Tar ka nih hun chuan…
Mite’n ‘Tar á’ min ti ang a, thenkhat tan ‘Tar rimchhia’ ka lo ni tawh ang. Zawhna ka neih apiangin ‘Tar dilchhut’ ka ni ang a, sawi leh sel ka neih hlekin ‘Tar phunchiar’ nih ka hlawh ang. Ka chhuahvahin ‘Tar len cheh’ min ti ang a, hmuhnawm ka thlirin ‘Tar hawkdak’ mai ka ni ang.
Tar ka nih hun chuan…
Chhungte tan hnawksak mai ni-a inhriatna ka nei ang a, tu leh fate tan ninawm mai niin ka inhre tawh ang. Ri hriatna lo chhe ta avang leh khaw hmuh lo fiah ta lo avangte-in, biak tlakah min ngai tawh lo ang a, hriatna lo tlem ta avangin kawm tlakah min ngai tawh lo ang. Rual kawm tur hre mah ila, kawmtu réng rèng nei loin, nun hlui ngaiin ka kûr nitin tawh ang.
Tar ka nih hun chuan…
Kawng chhukah chelh ka ngai ang a, kawng chhoah puih ka ngai tawh ang. Kawng pheiah hruai ka ngai ang a, In chhungah kaih ka ngai tawh ang. Ei chák nei ve mah ila, ngawi rengin ka awm ang a, duh zawng nei ve mah ila, ka ìt liam mai mai tawh ang. Hlutna réng nei loa inhria-in, ka thlahte zingah ngei pawh inthlahrung dèkin ka awm tawh ang.
Tar ka nih hun chuan…
Khawvel-a awm ve siin, ka tan khawvel mawinate’n awmzia rèng a nei tawh lo ang a, thil hlute pawh hlutna nei lo ang an ni tawh ang. Dam man a tlem tual tual ang a, hlimnate’n min hlat tial tial tawh ang.
Thih hlauin ka dam ang a, damrei hlauin ka nung ang a, nun khawharin hun ka hmang nitin tawh dawn si a.
BIBLE hian a lo va sawi dik em!
A reina chu thawhrimna, lungngaihna leh hreawmna mai…
Damrei loh hlauin kan inenkawl tawk tawk chu a ni si a maw! Hringnun hian dawn a ti sei lua e!!
Similar Posts:
- …tual tual…
- ‘An ti’ tih chu huat loh tur
- Mizo kan ni/ Kan hmel a tha/ Kan tum a sâng
- Kan value system
- Kan buaina leh Inkhawm hi!!
kawrek mai rawh
June 18th, 2010 at 3:42 am
Kei chu tar ka tum ve hlei nem? In lak young reng a nia ka tum ni.
[Report abuse]
June 18th, 2010 at 3:44 am
Dam rei kan duh vek a, tar nih erawh kan duh leh si lo; Nun hi zawng kan inhman chhawk mai a ni e.
[Report abuse]
June 18th, 2010 at 3:52 am
Mizoramah hian Tar(Senior)Day Care centre hi siam a hun tawh hle mai. Mahni in lama khawhar tak a awm ai chuan thianho nen nitin inkawm se,intihhlimna:- TV, video,carom board, playing cards, etc., leh inbualfaina (sauna) te siam sak nise.
Kan sawrkar hian a ti thei lo a nih pawhin NGO lam tal hian ngaihven a hun tawh khawp mai.
Ngaihtuah peihte tan :Sarah Lamb, lehkhabu ziah “White Saris and Sweet Mangoes: Aging, Gender and Body in North India†(2000). ah khan tar chungchang a inziak nual mai.
[Report abuse]
June 18th, 2010 at 4:02 am
E khai!!! Dam rei i va han tum em em ve, tar-negative nih thlenga dam tum te chu
Kan Pathian Thu-in “…kum 70 a ni a, chakna avangin kum 80 pawh a ni thei e…” a ti chauh kha a nia, kan veng pa pakhat phei chuan kum 80 chunglam hi chu ‘Pathian ven piahlam’ a ti hial asin. 
A reng rengah kum 80-ah te chuan kan la ri zah ang chu le 
An vai kam-ngap Khushwant Singh khan, “Kum 80 hmalam zawng hi chuan mipa nunah sex hian kapkarah bu khuarin hmun a luah a, kum 80 hnulamah erawh chuan kapkar atangin lu lamah a chho va, thluakah bu a khuar thung tawh zawk a; mipa damchhung nun pumpui hi he ngaihtuahna hian a luah tlat a ni” a tih kha. Tak tak ni maw..??!! Kum 80 te kan la dam thleng ngai te a nih chuan ani aiin sawi tur kan ngah fe tawh zawk maithei asin.
Kan la tar ve turah ngai chhin ta ila, tu leh fate mai bakah chhuan lo la awm turte tan tar-hlu, tar-fing nih hram kan tum hlawm ang chu mawle, mi(sual) nih manah.
[Report abuse]
June 18th, 2010 at 4:10 am
Pathian zarah ka dam chhoh ve zel a nih chuan, Mizoram chhungah mi chim buai phak lem lovah ka hun leh ni te hmangral ka tum ang. Chutiang tur chuan theih ang tawkin retirement plan chi hrang2 ka theih ang2 ka ti ve, mahse chunglam thu vek a ni e.
Mizoram ah hian life insurance te kan lei ve thin ngei ka ring a, a lo tha ngawt mai. Nupa tumah hi tawhsual engemaw vang a nih loh chuan a ruala thi an awm mang lovang. In kalsan hnu hian rilru hah ti double tur hian nupui/pasal fanau te hi rethei deuhin kan kalsan ang tih a hlauhawm a ni. Life insurance te hi neih ngei a tha ka ti.
[Report abuse]
June 18th, 2010 at 4:20 am
tum khat chu mi inah kan kal a, pitar pakhat te chuah hi a lo awm a, kan thianpa chuan “tumah an awm lo, kal leh mai ang u” a ti a, kan kal leh ta mai a. Kha Pitar kha engahmah kan ngai lova, mihringah pawh kan ngai lo a ni ber a, mahse ka ngaihtuah leh hian kha pitar tan khan a hrehawm awm mang e, ka ti leh ta a.
@Ku Muanga sawi khi Sigmund Freud (mihring hi sexual drive avanga nung kan ni) ngaihdan ani a, mahse mihring hi inlaichinna (relational being) kan ni zawk in ka hria. Tar pawh hian ngaihsakna hi an mamawh ber in ka hria.
[Report abuse]
June 18th, 2010 at 4:28 am
grady social animal kan ni a, company nei lovin tumah mi pangai chu hlim tak tak thei lova ngaih kan ni awm e. Tar kun thleng dam chuan nupa te rekin mi thawm riva tih buai phak lovah retire ka duh ang, Pathian thu2 nise.
[Report abuse]
June 18th, 2010 at 4:37 am
grady sawi hi thil pawimawh a ni, thu nawi ka sawi hmasa chiam a, sawi zawm tho teh ang; sei deuh mai rawh se.
kawlhawk te, kawnga te leh mi tam takin tar nih an huphurhna chhan chu a chung post-a kan chhiar tak avang khi a ni. Kan pi leh pu te hetiang dinhmuna kan dah hi an lainatawm asin.
Tun atan chuan kan pi leh pute rual lunglen zawng turin Mizo pa In ruih maiin an inkawmkhawmna tur kan sa ang, a nelawm zawk dawn phei chuan a hmelhmang chuan Zawlbuk pawh ang mai se, an tan a nelawm tur a ni. Tunlai Damdawiin ang maia RCC khing uaih hi an rilru-in a nel lo.
A chhung thawveng hek hawka siamin TV hmai hlai chi, a duh duhin an enho theih tur a awm ang, pindan lehlamah lehkhabu chitin reng awmna leh chhiarna a awm bawk ang, thut-mutna (easy chair) an indaih tur awm se. An duh phawt chuan hlatekhuaa ngaw kheng thlirin bawkzal chungin leikapui-ah an vanglai sawiin an titiho ang; bawhzalna-a phah tur rizai chilh engemawzat awm bawk se.
A tul leh remchan dan azirin riah theihna pawh awm chhunzawm mai se.
Tin, upa tam tak hian kut âwla awm hi an ngaithei lo, chu bakah mihring hian tangkai nih kan mamawh. An hnathawh thiam zawng, êm, fawng, khumbeu, etc. tah tur te, herhsawp siam, tuibur siam, mistiri hna thlengin, a tam. An mamawh raw-material ngaihtuahsak a, a hralna tur emporium buatsaihsak a tul bawk ang.
Hunbi neiin Doctor-in a tlawh ang a, englai pawha awmchilha vil turin nurse an inchhawk bawk ang. An damdawi mamawh a tam lutuk thei lo, inhuam a ngai a ni ve mai.
A tangkaina :
Titi rual tawh lo chunga an dinhmun hrethiama peih leh peih lova kan pi leh pute kan kawm hram hram a ngai lovang a, an rualpuite nen rilru hmunkhatin an titiho ang a, hna an thawkho ang. Hriatna, thiam zawng leh finna tinreng ui lovin an in-share tawn hlawm ang.
Hnam chanchin zirchiang duh leh eng thilthleng emaw bik hrefiah duh chuan Upa Bûk hi an pan ang a, zirchianna hmun atan an hmang ang. An hriatdan a lo in-ang chiah lo a nih pawhin inhnial mai rawh se, thudik a chhuak nge nge ang chu.
Dam rei a lo hlu thar ang a, kawlhawk pawhin tar a huphurh lo sawt ang, upat hi a nuam dawn em asin.
[Report abuse]
June 18th, 2010 at 4:41 am
Ka va han comment sei fahran eee, post tham zet a nih hi. Post ai mahin a sei ta ang aa
Ka tui laklawh ve tlat
[Report abuse]
June 18th, 2010 at 4:48 am
Retirement home hi awm ve se a that ka ring.
[Report abuse]
June 18th, 2010 at 4:56 am
@Ku Muang, AMEN,AMEN,AMEN ka pe e. Ka rilrua ka ngaihtuah ve thin,ka sawichhuah thiam si loh i rawn dah chhuak hi ka va lawm em!!
Research nei duh te tan Living Human Document kan nei dawn a, anmahni chanchin an sawi zawng zawng te kha anmahni tan bawk damdawi a ni let leh ang a, an hlim in, an hrisel sawt bawk ang.Ava tha dawn tak em!!
An pualin motor (mini bus) a awm awm ang a, an kal lam leh haw lam thlah an ni ang a. Volunteer driver kan zawng bawk ang a.
Anmahni zinga thawk tur volunteer school/college naupang kan zawng ang a, volunteer certificate pawh pek anni ang a, chu chu nakin a hna (job) dil nan a tangkai tur in thuneitute nen kan tangrual ang a. Hei hian a tum chu Examna a mark hmusang ringawt in hna an hmu bik tawh lo ang a, community service a inhmang ve lo, hnam dang (vai) in lehkha zir ringawt an ngaihtuah laiin Mizo thalai, khawtlanga inhmang mek te aiin exam an ti tha thin pawh hi kan break thei phah ang. Lekhazir mi aiin mi hmantlakah thalai kan chher chhuak teuh mai dawn ni.
Tar tangkai siam chhuak society i din ang u.
[Report abuse]
June 18th, 2010 at 5:09 am
@grady, E khai, Haleluiah!!! Ka ngaihtuah phak bak i rawn sawizau zel mai. A va nuam dawn em!!! Han sawi zawm zel teh (u), rawtna thar leh hnialna nen pawh.
Tin, mihring an lo upat hian “Tar” title pek hi a chaltlai riau-in ka hre thin, mahni han inchan chhin ila, “Upa” nih hi chu a hrehawm hran lovang, “Tar” nih kher hi chu a chuangtlai deuh tlat.
[Report abuse]
June 18th, 2010 at 6:28 am
Midang in han sawi ve phawt teh se… rawtna dang pawh ka la nei tho na in.
[Report abuse]
June 18th, 2010 at 7:11 am
18 till I die
[Report abuse]
June 18th, 2010 at 8:22 am
Kan nu leh pa te an tar hun a kan enkawl dan zir zel hian kan fa ten kan tar hun ah min la enkawl dan tur a ni a sin.. Ka pi leh pute tar dah na ah dah hi ka phal dawn lo hrim2 phot a, eng tin nge lei a kan hmuh theih kan Pathian te ka dah bo theih ang le..
[Report abuse]
June 18th, 2010 at 8:45 am
@RTPA, ni e tiraw, Tar Dahkhawmna In (Old Age Home) a dah hi chu kei pawh ka duh lo, mahse an intihhlima hmun (Day Care) a kal tir erawh kan duh vek in ka ring.
[Report abuse]
June 18th, 2010 at 8:47 am
Mizo hi kan tlawmngai, aia upa kan zah kan tia, dawt2 a kan nun thin zia hi. Tar kan hmusit si. Ka hlauh ve chu- ka tar huna ka la theih zek chuan ‘Tar hura’ min tih ka hlau si, ka la active a, ka la inlak young viau chuan ‘Tar modern-a’ min tih ka hlau bawk si… mahse rimchhiat kher hi chu ka tum hauh lo, Pathian zara ka tar anih chuan
[Report abuse]
June 18th, 2010 at 8:54 am
Tar engmaha ngailo tan chuan,! ‘Tar’ a huphurhawm ngawt ang.
[Report abuse]
June 18th, 2010 at 9:15 am
Pitar, Putar te hi hnam *ro hlu* a ni a, dairy book ang an ni.
[Report abuse]
June 18th, 2010 at 9:30 am
When I get older losing my hair,
Many years from now.
Will you still be sending me a valentine
Birthday greetings bottle of wine.
If I’d been out till quarter to three
Would you lock the door,
Will you still need me, will you still feed me,
When I’m sixty-four.
You’ll be older too,
And if you say the word,
I could stay with you.
I could be handy, mending a fuse
When your lights have gone.
You can knit a sweater by the fireside
Sunday mornings go for a ride.
Doing the garden, digging the weeds,
Who could ask for more.
Will you still need me, will you still feed me,
When I’m sixty-four.
Every summer we can rent a cottage,
In the Isle of Wight, if it’s not too dear
We shall scrimp and save
Grandchildren on your knee
Vera, Chuck & Dave
Send me a postcard, drop me a line,
Stating point of view
Indicate precisely what you mean to say
Yours sincerely, wasting away
Give me your answer, fill in a form
Mine for evermore
Will you still need me, will you still feed me,
When I’m sixty-four.
Kan ti ve daih teh ang………..
[Report abuse]
June 18th, 2010 at 9:33 am
The Beatles
[Report abuse]
June 18th, 2010 at 9:47 am
Tar hun hi chu a huphurhawm ve khawp mai. Mahse kan la mi(sual) hram hram zel ang chu. Tarmit power sang tawk nen… :lol: chuan tar pawh a ziaawm deuh ang chu.
Primary/Middle sikul kal lai te khan kum 30 rual vel chu upa tak khan kan hmu thin a, mahse hei kum 40 han hnaih deuh pawh hian, thangthar ho hi, a chawrno no, mit hian a la hre fu si a, a ti a lawm, ovala ralte in… :lol:
E khai, sawrkar thingphun tur a feh chhuah a hun ta tlat mai. Vawin chu Burma ram thleng rawk in sawrkar thing va phun ila a ni mai a lawm… :lol:
[Report abuse]
June 18th, 2010 at 10:03 am
@lushai_er: ‘When I’m sixty four’ He hla hi kan thian ho kan kim lai khan kan sa nasa thin a sin. Kan thianpa Dawnga phei chuan ka ‘Hla Chuam’ a ti deuh kher thin. I hlathu rawn ziah hian ka lung a tileng kher mai. He hla hlim taka ka sak pui thin PaDinga & Dawnga te kha sakpui tur an awm tawh der silo.
[Report abuse]
June 18th, 2010 at 10:20 am
kawlhawk, well thought and written..
[Report abuse]
June 18th, 2010 at 10:46 am
Helam ah chuan kum 67mipa hmeichhia 65 chinin general pension an dawng vek avang leh tar buaipui ngai te insuarancein sum a pek thin.Chung sum hmang chuan tarawmtu an la mai thin a chhunah chuan recreation center ah te an kal khawm mai thin.Tar ho hi mahni chauh or nupa , a awm an ni nual zel.
Thlasiklai in nilum ai in bung zar thlirin an thih hun an nghak thin .
Helam ah chuan kerh kerh an hmang tankai bawk ah mi an dam rei tlangpui.Tar kan tih ho hi chu kum 80 an kai tlangpui .
https://yfrog.com/0othlalak240j
Tar lunglen anin kawm ve anih hmel
https://yfrog.com/j9thlalak245j
Tarawmtu foreign worker leh tar.
Nula hmeltha deuh tar hun chuan minawmtu tur zawn mai chi.
[Report abuse]
June 18th, 2010 at 11:02 am
hmingte, zawng duh re re suh, tar hur an ti palh ang che.
[Report abuse]
June 18th, 2010 at 12:44 pm
A sir he zawnga thlir chuan kawlhawk mit hi ka tawmpui. Mahse, Tar hnuah chuan engtin nge ka awm ang tih hi ka chhut lem lo. Hun lo la awm tur vangin ka tun hunah hian ka lo intihbuai a tul lovin ka hria. Amaherawhchu, tarte ngaihhlut nachang hriata an thu ngaihchan thiam hi tul ka ti. An lawmnate hi a te tham viau tawh asin.
[Report abuse]
June 18th, 2010 at 12:51 pm
Hnam ropui leh ham fing apiangin tar hi an hlut thiam. Tin, tar te hian an thlakhleh ber chu an tu leh fatena an duat leh an ngaihsak hi a ni chawk. An chhung ten an duat thiam phawt chuan tu dang mah hi an ngai vak lo asin… Tun a pangin chhungkua a tar nei ten i duat tan ang u, an hlutna te chhawr thei tur khawpin kawm peih ila a tha awm e.Mizo te zinga Saptawng thiam bera kan ngaih J.F.Laldailova kha nileng thak thaka tar ti ti ngaithla a an bula tal peih mi ani. An mahni a History an pai te leh tawn hriat an lo neih te hi a zir a zir ral ah chuan bu chhah tak daih chu a ni ve in ka ring hial mai. @grady & @Ku Muanga in sawi tha thlawt, implementation a nih theihdan tur in sawi leh theih chuan @pu Kawlhawka hian a bawhzui peih in ka ring e. .
[Report abuse]
June 18th, 2010 at 1:02 pm
Social welfare lam hian emaw vengtinah Anganwadi/Creche ansiam ang deuh hian vengtinah siam ve threuh se, Nu leh Naupang himna leh hriselna anngaihtuah a, Upa te himna leh hriselna pawh hi an ngaihtuah telve tho tur a ni em le??
A thei chuan private in siam se lam leh thlah tur motor te pawh neise, manchawiin kan nu leh pa te kan kal tir duh ang.
[Report abuse]
June 18th, 2010 at 1:55 pm
Thuziak á¹ha tak a va’n ni teh lul em! In sawizauna lah chhiar a manhla.
[Report abuse]
June 18th, 2010 at 2:13 pm
@Pc-a Tar engmaha ngailo tan chuan,! ‘Tar’ a huphurhawm ngawt ang. pitar/putar te hi kan hnam rohlu ani tih hrechung pawn tar nih hi chu kala huphurh tho. Ka chhungte/min enkawltute hian min zahin min duat hle mahse inthlahrunna hi a awm lo thei dawn lo. Thangthar nun kan ning ang a, kan tu leh faten kan vanglai min zawt mahse an hun leh kan hun lai inthlauhthu hlirin kan sermon khum mai lo maw? An inchei dan leh an nun zalen dan kan ngaihtuah anga nilengin kan phun lo ang tih pawh kan sawi thei lo hi, heti kan lo nih chuan kan tu leh fate tan chuan rohlu em em nilovin phun chiar em em kan ni mai dawn a sin, ngaihtuahna lah fing kek kawk tawh dawn silo!
Old Age Home leh Day Care neih ve ve tha ka ti. Tuna thangthar te ngaihtuah hi chuan nu leh pa tar huna duat em em tur an vang tlat, an mahni pocket money pawh thawk chhuak peih lo chuan an nu leh pate tar hunah an enkawl peih nguar ang. Old Age Home hi kan la mamawh dawn lutuk, rethei taka tar nu leh pate enkawl ai chuan tar dahna-ah nurse-in hlawh neiin duat tak leh thianghlim takin enkawl se, duh hun hunah an tu leh faten va tlawh thin se nuam an ti zawk ang, chhun-ah Old Age Home a awm ho kha Day Care-ah an va leng thin ang a, tlaiah mini bus-in an home-ah a thlah leh mai dawn ani. Tar huna mahni chauh in lo nghah ngawi reng ai chuan anpuite bula awm pawh a nuam tawh zawk ang. Mote ten ringtawkin vin angreng(vin lutuk lo) in ka nu/ka pa vawiin kan bual ang che min han tia nga, rangtawkin sahbawn min har hnawih sawk sawk ai chuan nurse hlawh neiin min bual se nuam kan ti zawk lo maw?
[Report abuse]
June 18th, 2010 at 3:07 pm
kawlhawk leh tar nih lam hi kala ngaihtuah ngam vak lo ka dawn deuh pawha thildanga ka khahchilh thrin ani. I sawi ang hian tar lam chu kan hnaih zel chu ania leh
mahse life cycle a mite tawn ang kan tawng chho zel anga kan inher rem thiam pawh a nhai zel dawn.
Comment hrang hrang ka en hian tar enkawlna bik a huho-a an awm theihna tur thian an kawm thiehna tur leh uluk taka an enkawlna tur hmun siam hi chu a va trul tak em. Pvt a din te hi awm sela chung chu sawrkar hian pui sela, fee te subsidize sela. Kei ka tar hun chuan ka awm duh ngei ang. misual hi a la awm reng anih phei chuan MI te pawh kan nei thrin ang chu tar ho khan
[Report abuse]
June 18th, 2010 at 3:30 pm
Chuvangin, “I vanglai hian i Siamtu hrereng rawh”!
[Report abuse]
June 18th, 2010 at 9:18 pm
‘Aia upa hma-ah sa mitmu kher loh tur’ tih te, ‘Ruaithehna-ah Upa leh tarte bar hma chuan naupang zawkin an barkhalh ngai lo’ tih thu kan neih danah hian Tar zahna leh ngaihpawimawhna hi Mizote hian kan lo nei nasa hle thin niin a lang. Thangtharte hian kan nunze mawi leh tha pakhat kan hloh tak chu, tar ngaihsakna-ah kan tlahniam ta a ni.
Dam zel chuan tar vek tur kan la ni. Kan tar hunah Mizoram hi tarte tana hmun nuam tak a lo nih theih nan tan la thar theuh ang u.
Thianpa nge nge, i ziakfung i la hmang tha tluang zel e..
[Report abuse]
June 18th, 2010 at 9:41 pm
Tar lo ila ani mai.
[Report abuse]
June 18th, 2010 at 9:42 pm
tar hur chu nih tum lo phawt mai ila…hehehhe
[Report abuse]
June 18th, 2010 at 9:44 pm
D_auachwgthu: chhiar ve mai2 la
https://misual.life/2010/05/27/tar-hur/
[Report abuse]
June 19th, 2010 at 2:04 am
Tar dinhmun i rawn sawi zawng zawng khi kan Mizo culture ah chuan a dik vek, a chhan chu Mizo te hian tar at kan neih bik vang a ni. Tar at paih nachang kan hriat hun ah chuan TAR a piang hi automatic in senior Adviser an ni vek tawh ang.
Mizoram ah hi chuan pitar/putar te hi an la chep em a ni, tar hmabak te tan chuan ‘TAR’ nih hi malsawmna mah nise thil huphurhawm tak a la ni reng a nih hi.
[Report abuse]
June 19th, 2010 at 11:33 am
#23, rotekawl: Thian zaho a alungleng thei deuh hi an boral hma an ti ve tlat a sin. Chuvangin lung tileng lo hram hram teh ang :roll: :lol:
[Report abuse]
June 19th, 2010 at 10:45 pm
He Post zet chuan, kum 1993 bawr vela pawl pakhat Charity club kan din lai mi ti hre chhuak khawp mai. Kum lama upate in tihhlimna/ inkawmna hmun emaw, awm theihna hmun emaw hi siam ka chak em em thin a, rawngbawlna hlimawm tak a nih pawh ka ring thin. Mahse hetiang hmun siam tur hian pawl chak tawk leh, fund pawt chhuak thiam deuh nih a ngai ve khang lang a; kan la pui tlin zo ngang lo chu a nih hi. He tiang ngaihdan in rawn pho chhuah avang hian, thlawptu ka nei tih ka hre ta. ka lawm hrim hrim e.
[Report abuse]