Kan thatlai leh vanglai hian hengte hi kan vei ve tur a ni. “Kei-a lo vei ve a, lo chhui ve sek hi engtihna mah ani lo e.” tiin, kan thlir liam mai mai tur ani lo.
Politics:– Politics hi Kum 50 pel tawhte tan chauha tuipui chi, Tu-mawng-ben hnu chauha ngaihven chi anga kan ngai hi a dik lo hulhual! Kan ram Poitics virvel leh thu lengvak, Sorkar Policy leh hmalaknate hi thalaite hian kan bengkhawnin, kan ngaihven hle tur a ni. Kan zir anga, kan chhui anga, kan chik anga, kan meng ve kar tur a ni. Chu tah, Thil diklo a awm ngei anih chuan kan theihna mual mualah ‘Thawm’ kan chhuah ve ngei tur a ni. Enganga zirsang leh thiam pawh ni ila, kan chenna ram Politics virvel leh Sorkar kalphungah te kan ngawn(g) tlat si chuan Parawn kan ni ngailo ang. Ram kalsiam nih i tum ang u.
Sakhuana:– Sakhuana a chhiat chuan Khawtlangnun a chhia… Khawtlangnun a chhiat chuan Ram a chhia… Ram a chhiat chuan Hnam a mualpho… Kan Sakhua/ Kristianna kan hlat poh leh he hnam hian Hnampum mualphona a hnaih tual tual tihna a ni. Sakhuana kan lak da-zát tawh zia te; sual inphen nana hman kan hreh tawh loh zia te; kan Social/ Personal Life hrim hrimah Pathian tihna tak tak kan neih tawh loh ziate en hian– Thalaite hian tih tur kan nei. Kan theihna mual mualah a damdawi kan ngaihtuah ve tur a ni. Khohhran leh Khawtlang hruaitute kan burbun vek bik tur ani lo.
Intodelh:– Intodelh hi Sorkar (MNF, CONGRESS, ect.) Policy atang chauha neih kan tum tur a ni lo. Ram leh Hnam kan intodelh theihnan enge pawimawh? He ram leh Hnam hian enge kan mamawha, enge kan tlakchham? Hei hi kan vei ve tur ani dawn lawm ni? Kan Nu&Pate’n Sorkar Policy-ah innghatin, tute emaw Policy avanga chauha intodelh anlo tum anih pawhin, thalaite chuan kan tum ve ngawt tur ani lo. Chu’ng Policy-ah chuan kan innghat ve ngawt tur ani lo. Ngaihtuah teh, Zoram khawvelah a intodelh lo leh hautak, chhungkuaa ‘Sumthuni-Nu’ chu thalaite hi kan ni tawh ani lawmni? Kan theihna mual mualah intodelh tura thalaite kan harh a hun takzet ta! Intodelhna hi Sorkar atang chauha neih kan tum tur ani lo.
Chhungkua:– A pawimawh ber a hnuhnung berah aw! Khi’ng, a chhunga kan sawi zawng zawngte khi, a hlawhtlinna leh hlawhchhamna chu chhungkuaah a inkhungkhawm vek! Nu&Pa, Pi&Pu, U&Nau fel tak takte nen inkhungkhawmin, Chhungkaw zahawm tak ni mah ila, vei nei lêk lo a, ei-a mu mai mai tur kan ni lo. Thalaite’n tihtur kan nei. Uipa hur ang maia vak du du mai mai tur kan ni tawh lo. Kan chhungkaw hmalam hun hi kan kutah a awm tih hriat a hun ta. Chungkaw inrelbawlna leh inawp/ inkaihhruaina a chhiat miau chuan engkim a chhia! Chungkuaa kan tih tur mah kan hriat siloh chuan, khi’ng zawng zawngte khi vei engang mah ila, eng tihna mah kan nilo ang. Zirlai kan ni a, thawhchhuah lamah hnemhnanpui tham kan la nilo pawh ani thei e; Chhungkaw khalhngiltu erawh nih kan tum tur ani. Tunah chawmhlawm mai mai la niin, Head of Family ni kher lo mah ila; kan theihna mual mualah chhungkaw viltu nih kan tum tur a ni. Chhungkua hi kan vei tur a ni.
Kan Pa te eiruk dodal ngam… Nula an kawp dun dun pawha zilh ngam… Nu te’n thenawmte an rel zut zut leh mi chhukaw chunga hem thlak an chin viau pawha khak ngam kan ni tur a ni. Chhungkua vei ila; Ram leh Hnam, Sakhuana leh Intodelhnate pawh vei ila; Thalai te’n enge kan tih theih tih pholang turin– “Kan theihna mual mualah…” tan lain, i inpuahchah ang u le!!
Similar Posts:
- Mizo te hi hnam thatchhia kan ni em?…
- Kan tè bik lo e!
- Power mumal loh chhan hi MNF vang a ni – S. Laldingliana, Parliamentary Secretary.
- Mizo leh sakung phun
- Ka policy ve chu
in va lut...
May 28th, 2010 at 9:35 am
A hmasa berah chuan tanrual a pawimawh.
Pa-te eiru dodal ngam hi Mizo zingah ka la hre lo! hria in awm em aw, han share tel ula…
[Report abuse]
May 28th, 2010 at 9:37 am
Zephanath hi lo first ve jiah, lolz
kawllhawk nge2, tha thei khop mai
[Report abuse]
May 28th, 2010 at 9:38 am
@tlau: first lo ve, nang aiin ka hma hret chauh a ni :lol:
[Report abuse]
May 28th, 2010 at 9:41 am
Zephenath, anih leh first loin i hmasa ber
[Report abuse]
May 28th, 2010 at 9:46 am
kawlhawk, leh thin che chuan, tha tak i rawn thawh chhuak thei fo mai.
Ania sin, “chhungkua atangin ram zia hi apiang a ni,” ti ila kan sawisual in ka ringlo. Mahni inchhung khurah theuh hian kan nunah entawn tlak chhungkaw member dang te leh inleng ten an hmuh chuan, bul tanna tha tak a ni zel ang.
[Report abuse]
May 28th, 2010 at 9:46 am
a tha fia fia khawp mai,Intodelh tur chuan taimak,rinawmna ,zawldawhna,inngaihtlawmna te kan neih tel a pawimawh.
Mak ka tih ve mai mai chu Mizoram a kan nula tleirawl ten a thawh duh loh ang kha ram changkang nula no tak tak an englai mai pawh sil loh a keih bawrh 2 tlak hmel pu kun 20 bawr vel ho te hian nileng in zing dar 7 am atang in hmel hmel pu tak phur tak in factories ah te hna zuk han thawk thin a maw le.
Kan Zoram ang ah chuan awi kei chu hetiang thawh hi ka zakkkkk an tih ang te kha maw le an thaw thin.
Kum 18 chin chu an nahni in an intodelh vek.
[Report abuse]
May 28th, 2010 at 9:53 am
@hmingte: A dik ang. Mizote chaun “Job is a job” tih anga kan pawma, kan thawh ve hunah ram ropui panin kan kal ve chauh ang.
[Report abuse]
May 28th, 2010 at 9:56 am
Ziak tha khawp mai. Hetiang hi ka rilru a ka ngaituah reng thin a ni.
Kawlhawk dam reng rawh se..a vai khian point pawimawh vek an ni.
[Report abuse]
May 28th, 2010 at 10:04 am
Kawlhawk chu chem kan barh don em moni le aw… :lol:
I ziak tha thei phauh2 khop mai.nie pate eiru te han khap ngam ila chuan tha tur ania…..
Hnathawh hi chu kan ngaisang viau a,mahse kan peihlo a ni….
[Report abuse]
May 28th, 2010 at 10:25 am
Chem hmuam reng chung paw’n a rawn chhak chhuak tha thei khawp mai. LOLZ.
Hei hi ka vei zawng tak a ni. Chhungkua hi Ram, Khawtlang leh Kohhran bulpui a ni. Ram, Khawtlang emaw Kohhran emaw kha a hranin a awm chuang lo; chhungkaw infinkhawm kha a ni mai. Chuvangin RAM ka vei kan tih hian a lerah kan thuai a, Ram tana tha lo tih kan hriat chu kan chhungkuaah theuh seng lut ila kan ram kan siamtha a ni mai.
Thil tha hi mi tih ve leh ve loh lam aiin thil tha a nih avanga tih mai nachang kan hriat hunah kan ram hian awmzia a nei ang.
[Report abuse]
May 28th, 2010 at 10:55 am
‘Zawng in a ngumkhak a hmu lo’, tih ang deuhvin mahni dik loh na hi chu in hmuh a har thin khawp mai. Mahni in siamthat na tur hlir ani.
[Report abuse]
May 28th, 2010 at 11:11 am
@jvc ‘Ram tana tha lo tih kan hriat chu kan chhungkuaah theuh seng lut ila, kan ram kan siam tha a ni mai.’ Sawisual hi a awr teh a nia.
[Report abuse]
May 28th, 2010 at 11:23 am
kawlhawk, a tha e. Mahse nang meuhin typing mistake eg khohhran, chhukaw, i nei erawh khi chuan ka mit a tikham deuh
[Report abuse]
May 28th, 2010 at 11:30 am
Kawlhawk nge nge, ava tha thuai thuai tak em. Nang ang hlir hian kan ram han kaihruai ta se aw…..
Mahse kawlhawk thau ai chuan caribou thau a hmui tui zawk ka ring tho tho.
[Report abuse]
May 28th, 2010 at 11:31 am
Sisen,
Ka lawm e. Ka lo fimkhur tawh ang e.
[Report abuse]
May 28th, 2010 at 1:36 pm
He Bible chang hi ka hre chhuak tlat mai –
I Timothea 4:12 I naupanna tumahin ngainep suh se; thusawi kawngah te, chetze kawngah te,hmangaih kawngah te, rinna kawngah te, thianghlimna kawngah te ringtute tihhmuhtu ni zawk ang che.
[Report abuse]
May 28th, 2010 at 1:51 pm
Post tha khawp mai…. ngaituahna tizau atan mai mai han sawi belh ta ila:-
Mahni diklohna hi hmuh a har khawp a, ” Ka pa, Sorkar sum i eiru a ni maw…sim vat la a tha ang” ti ngawt mah ila…”khang lang che chuan, ka chawmhlawmin chuti chuan min ti ang maw….” minti let hlauh a nga, a buai thlak thei lo’ng maw?
Chuvangin engpawh sawi thei leh, a dik ni a hriat ti thei turin, ‘INTODELH’ hmasak a pawimawh khawp mai.. nu leh pa te, ramhruaitu te, etc. diklohna te huai taka sawingam tur chuan mahni kut/ke a din theih a a tha… chuvangin a bul tan na tur chu chhungkua ai-mahin…mahni atangin, a pawimawh. Engmah thawk peih silo, mite sawisel ching kan nih chuan…pawi zawk ang.
Kristian kan nih chuan – Kohhran hian Kristian mission hi kan thlir zau deuh a tha hle…Kohhran hi thlarau lam chauh atan ngai lo ila, a Pathian thu in, “I ram lo thleng rawh se, kan tih thin hi’ a takin Zoram pawhin kan hnaih ve deuh ang.
Christian mission to the world has a three-fold responsibility: evangelism, social service and social action.
Evangelism involves preaching the Good News, church planting and church growth based on human spiritual need.
Social service involves relief and development activities based on human dignity.
Social action involves political, social and economic activities based on human justice. These three responsibilities are part of God’s mission and the Gospel of our Lord Jesus Christ.
[Report abuse]
May 28th, 2010 at 7:04 pm
Post tha hle lehpek mai. Hetiang thu te a khat mawi tawk hian Mizoram chanchinbu (phek) lar zualah te khian ziak thin teh u.
[Report abuse]
May 28th, 2010 at 7:53 pm
Komen a va kal lo ve helai chu. A thu a khun/ tha deuh aniang a…? :evil:
[Report abuse]
May 28th, 2010 at 9:35 pm
Mahni dawtah chuan Chhungkua hi a pawimawh ber. Mahni inchhung rel fel si lovin engtin nge khawtlang leh ram kan tihfel theih ang. Kei chu chhungkua bak hi ka la vei ve pha meuh lo.
[Report abuse]
May 28th, 2010 at 9:58 pm
Kawlhawk khua a awm, Lunglei District-ah hian, a lar lo khawp mai. Kawlhawk sava a awm, a sava tak tak hmu lem lo hian naupan laia kan zir thin, ‘Kel vun khuang a ring, Kawlhawk thau a tha’ tih vel avang te, ‘Kawlhawk thla zap ri’ tih vel avang tein a lar phian. Misualah Kawlhawk a awm leh, a ek chhe lar hauh lova, fur tuihawk lo liana ral leh mai thin ang ni lo hian, a tui chu a lian reng a, misual ho min chim reng mai.
A va hluin a va lawmawm em! Ka’n ti deuh duah teh ang.
[Report abuse]
May 28th, 2010 at 10:09 pm
Thianpa Kawnga thu han thiam dan mm tak hi chu aw!! Min pe se, hausakpui nan ka hmang mawlh ang ka ti. Phu loh fakna min fahtu zawng2te chungah ka lawm e!
[Report abuse]
May 31st, 2010 at 1:34 am
@gothica….huhuhu! Nangni angin correct english ka thiam ve love….excuse mai teh, hohoho. I ‘touchy’ danah hian i chhas nen hian in ‘HMEL A HMUAR’ a nilo mo?…te ka tia huhuhu. Lolzzz, soila ka lo nui zel ang, hohoho. Beauty sleep a hun e mi pangngai tan chuan, huhuhu…
[Report abuse]