Summer Solstice 21st June 2010 kan lo thleng leh ta reng mai! Hmanlai Greek leh Roman mithiamte’n he ni hi an lo chhinchhiah thin a. He ni hi Mizote’n kan chhinchhiah ve dan he ni lawmnan han thai lang ve lawk i la. Lalmanga hi Ngente Lal a ni a, a nu chu mi thil chik mi tak a ni. Khawlaiah dawhkilh (Lalmanga Nu Sun Dial) a vit bur a, a hlim atangin kum khat a ni rei lai ber a hre thei thin a.
Sailo Lal an ni lova ; buhchhun la lo vin; kum khatah tha khat theuh a khuate’n lal hnenah an ba a. Chumi lal hlawh chu ni rei ber ni chuan a la a, a khuate chu a ruai thin. Fangra a chhum hmin teuh va, lawmho hmaah chuan a theh zel a, an ril a tam hman lo va; nilengin chaw fak lovin a ruai thei thin a ni an ti. Hei hi Champhai bul Lungdup khuaa an lal lai niin an sawi.
Hemi thla hi Hlawhrawih thla an ti bawk a. Khaw thenkhatah chuan Thlado thla emaw Nikir thla emaw an ti ve bawk . Zirlaibu thenkhatah chuan “Lalmanga Nu Lawm Rawih Ni” tiin an ziak bawk.
hairehai
June 21st, 2010 at 12:31 pm
in va zephanath har veee….kan nghak deuh che u a nia :lol: Lalmanga nu hi a fing ve khawp mai.
[Report abuse]
June 21st, 2010 at 12:33 pm
Lalmanga nu lawm rawih ni/hlawh rawih ni tih ah hian an in hnial fo thin…engpawh ni se,a lo fing reng reng e.
Vawiin hi northern hemisphere ah chuan ni rei ni ber a ni a,naktuk a tang chuan a lo tawi leh tan ang a, Nikir kan lo hmang leh dawn ta reng mai.
[Report abuse]
June 21st, 2010 at 12:39 pm
Ka lo theihnghilh pek a, lushai_er i ti lawmawm e, ka tan ni pawimawh tak a ni a, vawin hi.
[Report abuse]
June 21st, 2010 at 12:41 pm
Pagan religion leh christianity hi a in zul duh hmel :twisted:
[Report abuse]
June 21st, 2010 at 12:41 pm
‘Buhchhun’ tih hi Fathang ni turah ka ngai a. ‘..lawm rawih ni’ tih hi ka hminna zawk a ni. ‘hlawh rawih’ tih lai tak hian min tibuaia, sawifiahna ka hmuh ho hian min hneh lem si lo.
Lawm an ruai thin a, sum leh paiin erawh an vawm lem lo. Hei hi chu kan chiang tlang. Mahse hlawh nei turin an inruai thin kher em? Lo lama hnathawk tur hian ‘lawm’ nilo inhlawhfa tur hrim hrim an ruai ve tho thin em niang? NGe ‘hlawh rawih’ hian awmze dang a nei?- Ka inchhang thiam lo a ni e, Ku lushai
[Report abuse]
June 21st, 2010 at 12:44 pm
Lalmanga Nu lawm rawih Ni tiin kan hre thin, mahse a detail in ka lo hre lemlova, a ngaihnawmin a tangkai hle mai. Mizote’n kum khata Ni reiber Ni kan hriatna pakhat a ni ve reng dawn a nia.
[Report abuse]
June 21st, 2010 at 12:48 pm
Ni rei ber ni tih vel hi a… a ninawm mai mai..
[Report abuse]
June 21st, 2010 at 12:50 pm
E, a lo ni leh der tawh a ni maw? Lawm rawih tur ka va han duh em… :lol:
[Report abuse]
June 21st, 2010 at 12:56 pm
Nia in sawi ang khian kei paw’n “Lawm rawih ni” niin ka lo hre thin a. Mahse ka pu khan “An Lal hlawh an claim ve ni a ni a, ‘Lawm’ an nilo” a ti ve fan a. Sailo Lal an nih loh avang khan ‘Fathang ai-ah tha khat theuh’ kha an ba kha a ni reng a.
[Report abuse]
June 21st, 2010 at 1:03 pm
kan post-tupa hi a lo ril phian zela. Post hlui hi a in link si lova nikum lama kan sawiho tawhna te hi entel/chhiar nise
https://misual.life/2009/07/02/vawkhniakzawn-thla-tih-hlen-ka-rawt-e/
Nikum khan bawmranga khan a thawh thra khoops
[Report abuse]
June 21st, 2010 at 1:05 pm
Hei Langmanga nu lawm rawih ni ka han thawh ve e,tun mai a ka lak a nia :lol:
https://img641.imageshack.us/img641/14/igp1712.jpg
https://img227.imageshack.us/img227/8029/igp1714.jpg
[Report abuse]
June 21st, 2010 at 1:15 pm
eeee ka hre lo reng reng voin hi
[Report abuse]
June 21st, 2010 at 1:20 pm
Lalmanga nu ang hi mizo nu ah hian tunlai ah hian engzat tak awm ang maw ?? Post tha tak ani.
[Report abuse]
June 21st, 2010 at 1:35 pm
kan awm na ah chuan LAWM rawih a fuh lo ngawt ang vawiin chu sur reng mai…
[Report abuse]
June 21st, 2010 at 1:43 pm
Nilêng van tla vuaiin kan online anga ni mai alawm, Mânga nu hre rengin. Lalmanga ni lovin Lalmânga tih zawk tih a ni e.
Mânga nu kha a fing hle a, a thilphal teh asin. Tum khat pawh kan inlawm alawm maw le. A thlai neih ang ang kha tlai lamah kan phur haw teuh mai a, hlawhtling kan inti teh asin. Vawiin ni anga a lawm nih kha tu pawh mai khan an châk thin a, a fin leh remhriat rual rual khan mi tha tak a nihna khan mi a tilawm thiam a. Kan ri dur dur zel thin maw le… tia hrechiang tak tak pawh an awm nawkin ka ring!!!
[Report abuse]
June 21st, 2010 at 1:51 pm
Happy Lalmanga Nu Lawm Rawih Day
[Report abuse]
June 21st, 2010 at 2:16 pm
#10, mzvision: I link hian ‘Vawkhniakzawn thla tih hlen ka rawt e’ tih min pe daih a nia. Tin, “Nikir Thla” kan la hmang mek ani lawm ni.
https://misual.life/2007/06/21/lalmanga-nu-lawm-rawih-ni/
hi rka49er hian 2007 khan a post a, a chian loh deuh avanga rawn thual leh ka nia. Ril vang a ni lo e.
“Bel ruak apiang kan ri RING” chu anih ber hi.
[Report abuse]
June 21st, 2010 at 3:17 pm
@17 lushai_er chu leh….!!! Nuam ang reng!! I world Cup a ni ringawt vawiin cu!!!
[Report abuse]
June 21st, 2010 at 3:18 pm
A bikin kan tan chuan ni pawimawh a ni. Kum 40 dawn lai liam tawh mah se, ka pi (ka nu nu) boral ni a ni a, kan la theihnghilh phal lo.
Biate khua ka thianpa nu boral ni pawh a ni, thangkhat lian zet a liam tawh na-in he ni-ah hi chuan message talin kan la inzawm thin.
[Report abuse]
June 21st, 2010 at 4:02 pm
Lung a va leng veee…Kan khua Pangzawl a ka awmlai, kawla ni chhuak chhiar a ka ram tan laia, lawm nu te lo a kan feh ni a ni thin a. An lo kan feh ni a nih loh pawhin kan feh hram thin a. Khang hunlai a ka lawmte, a bikin kan lawmnu kha min hriat chhuah tir.
[Report abuse]
June 21st, 2010 at 4:07 pm
I sawi lunglen thlak hle mai mahse, Lawm hi hlawh neia an in rawih kalo hre ngai hauhlo mai, ka hriat sual em ni dawn! Lawm nilo se, lawm an ti dawn em ni aw? ti ve nuah2 teh ang
June 21st hi USA ah officially a summer intanna ni a ni ve chiah bawk. Sawrkar in summer a a puan ni tih khuanun a hria ni awm takin, 90.F (32.C) a ni dawn:
https://www.wtopnews.com/?nid=7
[Report abuse]
June 21st, 2010 at 4:13 pm
Xaia, i pic ah khian Reiek tlang chhum in a hliah tlat mai, tlai lamah ruah asur dawn aniang.
[Report abuse]
June 21st, 2010 at 4:16 pm
Hv, i ti dik mai thei,hei a dur zual kuih kuih a nia :!:
[Report abuse]
June 21st, 2010 at 4:47 pm
“June 21st hi USA ah officially a summer intanna ni a ni ve chiah bawk. Sawrkar in summer a a puan ni tih khuanun a hria ni awm takin, 90.F (32.C) a ni dawn”
@H.V: Average Temp i sawina nge? Max Temp ?
Hei kan khua chu Max 45.C a ni leh hem hem tawh mai. Max hi sang mahse Min hi a hniam chuan a nuam tho va, mahse Min pawh 30.c vel anih chuan a nuam thei tawh lo reng reng.
[Report abuse]
June 21st, 2010 at 4:49 pm
@lushai
Comment ho ah khan i post ang thusawina a awm nual vang in mawle Burthra tak i niin ka hria
[Report abuse]
June 21st, 2010 at 5:00 pm
@Xaia : In ofis chu Dawrpui Vengthar vel, Dinthar vel a ni maw? :roll:
Hei an tan dawn e………
[Report abuse]
June 21st, 2010 at 6:26 pm
hmanlai ka pi leh pu te kha Lo-ah hlo thloin an in ‘lawm’ tawn thin a, hlawh an in pe ngai lo, lo ah hlo thloin an in pui tawn thrin a ni, chuvang chuan “hlawh rawih ni” ni lovin, “Lawm rawih ni” ti ila a dik zawkin ka hria, dik in tih zawng a ni ve mo?
[Report abuse]
June 21st, 2010 at 6:33 pm
#27, i ti dik chiah “Lawm rawih ni” tih tur a ni. An in lawm thin. Lalmanga nu pawh hian a hma in mi lovah a feh kuala(mi a lawma) chumi hnu ah a lawm te chu a ruaia, alawm rawih ni kha Lalmanga nu lawm rawih ni anti ta ani.Hlawh chu an ruai ngailo. Hlawhfa chuan a rawih theih,mahse hlawh pek angai.
[Report abuse]
June 21st, 2010 at 7:26 pm
#27&28 : Hmanlai khan nula leh tlangval an in ‘Lawm’ thin. A ruala in lawm te kha an hrat a, Ral hlauh vang ni bawk mahse nuam an ti ve hrim hrim bawk niin a lang. Chuvangin ‘Lawm rual’ te pawh an ti thin a. Tin, rawngbawltu khan tam tham deuh tan chawhmeh a siam khan a hna khat zawkin a han te pawh a hang tham deuh va! Pahnih tan a ei rawngbawl leh paruk tana bawl kha a buaithlak dan a inang reng awm e.
In ‘lawm’ tawh aruang, an in ruai nawn tawh ngai lo. Lawm-pa & Lawm-nu te pawhin an in ko fo! Lawm-rawih-pa, Lawm-rawih-nu an ti ngai lo. Tin, vawiin chu chumite lo va kan feh ni an ti mai thin.
@Maverick & Dingtea : “Lalmanga nu pawh hian a hma in mi lovah a feh kuala(mi a lawma) chumi hnu ah a lawm te chu a ruaia, alawm rawih ni kha Lalmanga nu lawm rawih ni anti ta ani.”
Hei hi chu nula leh tlangval inlawm dan pangngai ani a. In chhiar chiang lo nge ni aw???? Sailo Lal an ni lo va, buhchhun(fathang) aiah tha khat theuh an Lal hnenah an ba zawk a, chu chu vawiin ni angah hian a ruai ta mai a ni zawk. ‘Lawm’ an ni thei lo reng reng tihna a nih chu !
[Report abuse]
June 21st, 2010 at 7:39 pm
Lawm chu an in lawm mai a, hlawhfa pawh an ruai mai. Lawm an ruai tawh ngai lo. “Lalmanga nu hlawhfa rawih ni” ti i la hriat fiah a awl ber mai awm e, he mi atanga “hlawh rawih ni” tih lo chhuak ti ila a pawm awm thlap zawk lo maw?
[Report abuse]
June 21st, 2010 at 8:01 pm
lushai_er, #24 Vawiin lum lai ber a wtop.com area a tempt’ zat tur a nih hmel. #21 link khi han en chhin la i hriat thiam mai ka ring. Internet atang chuan an webite dah ah khan kan ‘weather search’ tih hnuai ah khan zip code kan dah lut a eg:21703, kan area a lum dan tur, ni chhuah hun/tlak hun tur, boruak thianghlim leh polution tam dan tur zat thlengin an sawi thin. Vawiin ang te hi ‘orange’ a ni a, mi sensitive deuh te leh tar lam tan pawn boruak a safe lo tih a ni.
[Report abuse]
June 21st, 2010 at 8:50 pm
#25, mzvision : “We Re-invented the wheel!!!!”
A va’n zia lo ve aw…kan lo hmu lo a ni.
[Report abuse]
June 21st, 2010 at 11:18 pm
@Ku_Muang, a ni ve tho maw? Kei pawh ka pi (ka pa nu) boral ni a nia, nizanah pawh ka pa nen kan sawi chhuak tak asin! An boral ni a lo inang reng a nih chu.
[Report abuse]