Vawiin June 21st, 2007 hi Lalmanga nu lawm rawih ni lo ni reng in. Phone call ka dawng a, “Ni kha en ve rawh” an rawn tia “Eng ni maw?” kan ti ang he haw a, office chung lamah tlan chhovin kan en ve a, chhimbal ni awm tak hian ‘arc’ ang deuhin kan ni (sun) ngei mai chu a lo kual raih mai a, a bul velah chhum pan te te a awm bawk nen a mawi ngei mai.
Ka phone ka la chhuak a kan hmet ve bawk a, ka neih phak tawk hian a la fiah theih hauh lo, a tak mawina a phawk chhuak zo hauh lo. Mahse inhmuh atan ka eat ve bawk si. Kum dangah hetianga a awm ngai pawh ka hre si lo. ‘A makin a mawi dangdai hle mai’ tih bak sawi theih ka nei loh laiin thenkhatin ‘a mawina ka hre lo, ka hlau zawk daih’ ti pawl an lo awm ve bawk a.
Ni rei ni berah MFA lamin Charity Match (Between MFA Cup champion FC Kulikawn leh Mizo players outside the state) a buatsaih hlauh mai a. Mahni kawt kaia NFL player-te chetla hmuh theih chu hmaih atan a uihawm si. Half holiday an phal chuan ka en ngei ang.
