Chapter V
Chumi zân chuan goodnight message takngial pawh min rawn thawn lo. A tûk Pathianni tûkthuan eikhamah min rawn text chauh a, ‘Inkhm dn m?’ tiin. Ka chháng a, a reh zui leh daih!
A tûk Thawhtanni-ah school a rawn kal lo a. A kal loh tur thu a sawi lâwk si lova, mak ka ti hle. Chhûn chawlh vêleh PCO hnai ber ka pan a, phone ka tum a, a la thei si lo. Chumi ni chuan thildang engmah ka ngaihtuah thei lo. Tlai bàn veleh ka cell-phone atangin biak ka’n tum leh a, a la thei chuang lo.
Chumi zân dár 6.00 vêl chuan min rawn text ta—‘K khuask hluah2 my. K nuam lo ltk. A nun mn mutpui, rn call sh’ tiin.
A tûk pawh chuan school a la rawn kal peih chuang lo a, Nilaini-ah chawhma a rawn kal zawk a, a nawmsam loh chhuanlamin chawhnu chawlh a dîl a, min hawsan leh a. Ka khua chu a har ngawih ngawih a ni.
Chutih hun lai chuan ka nu chu Kolkatta lama in check-up tura kalpui a lo hun leh tawh a. Páwl 12 kan exam têp tawh si a; mahse, kalpui loh theih a ni si lova, exam loa ka nu kalpui tur chuan ka inbuatsaih a.
Kan zin hma ni chuan April-i chuan a car-in min rawn lam a, niléngin kan lêng dùn a. Ka zin hlâna a tana rinawma ka awm tlat tur thu ka hrilh a; duhthawh taka kan infawh hnu chuan kan inmangtha ta a.
Chapter VI
Kolkatta Salt Lake-a Mizoram House-ah kan inkulh a, khua chu lum naménin a lum lo. Ka nu chu Mizoram House kianga AMRI Hospital-ah kan admit a. A doctor chuan a lo bera kár thum awm a ngaih tur thu a sawi lâwk a; ka huphurh hle a. April-i nen chuan phone-in kan inbe zeuh zeuh a, a chang chuan biak a har thei fú mai. Zan lamah ka nu chu riahpui an phal si lova, Internet café lamah ka tei lût leh nge nge thin. A buai deuh vang nge ni Orkut lamah April-i sûlhnu hmuh tur a awm ngai meuh lo.
Kár thum kan chàm hnu pawh chuan ka nu chu a la rawn chhuak thei lo a. Zan khat chu Café lama ka luh hmain House hnung lama wine shop-ah chuan chilled beer ka lam kawi a. Café-ah ka thu ràn a; mahse, Orkut lamah thil thar engmah ka hmu lo.
Thil pakhat ka ngaihtuah chhuak zawk a, April-i computer ka en ni a Orkut-a a ID ka hmuh kha a ni. Min biak nana a hman loh a ID dang hmang chuan Orkut-ah ka’n lût lâwr a—a ni thei lo! Ka nupui atana ka duhthusàm hian mi pâ, nupui fanau pawm lai nei a ngaizâwng ang maw? A theih loh! Mahse, a ni tlat si! April pár mawi tak ka thliah phal ngai loh chu mi pa’n min thliahsak ta!
Chu pa chuan nizân hmasa ngei pawh khan ka duat lai April-i chu a dân ngaite bawkin Swedish Vodka hmingthang Absolut Vodka hmangin a thlêm chhuak a, chu pa car chhûngah chuan an duh takte chu theihnghilh thakin an tual lènna Aizawl khawpui chu ‘Sin City’-ah an chantir a ni!
Ka mit sulh a, ka pik chun mai a, engmah ka ngaihtuah thui thei lo. House lam panin ka tlân chhuak a. Zanlai dár 12 a ri têp tawh a, House tualzáwlah chuan dormitory-a ka thlenpui mipa pathum hian an phone chu insi rialin an lo dah a. Bluetooth hmangin Mizo sex tape thar an lo inthawn mêk a lo ni.
An sawi hmangin Aizâwla sikul naupang pakhat leh Kolkatta vai supplier hausa sex tape an lo inthawn a. Ka’n bih ve chhin a—a mipa hmêl a lang lo va, a hmeichhe hmêl pawh minute khat hnu velah a rawn lang chauh a, a ngo-in a no kher mai. Chu tleirâwl hmêltha zet chu ka’n en chiang a—April-i!
Dormitory pana lift-a ka chuan lai chuan ka cell a rawn beep a, hmeichhe tenawm April-i sms ka dawng a. Delete nghal ka tum a; mahse, a tâwp nan tiin ka’n chhiar leh hrâm a—
“Nag mithianghlm gaizwng tr hn kei misual lh tenwm hi ka tlig xo ve ta lo!k at vagin mi tenwmah ka insiam ta. Orkut-ah egkm k rn post aw”
Rang mangkhêngin Café ka pan a, Orkut-ah chuan ka’n in sign in tha leh a. April-i chuan saptawngin thu a rawn post a, Mizo tawngin han ziak chhâwng dawn ila—
“Vawiin hi April ni 30 a ni tiraw? Mahse, he thu i hmuh meuh chuan May thla a ni tawh ngei ang. Kumin atan chuan April a ral ta, i thinlung chhungrila April pawh a ral mêk ang tih ka ring. April chu a thla nen, a mihring nen hmangaih tlak a ni ta lo!
Kei chu eirûk hmang fanu ka ni. Ka duh apiang ka pa’n min tihsak thei a; mahse, ka thiante inzuar hlâwkzia ka hriat ruala tihchhin ka châknate hi ka pa’n mi leisak thei ngai si lo.
Ka nu strict êm avanga kan Ina i rawn lên ka phal loh laite leh ka damloh chhuanlama school ka chawlh laite khan kei chu vai leh mizo sumdawng hausa leh officer thenkhatte’n min lei kual thin a. Ka thiltih hi thil sual a ni tih ka hriat hnu hian ka tlai tawh si. Hnam dang nena kan mualphona chu tûn laia mite mit titlai bertu a ni mêk ta! Insiamthat nana hun duh rei turzia hi… Nang ang mipa dik tak pasala nei tur phei chuan hun hian min dam zawhpui ka ring thei tawh lo.
Nang chu, mipa, mipa dik tak, thinlung zawng zawnga min hmangaihtu i ni a, ka zah che a, ka ngaisâng kumkhua tawh ang che. I hnên atanga ka dawn engkim avanga ka lawmthu sawina hi chu min lo pawmsak hrâm ang che aw. Kei chuan ka màwlna ka tuar mêk a nih hi!
May, mangtha phal lo che mah ila, muttui tal aw…”
Ka chhiar zo a. Ka hriat zawng chu ka la dam a ni tih zawng a ni. Ni e, ka nunna chu he khawvêla ka chan awm chhun a ni; ka mittui, mipa dik tak mittui nen hian!
Similar Posts:
- orkut blogs
- Mangtha April – Chapter I & II
- Pangpar
- Khaw danga pem leh mithi tawh mi 29-te NREGS Job card hmangin hlawh lak a ni
- Mangtha April – Chapter III & IV
July 31st, 2010 at 12:52 pm
He thawnthu hi chu a nalh thlawt e
Report this comment
July 31st, 2010 at 12:57 pm
he he…i post hmasa zawka a script ka ziah thlak vek tawh kha….he he…ka sawi dik…lolzzz
Report this comment
July 31st, 2010 at 12:58 pm
zualbonez LOLZ
Report this comment
July 31st, 2010 at 1:01 pm
i ziak tha lutuk, zirsangkima chu a kimin i lo zirsang zel dawn ania….he he
@ littlerascal…he he
Report this comment
July 31st, 2010 at 1:10 pm
April chu a va HUR tiah tiah ve :lol:
Report this comment
July 31st, 2010 at 1:12 pm
He thawnthu atanga ka ngaihtuahna lo awm chu mi engzatin nge hetiang khawpa fate hrechiang lo awm ang aw..tih a ni
Report this comment
July 31st, 2010 at 1:14 pm
zualbonez chu leh lolz…. nia a ngaihnawm. @khamrang zahmawh viau teh suh, vawk hurna i dawlh ami lol
Report this comment
July 31st, 2010 at 1:15 pm
Keimah Thingtlangpa: I thil post tum hi a thupui ava han sei em em bawn let tawp ve
a thupui ziah natur ah a body i ziak nghal vek emni..
post ava han tam em em ve vawiin chu :lol:
Report this comment
July 31st, 2010 at 1:17 pm
@funny ni ta ve ang a..april-i ka mangtha vang vek a ni
Report this comment
July 31st, 2010 at 1:19 pm
Khai a, va zialo ve.. A changtunu dang siam leh mai teh a thianpa
Report this comment
July 31st, 2010 at 1:20 pm
I ziah sa i copy paste top aniang a. a body kha chu a hnuaiah cut paste leh mai la. I thil post chu a thupui hlang ani ringawt dawn lawm le.hehe
OT loh nan: April-i kha chu aw… :lol:
Report this comment
July 31st, 2010 at 1:36 pm
Zirtir a nei tha reuh hle mai….he thawnthu hi kan sam sei lam hian apply lo hram teh se..
Chu vaipa chu vuak hrep a va chakawm ve…chutiang bawkin April-i pawh khai rak chi….mai mai.
Report this comment
July 31st, 2010 at 1:42 pm
@ 12…mi fantasy ziah chhuah mai2 i va la vung ve…he he
Report this comment
July 31st, 2010 at 1:49 pm
fiction I ti ngawt a, I hmeichhe sawi hi rin ka nei ania aw. FIR a hnai leh tlat. lolzz :lol:
Report this comment
July 31st, 2010 at 1:49 pm
#13,zualbonez, nang phei chuan ziak la, i thawnthu-a lang khua zawng zawngah khan ka rawn zin nghal a ni mai..he2
April-i sex video siam puitu vaipa khi silchar vai Mustaq Kumar-a kha a ni thei ang em??…ha ha ha.
Report this comment
July 31st, 2010 at 1:54 pm
Hmeichhe hmangaih vanga sex hmanpui duh lo hi, hmeichhia hian an tuar lo fo.
Report this comment
July 31st, 2010 at 1:54 pm
zualbonez, i article ‘Ka riang chuang e Di tawng lo Vala’ tih kha han publish ve teh.
Report this comment
July 31st, 2010 at 2:00 pm
ka thin ava ti rim mai mai e!ka rilru zu na thei a mawle..
Report this comment
July 31st, 2010 at 2:03 pm
Mangtha April!
Report this comment
July 31st, 2010 at 2:09 pm
i ziah dan ki atang cuan tunlai kan zoram khawvel nen a in ang hle mai k ti.
Report this comment
July 31st, 2010 at 2:13 pm
April-i telephone number min hrilh thei in awm mial lo maw, counselling pek ka duh tlat :lainat:
Report this comment
July 31st, 2010 at 2:15 pm
Ka ziak ve dawn October leh November! Tren tren :lol: U Kawnga ka va ngai thin tak em!
Report this comment
July 31st, 2010 at 2:18 pm
Ngaihtuah ava ti thui ve. Hmana ka thianpa thil tawnte pawh kha min hriat chhuah tir a lawm mawle.
Heng ang hmeichhia hi an awm thei a, an awm mek bawk.
Report this comment
July 31st, 2010 at 2:21 pm
Va han ngaihnawm chiang kher em ve le…!!!!
Report this comment
July 31st, 2010 at 2:22 pm
@Pc-a: Nia, hmeichhia hi Mipa te ai hian an buaithlak zawk em aw ka ti thin.
Mahse, Sex hmanpui vanga kan thlunbeh theih hi chu, kumkhua a kawppui atan chuan an iai awm thin in ka hria.
Report this comment
July 31st, 2010 at 2:24 pm
Mizo movie ah siam ila a tha ang, a title tur han thawh ve teh u.. kha tlem te-
*Mittui kara mit ek
*Hmangaihna bawng
*Mera boot mera mawza
*Zakhmul vanga sex tape
*Lap nahi
*Hmangaihna hlawktham
Report this comment
July 31st, 2010 at 2:31 pm
Pim pom, midik leh midik inkarah chuan a thianghlim thei angber tur maw le. Chhungkawnu ber tana lo in viau tawh nei hi an tam zawklo maw le te ka tiat.
Report this comment
July 31st, 2010 at 2:32 pm
gothica, ‘Hmangaihna Orkut’
Report this comment
July 31st, 2010 at 2:36 pm
title dang- facebook vanga hurna lolz
Report this comment
July 31st, 2010 at 2:40 pm
gothica, i van reh vele
Report this comment
July 31st, 2010 at 2:41 pm
@Frost & gothica: ha…haa… Hmangaihna Cell Phone te poh.lolz.
Report this comment
July 31st, 2010 at 2:41 pm
HV ka tamna lamah chuan ka tam ve asin lolzzzz
Report this comment
July 31st, 2010 at 3:07 pm
Chhiar a nuam khawp mai,hetiang lam hi chhiar nuam ka tih zawng tak ani,kan ziak ve teh ang :lol:
Report this comment
July 31st, 2010 at 3:11 pm
Ho e mai.. Ka tia,mahse a ka chhiar chianga,a tuartu tan chuan vanpui a chim a,zanthim chhahin a tuam mut mai dawn a ni..Mahse lengdang an awm thei em ang chu maw..
Zoramah hian ringtute hian kristian kan inti chung hian fa te chawmnan chaw dangral chauhin an/min chawma..(tv ka la ni tlat ) pathian thu in chawm tel kan ngai..Tuna MS user: nu leh pa ni tawh te, nula tlangval la ni zawng zawng te’n remchang kan la neihlai hian..Mihring dam chhan hre chiangin fate i hrilh ang u..
Report this comment
July 31st, 2010 at 3:15 pm
A la in chhir tual tual ta ve ang….eng eng emaw te pawh a lo vei tawh hial lo maw !….nang chuan nula tha tak ila tawn ngei ka beisei.
Report this comment
July 31st, 2010 at 3:19 pm
a zaiktu hi kum 18 mi…he he he
Report this comment
July 31st, 2010 at 3:25 pm
#33 pangtichawra chu i reh ta hle mai a…rawn pöst ve tawh la a tha ang.
OT thui loh nan,April-i chu aw!
Report this comment
July 31st, 2010 at 3:39 pm
ngaihnawm lutks.. ka mittui a tla tep a lawm le..val hi…
Report this comment
July 31st, 2010 at 3:51 pm
In sum hram teh son of God. :lol:
Report this comment
July 31st, 2010 at 3:55 pm
Hei ai chuan kan vawkte thi in ka rilru a khawih zawk. hehehe
Report this comment
July 31st, 2010 at 4:02 pm
funny… a takah April-i ang khi hriat ka nei asin. Engvanga hetianga awm nge anih ka zawh chuan, “Kan chhungkua kan harsa si a, thiante neih ang neih ka duh ve si a, ka hlawh a tlem tham bawk si… ” ati… Ka khawngaih khawp mai. Amah lah chutiang ti hmel a pu si loa…
Report this comment
July 31st, 2010 at 4:03 pm
@funny: :lol: :lol: :lol:
Report this comment
July 31st, 2010 at 4:06 pm
A ngaihnawm hle mai..
Report this comment
July 31st, 2010 at 4:12 pm
Megazine ah ka chhiar tawh a,hetah pawh ka chhiar zo leh pap..
Hmeichhia hian a chhe lam an awm lak lawh hi chuan chhe theitak an nia..
Report this comment
July 31st, 2010 at 4:17 pm
pimpom: ania lawm le. hehe
tun kar khan kan vawkte thra deuh lak thar alo thi a. a uihawm duh ve angreng.
gothica: hetiang hi ni e an tam anti, thenkhat pheichu an chhungte pawhin an hriatpui antia..
Report this comment
July 31st, 2010 at 4:28 pm
#40..kan nuih vak chu
Report this comment
July 31st, 2010 at 5:26 pm
A hmangaih tak tak a nih chuan a then ngam lovang…ngam ang..ngam lo ang!
Report this comment
July 31st, 2010 at 8:27 pm
‘Khua chu lum namenin a lum lo’ A va hmang dik tak em! He tawngkam hmang dik lo hi an tam teh ania.
Report this comment
July 31st, 2010 at 11:34 pm
a ve ziah chuan
Report this comment
August 1st, 2010 at 2:45 am
chhiar a va hreawm ve le..! 2002 khan ka thian’i mail ka check sak ve tawh a! A ngaihzawng hlui a mailna ka chhiar chu…tunthleng hian ka la inchhir. Inhriatchian lutuk pawh hi thil tha a ni ber lo nia hriatna ka nei rum rum.
I ziak thiam si a,..ka han chhiar leh nge nge thin a.
Report this comment
August 26th, 2010 at 2:00 pm
Mangtha April min chhiarsaktu zawng zawngte Lengzem September issue-a ka article lo chhuak tur min chhiarsak leh turin ka sawm a che u.
Report this comment
August 26th, 2010 at 2:14 pm
i rawn in zuar deuh alo
Report this comment
August 26th, 2010 at 2:18 pm
vin chimawm thiam trin tak!! :lol:
Report this comment
August 26th, 2010 at 2:20 pm
pawi ati teuh lo, ka unaupa alawm
Report this comment
August 26th, 2010 at 3:20 pm
vin thaw ve tak!! huihamss :lol:
Report this comment
August 26th, 2010 at 3:21 pm
Krista vanga ka unaupa pawh ani keuh thei asin
…
Report this comment