Thlahrang hi a awm ngei a ni ti leh a awm lo ti hi inhnial tham fe chu a an awm awm e. Misual zingah pawh hian thil mak deuh deuh tawng pawh kan awm fur maithei. Thlahrang leh ramhuai tih lam hi ka pachan lohna lam pang tak a ni a, hmuh leh hriat pawh hi ka duh lem lo, mahse hmu leh hria, thil mak tak tak tawng hi chu an awm fo a nih hmel.
A hmasa ber atan chuan ka tawn ni lo, ka ute, ka pianpui ngeite tawn ka han sawi anga, an ni hian dawt leh phuahchawp mai mai an sawi lo a ni tih chiang takin ka sawi ngam nghal e.
Ka u pakhat zawk (an hming leh khaw hming, an zinna khua hi sawi kher lo mai ila, an chhungte tan lo nawm loh palh takin) hi an pute nen an bial fangin an zina, an zinna khuaah chuan PWD IB ah an riaka, he an riahna IB hi hrang anga an sawi a lo ni reng thina. He inah hian tlangval pakhat, officer fapa a lo inkaphlum tawh a.
Khua a lo thim chuan power supply awm hek lo, bati an han chhi dawna, an nawalh leh lighter chu an talh alh thei ta miah lo mai a, tichuan an mahni room tur ve ve ah chuan an mu ta a.
Ka u in sawi dan angin ka han sawi tawh mai anga :-” Zana ka muhil lai chu eng emaw hian min tiharh zawk maia, ka han ngaithla chianga, thil ri deuh set set hi ka hria a, ka hriat dan tak phei chuan, ke a polithyne buna kal hi ang berin ka hria. Tichuan ka lam pan chuan a rawn kal phei zela, ka bul a rawn thlen chuan min rawn bawha, ka malpuiah chuan bawhin min dep ta zawt zawt mai a a ni.
A tirah chuan ka hlau deuh khawp maia, mahse rilru fim ka put hnu chuan, hetiang ramhuai leh thlarau ngam loh Pathian ka nei a lawm tiin ka theih tawpin ka leng vak vaka, a kal bo ve ta a ni ” a ti. Hei hi tam tak chuan mumang lam emaw, maimi zial chikhatah emaw in ngai tho maithei.
Kan unau zinga mipa upaber thil tawn : A thianpa nupui a borala, a boral dawn, a hnuk a chah hma pawh hian hmuh hrehawm leh ngaihtlak hrehawm takin thawm mak sak tak tak a chhuah nasa hle niin an sawi. Hetih hun lai hian naupang mai kan la ni a, a boral zanah hian ruahpui vanawn a suar a, thli nasa takin a thaw vuk vuk tih erawh chu ka la hre thei. Tichuan nau chuangah a boral ta a.
A boral hnu chuan a pasal hi kan inah a rawn leng fo thian, ka ute nen an inkawm thin a vang chuan. Tlaiah pawh kan inah chaw a rawn ei fo thina, a chaw chhum sate pawh ka u, min chhangtu chiah nen hian kan va laksak thin. Chaw eikhamah pawh amahin inah a lut mai ngam lo thian a, ka u nen chuan an inah kan va hruai thin a ni. A sawi dan chuan a nupui chuan a zui lut thina, amah hmu thei lo mahsela a ke pawn thawm ri tlep thlep a hre thin a ni.
Tichuan tlangval ho chuan khawhar chu an riahpui ta a, mi dang an inputchhuah vek hnu pawh chuan ka u leh tlangval pakhat chu an la riak rei fal ta bik a. An riahpui ber, an thianpa chu Aizawl lama a zin bo avangin an pahnih chauh chuan an riak a, zana an lenna a inan loh a vangin haw hmasa zawk nih a chakawm loh zia an sawi thin.
Ka u in a sawi dan angin han sawi leh mai ila : ” Zan ka mu tui lai chu ka rizai sin lai hi a rawn phih hlim tawp maia, harh zawk pah chuan ka thu chhuak ngha hlawl bawka, ka thianpa chuan min fiam emaw ni dawn chu aw ka ti deuh a, mahse ka han hawi phei chuan ka piahah chuan tui takin a lo la muhil bawrh bawrh bawk si a” a ti. Tichuan puan chu a sina a mu ve leh ta mai niin a sawi.
A chung ka han sawite khi ka pianpui te ngei sawi a ni a, dawt an sawi lovang tih pawh ka chiang. A va mak ve tih bak han sawi belh tur a vang khawp mai.
Hrilhfiah tum talh lam ai chuan hetiang ang thil hi lo tawng tawh tam tak an awm ang, tam tak chuan mi nuihzat an hlauh avangin an sawi duh lem lo pawh a nimaithei. Kan hriat ang angte han sawi teh ang u. Thil mak deuh deuh hi a lo tam khawp mai a nia.
Similar Posts:
- Dentec Care hi a hlauhawm em?
- Hlamzuiha Thi te kan sawngbawl dan hi
- Pu Ralliankunga YMA kutah a boral emni?
- AIDS tak hi chu aw….
- A ngai em em che a sin
October 20th, 2011 at 10:01 pm
A awm tak tak lo a ni lo’mni? Mahse, ka hlau tho. I u thil tawn chu a tak tih i chian si chuan thlahrang ni lovin mihur a nih zawk chu, tlawh mai lova chian tur a lawm mawle.
I u i ring hle maia, a tha e, mahse, a daw ve zauh zauh a nih hmel.
October 20th, 2011 at 10:03 pm
chhiar dek dek chi a ni maw..:p
October 20th, 2011 at 10:09 pm
Chhiar miahlo in ka comment tawp, ka chhiar zak aaaa!!
October 20th, 2011 at 10:12 pm
Thlahrang…..aiiiiiii…..Ka hlau,….. @chhana kian a chhiar khur dur dur chiang mai,…hehhehe 😀 😀
October 20th, 2011 at 10:13 pm
Kei chu ka tawng lo. Ka mu ngam ang em aw. Ka chhiar chhuak dap si a, hmulthi a ding ur ur mai.
October 20th, 2011 at 10:15 pm
Thlahrang an tih tamtak hi an chian thin lova, ni lem lo hi a tam ang.
A awm lo chu ka ti ngam si lo.
October 20th, 2011 at 10:25 pm
“Ramhuai” nge i hlauh “Thlahrang”….?
October 20th, 2011 at 10:30 pm
Thlahrang hmu ngun deuh hi chu dawihzep mai bakah, dawheh an nih loh vek pawh in, thu belh hlek mi hi an ni duh chawk NOI.
October 20th, 2011 at 10:32 pm
Hetiang lam Post hi hetah hi chuan a zero duh khawp mai, mahse a tawngte’n an sawi hi chuan ngaihnawm ti ber ber hi ka ni ziah. Tin, ka awihlo ngawt ngailo a, ka la tawnglo bawk.
Ka tawn ve tawh a mak ka la tih, ho bawk si chu, 2008 khan (a ni leh thla ka chiang ta lo) Ka room hi inhnuai a ni a, kawngkapui (pawnlam atanga luhna/chhuahna) a awm a, Inchhung atanga inchung chhohna leilawn a awm bawk a, a hawlhrawk kalhna ka siam ve bawk a. Zan khat chu ka chhuak rei dawn chuanglo tiin ka room kawngkapui chu chhunglam-ah ka kalh a, chuan leilawn atang a inchungah chho in ka chhuak ta a, Dar 9 vel ah ka haw a, ka room luh leh kan tum chu ka room luhna leilawn kawngka chu chhunglam ah a inkalh ta tlat mai a,ka pawt chhe ta ringawt a, ka room ka han lut thla chu ka computer a lo in ON reng mai bawk nia, ka chhuah lai khan current kan nei der silo a. Thlahrang a ni chu ka tilo, mahse mak chu ka ti.
October 20th, 2011 at 10:33 pm
a awm leh awm loh phei chu ka hre lo,awm lo se chu ka ti khawp mai 🙁
October 20th, 2011 at 10:44 pm
# thlahrang hur chi a nih don chu…..lol :-O
October 20th, 2011 at 10:45 pm
Ka cousin te 2 pawh hospital ah an riak a. 1 zawk hi kawthalo in a awm a, 1 hian a riah pui a. An room ah chuan khum 4 a awm a, an sir ah chuan vai 2 an mu ve a. 11 pm velah chuan an muhil tep tawh tih ah, an khum chu a rawn in sawi,an khum hi an dawh zawm a. (a mawng lam a in chawi a ni mah zawk)vak vak a, khum ti che tu an nih leh nih loh an in zawt ve ve a,mahse,ka ti che lo an ti ve ve a. Light an off lo a, khum hnuai te an bih a,eng mah an hmu lo a. An ngaih ngam thei zân lo a, a zan a zan chuan an in pu chhuak tawp mai a. An in hi hospital atang in a hla vak lo a,ke in an kal a. An haw lamah hian 1 zawk chu a khel ah hian ‘thil’ chuan na vak lo in a beng zui leh a. In an thlen chuan a nu an hrilh deuh nial nual a, an sawi chiang vak duhlo a.He thil hi an sawi tha vak duh lo a,mahse a hnu a ka zawh ka zawh hnu in min hrilh chiang ta hram a ni. Dawt mai mai a ni lo tih hi ka chiang e.
October 20th, 2011 at 10:49 pm
A dang pawh ka la hria. Mahse, phone hi chuan ka type peih tawh lo. Thlahrang hi ramhuai hnathawh tho a nih ka ring.
October 20th, 2011 at 10:54 pm
Chuan, he post ka chhanna chu ‘ Thlahrang hi thil awm ngei’ a ni e. Kei chuan hmuh ka duh lo a,an thawm ringawt pawh hi hriat ka duh lo. 😀
October 20th, 2011 at 10:58 pm
Ui ka raps. In hrâng nasa hlawm em mai.
An inah thlahrang kha a’n hrâng nasa mai mai, an in-tira-mei-kaiah vel.
October 20th, 2011 at 11:13 pm
Vawikhat chu nikum hmasa lam daih tawh khan college chawlh ka hman zawh hnuin hostel-ah ka let leh a. Hostel ka thleng chu vai pali panga vel chiah in lam atanga lo let an awm a.Zanah ka khua asik deuh avangin ka mu zal mai mai a. Rei vaklo ka mut hnu chuan room chhungah, a khawilai berah nge tih hriat thei si loh hian sarang(polythene) tih rik tih rik hi ka hre mai a. Kan en kual vel a, sarang lah chu ka hmu si lova. Ka zawn zawh chiah vel hian a rawn ri leh thin a. Pawn lamah mi an awm amawni tiin ka va chhuak a. Mahse kan block ah vai pakhat chiah hi a awm ve chhun ani bawk si. Ka room bula alo kal leh kal loh ka zawt a. Kal lo ati bawk si a. Ka ngaihtuah chianga ka hlau ta khawp mai a. Sarang ri chu areh a,mahse bucket a tui leih rik ker ker ang hi ka hre leh. Ka hlau chu pawn ah ka chhuak a, ka nu ka phone ringawt a. Ani chuan engmah ani lovang alo ti sam et a. Ka khawsik a reh deuh hnu chuan thawm pawh ka hre zui ta lo. :-O
October 20th, 2011 at 11:14 pm
Thlahrang chu ka hre lo a,mahse thla hi chu a awm ngei a lawm.Zanah tui takin ka mu a,zing dar 5 vel a ni tawh,kamu hi maimizial ang hian ka awm a,ka ni ka mutna kawngka rawn hawngin a vang zawngin min rawn bawh mai chu ka va han hlau tak e aw…. Choka lamah thawmri ka hrereng bawk nen.harh deuh roh chethei lo a ka awm reizia kha,Kawrvar fual hi a ha a , ka hlau tih a hria ni tur a ni a tho a room kawngka a hawng a, a chhuah thlengin ka hmu maw le.ka harh choka lamah ka tlan phei a,ka pi a lo tho tawh lo ni in ka hrilh a, ‘ E, i ni hi a zual hle a nih dawn hi a ti a, a tuk tlaiah zualko hmel kan hmu zui.Aruang ka kil ve ngam lo reng reng.
October 20th, 2011 at 11:23 pm
ui ka hlau, ka tlan chhia…phirrrr… (Y)
October 20th, 2011 at 11:29 pm
@triple-istar,, i va ziak reii ve…ka lo nghakhlel ru angreng lutuk a..!
A hmasa zawk ami hi ava hurrr veee….ka duh ve..haha!!
Ka ngaih ve dan mai2 chuan thlahrang hmu tih vel hi taksa chaklo lampang hian an hmu duh bik khawp mai,hallucination te pawh ani vek ang chu. Mahse a zavai chuan hallucination ani lo thei bawk. In fit teng tawng chuan a hlauhawm ka ring lo. Tin,a engamah hma a hlauh ngawt hi ka ti miah lo bawk,fiah hnu pawh a ala hran chuan hlauh em2 tluk a awm lo…kan hlauh loh chuan an hrilhhai dawn lutuk. 🙂
October 20th, 2011 at 11:42 pm
I thlahrang hriat chu a hur hle tak mai a. 😛 Thlarau a awm ngai anih chuan Thlahrang hi a awm ngei ring tlat mi ka ni a. Thlahrang chu ka ti chiah ngam chuanglo na in hetiang lam hi chu ka tawng ve nual tawh. Mahse dawihzep ka nilo tih ka sawi ve mai mai duh.
October 20th, 2011 at 11:53 pm
Ka awi hlawllo han ti dawn i lang lawm tak tak an awm mai thei.
Eng emaw mihring chiah lo hmuhtheih mai loh thawm nei leh hmuh theih thawm pawh nei hi chu an awm ngei mai.
Tum thum ka tawng tawh.Vawi khat chu Mizoram damdawiin pakhatah. Vawi khat leh chu Gauhaty Damdawiin pakhat ah.
Vawikhat chu kan inbul kawng bul ah.
Thlahrang nge thla fel ka hre chiah lo .
1 na lh 2 na khi ka naupan deuh lai a ni ka hlau khawp mai. a.3 na khi chu ka puitlin hnu a ni thung ka hlau lo lo hre ve tu ten an hlau zawk.
October 20th, 2011 at 11:54 pm
A awm a nih ka ring- hnam hrang hrang hian sawi tur kan nei theuh mai. Mahse…a mahse em mai…hauuu
October 20th, 2011 at 11:56 pm
Thlahrang hi nun tinuam tu ani. 😛
October 21st, 2011 at 12:01 am
hetah hian a ngaihnawm thei khawp mai
https://www.facebook.com/groups/paranormalmysteries/
October 21st, 2011 at 12:10 am
@sisen, i link pek a group member ho khian mizotawng an sawisa nasa lutuk khi na ka ti. Zilhna/Fuihna lah chu an pawm duh derlo.
Mobile hman avanga mizotawng ziah dikloh luih hi chu thatchhiat vang liau liau niin ka hria.
October 21st, 2011 at 12:22 am
mi dawihzep leh taksa chaklo ten thlahrang cu an hmu thin. (true story)
October 21st, 2011 at 12:22 am
Saitawk, i sawi khi a dik chiah. U Kawnga 😛 pawhin uluk turin a chah tawh, mahse an sim duh der lo, an la naupang deuh a ni mahna!
October 21st, 2011 at 12:33 am
Thlahrang awm tak tak leh awm loh tak tak zia hi hriat ka chak zawng ani hran lo! A awm tak tak ang tihte ania ka hlauh 🙁
Lo awm ta teuh pawh nise ka bulhnai a an awm chuan an chak lo ngawt ang.. 🙂
October 21st, 2011 at 12:43 am
Ramhuai hi chu an awm chiang a,in lal hleih, in fin hleih, in sual hleih,thiltihtheihna ah pawh inchakhleih anni tih Bible in min hrilh chiang alawm. Thlahrang hi chu an awm ka ring miahlo thung, mihring thla(spirit)leh mihring soul hi hrang thei chi ah ka ngailo,ramhuaiho zirtirna diklo kalzel ah, an mahni ramhuaiho hian mihring thitawh lem an rawn chang ah ka ngai,an hlauawm dan erawh a nep chuang lo.
October 21st, 2011 at 12:49 am
2007, april ah khan tunah ka room ah hian naga pakhat hi a in awkhlum a,chumu zan la la chuan a bul hnaia vai awm ho chu an insawn chhuak vek a block dang ah,he pa rooma awm hi ka duh bawk si hlau deuh bawk sih ngam lo chung chungin thlakhat pawh ral hmain naga pa room ah chuan ka insawn phei ta,zan a lo nia ka room chu ka kalh vek hnu chuan lehkha zir turin ka thu ve tan chauh tiha hian ka kawngka(door) hi mi in nem hawng thut ang hian a in hawng thut mai,,,lu a lian duh khawp mai..
October 21st, 2011 at 1:06 am
29@, ka ngaihdan chiah a ni. Chuan ramhuai hi ka hlau lem lo, ka nuin hlauh a phal lo, Setana nen lam chunga thu neitu hi kan Pathian a ni a, a thu lo chuan engtinmah min tina thei lo, tih min hrilh thin. Amaherawhchu, hlauh lo tih vanga cho kher erawh a tul lo, a ti thin.
October 21st, 2011 at 1:17 am
31.. nia. kei pawn ka hlau lo, hneh tawh anni tih kha ka hre fuh miau a, mahse, naupan lai atanga intihthaih, hlauawm thawnthu sawi ngaihnawm ti, a film hmunnawm ti leh hostel vek a intihthaih lo chin ve avang khan kan chemistry ah hian a in register lawklawh tawh a, hormone leh gland a lo chhuah laklawh miau si hi chuan thinrim ang chiah, a control theih miahloh. Hlauhna leh emotional reaction dang reng reng pawh hi kan vun ah hian odour a chhuak a, chu mi lo hip luh ve ringawt pawh chuan hlauhna, tahna, nuihzatna, thinrimna,nguina,adt hi a kai ve theih an ti reng a ni.
Delhi ah mizo ho in in kan luah a, fiamthu khan hmeichhe ho kan tihthaih a, a tawp ah chuan mipa pawh khan kan hlau vek tak tak zel nia mawle, a mak tak tak a ni, lungphu kha a dik theilo reng reng.
October 21st, 2011 at 1:31 am
Ramhuai hlawuh leh thlahrang hlauh hi enge maw a danglam na le? kei chu ka hlau lo ve ve.. 🙂
October 21st, 2011 at 5:00 am
Hlauh leh hlauh loh hi a sawt vak lo. A tawng tawh ten an ti
October 21st, 2011 at 6:10 am
‘Nu thenkhat chu Biak Ina Thlarau Thianghlim chang, In lama Thlahrang chang an awm’ an tih chu….hlauhawm duh awm riap riap…
October 21st, 2011 at 7:53 am
thu uar deuh leh dawihzep deuhin a ramhuai leh thlahrang an tih mai tur ang chi hi chu ka tawng nual tawh, a tak2 erawh ka la hmu lo, vawikhat pian ve manah chiang kelh kawlh a thiante nen a hmuh chakawm khawp mai…hehe
October 21st, 2011 at 8:23 am
Thlahrang an tih ang chi hi chu ka tawng hnem ve tawh !! Mahse, thlahrang emaw ka tih vete reng reng chu Zawhte, ui le sazute ni mai maia mawle !!!!! Ho ve ang reng !!!
October 21st, 2011 at 9:24 am
Thlahrang ka hmu/tawng ti a sawi tamtak hi chu, an taksa/rilru chian loh lai ani thin. Thla/Ramhuai hi chu a awm ngei ang.
#25, keipawh khi group ah khian min lo dah ve a, an thuziak chhiar ahar lutuk a, “mizo tawng an sawisa nasa emai” tiin ka lut peih meuh tawhlo..
October 21st, 2011 at 9:39 am
Awm lo…
October 21st, 2011 at 11:59 am
Hman deuh khan kan kawmthlangah mitthi hi a awm a, khawhar riah pui tur chuan ka in pu lut ve ngei a lawm le…zan kan han mu chu á¹hiante hian thawm hi an hre ta chhen mai a, si-ka-ting rangva chu a ri leh rawk2 á¹hina, a zan la la chuan pahnih chu an haw leh daih…! chu mi zan a thlahrang pawh chu keimah zuk ni reng a. 😛 la zai hian tukverh do na te leh thil dang engemaw hi ka thlung a, muthmun aá¹ang chuan in lukhup chungin kan pawt ri rek rek á¹hin mai chu….hrang nasa tak hi a ni ringawt.. 😀
October 21st, 2011 at 12:05 pm
Vawikhat pawh lumen tur awm zanin dar 1 bawr velah ka á¹hianpa nen kal kan tum a, kan á¹hianpa pakhat veng mawng lam deuh a mi ka zu sawm hmasa phawt e ka tia, mahse a lo peih leh lo a, ka haw chho leh chu ka kal lama ka hmuh si loh kha, ka á¹hianpa te in bulah chuan a lo ding tlawn var ta reng mai… e he..! thlahrang ka hmu ve dawn tlat mai ka ti rilru a, kal pawh kal ngam lo chuan chu lai bul hnai a mi ka hmel hriat te chu ka kai tho a, ka auh ka auh hnu kawng an rawn hawn hma si chuan ding tlawn var zuar chuan mi rawn pan a, i va muang ve, enge i la tih kawi a rawn ti mai chu….pheeewwww ka á¹hianpa ka lumenna a kal pui tur lek chu lo niin, …… 😀
October 21st, 2011 at 12:29 pm
Ka ramhuai hriat ve chu sakei. Ramah a huai khawp mai.
October 21st, 2011 at 12:36 pm
James Bond #42 kan OT lawk mai. 🙂
Sakei i sawi takah chuan kum 21 vel liamta khan Palak DIl expedition kan nei a, wild life study etc. te hlim takin kan nei a ni.
Palak Dil tui kha intlak anih loh vangin a rawn fintu luite tui kan va chawi thin a ni. High School naupang ho chawitur chu ka kal khalh ta a. An tuichawina tur chhak a thingkung lianpui phenah chuan biruin, ka aw ka tih thûm theih ang bera tihumin ka lo rùm thaih alawm mawle.
Midang an tlanchhiat hnu chuan Modern high school naupang pakhat chu a tlan ve duh thak lo. Posi lain, sakei emaw a tih chu chhuak turin a cho ta a (keimah). Mizopa hlauh neilo a nih inchhalin, tlanchhiat aia thih thleng a sual ngam thu a auchhuah pui. A huai ka ti khawp mai. Ka chhuak ta a, hlim taka nui bawk bawkin a tuichawi tur ka chawi puia kan phei leh ta anih kha 😀
Khatiang mihring kha ramhuai liamkawnah pawh Hrangchala te thiandun ang khan riak sela ramhuai pawhin an hlau ve ngei ang.
October 21st, 2011 at 1:38 pm
Tuna ka room awmna ah hian sawi chu a awm,nikuma ka roomate kha zana a mu hi naupang kut in min nem tlat e atia, chumi hnu ah roomate thar ka nei leh a naga,ka roomate hlui mutna bul ah naupang 2 a hmu ve leh a(mahse hei chu ka haw lai ania) ka chhuk a ani(naga) chuan min hawsan ve leh a,zan khat keimah a ka awmna ah chuan ka hlau lutuk hi ka tlaivar thak,mahse tun thlengin engmah ka hmu ve lem lo
October 21st, 2011 at 2:01 pm
Thlahrang hi ka hlau thin lutuk,mahse Dr.Faustus ka chhiar hnu atang kha chuan ka hlauhna a reh hmiah.Ramhuai,mitthi tawhte thlarau anga rawn inlar lek lo niin
October 21st, 2011 at 4:11 pm
I ute thian dun khawhar riahpui chu an va timak reng reng ve maw le…an riahpui ber a zin bo hlan pawha lo la riah talh chu!
October 21st, 2011 at 4:39 pm
keipawh patling kawrfual dum ha, tiang (baseball bat hi a ang ber) keng hian min vuak hlum a tum tawh :-O ). Che thei lo au thei lo in ka awmrei khawp mai. Maimizial an tih ang hi a niang.. Mak deuh mai chu kha mi PG( room) ah khan maimizial ang khan ka awm ngun. Ka in sawn hnu chuan ka nei leh tawh ngai huang lo.. Ngaihtuah ti thui ve mai2
October 21st, 2011 at 4:45 pm
Thlahrang leh Ramhuai ai in misual an hlauh awm zawk…
October 21st, 2011 at 4:47 pm
# 47..lasi in seduce tir ai chuan a nuamlo feee dawn anih chu 😀 :-O
October 21st, 2011 at 4:54 pm
*** chu ‘pa’ lo ve… thlahrang hlau rual lek I lo ni maw… Nula chhe lo deuh thlahrang hi ka chetkhawlohpui chak :p
HVa chuan Thlahrang hi trum eng emaw zat, thlabial zanah a cho tawh. A la hlawhchham vek! Kawnpui dai vanglai pawh khan, thla O zan zanlaiah a luh-chhuah tawh. (H)
October 21st, 2011 at 7:39 pm
#49 nuam vak duh lo khop mai.. ka ngaihtuah leta.. tun hi ka vawi khat sawichhuah na…
. Ngatinge thiante, chhungte hnen ah ta poh ka soi loh ka hre toh bik lo…
Report this comment
October 22nd, 2011 at 12:53 am
A ngaihnawm hle mai, mahse nangma tawn ngei i sawi dawn emaw ka tia… ka u, ka patea, ka ṭhianpa tawn sawi tur ka hre ve nual tho mai. Mahse tuman 3rd hand information chu in lâk thutak bîk vak ka ring lo! Ramhuai/thlahrang chanchin sawi tam tak hi chu midang tawn sawi chhawng an nih loh vêk chuan, dawt sawi an ni duh khawp mai
Report this comment
October 23rd, 2011 at 12:20 pm
@29. zoho.. a sawi khi ka pawm khawp mai.
Nia thla hi chu an awm chiang.. ramhuai pawh hi an awm chiang… ka tawng ve nual tawh miau a lawm mole. Hunreitak chhung chu ramhuai vel hian mi ti mu thei lo… ka ti a.. vawikhat chu kan thiannu Buddhist Black magic ti thian hian.. ngati nge a ni hi Kristian ni si hian Ramhuai a va ngah ve.. an bulah an awm reng mai an ti mai chuh…
nuam vak lo..
Mahse Pathian hi a lo tha khawp mai.. hun min ruat sak ta hlauh a nih kha.. ka va han lawm tak em..
sawi tam lo mai ang.. nunhlui ka sawi hian.. an rawn in lar veleh ziah a.. a nin awm.. full stop.
Report this comment
June 15th, 2012 at 12:41 am
Thlahrang hi a awm tak tak lo. Thlahrang kan tih hi thlarau sual, bumtu, suala khat ramhuaihoina mihringte min bumna a ni. Min tihthaih a, mitthi ta te thlarau angin an rawn inlar mai zawk a ni. Mihringte min bumna a ni e.
Report this comment