May Thla– chawhnu lam,
Zirtawp Ni.
Tlai Dar 5 a ri ék ék chauh a ni a, Khawvel hi a pumin a thim ta emaw tih tur khawpin, khawi lam atanga rawn inmûn nge tih pawh hriat loh Chhum thim chhah tak, inlet but but chuan kar lo-ah kan khua leh a vel chu a rawn tuam thim mup a. Hmar lam atangin Cyclone siper niawm tak Thli-vir a rawn thaw vúk vúk a; a chângin a ri hûm húm bawk a.
Khawchhak kawlkilah chuan hmuhnawm titute tana hmuhnawm thamin Khawlphè-in Pâr a rawn chhuah phè zuai zûai a, a hláutute tan erawh rapawm khawp a ni. Nau thlabar leh hlauhlawp tur rêng dawn loin, chung lam khawpui lahin ‘Thawm’ a rawn chhuah ri dûr dûr reng bawk a; Van khian hringfate min delh hlum phiár a tum ta em ni… tih mai tur khawpa thawm rapawm a ni!
Zan Dar 10 lai a lo ri ta! Ruah leh Thli chuan kian zai rêng rel a tum lo mai ni loin, kiam a tum eih lo! Mak ka tih em em chu: Hemi zan hian ka lung a leng deuh tlat nia! A nihna takah chuan, hlauh vang pawh ni em em hran loin, hetiang zan rapthlak leh hlauhawm hnuaiah te chuan lunglen chu khawilamah, Pawnpui hnuaia inthawlh zaih tawh tur ka nia. Mahse, Nimin maia hun hlimawm tak ka hmanpui, ka par duhlai Ruati ngaiin ka lung zu lêng tlat i’a!
Thawm!!
Ka pa ram hnathawk hah lah Dar 8 vel atangin a hnâr bawrh bawrh tawh a, muchunga bible chhiar ka nu pawh a mutui ta. Ka naute pahnih inkuah chiala mu pawh mumang ramah an tualchai mek. Chutia, chhungte muthilh bawrh bawrh hlan, Thlipui leh Ruahsur buan buan kara engemawti taka Ruati ka ngai ta tlat mai chu keimah leh keimah pawh mak ka intiin, ka ngaihte pawh a tha lo hial a. Khawnge, zun te pawh a chhuak deuh reuh e a; zung i la, muthilh te pawh tum lui ta i la… tiin, thim zingah chuan kawmchar kawngkhar lam panin, thawm dim takin ka phei ta a.
Chutia ka indap phei dém dém lai chuan, kan choka bang chhak lamah thil ri thet thet ka hre tlat mai le! Thli leh Ruah thawm karah chuan ka’n ngaithla chianga… ‘Um! Engemaw thawm chu a ni ngei mai! Ka Nu leh Pa ka kai tho mai dawn em nia’ng?’ Dik tak chuan mahni maia han finfiah chu ka hlau deuhreuh a ni.
‘Khawnge, êm a…!’ tiin, thawm rawn chhuahna hnaih ber ni a ka hriat tukverh chu dimte-in ka’n hawng a, pawn lamah chuan chhum a lo zing pik mup a, engmah reng reng ka hmu thei lo. Chutia tukverha dak chhuak meuh a, thawm ka ngaihchan mek lai chuan kan luhkapui/ kawngkhar lamah thawm ka hre leh ta! Thawm satliah a ni lo, kawngkhar sawi ri dawt dawt thawm a ni!
Eng a!??
Chu kawngkhar thawm ka hriat rual chuan vawilehkhat-ah a maka makin, hlauna-in min rawn tuam nghal a. Ti-ril a khur a, thàu-ah min man… an tia mawni kha? Hmul thi a rawn ding nghal súng súng a! Ka chhungte lah chu’ng thawm chi hrang hrang, hlauawm tak tak karah chuan tih mutin an awm tlat si.
Chhiatna emaw, hlauhawm engemaw tak lo thleng tur zia a ni ngei ang! Ngaihthat lohna-in ka khat nghal a. Kawngkhar chu a aia ringin a rawn ri leh dawt dawt a, sâwi rik mai a ni ta lo, chhir/ chhuih thawm a ni! Hlau leh khurin kawngkhar lam chu ka va pan leh ta, va hawn ka tum pawh a ni lo, mu leh mal ka nei tawh lo a ni ber a, ka sai hlawk hlawk tawh a ni ber e. ‘Aw’ ka hre ta! Mihring aw!! “Pu Rual, Pu Rual…” a reh leh vang vanga, “Sawma, Sawma…” Ka hre ta! Ka harh ta! Ka chiang ta! Kan khaw Val Upa, U Hruaia ‘aw’ ngei a ni.
Hmanhmawh takin kawngkhar chu ka va hawng ta rawk rawk a. Huh zawr hnuâng leh lu-a ruahtui far kauh kauh chung hian U Hruaia a lo ni ngei e. A thaw hlawp hlawp a, a lo meng phawk hrú bawk a. A hmelah engemaw thil dik lo a awm tih hai rual a ni lo. ‘É khai! U Hruai, eng nge ni ta? Zan lai laiah… Thli leh Ruah karah lehnghal…?’ a ngawi vang vang a, Field lam chu kawkin “Tun maiah khan Field thlangah Ruati ruang an chhar!” ‘Eng a!? Ruati a!?’
Ka mit sulh a, ka zawi hnawk a, kawngkhar biang vuanin ka tlu mualpho lo hlau mai pawh a. Chutah, thâwk ka’n la hawlh hawlh a, chi-ai lo ang taka lan tumin a darah ka va kuah tè tè a, ‘U Hruai, eng thu nge i rawn sawi tak le? Ruati nen chuan nimin maiah pawh hun hlimawm tak kan hmang a sin. Kan hma lam hun turte thlirin duhthute kan sám dun chiam a sin. Chumai a ni nèm, kumin chhung ngeia Palai tirh te thlengin kan sawi dun a sin.
U Hruai, Nang meuhin i rawn sawi hi thu dik chu a ni ngei awm si a maw! A va mak ngai ve le! Eng nge thil awmzia?’ Ka kun tlawk tlawk a, ka khur ru dar dàr bawk a. U Hruaia pawh chu ngawi rengin a kun ngáih a. “Field thlanga lamkhuang kungah khuan a lo inkhai (inawkhlum) a ni awm
June 15th, 2010 at 9:10 am
A hmasa berin ‘a va tawp laklawh ve a’! han sawi chhunzawm leh la maw le…. ziak ngaihnawm hle mai.
Report this comment
June 15th, 2010 at 9:15 am
Ka ti sual der mai a, a tawp dan khi min lo hrethiam teh u’n. Chhunzawnna alo chhuak thuai ang.
Report this comment
June 15th, 2010 at 9:16 am
Chaw ei phawt ila, muangchangin han chhiar teh ang. Ngaihnawm hmel tlat mai.
Report this comment
June 15th, 2010 at 9:17 am
true story nge a? suangtuahna khawvel ?
Report this comment
June 15th, 2010 at 9:22 am
Suangtuahna zan hlauhawm mai a ni e!
Report this comment
June 15th, 2010 at 10:22 am
Ruati thi tur ui vangin khua in a nuar phah anih chu.
A chhunzawmna ah chuan a thla i hmu ang a, mumangah in lo inkawm ang. Thingkung bula a lehkha hnutchhiah phei chu i mittui titla tam tu tur ani ang.
Kawlhawk nge nge, ava ziak ngaihnawm tak em.
Report this comment
June 15th, 2010 at 10:26 am
Lo nghak ila a chhunzawmna-ah chuan ‘changtunu’ pawh a ti nung leh maithei asin,tren tren
Report this comment
June 15th, 2010 at 10:33 am
Zan Hlauhawm Part 1 nih hi. Chhiar nuam khawp mai..
By the way, Khawlphe nge Kawlphe zawk aw?
Report this comment
June 15th, 2010 at 10:35 am
Oo….zephenath a chu ooo….i lo zot kher2 a :lol:
lal kawlhawka poh ngatinge i lo soi thet thut le ooo :lol: khitia a top dan vel khi changkang tlat alom le 
A ngaihnawm ka ti hle mai,voi 2 ngot kan chhiar chhuah hman chu le,ka thiannu ka chhiarsak ve nghal…wainch
A dang ron tichhuak leh vat teh un…
Report this comment
June 15th, 2010 at 10:37 am
A tu hawkdak chuan ngemaw lova hmuchhuak a, ruahthimpui sur lai2 in field bul daih ah lehnghal, Sawma pawh chu an inhmuh hnuhnun ber khan a ruaklo tih a hrilh kha, ‘ka neitheilo ang che,ka fa pawh a ni mi?’ a ti ki kawi vei a nih kha, zanin a lenglo nghal zat bawksia a rilru hrehawm ltk tih hriat reng2.
Report this comment
June 15th, 2010 at 10:44 am
Edit
Report this comment
June 15th, 2010 at 10:47 am
Zer0, Kawlphe.
Swifty, Part 2ah chuan i rin loh lam daih a ni ang :lol:
Jlo, :roll:
Report this comment
June 15th, 2010 at 10:53 am
Part2 tur inrin siak ang u. A ring dik apiang Kawlhawka’n chawei ah a sawm ang.
Report this comment
June 15th, 2010 at 10:58 am
Ka lo trim uaih uaih hman a sin le,a ngaihnawm hle mai,han continue vat la a tha ang
kawhawk chu ziak thiam hle mai.
Report this comment
June 15th, 2010 at 11:06 am
Keicu Ruati chu alo nun leh k ring e,kawlhawk te ang thu ziakthiam chuan a ti nung thei in k ring tlat,tren tren..
Report this comment
June 15th, 2010 at 11:13 am
part 2 chhuak leh vat teh se, a khingbai em mai
Report this comment
June 15th, 2010 at 11:20 am
Lamkhuang bul velah chuan thlarau chawl hahdam theilo chu a tei vel thrin a, a thih tirtu phutawk a hrem a nih hma chu.. aw, thlarau rethei chawlhahdam rawh, Misual ho hian i phuba an ngaihven mek e, a tirtu anchhui mek a sin..
Report this comment
June 15th, 2010 at 11:27 am
hmmmm…good story
Report this comment
June 15th, 2010 at 11:29 am
kawlhawk.. a ngaihnawm khawp mai… part-I of many anih ka beisei. Mahse, horror ah chhuah hram teh a plz lolzz
Report this comment
June 15th, 2010 at 11:35 am
Caribou, Ni e. Ar bawp ka khel tir ang :smile:
vandamme & bonez, Thanks!
gothic, horror nge love?
Report this comment
June 15th, 2010 at 11:39 am
kawlhawk.. horror plzzz… a rapthlak thei ang berin hehe…
Report this comment
June 15th, 2010 at 11:44 am
Va ziak ngaihnawm ve…Contemporary khawp mai
Report this comment
June 15th, 2010 at 12:00 pm
Chhiarzawm ava han chak awm ve le… Sawma chuan puan tur a nei ngei ang le… tren tren…
Report this comment
June 15th, 2010 at 12:04 pm
Hetianga laklawh deuhva hi episode nei chi tan chuan a tul tlat, a commercial tlat. A central idea ka la man pha rih lo, Part 2 ah chuan a chiang ang. Part 2 nei lo pawhin abrupt deuhva a tawp hian a hlutna a tikiam chuang lo. Samuel Taylor Coleridge phuah chhuah duhawm tak ‘Kublai Khan’ pawh kha laklawh deuhvin a tawp a, Coleridge lah khan a chhunzawm thei tawh si lo. Mahse English poetry lailum luahtu erawh a ni tho tho.
Report this comment
June 15th, 2010 at 12:14 pm
kawlhawk chuan ‘korean serial’ tluk zet in han vai kual kawi vel se la a tha ang chu maw le. Chuan a serial kan siam ang a, kumtawp a tanpui ngaite tanpui nan… :lol:
Report this comment
June 15th, 2010 at 12:19 pm
Part 2na ah chuan a, … tiin a intan angai dawn ani maw :lol: .
Ngaihnawm khawp mai
Report this comment
June 15th, 2010 at 12:49 pm
A tlangpui thu hian thla eng mawi tak hnuai a lunglen ching ai chuan khaw chhe tak entirnan thlipui, ruahpui, kawlphe leh trek tla chuaih chuaih kara lunglen ching ho hi mi lungleng thei tak an nih duh tlangpui a, an rilru pawh hi a thain a fel tlangpui..Ruati hi chu mi lerh ve tak chhuah nuam ti chi a ruka bialpa te hrialoh a lerh chi hi a ni ve a, tiang ang ho hian tlangval fel tak tak hi bum nuam hi an ti em em lehnghal an bialpa te ngaihtha takin an awm tira an mahni an lerh leh hle si.. hemi zana a inawh hlum nachhan pawh hi midang fa a lo pai tih hriat reng reng. Mawia hi a zah a khawvel eng a hmu ngam tawhlo a, a inawk hlum ta a nih hi.
Report this comment
June 15th, 2010 at 12:51 pm
Mawia pawh hi a dawih re re
Report this comment
June 15th, 2010 at 2:01 pm
Ruati ruang, phum mai tura an peih fel vek tawh hnu chu, mi(sual) hovin dam leh tura an duh miau avangin, a rawn che ta tual tual a, a rawn meng a, dam tha taka rawn thuchhuakin “Sawma, Sawma, ka duhlai, khawnge i awm” a rawn ti chhuak a. Ruang kiltu te, a chhungte chu an hlim kher mai.
Report this comment
June 15th, 2010 at 2:03 pm
@ 29….chuan Mawia chuan “Ruati, Ruati, min ti mualpho emai kal mai teh” atia
Report this comment
June 15th, 2010 at 3:18 pm
Tunge Mawia ?
Report this comment
June 15th, 2010 at 3:22 pm
@ shai…a changtupa
Report this comment
June 15th, 2010 at 3:32 pm
@zualbonez, hahahaha… a thawnthu ziaktupa in a hming a phuah sak in lo thlak sak ve thuai mai a ni maw… hahahaha… :lol:
Report this comment
June 15th, 2010 at 3:33 pm
Rilru a awm hi in ziak chhuak thiam bik thin mange aw
Report this comment
June 15th, 2010 at 3:37 pm
@ shai…hets saala, lo ngaihtuah chiang lovin caribou # 29 a Mawia tih khi ka hmang ve tawp…lol
Report this comment
June 15th, 2010 at 4:06 pm
Pu Shai, Mawia an duh hlawm e mai, ‘mawia’ tiin Part 2ah chuan hming thlak i la tha ang. :lol:
Report this comment
June 15th, 2010 at 5:10 pm
He article ‘Zan hlauhawm’tawi fel tak hi vuvuzela ziah emaw ka lo ti char char
Report this comment
June 15th, 2010 at 10:44 pm
@Kawlhawk i thu leh hla hi a ril riau zel, a laimu kan phawrh chhuak zo lo fo! Pehhel deuh a thu ziak i thiam a, i tum erawh thelh i tum lo! Diak Diak a hrethiam duh chuan hrethiam mai teh se…..
Report this comment
June 15th, 2010 at 11:22 pm
Laui kunga inkhai Ruati hi, Sawma te uipui vulh lai, Sawma duat em em, sap hming pawh a vuah phal loh, Ruati tia an koh thin kha a nia. Sawma hian a tuar khawp mai.
Report this comment
June 16th, 2010 at 12:09 am
La-ui = Lamkhuang
Report this comment
June 16th, 2010 at 6:42 am
Ruati thih dan hi detective ten investigate vak sela chu chuan bu khat a daih ang. Mahse ka hriat chak zawk chu Ruati nen hun hlimawm tak an hman lai leh chung chang tura hmangaihna chi nung chi tereuh te atranga a-tak-ram an han thlen chhoh theih dan chumi kara harsatna leh lawmna elrelna zz an paltlang dan ka hre chak khoops
Report this comment
June 16th, 2010 at 6:57 am
Film siam rawh. thutak emaw ka lo ti a. ka lo tuarpui hman a sin. a seh nghal loh che chuan.
Report this comment
June 16th, 2010 at 7:14 am
Khai aw ! Ruati chu a va ui awm ve aw…..ka lo bing ve chum chum mai dawn a lawm le !! Ngaihnawm hle mai.
Report this comment
June 16th, 2010 at 7:30 am
A thla tal hrang tir teh a….
Report this comment
June 17th, 2010 at 12:11 pm
Ropui lehpek e, a ngaihnawm fithla hmak a ni maw??
Mipaho hi chu kan mak teh e, a changtunu Ruati lamah hi chuan kan chiang tlang; comment chanve vel atang chuan Sawma pawh Mawia a ni nawk nawk tawh mai. Kan mi hmasaho pawh kha Babel Insang sa tluk tluk awm pawh an lo ni e 
Report this comment