Kaisar-i-Hind hi Queen Victoria hunlai a Civilian chawimawina sang ber a ni a. Kum 1900 atangin 1947 thlengin British Khua leh tui hnathawk tha chungchuangte chawimawinan an pek thin a ni. Hemi inkar kum chhung hian vawi 142 chawimawina hlan a ni. Kaisar-i-Hind medal hi chi thumah then a ni a, Gold, Silver leh Bronze te a then a ni. Kaisar-i-Hind chungchang hrechiang duh tan Click theih. Kan Zosapte zingah khan mi 5-in an dawng bawk niin an sawi.
Mizo zingah hian Kaisar-i-Hind dawngtu pahnih an awm a, chungte chu Khamliana Lungleng Lal (Silver Medal 12th Dec 1911) leh Dr. Thantluanga (1943) te an ni. Khamliana chanchin hi chu Lal fing leh fel, taima, Mizo Lal te zingah pawh hausaber kha a ni a. A thlahte hian an chawimawi thiam bawk a, a chanchin leh a sulhnu hmuh tur a la awm nen sawi tam lo ila. Dr. Thantluanga hi thangtharte hian a chanchin hi kan hre vak tawh lo niin a lang a. Mizo History-ah a hming a dai tawh ngai lovang tih bak hi chu engvanga a medal (Bronze) hi dawng nge tih kan chhui vak lo niin a lang.
WWII laiin Japan ral lo lian chuan British Sawrkar rin phak bakin hma a rawn sawn chak ta si a. Japan dan an lo tumna Singapore phei chu reilote chhungin an la ta mai si a. Burma ram atangin kum 1942 a British Army lo hnungtawlh thla chu Fur-in a nang nen sang tam tak an thi a, damlo tam tak insaseng hlei thei lo an awm bawk a. Heng ho hi huaisen leh chhel taka an lo enkawl avangin Dr.Thantluanga hian a beisei phak miah loh Medal chu kum 1943 khan British Sawrkar chuan a pe a ni.
He medal hi a chhuanawm teh reng nen hian a thlahte hian a chanchin hi sawi zau leh hriatrengna tur lehkhabu emaw an ziak hriat a ni lova, Mizo hnam tan a chhuanawm teh lul nen….!!! A fate hi Mizoram Sawrkar hnathawkin Officer lian tak tak te pawh an awm a, an inngaihtlawm vang nge ka hre lo, a chanchin hian sawi a hlawh zui lem lo. Thangtharte tan a chanchin hi “Thu ngaihnawm” a tling a ni.
Hei, a sulhnu ka nei thei hlauh mai a, a chhungten an phal chuan Nampong ‘Hell Gate” atanga Sipai raltlan an lo buaipui nasat zia rawn post ka tum ang. A medal dawn a ziah dan hi kan rawn zep tel zauh e. A chanchin hria chuan i thawh khawm teh ang u, Aizawl Thakthing Veng an nih kha!
“Inspector General-in ka chawlh phalna chu a tuk maiah a rawn thawn a, ka haw thei ta. Chutichuan Zoramah ka hna chu ka chhunzawm a, Vanlaiphai-ah ka awm a, ka nupui neih ni takin Helio message kaltlangin Bawrhsap hnen ata thu a lo thleng a. Bawrhsap chuan, “Kum 1943 New Year Honour List-ah Kaisar-I-Hind an pe che,” tih a lo ziak a. Ka pa Sainghinga’n Gazette-ah ‘Dr Thantluanga, Esquire’ tiin an chhuah che min ti bawk a.” tiin.
Similar Posts:
- Mizoram Taekwondo Team che tha.
- 14th National Jr Kickboxing Championship ah Mizo titha
- National Kick-boxing Championship-ah Mizoram aiawha kalte an che tha
- Taekwondo Championship wrap-up
- National Games ah Mizo che țha
June 9th, 2011 at 2:37 am
Ngaihthlak nawm dawn e
Report this comment
June 9th, 2011 at 2:46 am
Lalnu Ropuiliani chuan a chan ngam khawp ang le!
Ailawng-ah Pasaltha Khuangchera hriatrengna lungphun chu Brig Verma (Assam Rifles) hova sum senga neih tawh a ni a. Khuangchera kha Assam Rifles kuta thi tho chu a ni nain, khatih hun laia Assam Rifles kha Kumpinu hnuaia thawk an ni thung ni awma sawi a ni.
Nia le, khua-leh-tui tha nih mai bakah, hna thawk thate hian chawimawina ropui chu an phu chiang a ni.
Report this comment
June 9th, 2011 at 6:05 am
A va bengvarthlak ve aw.. A chhungte chuan an phal em em ang, lo post rawh. Kei pawh a chanchin ka hre ngai miah lo.
Report this comment
June 9th, 2011 at 6:20 am
Nakinah chipchiar takin ka chhiar ang.
Report this comment
June 9th, 2011 at 7:31 am
Beng a ti fuk khawp mai, a leh pek chu ka lo chang ran ang
Report this comment
June 9th, 2011 at 7:58 am
Tunlai chu mi(sual) a bengvarthlak thin khawp mai. Dr. Thantluanga chu ka lo la hre miah lo mai, a hming ang deuh hi chu ka hria
@lushai hian a post ngam lovang …..ngam ang…….ngam lovang
(zing kar karah ka mizia a chhuah thut chu 
)
Report this comment
June 9th, 2011 at 8:33 am
Medal chu a va tha ve aw…
Report this comment
June 9th, 2011 at 8:36 am
mihuaisen an chanchin pawh kan hriat lohva liamta mai hi engzat tak awm ang maw. A ngaihnawm hle mai. Mi huaisen te hi chu an lo va ropui tehlul em!
Report this comment
June 9th, 2011 at 8:41 am
Rawn ziak tha khawp mai. Ka la hriat ngai miah lo a ni.
Report this comment
June 9th, 2011 at 10:08 am
Ka bo ta map mai!! Nimin lamah mi ropui ‘mizo freedom fighters’ chachin kan chhiar a. Voinah a lehlampang ho ina chawimawina an hlan ‘mi ropuite’ te tho maw??
Report this comment
June 9th, 2011 at 10:26 am
Report this comment
June 9th, 2011 at 10:54 am
A nghahhlelhawm hle mai a, kan lo chang thap ang e
Report this comment
June 9th, 2011 at 1:01 pm
Ngaihnawm e. Dr Thantluanga hi Mission Veng-a Upa D. Thianga fapa kha em ni le? Ani kha Mizo Health Director hmasa ber a ni bawk. Kaisar-i-Hind hi Pi Zaii (Miss Katie Hughes) khan a dawng a. Ngaihsan tur a nih leh nih loh ka lo hre ngai lova. He post hian min tibengvar sawt mai. Hmabak khi kan lo thlir reng e.
Report this comment
June 9th, 2011 at 1:21 pm
A ngaihnawm dap dap ngei mai. Hetiang miropui hre lova ka lo awm veng veng chu le!!!!
Report this comment
June 9th, 2011 at 3:38 pm
#13, Post ka vil hman leh pek lo, ngaidam2 plz. Dr.Thantluanga hi i sawi khi a ni e……..A fate pawh IAS an awm kha, Mamit DC an tiin ka hria. Tin, pakhat pawh hi Tourism lamah a lal viau tawh ang (Jt. Dir).
Report this comment
June 9th, 2011 at 3:49 pm
@chawnghilh : Mahni ngam loh leh hneh loh tur do chuan awm zia a nei lo……….If you cannot win them, join them an ti a ni lawmni kha ?
Duh pawh ni ila Kaisar Medal hi Mizo zingah(hnamdang pawh) dawng an awm tawh dawn lova, a dawng chhunte hi kan hriat loha an thamral mai tur hi ka ui em a….chuvanga rawn post pawh ka ni e.
Report this comment
June 9th, 2011 at 3:57 pm
Thakthing veng kan ti ringawt tak a, Mission Veng tih tur te pawh a lo ni mai thei. Book Room kan pelh thlak khian Thakthing Veng a intan mai khan ka lo hre thin a, sawi chiang thei in awm em?
Report this comment
June 9th, 2011 at 4:04 pm
Dr Thantluanga te in bawr tak hi chu mihlui deuh phei kha chuan “Mission Compound” an ti deuh kher thin. An kawm thlanga Thakthing Bazar kan tih bulah hian gate a awm thin a. A pa kha mission hnuaia thawk hmasa a nih avangin he laiah hian hmun an nei a ni ang. Mission Veng chin leh Thakthing Veng chin hi kawngpui hian a thliar fel angreng. Mahse, Thakthing Bazar kan tih mauh avang hian Thakthing tih ve mai chu awl tak a ni. Hman lai chuan Mission Veng hi Mission hnuaia thawkte awmna Veng a ni a, Thakthing Veng hi sawrkar hnathawk Rahsi awmna a ni a. An Mission Veng lamah Pathian hla an sak laiin Rahsi Veng/Thakthing Veng lamah chuan zu hmun zai pawh an sa rei viau – an ti.
Report this comment
June 9th, 2011 at 4:26 pm
#18, Thakthing Bazaar ti tawh lovin Mission Veng Bazaar tih tawh tur anih chu!
Report this comment
June 10th, 2011 at 12:29 am
Ti tha hle mai. Kan hnam mi hlu te, mi tam zawkin kan hriat loh te dik taka pho langtute pawh hi hnam tan chuan in hlu hle mai.
God Bless.
Pu Rokunga te, Pu Vanmawia te, Pu Laldenga te, Zikpuii Pa (Pu KC Lalvunga) etc. etc. hnam tan an va hlu tak em. Hai re hai…
Report this comment
June 10th, 2011 at 10:46 am
Mizo te in chawimawina lawmman sang ‘NOPUI’ kha tunlai a hlutna nei phaka khawpin Mizoram Sorkar hian chawinung leh se a va tha awm ve. Chanchinbu pakhat siam hi chu a hlu tak tak lovang, or, Mizo te thinlungah a tla na tak tak lovang.
Report this comment