Pa chuan a fa hnuchhawn hun a nei thei a; unaute inkarah pawh inhmuhthiam loh hun a thleng thei. Pasal in a nupui a then chang a awm a, chutiang bawk in nupui in a pasal a chhuahsan hun a awm thin. Mahse chutiang thil thleng thin karah pawh NU in a fa a hmangaihna chu a dai ve ngai lo a. A tha lam emaw, a chhe lam pawh ni se khawvel in a hnungchhawn chang pawh in Nu chuan a fa chu a theihnghilh ngai lo a, beiseina nen a thlir reng thin a ni. A ril a rah, a hnute tui a a chawm seilen, a fa chu hun harsa leh khirh eng ang ah pawh NU hmangaihna chuan a kalsan ve ngai lo a ni.
Juda te chuan “Pathian chu khawi hmunah pawh a awm reng thei lo a, chuvang chuan a aiawh tur in Nu a siam a ni” an ti a, Pathian sawi nepna lam ni lo in Nu hlutzia an sawi tumna a ni ngei ang. Nu chu inchhungkhurah chuan lallukhum khumtir loh Lalnu a ni a, a hnathawh a chawl ve ngai lo a. Nu tha chuan engtik lai pawh in a pasal fanau te tan a inpumpek thin a ni. Thil pakhat tichung pawhin rilru ah a a dang ngaihtuah reng reng in hun a hmang thin a. Inchhungkhur zahawmna vawng nung tu leh khainung tu ber a ni a, a hnathawh langsar ang in lang lo mahse Nu chenchilh loh chhungkua chu a ruak huai thin a ni.
Thil lungaihthlak deuh chu Nu te hian ngaihsak leh zah kan hnam leh khawtlang ah hian an phu tawk an hmu pha lo em em a. Zah chu sawi loh “Chun nu lungmawl” tih tawngkam te kan nei a, Nu te zah leh chawimawi chungchang ah hnam fing zawk te kan la pha lo hle a ni. Zirna leh thiamna lamah an hniam pawh a ni thei, mahse an thu te hi fa te hmangaihna vang a chhuak anih thin vangin a l hlu em em a ni. “ Nu ten thu tha min hrilh te kha kan lo ngaithla liam mai mai a,mahse kum lam a upat hnu, rilru puitling han put hunah chuan a lo hlutzia kan hre chhuak chauh thin” an ti chawk reng a ni.
Kan nu te hi kan piantirh atang a min enkawl tu, hnute tui a min chawm a chaw min fah seilian tu ringawt anni lo a,kan hriatloh lai pawh a min ngaihtuah em em tu, humsual kan dai palh hlau reng reng a min tawngtai sak reng thin tu te anni tih hre thar leh ila. Nu nei tawh lo tam tak pawh kan awm mai thei, kan la nei te anih chuan an chung a kan tlinlohnaah te insiam tha ila, theih ang tawk in kan hmangaihna leh zahna i lantir ang u. Vawiin Chawlhni “Nu te Ni” pual in ka rawn hlan e.
May 9th, 2010 at 4:28 am
comment a lo in close palh! kan hawng leh ta e. hehe.
Report this comment
May 9th, 2010 at 4:30 am
comment pawh ka tui tawh lo ka ti tau nang a
A ziaktu chuan, “Chun nu lung mawl” awmzia a hrelo a nih hmel mang e!
Inrinni tlai, May ni 8, 2010 dar 7:01 chiah a ni, naktuk advance a ni mai, a tha vek e. good post
Report this comment
May 9th, 2010 at 4:34 am
Ka mut chuan ka tho tlai leh awmsia zingah kanu ka wish hmanlo palh ang, meng tlang law law mai tehang tun tum chu.
Report this comment
May 9th, 2010 at 6:59 am
Ka nu hi ka tan chuan NU a ni a, PA nih a fawmkem bawk. Nu pakhat chiah ka nei, tun thlenga min la dampui hi ka va lawm tak em.
Report this comment
May 9th, 2010 at 7:59 am
Ka nu hian mi te tluk lo mahse a fate ho min enkawl chhoh danah fak a phu hle tih hi a mah ka chawimawi nan kan sawi chhuak ve ang e.
Report this comment
May 9th, 2010 at 8:02 am
Kan nu a zina a practical in ka hre mek.
Report this comment
May 9th, 2010 at 8:20 am
comment na a 1st tih chak ho kha phur deuh in article an click a “ka first keuh ” ti rilru chung khan inti thei deuhin “first” tih comment an tuma, comment an lo close daih sia ha ha, thread dangah an phun nawi vel ta mai mai anih ber kha he he.
Happy Mother’s Day
Report this comment
May 9th, 2010 at 9:11 am
O Father of the Fatherless (and Mother of the Motherless)
In whom all families are blessed
I love the way You father me.
When bruised and broken I draw near
You hold me close and dry my tears
I love the way You father me.
At last my fearful heart is still
surrendered to Your perfect will
I love the way You father me.
And when I look into Your eyes
from deep within my spirit cries
I love the way You father me.
Before such love I stand amazed
and ever will through endless days
I love the way You father me.
Father me, for ever You’ll father me
and in Your embrace I’ll be forever secure
I love the way You father me
Report this comment
May 9th, 2010 at 9:48 am
@Wiskah, i ziak tha hle mai. Nute hi an va hlu teh reng em!
Mothers’ Day-ah hian he hla, kan naupan laia kan zir thin hi ka hre chhuak thin:
Ka nausenin tunge mi kawl?
Ka nu, ka nu duhtak chu;
Tawng thei lovin tunge min pawl?
Ka nu, ka nu duhtak chu.
Ka dam lo va, a tlaivar a,
Ka tap a, min lo chawi mu thin;
Hah takin, chak lo chung pawhin,
Ka nu, ka nu duhtak chu….”
Report this comment
May 9th, 2010 at 10:26 am
“min hmangaih zia ka ngaihtuahin,
A hnen a awm ka va chak em,
Ka tan atawngtainate chuan
Thlifim angin min rawn chhem thin”
Report this comment
May 9th, 2010 at 10:51 am
High School zirlaibu (?) a poem pakhat, rul in nu pakhat a chuk thu kha kan hriat chhuah zawk chu a. Chu nu chu rul in a chuk a, na a ti em em mai a, zanah pawh a mu hlei thei lo a. Mahse rul khan a fate chuk lo a, amah a chuk zawk avanga lawmthu a sawina kha…
Nu te hi an hlu khawp mai.
Report this comment
May 9th, 2010 at 11:03 am
Chawhpawlh tawk thiam turin zirsan a ngai nem le!
Khelawkin han suak la, fianpuiin teh chhuak la.
A phuan a lo var a, bel tlang a lo liamin,
Chunnu hlim rawh chawhpawlh tawk a ni.
Ka nu ka ngaih em em ta’n kan hlan ve teh ang.
(P.S: A hla pum hi hria in awm chuan han thawh teh u)
Report this comment
May 9th, 2010 at 11:27 am
Ka nu chuan kan naupan lai zawng khan Kohhran hmeichhe programme/MHIP programme ah te min telsan ngailo. Ka nu tel lovin zan hun kan hmang ngailo tluk ani. Ka nu ka lawm e.
Report this comment
May 9th, 2010 at 11:33 am
Kei atan erawh zawng nitin mai hi ka Nu day a ni e.
Report this comment
May 9th, 2010 at 4:20 pm
Ngawi teh u, kan tar ta e…Tech Results ah te ka va OT a a..
@muante vang vek a lawm. sangliana hi a la dam em?
Report this comment
May 10th, 2010 at 5:33 pm
Nu te hi anlo hlu em a ni..mihringte chauh pawh kan lo nilo
https://img227.imageshack.us/im.....utepua.png
Report this comment
May 11th, 2010 at 1:21 pm
‘Ka dam lo va, a tlaivar a,
Ka tap a, min lo chawi mu thin’
A va han ropui tak em!
Ka nu Ka hmangaih che..
Report this comment