MI VANNEI BARABA (suangtuahna khawvel)
Baraba chuan a kut chu a en vang vang a. Tun atanga reilote ah hian he a kutphah ngei maiah hian thirkhen lian tak maiin perek an chhu lut dawn a ni tih a ngaituah phei chuan a khur ru der der a. Pa rothap leh duh rum thin tak ni thin mahse thihna kotlanga a han dah meuh chuan zawi zo vekin a inhria a. Krawsa mi an khengbet lai hi chu a lo hmu ve tawh thin, mahse ama chan tura’n a lo dah chin ngei reng reng bik lo.
A tanna kawngkhar hawng ri a hriat chuan ‘ka huna thleng ta’ tiin zam tak maiin a thutna atang chuan a tho thal thal a. Tanin vengtu rawn nui lut hmel phei chuan a tihreawm zual a. Mahse Tanin vengtu chuan a rawn chibai a,’Baraba vawin chu i vanneih ni a thleng e, i zalen ta’ ti a a sawi chuan rin ngam har a ti ngei mai.
Mahse pawna an hruai chhuah takah chuan a zalen ta anih tih chu rinhlelh rual a ni ta lo. Tumahin amah reng reng anlo ngaihsak tawh lova, mipui pungkhawm leh roreltute zawng zawng chu Pilata leh a bula ding mi pakhat lam hawiin ‘krawsah khengbet rawh’ tiin an lo au tuar tuar a. A bula sipai ding hnenah chuan thil awmzia a zawt a, ani chuan ‘Isua, Krista an tih khi khengbet turin Pilata hnenah an ngen anih khi. Amah avang khian alawm tunah chhuah zalen i nih’ a ti a.
Baraba chu a haw thei ta mai bik lo. Mipui karah chuan zuang lut vein Isua khengbet tura Kraws an puttir chu a zui ve ta zel a. Ama kraws put tur ngei mai chu a hmelhriat ngai miah loh in a a pu leh, chupa hmel danglam tak mai, zaidamna leh nunnemnaa khat tih hriat ngawih ngawih hmel chu a en kham thei lo. Kalvari tlang a thlen chhoh dawn chuan Baraba thin chu a rawn phu dawt dawt a, he thihna tlang hi a thihna tur ngei kha a ni tih chuan a thinlung chu a rawn deng dawt dawt a.
Mahse a aiawha an khenbeh tur chu en ve ngei ngei a duh si, hreh tak chungin Kalvari tlang, misual berte an khenbeh thinna hmun ngei maiah chuan mipui rual chuan a chho ve ta zel a. Hetia a kal pah hian Isua chanchin chu a bula kalte a zawt pah deuh reng bawk a.
Isua leh midang pahnih kraws a khenbeh an nih chu hla tak atang chuan a thlir ve reng a. Khawpui a lo rika lirte a lo nghin chuan mipui ho thlabarin an tlan haw a. Baraba erawh chuan sipai zahotu thusawi ‘Pathian fapa chu alo nih ngei hi’ tih chu a lo hre ve hman a. Tichuan mipui rem deuh tawh hnu chuan muangchang leh zam em emin kraws chu a rawn pan hnai a.
Kraws bul a thlen chuan Isua chu a thi tawh a ni tih a hmu a. Heng zawng zawng kilhna thirkhen te, vuakna vual te, khenbehna kraws zawng zawng te chu hepa Isua hian a aiawh hian chang ta lo se ama chan tur a ni tih chu a hrechiang em em a. Isua ke a vuan chungin ‘Isu, ka tan i thi a, i tan ka nun ve tawh ang’ tiin a phun sap a, a in lam panin a haw ta hnak hnak a.
Similar Posts:
- Aw, Hmangaihna a va mak em!
- Thihna hnehin a tho leh ta!
- Thawnthu hlui chul thei lo (Good Friday Pual)
- Ka Lal Hmêl
- Khenbeh
once again 
Post pui...
April 18th, 2010 at 11:20 am
Inkhawm lovin i lo buaipui char2 em ni? first ve duh hrim2 vang a nia, kan chhiar tawh a nge.
Report this comment
April 18th, 2010 at 11:32 am
A ngaihnawm dangdai hle mai a, Misual dum ber pawh a varna kan lal Isua tlanna hi a ropui teh a sin. I suangtuahna mai mah ni se, thu tak a pai ropui hle mai. ‘Marawh chu Lal Isua Tlanna hi hre reng thin mah ila, Mihring chakna reng neilo hian a bawhpelh leh rem rum thin zawng a nih hi maw!!!!
Report this comment
April 18th, 2010 at 11:39 am
Barnaba ti hlir a kan chhiar chu le. Ka mittui lah chu atawpah a hnam sawk lehnghal a.
Report this comment
April 18th, 2010 at 11:41 am
I ziak thiam khawp mai. Liandova pa chanchin pawh thui deuh i ziak thei ang a :smile:
Report this comment
April 18th, 2010 at 11:57 am
Mi vannei Baraba part-1 nise Part-2 ava nghahhlelhawm duh dawn ve le…Buizo zai choh lo pawh ilo thiam khawp alawm..i inkhawm nange a.?
Report this comment
April 18th, 2010 at 12:16 pm
Phuloh hmangaihna hi chu a ni chiang alawm. Ngaihnawm tawp.
Report this comment
April 18th, 2010 at 12:38 pm
“Thirkhen liantak maiin perek an chhu lut dawn ” – a va mak awm bawk ve maw le.
“Mizo tawng ziakdan bik hi a awm lo” ti pawlte kan awm thin a. A han inpawlhsawp nuaih mai hi chuan chhiar a hahthlak chu inti ve lo maw?
Buizova chuan zotawng chu sawisa nasa ve hle mai.
A thuken leh i tum erawh a tha ka ti e. I zotawng erawh ‘a zia lo’ ve a nih hi. NOI
Report this comment
April 18th, 2010 at 12:44 pm
Pu Barraba kha Luka ziakah chuan khawpuia helna eng emaw avang leh, tual a thah avanga tan ina tang a ni tih kan hmu a,a chanchin chhuidawn ngaihnawm tak i rawn phawrh a ni e.
Sual reng reng lo misual tana a thi hi chanchin mawi kan sawi nin theih loh chu a ni ta reng a nih hi.Passion of christ film a khenbehna perek vuantu kha a director Mel Gibson a kut ngei a ni tlat!,’Khengbettu te zinga mi ka ni e ! ‘a tihna a ni awm e.A ropui e
Report this comment
April 18th, 2010 at 1:07 pm
Ngaihnawm hle mai. Suangtuah thui hle mai. Han ti zel teh khai
Report this comment
April 18th, 2010 at 1:13 pm
#7 cools., ni tak maw! Thirkhen chu thir a siam, thing / lung kerna hmanrua…
Report this comment
April 18th, 2010 at 2:04 pm
Ngaihnawm dangdai hle mai, ka chhiar chhuak dap e.
Report this comment
April 18th, 2010 at 2:42 pm
Ka duh aiin a va la tawi e o…..chhiar a nuam ka ti a ka khamlo khop mai.rilru a khoih hle mai…..
Report this comment
April 18th, 2010 at 2:44 pm
@darchhunval#8 : mel gibson kut mo lo ni…..chutia nih chuan kha film realistic zia a tihlanna nih ngei cu…a ti ropui hle mai
Report this comment
April 18th, 2010 at 2:48 pm
Mahni theuh hi he Barabba dinhmuna ding hi kan ni e! Mi vannei kan va ni teh lul em!
BARABA ni lovin BARABBA a ni e!
Report this comment
April 18th, 2010 at 3:29 pm
Misual vannei Barabba hi a chanchin kal zel hriat a chakawm ngawt mai. Suahsual rawng a bawl chhunzawm leh ta mai nge? A nunhlui kalsanin, Krista chanchintha hi a buaipui zawm ta?
Kraws-a Isua ruala an khenbeh pakhat zawk pawh kha, a vannei khawp bawk mai. Isua ruala khenbeh ni ta lo se, a chan a chau ve ngawt awm si a. ‘Vawiinah hian ka rualin Paradise-ah hruaiin i awm ang’ tih tawngkam kha a va thlamuanthlak dawn em!
Report this comment
April 18th, 2010 at 4:03 pm
A ngaihnawm dangdai khawp mai, hetiang a thutak behchhan a ngaihruatnaa thuziah hi ka duh zawng tak a ni.
Report this comment
April 18th, 2010 at 4:15 pm
Barraba kha chhandam hmasa ber ani ti te pawhin a sawi theih awm e.A ngaihnawm hle mai.Mahni nun a seng luh vek i tum ang u.
Report this comment
April 18th, 2010 at 6:59 pm
a ngaihnawm hle mai a! Part II rawn ti leh la tha ang…! Rilru khawih khawp mai!
Report this comment
April 19th, 2010 at 12:00 am
Vawiin ka buai deuh vangin ka misual leh ta hman lo a.
‘ka tan i thi a, i tan ka nung ve tawh ang’ tih hi kan naupan laia kan zirtirtu thusawi ania, ka thinlungah a thi thei lova..
a tul chuan Baraba nun hi kan suangtuah chhunzawm dawn nia.
Report this comment
April 19th, 2010 at 12:22 am
Nia.
Report this comment
April 19th, 2010 at 7:24 am
van neih vang ringawt chuan van ram a kai theihloh.. Isua kan rin tak tak chuan kan kai thei.mahse Pathian chuan kan ngaihtuahna zawng zawng a hre veka, kan piangthar chiang nge chianglo a hre vek.
Report this comment