at 9:24 am
Chawnghilh, i ngaihdan ka tawmpui che.Tawng hosa tur chuan mi hnam tawng thenkhat te kan tawng a kan seng luh thiam hi kan tawng hosakna tur pakhat a ni a.English pa ,WS a pawh khan mi tawng thenkhat hmangin an tawng a ti hausa a nih nghe nghe kha.
mizorama kan thu leh hla,litereichar lam a mi ril ho hian mizoram chhung leh keimahni bawr vel ah chauh hian an litereichar hi kual tir kual tir lovin, mizoram pawn leh khawvel hmun hrang hrang thleng phak litereichar hi an huangah hian khung tel thiam se, chu chu changkanna kawng khat ani zawk mah.Keimahni ramchhung, keimahni ho zingah hian kan litereichar te hi kan kual tir kan kual tir ringawt zawng a nih hi maw.
TIPIKAL MIZO MINS (typical mizo means)hi kan nei em em mai a,a that viau rual in , a chang chuan huangzauh hi a that chang a awm a ni.
[Report abuse]
November 15th, 2009 at 10:06 am
English poetry ngaihnawm taka hrethiam tur chuan Grik thawnthu hlui leh un hriat a ngai hnem teh asin! Latin thu leh hla pawh maw le, Modern English hrim hrimte chu hmanni vel leka awm ve bawk tho chauh alawm!
Mizo literature-ah chuan HUMHALH chin tur hi MAL-te hian HUMHALH viau mai se, an tihturah ka ngai bawk. An humhalh bak chin hi Chapter tharah, phek thar-ah, bu tharah, hun tharah, style thar leh ziak dan kalhmang tharin, kan za hian i pakai sung sung tawh teh ang u.
MAL-ho hian an duh chin chu an hre chiang tawhah ka ngai— a bak zawngah chuan valh chin awm map lovin i bei belh tak tak teh ang u. Ka chakzawng a ni khawp a nia!
[Report abuse]
November 15th, 2009 at 10:28 am
He post hi hnam hnuk khawih phak a ni. Tawng hi hnam siamtu a ni a. Tawng hi hnam tipumkhattu a ni bawk. Tawng leh thu ziak dana duh tui leh ulukte hi puitlingzia a ni. Kan hnam humhalhna pawimawh tak pawh a ni. Mizo chuan Mizo tawng a hmang ngei tur a ni. Hnam dang a bia te a nih loh chuan.
Han sawi zel phawt teh u’n.
[Report abuse]
November 15th, 2009 at 10:29 am
Chhun lawn
khuangruah sur chu lo kiam in,
Tlai ni kawl eng zung zam chuan-
Hnah nem,
boruak thiang tak chu
Chibai bukin,
a zem chiai chiai a;
An mawina ze kim nen
an lo vul thar leh ta.
Chumi kawl eng hnuai atang chuan,
Ni thar lo her chhuak tur chu nghakin
ka thlir reng a….
DAIH MAI A…
[Report abuse]
November 15th, 2009 at 10:36 am
shailendra , ila nizan em ni a
[Report abuse]
November 15th, 2009 at 10:38 am
Shaite, tinge i inkhom lauh?
[Report abuse]
November 15th, 2009 at 10:44 am
Shailendra singh, Shailendra kumar, Shailendra kapoor
[Report abuse]
November 15th, 2009 at 10:45 am
HV, irawn inpuang ta sa sa bawk a (ZG an in Pu a phal tawh lo) i thuziak hi chhiar ngun a ngai deuh tlangpuiin ka hria.Saptawng Mizotawng a lehlin a ni bawk a. Misual.Com tan erawh i hlu tak zet e.!
[Report abuse]
November 15th, 2009 at 10:48 am
@HV. Tai-te. A kawm nuam tawk vel ka la ni. Desy zunah ka uai haw hnawp hnawp. Desy Photo album ka ron up-load tep e…
[Report abuse]
November 15th, 2009 at 10:50 am
I va mutpui m?
[Report abuse]
November 15th, 2009 at 10:50 am
Pc-a, ka inpuang a ni maw
[Report abuse]
November 15th, 2009 at 10:53 am
@shailendra, i khawhai kal report kan nghak reng a nia auh.
[Report abuse]
November 15th, 2009 at 10:59 am
Pacman vs Cotto te inhnek en theih loh chu a va ho ve aw.
[Report abuse]
November 15th, 2009 at 11:01 am
@Taite, i hur… @lalpeace..auh auh auh…
[Report abuse]
November 15th, 2009 at 12:11 pm
Thianpa HV sawi fo thin, ziak leh tawng a dang a tih hi kan hriat thiam a ngai. Kan ziakah hian fimkhur a ngai zual hle a ni. Prefix leh suffix hmang uluk ila, noun leh verb ziak zawm lo ila, proper noun erawh ziak zawm thin thung ila a tlangpui chuan ka ziak dik thei ang.
[Report abuse]
November 15th, 2009 at 4:44 pm
Keipawh ka ngaihdan chuan kan sorkar hotulu te hming ziah dan hi chu an pa te phuah dan chu anih ka ring lo tawp. A nih loh vek leh primary school zirlaite hi ti dang lam law law sela. Mizotawng hman dan diklo va min hruai sual tu chu Office hrang hrangah hian han kal ula,Officer lian deuh hming in ziak chu ka chhiar thiam meuh tawh lo.Mizo nge zo lo pawh hriat hran har tak a ni
[Report abuse]
November 15th, 2009 at 7:58 pm
Mizo hming ni reng si then hran – Lal Thanhawla tih te, Lal Thanzara anih loh leh Lal Fakzuala tih mai mai… a va han tul lo tak! (Tu huat lovah, ka ngaihdan ve mai a nih hi!) A sap hming anga hming hmasa neih duhthlak ka ti… ka hmma an lo sawi tawh ang kha ka ngaihdan chu a ni – thumal thenhran khian a hming awmzia a dang zo vek! Kawlni – Colney tih te, Rawihte – Royte tih te pawh hi a tha lo ka ti. Chass chutiang hming hmang ka la nei lo reng a!
Kei hi ‘Varte’ ka nia, ka duhtawk em em mai ni. Blog lamah te ‘English Poetry’ lam hlir ni mahse, Mizo tawng hi chu mahni tawkah ka vei ve viau… 
[Report abuse]
November 15th, 2009 at 8:12 pm
a dik chiah
[Report abuse]
November 15th, 2009 at 8:43 pm
Han sawi liam liam chuan a dik hmel fu zel mai. Keiin ka vei ve chu kan hming a hnam hming kan dah dan inang lo lutuk hi a ni ve tlat. A thenin a lamtawiin hming bulah kan dah a, a thenin a pumin hming tawp ah, a chiri riau in ka hria. Hming bul a dah vek emaw, a tawp a dah vek emaw ni se a tha lo maw ka ti deuh.
Hming bula a lamtawi(hawrawp mal a ni tlangpui) dah hi a chiang lo riau in ka hria. eg R hi ralte nge, renthlei nge rokhum nge etc. hriat a har. Hetiang bawk hian K te, C te leh a dangte pawh
[Report abuse]
November 15th, 2009 at 8:45 pm
Mizo em em tur :lol:
[Report abuse]
November 15th, 2009 at 8:48 pm
lalpeace, hetiang ah chuan Sailo ho hi an fakawm khawp mai, an hming tlip nan , last name ah SAILO an dah deuh kher thin.
[Report abuse]
November 15th, 2009 at 8:54 pm
Nia, a chiang ber, eng tihna ber nge ni ang tih rin buai a ngai lova.
[Report abuse]
November 15th, 2009 at 8:57 pm
kei poh Taikheri Vangchhia tih toh tur a ni
[Report abuse]
November 15th, 2009 at 8:58 pm
tak2 a, kei chu Vangtha ka nia. Taikheri Vangtha
[Report abuse]
November 15th, 2009 at 9:02 pm
hairehai
[Report abuse]
November 15th, 2009 at 9:12 pm
SMS inthawn nan hi chuan lam tawi leh slang deuh hi a nuam ve a… Saptawng hian kan tawng hi chu a ti buai ber mai… Sap assimilation. Tunhma a Lu met thin te pawh in Sam kan meh tak vek hi etc. etc….
[Report abuse]
November 15th, 2009 at 9:16 pm
shailendra chu i mu harh tawh a ni maw? :lol:
Khawhaiah lah chuan Desi i va hmu lo a ni awm a.
[Report abuse]
November 15th, 2009 at 9:22 pm
helam hi in men rei hmel deuh. tel ve thuai dawn. pawi lo ti ru?
[Report abuse]
November 15th, 2009 at 9:25 pm
@lalpeace. Ka chatthla tep tawh zawk.. tlaia ka uisa eiin min pump a…
Desy chu va hmu chiang e.. admin ho hian an rawn pho chhuak har luttuk a, ka mut san tep tawh…. naktukah Biate-a fawr pui tur in Desy chu ka be fel leh vang tawh hahaha… 
mzvision khan a chak ve ngawt ang chu 
[Report abuse]
November 15th, 2009 at 9:26 pm
Chhut chet cheta kan hman dan tlangpui a fuh tawk loh theihna lai, kan hman than dan a nih avanga dik ni a kan hriat tho si thenkhat tarlang ila.
‘Ch’ tih hi hnam hming/hming bulah kan dahin ‘C’ chauh hi hawrawp puiin kan ziaka, kan A AW B CH atanga thlir chuan ‘CH’ tih tur a ni zawk lawm ni? Chutiang bawkin ‘NG’ pawh hi ‘N’ chauh hi hawrawp puiin kan ziak thin bawk. Lengzem chanchinbu lah hi an thu an duhin an chepa lar zek si a, ‘inkhawmpui’ tih turte hi ‘khawmpui’ tiin an ziak lui tlat a, an tang na ve phian lehnghal a!
Tawng hi thang leh thar zelah a inbelhchhahin a danglam hret hret thei nia kan ngaih rual hian tawng bul lam atanga chhuta dik hi chu humhalh fo a tul thin.
Ka vei leh pakhat chu, media lam hian ‘hetih mek lai hian’ tih hi an hmang leh thin.’Hetih lai hian’ tih nise a tawk em em asin mawle! ‘mek’ han belh leh kher hi a tul lo.Pastor/Kohhran Upa inla muk deuhten ‘tun hun’ an han ti kher thinte hi a va tul lo em!!’Tun’ tih hian hun a sawi tawh a vangin ‘hun’ belh leh kher a ngai tawh lo.
Kan nau pakhat chuan Tawng Upa hi dawt a ti leh tlat. ‘Sem sem dam dam ei bil thi thi’ tihte hi a awih lo, ‘ei bik avangin a thih ngawt theih loh a ti :smile: ‘Tawngkam thain Sial a man’ tih phei chu a awih lo lutuk ringawt. Tawngkam ringawtin Sial a neih theih loh a ti. Thangthar ho hi leh :sad:
[Report abuse]
November 15th, 2009 at 9:26 pm
Shaipuia’n Desy ozong a va hmu lo. khohaiah khan desy kha picnic naah a lo kal daih a. desy pi, pitar kum 82 mi khan thingpui sen hang a lo lum a. chu zong chu a ni e
[Report abuse]
November 15th, 2009 at 9:41 pm
@Taite. hahaha.. dashboard a post kha han en teh.. i chak ve tih ka hre reng mai.. Naktuk chuan Desy hnenah Mi pakhat Taikheri tih in min rawn biak rawh ka lo ti dawn nia auh…
I smiley a ka sen deuh i rawn post tel atang hian rinhlelh ka nei deuh tawh che a ni aw… beware… 
[Report abuse]
November 15th, 2009 at 9:59 pm
DFC din mai ru, kai chu ka fate inneih khan mawi deuhin min zai sak, a la naupang si a hmai te a chat rem mai .. mahse zaithiam lutuk
[Report abuse]
November 15th, 2009 at 10:06 pm
@mzvision: DFC chu din mahse an hlawhtling chuang lovang shailendra chiah hi member a nih duh hmel :lol:
[Report abuse]
November 15th, 2009 at 10:09 pm
DFC din teh ang… a hmai chat a reh tawh e.. nimin khan ka enchiang a…
[Report abuse]
November 16th, 2009 at 7:06 am
LOL….thlalakah a enchiang niang. Keipawh TV ah ka enchiang a, a bianga kutchuk kha ka star
@deAnGeL, Mizo hming ni reng si a thenhran hi kan duh reng vang a ni lo a, loh theih loh avanga then kan ni. Sap hming anga hming hmasa nei duh ni ila, sap hming kan dah ve mai ang. Exam form/application form neuh neuh fill up a lo tul a, First name leh Last name neih ngei ngei a tul takah chuan, kan nu leh paten Mizo hming diktak an lo phuah, WORD KHAT kha kan then ta mai a ni zawk. Hun a lo rei a, kan pu hlen ta mai alawm le.
Nu leh pa thenkhat chu an lo fing hma a. First name, middle name and/or Last name an phuah tel nghal a. Eg. Henry Luliana Vangchhia
[Report abuse]
June 4th, 2010 at 12:54 pm
He thu hi ka lo vei ve thei khawp mai a,tunlai thalai tam tak(han ti ve khanglang ila!!!) ho hian an hmang uluk lo tial tial a, spel dik lo te chu sawi loh, Lumeh tih tura sam met an ti ringawt pawh hi a ngaimawhawm khawp mai.
Hun inher danglam zelah, tawng te a lo luajng dang ve hret hret a,mahse,a dik chu a dik reng tho a,hman mai tur. Tawng lerh chu a awm, a zahawm lem loh..zahawm reng pawh a theihloh. mahse, tawng hman dik erawh a hlu reng….
[Report abuse]