A NI THUM NIAH CHUAN Pathianin, “ Ȇng lo awm rawh se,” a ti a. Vanahte khian ni te, thla te, arsi te a lo awm ta a. Pathian chuan arsi zawng zawngte chu a duh em em a; a ko khawm a, an inkawm ho fo thin.
Ni khat chu arsi zawng zawng A hnena inlan turin thu a pe a. Tih tur pawimawh bik hlen chhuak turin arsi pakhat a thlang chhuak dawn a ni. Nghakhlel takin arsi zawng zawng chu A rorelna hmaah chuan an rawn inlan a. An innghah khawm lai chuan van boruaka arsi tȇ ber mai, Amanda pawh a lo lang ve a.
“Pathianin a thlan che chu i beisei lo ang tiraw?” arsi lian tak Tariqa chuan a lo ti a.
“Pathian tan tih theih i nei dawn em ni?” tiin arsi hlun tak dang Vega chuan a lo tuihnih ve a.
“Pathian thu awihin hetah hian ka lo inlan ve mai a ni,” tiin Amanda chuan a chhang a. Thil thlen dan lo ngaichang turin Amanda chu pindan kilah amah chuan a tawlh phei ta a.
Pathian chu a lo lut ta a, arsite chuan chibai an lo buk a. Pathian chuan, “Khawvelah ka fapa ka tir dawn a. A pian tur thu puang turin arsi pakhat ka thlang dawn a ni. In zinga ropui berin min hlen chhuahsak ang,” a ti a.
Arsite chu an hlimin an phur em em a, chu duhsakna hlu tak dawngtu nih chu chakin a mal te tein an thiltihte Pathian hmaah an rawn sawi theuh a.
“Planet 15 leh thla 27 hnenah eng leh lumna ka pe a, van boruak zau takah hian arsi lian berte zinga mi ka ni a. I fapa pian thu puangtu ka nih theih chuan ka lawm khawp ang,” tiin Tariqa chuan a sawi a.
“A ropui khawp mai,” tiin Pathian chuan a chhang a.
“Mihringte chuan Hmar Arsi tiin min hre ber a. Lawng mite an kalna lam kawhhmuhin ka lo kaihruai thin a, khualzin mite tan enna ropui tak ka pe chhuak thin. I fapa pian hun hriattir tur chuan mi dang an awm dawn em ni?” Polaris chuan a ti a.
“I ti tha e,” tiin Pathian chuan a chhang leh a.
“Arsi ȇng berte zinga mi ka ni a. Van thengreng zau tak hi ka ȇn chhuak vek a. khawvel hnenah pawh he ȇnna ropui tak hi lantir a nih theih chuan a ropui dawn mang e,” Sirius chuan a lo ti ve bawk a.
“Hna tha tak i thawk a nih chu,” Pathian chuan a ti a.
Arsi ropui ber ber leh ȇng tak takte chu Pathian hmaah inlanin an thiltih ropui tak takte chu an sawi theuh a.
“Mi dang in la awm em?” tiin Pathian chuan a zawt a.
“Keimah chauh ka awm tawh,” tiin Amanda chuan a lo chhang a.
Thuhnuairawlh leh inngaitlawm takin Pathian Lalthutthleng hmaah chuan chibai bukin a kun a.
“Planet leh thla min hualtu ka nei lo, lawng mite tumah hruai ka nei lo. Ka unau arsi dangte’n ka ȇnna an hliah vek si a. Mahse, ka theihna zawng zawngin i duh zawngin ka awm thin a, ka nihna tura i ruat angin ka awm bawk thin. I thu ang zelin ka chungah thleng rawh se,” Amanda chuan a ti a. Chibai buka kunin pindan kil lamah chuan a kir leh ta a.
Amanda thusawi chu an ngaihthlak zawh chuan pindan a reh thuap mai a. Rei tak an ngawih hnu chuan arsi fing tak Astra chu a lo pȇn chhuak a, “Lalpa, chutiang hna ropui thawk tur chuan ka tling lo a ni e. khawngaih takin mi dang thlang mai ta che,” a ti a, chibai a buk a, a chhuak ta a. Chutiang chuan a mal te tein an chhuak a, Amanda chauh a awm ta.
“Lalpa, engtizia nge an chhuah tak vek mai?” tiin Amanda chuan a zawt a.
“An vai khan an chakna leh theihna rinchhanin an lo kal a. Nang chauh hi ka chakna hmachhuantu i ni. Arsi ropui ber chu i lo ni e.”
“Ka lawm e, Lalpa.”
“Tun atang chuan Heli i ni tawh ang a, zanah mi tin hmuh theih turin ka ropuina i lantir tawh ang.”
“I sawi ang apiang chu ka ti ang e,” Heli chuan a ti a.
Bethlehem chung zawnah chuan Heli chu zan tin thla tam tak chhung chu a lang thin a. Khawvelin arsi a hmuh te zinga ȇng mawi leh ropui ber a lo ni ta a ni.
A hna a hlen hnuin, Pathianin duhsakna ropui tak a hlan a. Khaw thian zan chuan hmuh theihin a la awm thin. Arsi lian leh ȇng ber a ni lo na a, a la awm reng a, rinawm takin Pathian thu a la zawm reng a ni. Arsi ropui ber chu a lo ni ngei mai.
Similar Posts:
- Bethlehem Arsi leh Khawchhak Mifingte.
- Krismas Thuchah
- Krismas Thuchah
- KHAW CHHAK MIFINGTE LEH NAUSEN ISUA
- Bethlehem Arsi
December 18th, 2011 at 8:50 pm
post tha tak ani
Report this comment
December 18th, 2011 at 9:03 pm
post tha, ngaihnawm, chhiarnuam, zirtir nei tha tak a ni. Ka chhiar nawn leh thin.
Report this comment
December 18th, 2011 at 9:13 pm
“Planet leh thla min hualtu ka nei lo, lawng mite tumah hruai ka nei lo. Ka unau arsi dangte’n ka ȇnna an hliah vek si a. Mahse, ka theihna zawng zawngin i duh zawngin ka awm thin a, ka nihna tura i ruat angin ka awm bawk thin. I thu ang zelin ka chungah thleng rawh se,” Amanda chuan a ti a.
A Ropui hle mai. Post tha leh zrtir nei tha tak anih hi.
Report this comment
December 18th, 2011 at 9:44 pm
A ngaihnawm dangdai hle mai.
Report this comment
December 18th, 2011 at 10:11 pm
Post ngaihnawm tak ani…
Report this comment
December 18th, 2011 at 10:17 pm
Post dangdai tak anih hi..ka like e,
Khaw pakhat chung a ding nalh thei arsi hi chu special tak chu ani hrim hrim mai.
Report this comment
December 18th, 2011 at 11:25 pm
Hman a ka en ani a, ka zawng chhuak leh a, sermon pui ve tak ani..Sean Penn!
https://www.youtube.com/watch?v=99tOPGWmQug
Report this comment
December 19th, 2011 at 11:37 am
He thu hi sermon ah ka ngaithla tawh tlat. A tha khawp mai.
Report this comment
December 19th, 2011 at 7:26 pm
Post tha leh ngaihnawmm tak a ni…
Report this comment