Tachhip khua hi khaw biru ang reng tak a ni awm e. Muallungthu leh Aibawk khaw inkarah a awm a. Aizawl atangin 25 Km vel em ni ang aw? World Bank Kawngpui hian a khaw pawnah a hel miau a, chuvangin khaw biru a nih phah a ang. Va luhchilh meuh chuan khaw nuam leh khaw dung sei, khaw fai tak a lo ni reuh va. Novelist hmasa Kaphleia thlan pawh a awm a, a hmar lam khaw daiah Sibuta Lung hmingthang tak a awm bawk.
An khua hian field hring nuam tak an nei a, an thalai thaza tak tak te pawhin football an khel a, an tawlh thlu zawt zawt lai ka thlir ve reng alawm! An khuaa Medical lama thawk Pi Kimi hian an khaw tlang chhipah a thiante a hruai a. Tachhip lalpa leh lalnu thlan, Bung zar hnuaia awm a kawhhmuh lai ka han nang fuh a. An thla ka la a.
Kaphleia thlan bula bung leh Tachhip lalpa leh lalnu thlan bula bung hi mi huihphai an phuntir a ni ve ang em le? Sateek-a mi kha chu a nih thu in rawn ziak tawh a. Sibuta Lung-a min hruai ka ngiat nain, a hla deuh va, vangvat leh pangang a awm an hlauh avangin, kan kal thei ta lo.
Mizo leh English-a Kaphleia kutchhuak ziakna Bu pawh Pi Kimi (Health Worker) hian mi entir a. Ka’n thlir puat puat a, a ngaihnawm hmel fu a. Mahse, English text ka zuk hmuh khan spelling mistake ka hmu hnem hman riau va, a edition a mumal vak lo turah ka ngai. Ro hlu atan chuan ennawn leha chhut that a duhawm khawpin ka hria. Kaphleia English spelling chuti em ema a dik loh ka ring phal si lo.
Thlalak thenkhat rawn tarlante hi han thlir ve ang che.
Similar Posts:
- Sibuta Lung Signboard
- Naupang inawkhlum Vanlalpeka chanchin
- Min ngaidam ang che
- Zoram Ni : Hnahlan Khua pawh Hal a ni.
- Vangtlang lamah aw!
July 31st, 2010 at 7:48 pm
Vawikhat nan kan zephenath Tachhip ve teh reng reng ang
July 31st, 2010 at 8:01 pm
nakinah ka la chhiar ang
July 31st, 2010 at 8:14 pm
I thlalak na hian ngaihtuahna pawh a la thei lo maw… kelh kulh mai
July 31st, 2010 at 8:14 pm
C.Thuamluaia leh Kaphleia hi an ngaihsan awm khop mai.An thu xiah pawh ka chhiar nasa..A thu xiah tlem tal tarlan theih ni se…
July 31st, 2010 at 8:15 pm
A nalh hle mai…Pu Chawnghilh, pic. 4 ami khi pi kimi nge in nu zawk le?
July 31st, 2010 at 8:15 pm
world bank kawng a tlan hian tumloh deuh a Tachhip lam a kual chhoh sual a awl a nia aw, zan tlan phei chuan!
July 31st, 2010 at 8:24 pm
wonderboy…..i car ah min lo phur ve…..chaw thing ka thloh miah lovang
July 31st, 2010 at 8:25 pm
A hmun vel chu a daih nawm hmel hle mai. Sibuta lung chu i va hmu law law lo nia mawle, i vangvat hlauh vang mai mai a kalloh hehehe NOI
Sibuta lung hi thawnthu a ngaha a hmun kal pawn ngaihtuah a ti thui thei khawp asin.
July 31st, 2010 at 8:30 pm
A va mawi hlawm tak em.
Hman ni deuh khan kan kal a, Sibuta lung pawh Art & Culture in an humhalh a, thra takin an hung thlap mai, Camera ka lo keng lo hlauh a ni.
Pu Chawnghilh, Sibuta lung panna kawnga kal khan kawngpui a pawh thla leh mai a nih kha in kal hram lo nia.
July 31st, 2010 at 9:13 pm
Biakliana
July 31st, 2010 at 9:22 pm
E khai,Pangtichawr chu dam thin maw… reh thei thin hle mai….
OT loh nan picture ho chu a fiah tha hle mai
July 31st, 2010 at 9:29 pm
Kaphleia hi ka ngaisang khawp mai…
July 31st, 2010 at 9:35 pm
Tachhip Presbyterian biak in bula bung kha ni maw. Thu leh hla lama ZerO hian novelist Kaphleia pawh ka hre lem hlei law.
Tachhip atangin Se-ven-phul an indang a, Kawngpui kam ami kha Sevenphul a ni. YMA branch hran, Pres pawh kohhran hrangin an ding. Kulikawn atangin 23.8km a ni.
Sibuta lung hi World Bank kawng, Muallungthu leh Tachhip ramri, Darnghaki thih kawn, atangin chil chhak phak lek alawm.
July 31st, 2010 at 9:51 pm
a lawmawm thin ngawt mai hetian ang a taka ka hmuh hauhloh tur in zarah ka hmu fo thina ka lawm e
July 31st, 2010 at 10:01 pm
Thlalak hmasa ber chuan minva da’h tir nasa ve….. I dak chho nasa ve hle ang maw….he he.. Pahnihna chu ka lawn thei ngei ang..
Thlalak panga chu…’Aw chhaktiang turni tla’ ti a zai vang emaw.. in lém pui tur awm se > tlan zuai zuai a va chakawm ve…he he..Thlalak hnuaiber chu a mi(sual)lai a ni ngei ang..Lol
Tin..Pu kaphleia chanchin chu sawitur ka hre mai lo..Daih fawkkkkh…
July 31st, 2010 at 10:04 pm
Kaphleia leh Biakliana dam reilo lutuk hi chu a pawi a ni
July 31st, 2010 at 10:13 pm
Tachhip hi ka kal ve tawh, mahse hetiang zawng hi ka lo ngaihtuah ve lem lova, ka lo la hmu ngailo.Very informative.Very beautiful.
August 1st, 2010 at 3:46 am
@#6 wonderboy tachhip lama kual chhoh awl i tih chuan i motor khalhah ka chuang ngam lo tawp mai. Kawng a inan loh nen..han hai chu mawle
August 1st, 2010 at 8:28 am
@ZerO : Sevenphul leh Darnghaki Thih Kawn tih pawh ka lo la hre ve ngai lo! A va informative lehzual em! ZerO nge nge! Thanks!
August 1st, 2010 at 9:09 am
computer screen pangngai atangin thalak ho chu en theih ka va han chak tak. Handset screen hi zawng, nep set set em…
August 1st, 2010 at 9:36 am
Sevenphul tih pawh chu a awmzia nen pawh ka lo la hre ngai bik miah lo mai. Tachhip khaw per tiin ka lo ring mai thin a.
Sibuta lung chu dam a Hmuifang a MI hunah tlawh ve tur a nih chu. Ka tlawh ve tum in ka la te lutuk a, mumang ang deuh ruai chauh in ka la hria.
August 13th, 2010 at 8:59 pm
Pu chawngilh chu zolkhopui i ron chuangchhuak leh toh em ni o, US lam pic aiin tachhip lam pic daih daih te, :lol: