A dera nun hi a ninawm a, a hahthlak a, chu mai bakah a pawi em em bawk a ni. Mizote hi chhungril nun nghet aia pawnlam nun ngai pawimawh zawk kan ang hle. Kan nih loh dan ang puia lan kan tum a, in thup mawi tum reng rengin kan phe kan phe thin. Kan nihna ang tak miin an hmuh a, an sawiin kan haw leh lawi si! Kan nihna ni miah lovah midangin min fakder ta ang se chuan kan nui khi leh vur vur si thin.
Lemchanna dawhsanah mahni nihna ang lo pui kan chet chhuahpui a, kan nitin khawsak phungah erawh kan nihna ang taka lan kan hreh leh viau lawi si! Hei hian kan khawtlang nun chu sawi loh kan rawngbawlna kawng ngeiah pawh kua a hreuh thuk ta hle.
Kan tunlai nun leh kan hun tawn mek hi ngun taka kan ngaihtuah a ngai ta. Mimal, chhungkua leh khawtlang, Kohhran thleng hian kan tih tur dik tak kan ti lova, thil engkimah a phawvuakah hian kan then vel mai mai niin a lang thin. Kan nun chhungril ah takna tak tak kan tlachham a, tih tak zetna kan nei lova, engmah hi kan ti tha peih tak tak tawh tlat lo.
NUN NGHET tak tak nei si lovin a der in Pathian rawng kan bawl a, Kohhran inkhawm pangngai chu sawi loh rawngbawltute hian Sunday School tak ngial pawh kan kal tha peih meuh ta lo. Sualna a nasa kan ti a, tunlai thangthar ho nun hi a dik lo kan ti, mahse hei hi ngun taka kan chhut chuan tunlai thangthar ho nun hian entir leh lo lanchhuahna chhan bulpui tak chu a nei ngei ngei ang.
Tunlai thalai te hian entawn tur kan khawtlangah an zawng a, an hmu lova, kan ram hruaitute nunah an hmu lem lo bawk a, chutiang bawkin kohhran ah pawh an zawng, mahse an mahni nun hrethiam a, entawn tlak leh entawn tur nia an hriat hi an hmu lem lo niin a lang.
An nu leh pate nunah nun tak an hmu lem lo niin a lang bawk. Thusawi tha ringawt avangin kan in siamtha thei lem tawh lova, chumi a nih avang chuan tunlai thalai nunah hian thusawi tha hian awmzia a nei tawh lo niin a hriat. Biakin chhungah chauh Pathian thu hian kan nun a khawih a, Biakin pawn lam leh chhungkaw nun ho naah kan Pathian thu hian awmzia a nei thin tlat lo.
Miten min chhiar a, min thlir reng a, rawngbawltu hnung lam atanga miten an nuihzat viau hi kan awm mai palh ang tih a hlauhawm hle mai. Kan rawngbawl sakah hian kan chiang tawk lo nge maw ni a hming mai mai a rawngbawltu kan kat ta nuk mai. Kan Pathian chuan thinlung leh tih tak zeta A rawngbawltu a duh a, a der a nun a ngaisang lova, a hnawl a, a paih thlak hun a la awm ngei ang.
Similar Posts:
- Kan kohhran hruaitute
- Nangmah mahni hmunah! Kei ka hmunah!
- Kan kohhran hruaitute
- A tak ram khawiah nge?
- Biakin chhungah blue-film
Lunglen-thlak ve aw 
January 15th, 2010 at 7:21 am
a dik khp mai. Rawngbawltu inti ve si, Pathian mi hmantlak ni silo, mahni inhmang hi kan tam em ani. Thlarauvin rawng kan bawl lova, rinna in kan pên hek lo. Mahni remhriatna leh thahnemngaihnain rawng kan bawl mah2 toh zok niin a lang!, Hetianga rawng kan bawl hian rah chhuah a neiloa, kan thawkrim thlawn a ni. Lalpan in a sak loh chuan a satute chu an thawkrim thlawn ani, tih anih kha maw!
Report this comment
January 15th, 2010 at 8:05 am
Amen ! a dik lutuks !
Report this comment
January 15th, 2010 at 8:42 am
Ziak tha hle mai. Duhthawh luatah kan han sel hluai thin tak na-a, kan la chhe lutuk lo e. Hetiang lam thu ziakte hi a chhe zawng ringawta kan hnam va sawichhiat tum vang niloin, hnam leh khawtlang nun siam that duhna thinlung atanga chhuak a ni si a.
Report this comment
January 15th, 2010 at 9:46 am
Fak lawm lo hi chu an awm theih ka ringlo.Kan Pathian reng hian fak a duh mai..
Report this comment
January 15th, 2010 at 11:01 am
A trha hle mai nia athalam ah chuan kan in fak bawk tur a lawm .trhat leh zual nan in sawiseloh a nihna sawi bawl 2 mai te hi kan tih tur lrh kan ram mipui te trhat nan kan sawi in kan ziat fo tur poh ani in ka ngai .
Report this comment