He Lal tawngtaina kan tih hi kan chhut chian a tul hle. Lal tawngtaina kan han ti ngawt a. Lal tawngtaina ani lo. Hetiang hian kan Lalpa a tawngtai lo. A zirtirte tawngtaidan a zirtirna a ni zawk.
Lal tawngtaina chu John 18 ah khan kan hmu.
Tin, he tawngtaina hi tun hun, khawngaihna huna ringtu te sawi tur ani lo va. DAN nei mite, DAN hnuaia mite tawngtaina ani. Lal Isuan a zirtirte tawngtai dan a zirtir dawn khan engtin nge a tih? JENTAIL te chuan an sawi nawn mai mai thin. NANGNI erawh chuan hetiang hian sawi rawh u ati. NANGNI a tih hi a zirtirte, JUDA mite an ni. NANGNI a tih ah hian keini JENTAIL te hi kan tel lo. Jentailte tihdan chu a dem tawh a, ti ve lo turin a zirtir nghal bawk. Tin, he tawgtaina hi ngun takin han zir chiag teh u. Tun, khwngaihna huna kan sawitur hi ani tawh tlat lo. A mal tete hian han analyse ula.
I LALRAM LO THLENG RAWH SE. Heta Lalram lo thleng tura dilna hi ISRAEL ten an nghah hlelh leh beisei, KUM SANG LALRAM an dil na ani. LALRAM LO THLENGTUR tia Jerusalema an au rual dual dual pawh kha DAVIDA LALRAM, KUM SANGLALRAM hi ani.
I DUH ZAWNG VANA ANTIH ANGIN, LEIA MITEN TI RAWH SE. Tih te deuh deuh hi, KUM 100 chuang kan sawi tawh a. Vawiin ah hian PA duhzawng vanah an tih thin ang in, Leia miten kan ti ta em? TEUHLO mai. Sualna a pung tawlh tawlh anih hi. Vana PA duhzawng leia miten an tih theih huntur chu KUM SANGLAL RAMAH chiah ani.
NITIN KAN EIKHAWP IN CHAW MIN PE ANG CHE. Nitin eikhawp chauh chu kan duhloh vang ani lawm ni kan thawhrim em em? Buhfai bag1, Rs 20000 vel hum reng chunga NITIN kan eikhawp chaw min pe ang che han tih chu, a duham thlak deuhlo maw? Duham chu milem biakna ani si. A nihloh leh, nitin eikhawp tete chauh nei dawn ta chiah ila kan duh tak tak em?
KAN CHUNGA THIL TISUALTU TE KAN NGAI DAM ANG IN, NANGPAWHIN KAN THIL TIHSUAL NGAIDAM ANG CHE. He thu phei hi chu APOSTLE PAULA zirtirna leh KRISTA min ngaihdamna te nen chuan a inper san hlauh. “Tin, inkhawngaih tawna lainatna neiin awm ula, Pathianin Kristaa a ngaidam che u ang bawkin inngaidam tawn rawh u.” (Ephesi 4:32). “Tupawhin tu chungah pawh thupawi nei ang ula indawh tawnin inngaidam tawn ula; Lalpa chuan a ngaidam che u ang tak khan ngaidam ve rawh u.” (Kolossa 3:12). Hengte hi Thuthlungthar zirtir na chu ani. Anih leh, kan chunga thil tisualtu te kan ngaihdam ang lek hian Pathian hian min ngaidam se em ni kan duh? Keichuan ka duh lo phawt mai. Kan chunga thilti sualtu te kan ngaihdam ang chauha PA hian min ngaidam dawn se, a tam berah vawi 10 pawh hi min ngaidam dawn em ni? Hei hi JUDA mi, DAN nei miten, an in ngaihdam kum, JUBILEE kum a an neih thin beh chhana ISUAN a zirtirna ani.
SUAL TURA THLEMNA AH MIN HRUAI LUT SUH ANG CHE. Hengte pawh hi engvangin nge Pathian chuan sual tura min thlemna ah min hruailuh teh lul ang? Chuti anih chuan Pathian hian kan sual hi ama min tih sual, ama min hruailuh vek ani thei dawn tlat. RAM TE, ROPUINA TE, THILTIHTHEIHNA TE, CHATUANIN I TA ANI SI. AMEN.
Awle, khawnge LAL ISUA HMINGA DILNA LE? LAL ISUAN vana a lawn dawn khan tun thlengin ka hmingin inla dil lo. Ka hmingin dil tawh rawh u, inlawm akim theih nan (JOHN 16:24). LAL ISUA HMINGA DILNA CHU KHAWI LAIAH KHIAN NGE A AWM? A AWM LO. Lal ISUA thupek zawmlo kan va ni mai awm ve.
TUPAWN MIN HMANGAIH CHUAN KA THUPEK TE A ZAWM ANG LAL ISUA tih nen chuan ava in ang lo ta ve. A thupek, ama hminga dil tura thupek kan nih tawh laiin. LAL ISUA vekin, “in dil dikloh avangin in hmu lo ani” atih te hi a dik hle. Vawiin thlengin vana pa duhzawng an tih thin angin leiah pawh ti ve turten kan han kar ngial a. A hlawhtling thei ngai lovang. Sualna a punga, hun hnuhnunga thil lo thleng tur TIMOTHEA lehkhathawna mite hi a lo thleng zel zawk anih hi maw…. Chuvang chuan he tawngtaina hi chu tun khawngaihna huna RINGTU TE sawi tur nilovin, LAL ISUA hminga an dil hma, DAN hnuaia la kunte tawngtaina ani. Tin, he tawngtaina hi kohhran a lo din, Pentecost ni atang khan KOHHRANIN an hman zawm thu khawiah mah kan hmu lo.
A tawp nan chuan, PATHIAN hian a thu belh leh paih a phal lo. Kan sawi tur anilo kan tih ruala kan sawi lo thei lo anih pawhin a bu ami ang tal te hi chuan sawi ila, PATHIAN pawi kan sawi tlem deuh ang mawle? Vawiin nia kan sawi hi chu modified ani tlat. LAL ISUA THUPEK THAR, KA HMINGIN DIL RAWH U TÃŒH I DUHTAWK LO RAU RAU ANIH PAWH IN, BIBLE A MI ANGTAK HIAN SAWI VE TAWH ULA. BELH LEH PAIH A TAM EM MAI. PA HMAA I DIN HUNAH SAWIFIAH TUR I NGAH LUTUK PALH ANG E. LALPAN MAL MIN SAWMSAK RAWH SE. AMEN.
Similar Posts:
- Ngaidam miah suh
- Bible Thu Chang Inkalh Anga Lang
- Lal Tawngtaina!
- LALRAMA MIHRINGTE PATHIAN KAN NIHNA
- Tu hminga Baptis tur nge?
in va lut...
April 6th, 2010 at 11:28 pm
.
[Report abuse]
April 7th, 2010 at 2:29 am
Sap hovin ‘Lords Prayer’ an tih atanga Lal Tawngtaina tih a chher te pawh ani mahna.
Tin, I hrilhfiah dan hi keichu ka pawm vak hauhlo…mahni ngaihdan te te..
[Report abuse]
April 7th, 2010 at 3:34 am
Lal Tawngtaina (The Lords prayer)kan tih hi latin tawnga Pater Noster tih a awmzia pawh Kan Pa (our Father) tih niin, Kristian te tawngtaina lar ber a ni awm e.
Lal Tawngtaina (The Lords prayer) tih a nihna chhan hi zirtir ten tawngtai dan an zawh chu a chhanna a nih vang a ni. Isua kha sual neilo a nih avangin ama tan a tawngtaina a nih ringlo Kristian theologian tam zawk te hi an ni ngei ang mahse, ka sual ngaidam ang che ti lo a, kan sual te min ngaidam ang che (forgive me my sins ni lo a, forgive us our sins) hman kher na chhan hi a mah khan mihring te mamawh sawi puiin a zirtir te sual kha ngaihdam a dilpui te pawh ani maithei tih a ni.
2AD tawp lama Mathaia’n Greek tawng fiah lo taka a lehlin, Aramaic deuh ruai hi Kristian te hman ber hi a ni ta a. Mathaia lehlin hmasak khan thumal 66 a nei a, lehlin that (revised) chuan thumal 55 a nei thung. Thumal 24 te kha he tawngtainaa tel lo tur nge anih a hriat a ni lo a, thaibo erawh a ni ta a nih chu. He thil chungchang ah hian The Christ tih ziak tu John E. Remsberg chuan, “Kristian sakhaw bu enkawl tu te hian heti khawp a he tawngtaina an ti bawrhbang duh a nih chuan engtiang takin nge ziak dang te hi an tih chingpen ang le aw,” a ti vawng vawng a ni.
Lal Tawngtaina (The Lords prayer) hi Talmud a mi Kadish nen a in zul hle. Rev. John Gregorie, Kristian lehkhathiam in English a a lehlin dan chu:
“Our Parent which art in heaven, be gracious to us, O Lord, our God; hallowed be thy name, and let the remembrance of thee be glorified in heaven above and in the earth here below. Let thy kingdom reign over us now and forever. The holy men of old said, Remit and forgive unto all men whatsoever they have done against me. And lead us not into temptation, but deliver us from the evil thing. For thine is the kingdom, and thou shalt reign in glory for ever and for evermore.”
Mak leh deuh chu Isuan tlang chunga sermon a neih kha “Essenes” ho zirtirna nen in anga sawi a ni bawk. Essenes te hi Isua community behna ni a hriat a ni nghe nghe.
Engpawh nise, i hrilhfiahna khi Kristian tan chuan awmze awmlo a niin ka hria. Amah hre rengin i sawi ngai lo em ni a thu hrimin?
Isua khan pharisai te anga inti fel taka tawngtai ve lo in, a zirtir te kha tawngtai dan tur kalphung (guideline) a hrilh a nih kha.
Hei hi chhiar la i harh sawt ka beisei, i luhlul viau loh chuan: NOI
https://web.mac.com/patrickabbott/Servants_of_Christ/Scripture_Directory_files/Jesus%20told%20us%20how%20to%20pray13July08.pdf
[Report abuse]
April 7th, 2010 at 5:47 am
@Mapuia07, khawi lam chhuak nge i niha, khawilam zirtirna nge i dawn ka hre lo va, amaherawhchu, i sawi dan khi chu pakhatmah ka pawm lo hulhual.
Lal Tawngtaina tih hi Lal Biakna pawh kan ti. Lai Isua Tawngtaini i sawi khi Johana bung 18 ni lovin bung 17 zawk a ni bawk.
Hun thawl deuhah ka la rawn chhunzawm ang. Tuna ka sawi duh erawh chu i thu sawi hmangah khian Lal Isua hriatna nungin i la hre lo tih a lang. Lal Tawngtaina/Lal Biakna kan tih hi a hming chu engpawh ni se, engnge a nih kan hrethiam vek. A tlar mal te te hi a ropui em em vek bawk. Hetiang zirtirna buluk pui pui hi nangma irawm atanga chhuak a nih lohva tu ngaihdan emaw i sawi chhawng mai mai a nih phei chuan tih zui fo chi pawh niin ka hre lo.
[Report abuse]
April 7th, 2010 at 6:33 am
I rawn ziak ve hrim2 a, lawmawm e. Hma i sawn zel turah ngai ang! NOI.
[Report abuse]
April 7th, 2010 at 6:49 am
Mapuia07, kan rilru chu eng pawh nise thlirna tlang dang atangin min thlir tir a, a lawmawm e. KAN CHUNG A THIL TISUAL..,…NGAIDAM ANG CHE – hei hi urhsun tak a ka sawi tum chuan ka skip fo mai!
[Report abuse]
April 7th, 2010 at 6:58 am
Lal Tawngtaina hi uluk taka ngaihtuah chuan sual sim tumna/ngaihdamna nun nei si lova sawi chu har talh talh tak a ni.
Isu ka hmangaih che ka ta i ni e, tih pawh hi tui taka sak harsa ka ti thei telh tawlh khawp mai kei misual hian.
[Report abuse]
April 7th, 2010 at 7:03 am
Juda leh Jentail inkârah BANG i rawn ping chiam chiam mai a ni maw? Tirhkoh Paula lehkhathawn kalhmang i man lo riauva hriatna ka nei —
Galatia 3:28 Chutah chuan Juda mi a awm theih loh va, Grik mi pawh a awm theih hek loh, chutah chuan bawih a awm theih lo va, bawih lo pawh a awm theih hek loh, chutah chuan mipa leh hmeichhia pawh a awm theih loh; Krista Isuaah chuan in zain pumkhat in ni si a. 3:29 Tin, Krista ta in nih chuanin Abrahama thlah, thutiam anga roluahtu turte in ni.
Kan tawngtai dan tur SAMPLE pawh a inzul lo thei lo a ni zawk e. Olive tak, a zar thenkhat sah thlakah khan Olive suak-te hi khawngaihna chanchin tha avanga GRAFTED kan nih chianzia (cf. Rom 11:17) hi chhut ngun fo a tha … tawngtai dan tur sample hi mawihnai pawh ka ti a, ril ka ti bawk a. Min duansaktu pawh a chhuanawm a —he tawngtai hla hi mihringin thlahthlam chiah ila, khawvel hi a sawprawp lehzual ngawt tawh ang.
Tlar tin thlir chianna chu nakin atan ka la khek ve rih ang e.
[Report abuse]
April 7th, 2010 at 7:14 am
Tlar tin thlir chianna chu #3 link ah khian ka dah ve naw naw khi
[Report abuse]
April 7th, 2010 at 7:24 am
Ta daih daih chuan a..thatna kawng i duhzawk vang chu a ang viau…mahsela ka ei hlawl lo..Heresy ka ti dawn nge Heresies a pawl zawk mah mah…
[Report abuse]
April 7th, 2010 at 7:33 am
Ka tawng tu huat thu ni suh se, Dr.Biakmawia pawl (Kohran thianghlim) rindan nen a ziaktu sawi dan hi a in ang thei mai em?
[Report abuse]
April 7th, 2010 at 7:46 am
I hrihfiah dan khi kei pawh ka pawm hauh lo mai. Chumai ni lovin “La bo ve miah miah khawp mai a” kan ti hial teh ang
[Report abuse]
April 7th, 2010 at 7:57 am
MAPUIa 07 engtin nge i tawngtai ve thin?
[Report abuse]
April 7th, 2010 at 8:03 am
nie,ka post dawn poh hian heresy min tihsak ka ring tho.mhs Bible ah hian hun then (dispensation) hrang2 a awm a.chu2 kan hriat tel poh a tha ang.Thuhriltu 3 ah egkim tan hian hun ruat a awm thu kan hmu a.Tin,Paulan ephesi 1:10 ah ‘hunte’ bikim na arawn soi bok a.eng hunte nge?hun then hrang2 a awm tih kan hre thei ang.
2Tim 2:15 ah thutak thendik thu kan hmu leh bok a.Thlarau lamah chuan pumkhat kan ni a,greek leh jentail poh inthliarna a awmlo.mhs tisa chanvo lamah hian a hrang tlat ani.Bible ah kum sang lal ram kan hmu a.chu2 tu te tan ge kan tih chuan ISRAEL te tan a Pathianin Abrahama leh Davida hnena covenant alo siam twh ani.Bible ah hian ringtu te chan tur leh ringlo te chantur a awm.Israelte chungchang a soina leh Kohhran,ringtu te chugchag a soina a awmbok ani.chu2 Bible a thu in ziak zong2te keimahni a kan belvek fo chuan kan buai ang.a hun leh hmun a awm ani.
Anih leh mifel tak tawngtaina chuan thil ati thei Pathian thu in a ti sia.Mifel 1mah kan awmta lo em ni?vana PA duhzong antih anga Leia tih anihte chu kan duh theuh ang tiru?mhs enga ti nge voin ni thlenga anla tih loh?engtikah ge an tih dawn?nge anti dawnlo zok?min hrilh thei in awm em?Lal ISUA hminga dil tawh tura thupek kan hmuh laia enga ti ge a hming tello va kan la dil si?min han hrilh phot teh u le..
Anh leh,KAN CHUNGA THIL TISUALTU TE KAN NGAIHDAM VANG IN AMI PATHIAN IN MIN NGAIHDAM VE?
AMAN KRISTA AH CHUAN MIN NGAIDAM ANI LAWM NI?KAN CHUNGA THIL TISUALTU TE KAN NGAIHDAM VANG PAWH NILOVIN?
AWLE,Tumah kan inti lui thei lo va.soi tawh su pawh kati chuanglo.keichuan Lal Isua zirtirte hunlai,ama hminga andil thin hmaa an tawngtaina ah ka pawm a.THUTHLUNG THARAH chuan AMA HMINGA DIL TURA THUPEK KAN NIH ZOK AVANGIN he tawngtaina hi LAL ISUA THUPEK THAR KHAN A RAWN THLAK AH KA NGAI.THUTHLUNG HLUI INTHAWINA KRISTAN A RAWN THLAK ANG CHIAH KHAN.
LALPA ROPUI BER RAWH SE.
[Report abuse]
April 7th, 2010 at 8:22 am
@Mapuia07…i ngaih dan mai mai nge a,i kalpui mek dan,midangte hmin tum zawngin he thu hi i puangzar tum em?..khawngaihin NU ho zingah phei chuan sawi reng reng suh,an lo Amen palh hlauh dah ange..hehehe;-(
[Report abuse]
April 7th, 2010 at 8:30 am
Dear Mapuia,
1. Lal Isuan tawngtai dan min zirtir chungchang hi John 18 ah a in ziak lova, Mat 6:9-13 ah a in ziak zawk.
2. Mizo tawng ziah hi thil har tak mai a ni a, uluk a ngai thin khawp mai. Pathian thu i quote zen lehnghal a, ziah uluk lehzual a tha ngai. Thian te text message a fiamna thu hla a ang mah mah zawk.
3. Lal Isuan “Chutichuan, nangni chuan hetiang hian tawngtai rawh u” (Mat 6:9) a ti a, chhut kual thui vak vak a ngai lo, zawm mai tur. Lal Isuan “Ti rawh u” a tih te, “Ti suh u” a tih te zawm mai tur. Sawi kual thui vaka fiah uarh a inhriata zawm si loh hi Mizo Kristian te tih sual lian ber a ni.
A zirtir te hnena A sawi, mipui hnena A sawi, Petera hnena A sawi, Pilata hnena A sawi…… I hnenah enge A sawi ve le?
[Report abuse]
April 7th, 2010 at 9:28 am
ok.im not tryin to convince anybody.im just telling the truth.im not forcing anybody.at the same time i can’t.
nguntaka i gaihtuah chuan i fiahve uarh2 mai ang.liberal theological college ah hian tunhuna soiturin an in zirtir a.kum 100 chuanglai mai kan soi twh avagin i helh viau anh pwn ka dem lo ce u.kei Conservative theological college chhul chhuak hian dispensation zongin ka rwn chhop cuak mai ania.
tin,nangni chuan a tih hi ‘as a nation’ angin a soi tih hriat bok tur.Jentail ini ve lo ami?jentail i nih si chuan,NANGNI ERAWH CHUAN atih ah hian nag leh kei kan tello.juda mite ani a zirtir.Jentailte a zirtirve lo.Bible kha ciar ciag teh un.Tin,John 18 khi ka chhutsual palh ani.17 zok tur ani e.ANIH LEH 1 MORE QUESTION,V15 ah ‘nimahsela mite in ngaihdam si loh chuan,in Pa in in bawhchhiatte a ngaidam bik lo vang’atih hi thuthlung thar zirtirna ni tase Kolosa 2:13 nen ava inkalh awmve.KAN BAWHCHHIATNA PATHIAN IN A NGAIHDAMNA HI, MITE KAN NGAIHDAM AVANGA MIN NGAIDAM NGE KRISTA KAN RIN AVANGIN KAN BAWHCHHIATNA MIN NGAIDAM ZOK?
ANH CHUAN KHAWNGAIHIN COMMENT A KA ZAWHNA TE KHI MIN HAN CHHANSAKVE ULA MAWLE?
[Report abuse]
April 7th, 2010 at 9:35 am
BIAKMAWIA PAWL CHU KA NI BIK MIAHLO ANI A AW @H.Vangchhia…..Min dimlo bik e mai.
[Report abuse]
April 7th, 2010 at 9:50 am
Kan tawngtaina hi nguntakin i ngaihtauah lo ani zawklo mo”’, a tluan mai hian ringtu te tana tha em em vek mai a nih hi maw le…, ka ti ve tlat..
[Report abuse]
April 7th, 2010 at 9:53 am
@Kanidar: I sawi dik chiah. Kan Lal Isuan hetiang hian tawntai turin min ti a, ti rawh u a tih chu tih mai tur a ni reng ani. Kan lo sawi nawi vak vak ringawt vang hian kan Lal Isua min zirtirna hi thilhlui a nih phah chuanglo ang chu.
[Report abuse]
April 7th, 2010 at 10:28 am
@Mapuia07: Khawbung a la ti ta deuh deuh…
[Report abuse]
April 7th, 2010 at 11:07 am
A bu ang thlip thlep a sawi chhawn hi ka thiam loh zawng tak a ni. I sawi lai ngaihthlak ka chak tlat pek nia.. NOI
kan ti thrang tawh lutuk a, sawi danglam chu har fuuuuu niiiii
[Report abuse]
April 7th, 2010 at 11:12 am
ka nui leh suk
[Report abuse]
April 7th, 2010 at 11:13 am
@kanidar #21, ka sawi tum chiah i rawn sawi. Mapui, i sawi thui tawlh tawlh a, i bo telh telhin a lang tlat! Han chhan thui viau che ka tum deuh a, mahse, a sawt dawn chuang lo tih a lang e.
Tin, Pathian duh zawng Vana an tih ang hian leiah pawh tihin a la awm dawn khawp mai. Chumi hun chu a lo thleng ngei ngai dawn. Chumi hun chu lo thleng thuai se tiin he tawngtai hla hi kan chham a, kan la tawngtai hlawhtling dawn khawp e. Lo ngai reng rawh!
“Kan chunga thil tisualtute kan ngaidam angin…”
Kristaah chuan kan sualte min ngaidam a, chumi ang chiah chuan mi dangte ngaidam turin min duh. ” Tupawhin tu chungah pawh thupawi nei ang ula, indawh tawnin inngaidam tawn ula; Lalpa chuan a ngaidam che u ang tak khan ngaidam ve rawh u”. (Kol. 3:13) Hei hian midangte kan ngaihdam ang chen chiahin Pathianin min ngaidam dawn tihna a kawk lo. He tawngtaina kan sawi apiang hian Lalpan min ngaihdam tawh zawkna avangin midangte ngaihdam ve a tulzia min zirtirna darthlalang a ni mah zawk.
Lal Isua hminga dil…
@Mapuia, Lal Tawngtaina hmang lo hian i tawngtai ngai lo em ni? Lal Tawngtaina ni kher lovin tawngtaina tam tak a awm a, chungah chuan Isua hmingin kan dil thin.
[Report abuse]
April 7th, 2010 at 1:53 pm
A la chiang ve mai ang Mapui07 hi.
[Report abuse]
April 7th, 2010 at 2:04 pm
Our Father, which art in heaven, Howard be Thy name
[Report abuse]
April 7th, 2010 at 2:45 pm
Naupanlaia ka hmelhriat pakhat pawhin heti hian a chham ve tlat: –
“Our father who art in Heaven
Hallowed be thy Name
Thy King come down…”
[Report abuse]
April 7th, 2010 at 3:13 pm
@HV : I ziak bakah khian ziak fiah lehzual deuh tur ka hre ve pawh a ni thei asin!
Kei chu Bible-a a inziak ang chiah chiah hian ka hmang mai a, mahse, Mapuia07 dispensational thensawm dan ang hi chu ka thiam ve pha lo thung.
Kan tet lai chuan —
Our Father,
Who art is Heaven
Hallowed by Thy Name
Laiking kawng dawm (which means Lizard in akimbo)
kan ti ve au au thin! :lol:
[Report abuse]
April 7th, 2010 at 3:26 pm
nie,bo kan inti tawn theuh zawng anih hi maw?nia,buaithlak khp mai.
@keimah,i soidik a.mhs in contradict lai k hmu tlat.lalpan min ngaihdam tawh zokna avangin midang kan ngaidam thin.adik e.mhs kanti talh teh ang.PATHIAN HNENAH NGAIHDAM KAN DIL HIAN,MITE KAN NGAIHDAMVE THIN HMACHHUANA PA NGAIHDAMNA DIL NGE KAN NIH?KRISTA NGAIHDAMNA HMA CHHUAN ZOK IN?
Anih leh i chunga thil tisualtu te kha voi engjat ge i gaihdam theih ang?voi 70 hmun 70 i gaidam thei ang em?HUAI TAKIN I THEILO TIH KA SAWI NGAM.anih chuan i chunga thil tisualtu te i ngaihdam ang bok khan Pathian hian ngaidam dawn che sela i duh ang em?i duhlo hrim2 ang.nang leh keia ngaihdamna hi chu tawp chin nei ani tlat asin…ka u nau.
AS I HAVE MENTIONED,Im not forcing anybody to accept what i accept.its up to you all.but if you observe it from the view of dispensationalism,you may be able to understand if the Holy Spirit enlights you.LET GOD BE GLORIFIED. AMEN.
[Report abuse]
April 7th, 2010 at 4:35 pm
Mapuia07: Post structuralist-te leh Ferdinand de Saussure-te linguistic theory ngaihtuah run lem lo pawhin, tawng hian function hrang hrang a nei thei tih chu hriat a tha khawp mai.
Semantic approached in thil i lo ziak a. Mahse, words engkim hian semantic meaning a nei vek lo tih erawh hriat a tul. Tawngkam tamtak chu, amah fiah thei mai a awm, thenkhat chu a dangnen chawhpawlh ngei ngei ngai a awm thung.
Structural level leh functional level a danglam fova, tin, language chhungah metaphor/symbolic a awm miau bawk si. Entirnan- Isua pawhin tehkhin thu a sawi fo thin.
A literal lak dawn chuan, Bible pawh hi buaina tham tak a ni ngei ang. Mizo in tawng kalhmang kan nei hrang a, word khat pawhin meaning a nei tam thei viau zel. hetah tak mai hian “Lalpa tawngtaina” tihah pawh hian, “Lal or a mite tawngtaina chu interpret duhtu tan a theih ve ve awm e. Mahse, tawng awmzia pakhat-“a meaning” atanga kan en chuan, Lalpa hnena kan tawngtai dan tur” tih chu tupawh kan chiang vek mai awm e.
Tichuan, Pathian thu hi grammatical or semantic aspect in nge kan thluk dawn a, a meaning dik zawk tih hi sawi har tak a ni. A chang chuan, meaning dik ber ai chuan, engtin nge mihring min chawm ber theih ang tih a ni leh bawk si. ..etc
Ka duhtawk rih phawt ang
[Report abuse]
April 7th, 2010 at 5:40 pm
“PATHIAN HNENAH NGAIHDAM KAN DIL HIAN,MITE KAN NGAIHDAMVE THIN HMACHHUANA PA NGAIHDAMNA DIL NGE KAN NIH?KRISTA NGAIHDAMNA HMA CHHUAN ZOK IN?”
@Mapuia, mite kan ngaihdam thinna hmachhuana Pathian ngaihdamna dil thei hi mihring tumah kan awm kher lo vang. Chuvang tak chuan, Lal Tawngtainaa “Kan chunga thil tisual tute kan ngaidam angin…” tih tawngkam tak pawh hi a khirh viau reng a, sawi huai pawh a har thin reng a ni. Amaherawhchu, Lal Isuan “Heti hian tawngtai rawh u…” min tih miau avangin heti hian kan tawngtai mai a ni. Chu chu nang chuan Thuthlung Thar hun hmaa Lal Isuan a zirtir Judate tan bika a sawi niah i ngai a, chu chu kan ngaihdan inan lohna lai chu a ni berin ka hria!
[Report abuse]
April 7th, 2010 at 5:42 pm
Sam kan tan in “lu met” kan ni ang hian Lal Isuan tawngtai dan tur min zirtir kha sawi duah ngai lovin, “Lal tawngtaina” a ni e.
Mapuia07 i ni a, a lian theng thung si a, Lianpuia a nih zawk loh le, an ti ngai bik lo ang che. Yeshua pawh Isua kan ti tho alawm, koh dan a dang ani mai, ti deuh duah teh ang :lol:
[Report abuse]
April 7th, 2010 at 7:09 pm
Ok a lawmawm e.engpawh nise ka rawn post te minlo chhiarsak a.chinpawr tlakah in ngaih vag ge inlo chingpawr hrim2 a.a tha e.tuman min chinpawr sak duhlo vag tih ka hlau zok a.thutak hriattuma kan inpekna te leh kan criticize nate kha a hlu ka ti.
Keicu Pro pastor ka nia.ka tih a mawi awmlo tak pawh inti mai thei.mhs keichuan Pathian thu discusion han neih velte hi nuam ka ti a.chuvag cu ani pakhat e.togkam moilo kalo chhakchhuak palh emaw,in thin tina zong tak kalo sawi palh anh chuan in mi hriatthiamna leh ngaihdamna ka han ngen ghal a che u.
Topic dangte kanla sawi ho leh turah te ngai ila a tha awm e.he site hi Pathian thulama kan hlawkpui phahnan anih te poh ka beisei.Lalpan malsawm vek che u rawh se.
[Report abuse]
April 7th, 2010 at 7:27 pm
A duh uluk deuh chuan,”Lalpa’n tawngtai dan min zirtir ang in,” te an ti deuh duah bawk thin.
[Report abuse]
April 8th, 2010 at 7:36 am
XaiA hi chu a dek tawi fel thrin mange. i awhawm line khat hian tamtak sawi i thiam
“I Ram lo thleng rawh se” tih hi thleng tawh mek kan dil nge, keimahni-ah tunah lo thleng turin kan dil tih hi ka zawhan a nih rualin – kap awm ve dan chuan Lal isua lokal leh hnu-ah ro a rel fel hnu-a Pathian ram lo thleng tur kan thlen ve thieh nana dilna ah ka ngai thrin.
Pathian ram chu a thleng reng a ni tiho hian Roll No an nei thlap mawle. Tuikualah hian uniform nen an inkhawm thrin.
Thawlawm hlana dilna a tawp lova kan style thar hman hi ka helh khoops bawk.
Ropuite tih ai hian Ropuinate tihtur Synod in an tih hi hmannai lawk atrang khan thuawih trul tih vangin ka zawm ve trawk bawk kei misual hian
[Report abuse]
April 8th, 2010 at 9:31 am
Mi tamtak hian Pathian thu Bung leh chang te hi an mahni ngaihdanin an kalpui thin, chu chuan mimawl leh hre tlem zawk te, mi tamtak a hruaisual thei.
Zirtirna dik tluantlinglo hi a hlauh awm em em a ni. Thu thlung hlui a inziak te hi a ma chanchin ziahna a nih Lal Isua a sawi chamchi a,(Jn5:39) Lal isua hnathawh leh thusawi te hi Paula te Petera te Johana te hian an witness zel bawk.(I Cor 3:10-11; 2 Pe.1:16-18). Bible hi inhrilhfiah tawn kual zel a ni a, a thu chang mal lak vung hi a hlauhawm thei hle. Zoram a kalsual kan tih tamtak hi Bible thu chang lak vung bik nei te an ni fo.
Thian Mapui07 pawh i thu phuh chhuah hi, zirtirna diklo rim a nam deuh. An khawn rawn na che pawh hi na ti lovin, in zir fin nan hmang la a tha khawp mai.
I Pe. 2:9 te,Thupuan 5:9-10 ah te Jentail mahni ila Thisen a lei, hnam thianghlim ah min siam ta…a A hming ringtu te chu pathian fa nih theihna min pe a(Jn 1:12) …. Juda, greek jentail an awm tawh lo, Krista ah chuan…thilsiam thar kan ni…Juda leh Jentail thliar hran a tul tawh lo.
Bible hi kan ring a kan pawm a nih chuan Lal tawngtaina (Lalpa tawngtai dan min zirtir hi kan zawm in ka sawi tur a ni. Alo thleng emaw thleng lo emaw…min zirtir a ni.
I RAM (Pathian ram chu kan thinlungah alo thleng tawh em)
I DUH ZAWNG VAN A AN TIH ANG IN Lei a mi te hian ti thin ila..Kristian nun , Kristian chhungkua, Kristian State te hi a nuam ngawt ang, mahse Van a an tih ang a ti ta lemlo kan la tam hian kan chhungkua leh ram hi a ti nuam thei lo a nih hi….nakin nakin a ni lo…tun hun zel hi a ni.
I huat thu suh ah, (Pa zaidam tak i nih hmel a)Pro Pastor i nih si chuan, i beram enkawl te chu an va thau mawh dawn em…
Ka comment a lo lut thei lawk lova…ka thlai khawlo zo ta a nih hi…
[Report abuse]
April 8th, 2010 at 9:38 am
Tunlai khawvelah Bible school, Seminary tamtak a awm tawh a, zir zau chu a tha, mahse tamtak hi recognise ni lemlo pawh a tam a…Bible School kal tur pawhin, kal hma-in, kalna tur thlan fimkhur a tha. Bible Schoola zirchhuak te hian an zirna School an tan hlur tawh mai thin, a chhan chu Brain-Washed an nih tawh vang a ni.
[Report abuse]
April 13th, 2010 at 2:27 pm
Tin Roupi te tih aia Ropuina ka tih thin hi ……ka sel ve e
[Report abuse]
April 13th, 2010 at 2:29 pm
Kan chhut sual lehpek chu ..Ropui te tih aiin ropuina te ti kan awm thin hi mawle
[Report abuse]