Kawnpui khuaa hi Kolasib District-ah awmin khaw lian tak kan ni a, Cencus hnuhnung ber-ah khan mihring leh In 1405 lai kan ni a, tunah erawh kan thang tawh hle, Kum 1946 January ni 1 atanga Kum 1954 thlenga Kawnpui khaw Lal leh la damchhun Ex Sub. R. Khawma MC BGM chuan Kumin-ah hian a Kum 100 hmel a lo hmu dawn ta reng mai a ni Kawpui Lal R.Khawma M.C BGM hi Kum 1910 Dec 27th ah Bukpuiah a lo piang a.
Kum 1923 ah Lower Primary zo in, 1929 ah Aizawlah M.E. School a zir zo a ni. Dt 23.5.1933 ah British Burma Army ah a lut ve ta a ni. Dt 1.4.1937 ah Lance Naik ah a kai a,dt 1.5.1938 ah Naik ah a kai leh a,dt 1.7.1939 ah Havilder ah kai leh in dt 1.11.41 ah Jameder Quarter Master ah a kai leh a,dt 15.8.42 ah Subider ah a kai ta a ni.
Sipai a tan chhung hian Medal pawh a la nual,a Medal lak te chu :- (1) Dt 24.4.1945 ah BGM & MC & Oak Leave,(2) Indian Defence Medal, (3) Star Medal 1945,(4) Star Medal (Pacific War),(5) War Medal (Pacific War),(6) Star Burma Medal 1943 te an ni.
Kum 1946 thla 8 ni 1 ah khan Mastering Pension in sipai atangin a chhuak a, pension an la tihfel hma hian Kawnpui Lal atan dah a ni.Dt 1.1.1946 ah Kawnpui Lal ah a thu tan a, Pu Saitulera a thlak a ni.
Pu R Khawma MC hi ‘Lal ban’ a nih zui tak avangin Kawnpui Lal hnuhnung ber a lo ni ta a. A Lal chhung hian Bawrhsap te pawhin an tlawh ve fo thin a, Pu Barkataki nen phei chuan Zanlawn chhoah khian an in Boxing hle a ni awm e. Lal ban a lo nih dawn khan a ho hian kawng zawhin ‘Lal bang rawh se’tiin an au rual thin. Lal dangten an khua leh tuite laka an tuar ang engmah a tuar ve lo a ni. Lal ban a lo nih ahnu a ‘Mizo Union’ a lo din khan ‘President’ hmasa ber a ni chho leh ta a ni.
Pathianin kawng tinrengah malsawmna tam takin a vur a, taksa hrisel tak leh mi vannei tak a ni. Kum 98 mi a nih thleng hian mit fiah lo emaw bengngawng n a la awm lo a, Hospital ah natna avangin dah luh a la ni lo bawk. Tun hun thleng hian a ‘Makpa’ pakhat tih chauh lo chu a tu leh fa te sun a la nei lo bawk. Kum 2000 vel atangin ‘Tar natna’ chi khat ‘ Prostrate gland enlargement’ lo vei ve in damdawi ei a lo ngai ve ta a ni. Tin, A nupui Pi Lalthangkimi hian Kuminah a boralsan tawh a n, amah hi Aizawl lamah a fate bulah a awm mek a ni.
Tuna Kawnpui khuaa Boys Hockey Academy awmna hmun hi Bawrhsap hnenah a dil a.Tichuan,khaw thenawm te nen bawng te talhin hnatlangpui an nei a, field chu an lai ta mup mup mai a ni.Khelmual an lo neih that hnu chuan ‘Inkhelpui’ an buatsaih a, team 36 laiah amah chauh ‘Refree’ a ni tluan parh a ni. A khawnbawl upa Pu Dara ‘Cup’ chhuah chu an inchuh thin a, helai hmun hi “R.Khawma M.C Mual” tih nit a sela a duhawm hle.
Tin, Kawnpui khaw Lal leh min la dampui awmchhun a nih avangin Kawnpui Youth Association chuan a hming a daih mai an hlauh avangin 2009 khan ama pualin Calender an siam a, tunah hian a Kum 100 lawmna buatsaih sak tumin a tu leh fate an berawn mek bawk a. Mimal emaw pawhin duhsakna leh lawmpuina a hlan theih a. Kawnpui Youth Association President -9862599151 (mb) or Gen.Secretary -9862812249 (mb) hnenah hriattir theih reng a ni.
Similar Posts:
- Ex-Sub. R.KHAWMA MC BGM (Ex- Chief of Kawnpui)
- KAISAR-I-HIND Tangkapui leh Mizote
- CCPUR ah Kawnpui khua Veng fai ber
- The Lushai Brigade (Without Lushai!)
- Rál kuta thi Mizo sipai ruang lo thleng
August 9th, 2010 at 3:36 pm
Ka komen e.
Report this comment
August 9th, 2010 at 3:43 pm
Kawnpui chu Census hnuhnung berah chuan mihring leh in 1405 maw in nih a :?
Report this comment
August 9th, 2010 at 3:45 pm
Ngaihsan awm hle mai
Report this comment
August 9th, 2010 at 3:49 pm
Comment-tute zingah hian kum 100 dam kan khãt pharh lo’ng maw – tawng thuchhe lovah!
Report this comment
August 9th, 2010 at 3:49 pm
ropui takin ruai tenen lawm ta che u mawle.. in chawimawi ropui thiam kha a tha viau in ka ring
ve ringawt a. LOL
Report this comment
August 9th, 2010 at 3:52 pm
Huis!!! Admin ho chuh…. 5minutes ral hma a edit hman loh chuan edit theih tawh loh a ni maw!!
Report this comment
August 9th, 2010 at 3:56 pm
Less Nike khi Lance Naik tih tur a ni lo maw…????
Report this comment
August 9th, 2010 at 4:02 pm
Less nike vawikhat ka hriatna… Lance naik tur aniang.
Prostrate gland enlargement pawh khi Benign prostatic hyperplasia/hypertrophy (BPH) tih zawk tur.
Report this comment
August 9th, 2010 at 4:06 pm
A dam rei hle mai, a mah leh a chhungte ka lawmpui e.. Chuan Less Nike tih khi Lance Nike a ni zawk ang…
Report this comment
August 9th, 2010 at 4:07 pm
subider poh khi subedar a nia(h)…..a damrei a,a lawmpui awm e…
Report this comment
August 9th, 2010 at 4:08 pm
@brainy, lance nike pawh adik chuanglo, naik alawm
Report this comment
August 9th, 2010 at 4:09 pm
lalmisualpa, ‘Cencus hnuhnung ber-ah khan mihring leh In 1405 lai kan ni a,’ Hetih hun laia mihring zawng zawng leh in awm zawng zawng belhkhawm a sawina a ni mai thei.
Report this comment
August 9th, 2010 at 4:11 pm
Thil dang daih! Sava hi an perh’tla’ nge an perh’thla’?
Report this comment
August 9th, 2010 at 4:12 pm
A ropui hle mai. Duhsakna ka hlan mawlh2 e.
Report this comment
August 9th, 2010 at 4:15 pm
@13, mr TSA, ka hriat ve dan chuan,’perh tla’, tih hi a dik zawk.
Report this comment
August 9th, 2010 at 4:15 pm
@Sonju , kawnpuiah in leh mihring awm belhkhawm 1405 lek ani theilo. 1405 lai ala ti zui. Census hnuhnung ber lah 2000/2001 mai kha ani si.
Havilder pawh khi ‘Havildar’ tur ni awm tak ani, hairehai!!!
Report this comment
August 9th, 2010 at 4:19 pm
Thangkimi (khawma nupui) a boral tum khan vui na leh lawmna ka nei a, sawina hun remchang takah hei hi kan hmang teh ang. Khawma nupui a boral tum khan Aizawl atangin kan lo chhuk a, kawnpui khawdai ah min lo hmuak a a lawmawm takzet ani. amaherawh chu in Lal nu meuh boral tum a a ruang hmuak tu te ka rin ai in in tlem. A ruang te kha in khawdai a tangkhan han zawn ula pawn dum nen lal in han luh pui ula kei ni Aizawl mi tan pawh a ropui leh zual tur … Tin, Zanah kan tlaivar pui a, in lalnu thih zan a tlaivar in tlem dan em em kha an chhungkaw zir loh vang nge in thiam loh? Nepnawi ei in in ri mur mur a, rim dang chi hrang hrang in chawhpawlh nuai kar ah kan tlaivar ve hram a nih kha. A tuk ah thlan laih a ni a, a thlan laih na hmun ah zurui in tibuai in thlan laih an ti khaihlak a, Bawngtuthlawh te meuh a in chehna (an in chek na lem lo) a awm te kha a va han zahthlak tak em… YMA in enkawlna chak lovang nge Lalchhungkaw thiam loh vang. Kawnpui a tang a he post chhiar ve tu te ka zawt a che u. In lal in chawimawi thiam vaklo nge an phu vak lo? Kan khaw lal chu nise tiang ngawt kha chuan kan thlah liam hauh lovang le.
Report this comment
August 9th, 2010 at 4:30 pm
Lal hova ‘Lal bang rawh se’ tih khi ka va hrethiam lo ve le..
Report this comment
August 9th, 2010 at 4:33 pm
#17 chu post aiin a ngaihnawm zawk alawm le
Report this comment
August 9th, 2010 at 4:33 pm
“Less neck” —ka hre hlauhawm bik em?
A lawmpuiawm hle mai, lal ni bawk, chawimawina tangkapui uai thliah thluah bawk, kum 100 tling bawk … a lawmpuiawm hle mai!
Report this comment
August 9th, 2010 at 4:36 pm
kawnpui ah chuan in 1405 a awm a,mihring chu engjat tak awm ang maw. .
Report this comment
August 9th, 2010 at 4:38 pm
@15, ka làwm e. Sava ka la perhtla ve lo va, ka hre chiang lo alawm!
Report this comment
August 9th, 2010 at 4:42 pm
A bengvar thlak thn teh e, hriat loh te kan hriat bel jel ani.
Report this comment
August 9th, 2010 at 4:50 pm
tun hma chuan burma sipaia tan an ngaisang viau a ni awm e. khaw 1 nula hmeltha te pawh nupuiah an nei thei, tih an sawi ka hre thin.
kum100! ka lawmpui e.
Report this comment
August 9th, 2010 at 5:08 pm
In ti ta sa sa Cencus pawh khi census tih tur a nih hmel e!!
Report this comment
August 9th, 2010 at 5:10 pm
Kawnpui buckingham palace chu mawi reuh lutuk.
Kar hmasa khan pitar kum 92, gardening, eirawngbawl leh inchhung tih fai mahni a la tivek nen kan inkawm a, turu ka ti khawp mai.
Report this comment
August 9th, 2010 at 5:19 pm
@Mr.Konkhopuival: E khai, hei kha lehchen misualcotcom ah ka lo cham hnuin min phawi khalh mai chu le :lol:
Report this comment
August 9th, 2010 at 5:25 pm
@Lersia: khatih hunlai kha Kawnpui YMA Branch hrang hrang pawhin kan harsatna lian tak a ni, minlo hrethiam hram teh. He Post rawn ziaktu hi KYA(Kawnpui Youth Association) a kan hruaitu ni mek a ni a, a ni ho hian theih tawpin Thalaiten nunkawng dik an zawh theihnan leh Mizo tlawmngaihna lamah pawh hmasawn turin theihtawp kan chhuah mek a ni.
Tin, YMA pawh hruaitu thar tha tak tak kan nei ta, hman ang chu kan ni tawhlo ngei chuan ka hria a. I Comment khi Kawnpui mipui tan chuan mualphona lian tak ani. Mahse, a tha ka tih zawng tak a ni, kan mualphona hian min siamthat ngei ka beisei e.
Report this comment
August 9th, 2010 at 5:30 pm
Kan ti ta sa sa, thil dangah lo inrawlh lek ila.. ‘Kokhawm’ nge ‘kohkhawm’? Min chhàn chuan ka làwm lehpek ngawt ang! Ka làwm thei ropui sia.
Report this comment
August 9th, 2010 at 5:53 pm
Kawnpui Govt. High School ah hian ka thawk ve tawh.
Report this comment
August 9th, 2010 at 6:33 pm
“Pu Khawm thi thei lova” hi VC la ngei ngei tur a rin a ni a, mahse a huaisen zia sawi thei turin a thiante an thi vek si a, MC an pe ta zawk an ti.
Japan-ho khan a thih der leh der loh fiah nan a hnung zangah meizialin an dep a, a che duh eih lo. A hnung ser hi tun thlengin a la hmuh theih ang.
“Jameder” aiah khian “Jemadar” zawk tur! British Indian Army ah khan officer hniam ber a ni (VCO). 1965 thleng khan Jemadar hi an la hmang a, a hnuah Naik Subedarin an thlak ta niin ka hria.
Junior Commissioned Rank:
Subedar Major
Subedar
Naib Subedar (Jemadar an ti thin)
Non Commissioned Rank :
Bn.Hav. Major
Bn. QM. Hav
Coy.Hav.Major
Coy.QM. Hav
Havildar
Naik
Lance Naik
Sepoy
Report this comment
August 9th, 2010 at 6:36 pm
Duhsakna leh Lawmpuina ka hlan e. Ngalfimin dam rawh se!
Report this comment
August 9th, 2010 at 6:37 pm
@Pimpom in tan lakna a chhuanawm in Lalpan tanpui che u rawhse. In khua hi miropui tamtak leh mi fing tak tak te lo chhuah tawhna a ni tih ka hria, ngaiawh leh thuai turin duhsakna ka hlan a che u, a fello lo awm ve te avanga a khaw nawt a in mualpho hi chu ka tuar pui khawp mai che u. He thu hi in khua tih mual pho duh ngawr ngawr vanga ziak ka nilova. In mualpho na aia in insiamthatna result hian a daih rei dawn zawk avang ziak ka ni e.
Ka tawng malsâwm lo ni suh sela, Khawma boral hun te kala dam thleng ve a nih ngai chuan lo kal leh ka tum ngei ang. In hmasawn na te tlumtea thlir in ka lo thlir ange.
Report this comment
August 9th, 2010 at 6:45 pm
A vannei hle mai Kawngpui Lal hi… mihring te hi kan damchin tur kha kum 70 chin kha a ni em kha… chakna avangin kum 100 a dam tling ania leh! A va han chak tak em… zzzzzlolzzzzz
Report this comment
August 9th, 2010 at 8:06 pm
A ropui hle mai.
MC khi “Military Cross” tihna a ni a, British sorkar in sipai huaisen medal a pek zingah chuan a sang ber dawttu niin ka hria.Tuna India ah wartime a ward ah chuan Vir Chakra ang a ni ang chu. VC (Victoria Cross) khi a sang bera, Pram Vir Chakra angah ka ngai a.
BGM khi “Burma Galantry Medal” tih a ni a, VC tluka an ngaih a ni a, Burma rama British sipai lo thawk tawhte an pek thrin a ni.
Report this comment
August 9th, 2010 at 8:26 pm
@Lersia: I Comment ka tan chuan a lawmawm lutuk a ni. Ni e, kan hmasawnnate i hmuh ngei theih nan tan kan lo la sauh sauh ania. Kan YMA hruaitute pawh hi tunah chuan tha deuh chu an ni in ka hria.
Report this comment
August 10th, 2010 at 3:33 am
Kan ti ta sa sa, refree pawh khi ‘referee’ tih tur-lalmisualpa
Report this comment
August 10th, 2010 at 5:32 am
chawmawina ropui tak pek a phu ani hi. tin a lu pawh a tuak vek tawh a, lutuak chu ropuina lal lukhum, felna kawngah hmuh a ni ang’ Bible in a tih kha. sipai ropui ni bawk, kan theihngilh ang tih a va hlauh awm ve. a mah kawm ka chak hle mai.
Report this comment
August 10th, 2010 at 9:53 am
Mi 1000 nih a har lo asin maw le. An ziak sual a ni ngei ang le.
Report this comment
August 10th, 2010 at 3:35 pm
Sory lutuk e, Internet-ah luh theih lok loh vangin ngaihdam ka dil e. Aw nia.. Kawnpui khua hi Cencus hnuhung berah Mihring 6472 leh In 1405 kan ni e. Chuan Less Nike khi Lance Naik tih tur a ni e, Havilder pawh Havildar tih tur a ni e.
Kan Khaw Lal min la dampui tur hi December 27-ah hian Kum 100 a tling dawn ta a, lawmna hun hi VC/YMA ten tih tum lo ta se, Kawnpui thalai (Kawnpui Youth Association) hian hma la ta se!! a tha tho ang chu maw ?
Report this comment
August 10th, 2010 at 3:38 pm
Chuan Kawnpui Lalnu boral tuma Khawdaia kan lo hmuak lo chu apawi khawp mai, inchawimawi hi kan zir a tul tak meuh meuh, Thlan laih ni a, Zurui intibuai an awm deuh kha chu Zan tlaivar ban tlang a tuka thlanlaih inchuh a nih hmel e..Hetiang hi chu a awm ve chawk a, mahse buaina ang kha chu awm tawh lo se tha khawp mai
Report this comment
August 11th, 2010 at 10:58 am
Lawmthu sawina : Keini chhungkua zakhuâ rawi lo tak mai leh vantlang lâwm thiam lo tak mai ti fakau a min han chawimawi thiam hi kan lawm a. lawmthu kan han sawi mawlh mawlh ani e. Tlang dang ah leng mah ila in hming fak hi ban ni reng kei ni chuan kan nei tawh lawng e.
@Pu Lersia, i thahnem ngaih na ah lawmthu kan sawi a,kan khaw thalai te hi kan chhuang in vui leh vai na tel lova kan tlin loh na min hliah khuh char char thin tu te an ni a, kei ni chhung chuan kan thlamuan pui teh a sin, mit ti kham pa hnih khat a vang a kan thalai te hming chhat hi kan phal ngai hauh lo ania.
Ka pa chungchang a thu tha tak tak lo thawh tu te in chungah lawmthu kan sawi a. Mi(sual).com admin te he thu min chhuah sak avangin in chungah lawmthu kan sawi bawk e. A hna hahthlak zawng zawng thawk a, ka pa chanchin ziah kawng a zo em em a min âwi tu te leh ka pa piancham lawmna tur a vehbûr khawna thapui thawh tu KYA (Kawnpui Youth Association) te in chungah kan va han lawm tak em. He kan chhungkaw aiawh a lawmthu sawina hi min pawm sak hram turin ka ngen ache u. Ka lawm e.
Report this comment