Hnathawh tur hi Mizoramah hian a vang tak tak em ni?
Post Graduate meuh zo tawh hian,”Hna hi a awm thlawt lo a ni, khalamah hnathawh tur minlo zawn teh” a rawn ti a.
“Vawi engzat nge interview i hmachhawn tawh, eng hna nge i apply ve tawh a?”, ka ti a.
“Hetah chuan hna dilin awmzia a nei lo, tihpuitu ka nei ve hlei nem. Dil mah i la ka hmu chuang lo vang”
“Vawi engzat nge interview i hmachhawn tawh ka tia lawm?”, ka han ti leh hram a.
“Hna dil chuan ka la interview lo” tiin min chhang dul ta raih a.
A ni dawn tak e. Kan ramah hian hna hi a vang em a; hna zawng tur leh dil tur pawhin opportunities (chhum thim piah lama kawl eng) kan hmu pha ta lo niin a lang. Hetiang mi hi kan tam tawh lutuk a. Kal ngaihna hre lo, sawrkar nge dem tur mi thil ti thei tih pawh hre hrang thiam hlei thei tawh lo kan kat nuk ta ni mai hian ka hria a.
Kei pawhin tunge dem tur ka hre chuang bik hauh lo. Amaherawhchu, “Khawnge ke kan pen ve phawt anga, kawng laka hling leh kangthai te chu ka han hmachhawn teh ang” ti ngam thalai kan awm ta lo hi chuan kan zirna inpui (education system) leh sawrkhar ka dem rual rualin Siamtu in a duh leh duat taka Amah anga a siam, chhia leh tha hriatna a peka te hian kal ngaihna kan hre lo hi chu Keimahni hi ka indem lo thei lo a ni.
Ka thalai pui tam tak ten a, hna avang, engmah beisei a awm lo ti a mahni in kila an tawm thap mai han hmuh hi chuan ka thin hi a khei thin mang e. Eng hna nge thawh tuma i beih ve tawh? Eng thiamna nge zir chhuaka kan inhriat a mi kuta kan la innghah tlat a, kan politician te kan lo dem ve em em ngawt zel le aw! tih hi ka ngaihtuah thin.
(He post hi abridged version a nia. Keima ziah tho ka siam danglam hret a ni e!)
Similar Posts:
- Lawmthu sawi tur kan ni
- Peih ta hrim hrim chu
- MZU LDC post chungchanga buaina
- Facebook chungchang ah min lo pui teh u?
- netraja.org hi lo tlawh ve chin rawh
September 10th, 2010 at 9:04 pm
“Ka thalai pui tam tak ten a, hna avang, engmah beisei a awm lo ti a mahni in kila an tawm thap mai han hmuh hi chuan ka thin hi a khei thin mang e.”
A ni khop mai , hna hi a vang miah lo , Bible ah pawh zawng rawh u tichuan in hmu ang ” tih ziak a ni.
Mumbai a pa pakhat phei chu thlatin deuhtho a company a thlak ziah thin ania. Private or Government engpawh eizawna tur ani phawt chuan hna chua a ni vek a.Kan tana tha tur leh kan phaktawk kan hriata, kan zawn peih bawh chuan kar tin hnathawhna thlak thei khop in hna a tam.
Report this comment
September 10th, 2010 at 9:07 pm
Sawi loh ka tum zet a; mahse, ka rilru ka thlak teh ang. Nia, hna chu zawng zel teh ang u. Kan hmu em em ang.
He he
Report this comment
September 10th, 2010 at 9:34 pm
Kei pawh fapa hna zawng mek ka la nei, a buaithlak khawp mai. Hna chu a awm nual, mahse a qualification requirement te a then chu a lo sang lutuk a,tin thiam tak tak tur chuan kan taima tawk lo bawk ni in a alang. ‘A awm awm thawh’ tih ngawt pawh hi,chhungkaw pa ber tan chuan fa te thawh atan chuan kan iai deuh chu anih hi. Officer te nau deuh tal thawk se kan duh ve a. Dik tak chuan mahni duh zawng pawh lei ngam lovin lehkha kan in zir tir ve chu ania, in hlawhfa tur ngawt chuan kan tha chu a na deuh anih hi.
Report this comment
September 10th, 2010 at 10:40 pm
Read my comment #27 also :cool: Engavang a hna hi awm lo nge a nih? Hna hi kan zawng tak tak lo em ni? A solution lam kan la hnaih lo tlat mai. Tan la leh teh ang u!
Kuthnathawh ka rawn tihna chhan ber hi chu, enghna pawh thawk dawn i la, kut hna kan thawk dawn tih hi hria i la. Chuti chuan kuthnathawh hi kan hnualsuat lo deuh ang.
Sawrkar hnathawk hi Mizoramah kan 6th pay arrears atang khan en ta i la, (an tam leh tam loh ka sawi dawn lo) Cr 5000 chuang teh meuh zuk disbursed dawn a! Kum khat budget a, 2000Cr vel nei awrh in arrears ringawt khi ti zat disbursed tur kan neih chuan hnathawk te hlawh chan tur, kan budget atangin alang sa reng mai a.
Sawrkar hnathawk tih pun lam hi chu ka support lo ve khawp mai! Education leh IT Dept lam tih loh hi chuan ti lian tawh lo se, scope fel tak nei zawk se la…. helam chu dah th arih ang….
Kuthnathawh ah bawk lut leh ang aw….. Sairang rel kawng kan ti, Koladan Multi Modal Project kan ti, Tiau International Trade Center kan ti…. hetiang chhawr tangkai pha tur kut hna thawk tur hian Myanmar lam leh Cachar Dist lam ah kan innghat dawn em ni? Engin nge ka sum dawn ve ang a, eng angin nge hma kan lak ang tih lam ai chuan office thut hna ringawt kan lo buai pui hi i sim tawh ang u!!!
Sawrkar in a lei dawn vanga thlai chin kan uar te, NLUP avanga trade loh theih loh a hmangaih vang ni lo a kan han thlang leh tur te hi ngaihtuah i la.
More than 70% hi chuan kut hna ah tho tho kan in based a ngai! I hrechiang nawn leh ang u.
A hlawk thlawt lo. Mahse, engtin ng e a lo hlawk ang a, engtin nge hma kan sawn pui ang tih lam hi i khel ve chhin teh ang uuuuuu
Report this comment
September 10th, 2010 at 10:43 pm
Sorkar hnathawk hlawh la ai chuan, lonei buhseng hi an hlimna a sang zawk hian ka ring thin..
Ka lawm em em e.
Report this comment
September 11th, 2010 at 12:32 am
Sawrkar dem ringawt pawh hi a dik lo.Zawn chuan hna chu a awm mai,a tha emaw a chhia emaw.Taimak leh tumruh a pawimawh…Hman deuha pawl pakhat rawn ding ve AMGUA an ti emi,kha’ng te kha ka ngaihnep zawng tak,la awm tak maw
Report this comment
September 11th, 2010 at 4:29 am
Comment ka chhiar nual, sony hi ka thlawp khawp mai. Tanpuitu neih that vang a mahni ai a thiam te kal pel a sorkar hna hmu hi kan tam em a nih hi. Sorkar hna thawkho hlawh tam zia leh a thawk ve lo te hlawh tlem zia hi fair lo tak hi a ni ringawt. Kapa ngei pawh sorkar hnathawk a ni a, tunah hian a hlawh a let vel ( a let ai a tlem hret nge tam hret ka hrechiang ta lo) in a pung tih min hrilh chiah chuh..sorkar hna nei ve lo te chan hniam si zia ka ngaihtuah in kan ram kalphung hian ka thin a ti rim hluah hluah!!!! Lehkha thiam tak ni mah la tihpuitu i neih tlat si loh chuan sorkar hna hmuh chu thil har tawp khawk a ni. Sorkar hna a nih tawh phawt chuan eng ang a hna hniam (i ti mai ang
) pawh ni se minister an in rawlh duh zel si.
mahse a pa in thil a ti thei tlat.
Hei hian kan ram kalphung dik loh zia a ti lang chiang em em. Ka thiannu ngei college kan kal lai a cl-x pass thei lo, open a kal tauh tauh khan tunah chuan office hna tha tak hmu in hlawh tha tak a hmu tawh. Ka thiannu a ni na in a ni ai a he hna hi hmuh phu zawk an tam zia ka hre tho si
Tin, “Hna hmu tur chuan mi te ai a thiam chungchuang nih a ngai a, chumi ni thei tur chuan lehkha zir that mai tur” ti te pawh kan awm thin. Mihring te hi talent chi hrang hrang nei kan ni a, lehkha zir lam ti thei thlawt lo hi an tam asin. Chutih rual chuan chance nei ve in an talent neih te hmanna remchang hmu ve se, an thawh mil in hlawh hmu ve thei se mi hlawhtling tak tak tur an tam mai.
Tin, mizo kan thatchhiat zia leh kut hnathawh kan peih loh zia hi sawi a ni fo. Mahse ngun tak in in chhut ngai em? Nileng a patling hlawh in sa kg 1 a lei zo lo a ni lawm ni? Engvanginnge mi in sorkar hna a neih vang mai a a thawk tha emaw tha lo emaw thlatin hlawh tamtak a neih bik? A va fair lo vin a va lungchhiat thlak em !! Tih tak emah chuan kut hnathawk te hian darkarkhatah cheng 30-50 tal te hlawh ve thei se tun a thalai hnathawk peih lo kan tih tamtak te hi an thawh suau suau dawn tih hi a lang reng mai. Pa pakhat in “Tunah hian entirnan sawhthing hi kg-ah cheng 50/- in a hralh theih dawn tih hre ta i la, tun a In a awm mai mai ho hian sawhthing hmun siam in hna an thawk suau suau ang” a ti.
Tin,” Thei huan siam te, Dil siam te, ranvulh te etc, a bul tan mai tur a lawm” i ti a ni mai thei. Hei pawh hi thil awlai a ni miah lo. Nitin a eichawp a in hlawh chungin bul tan ngawt hi thil theih loh tluk a ni. Huan siam a bul i tan dawn a nih chuan ram i neih lawk bakah hun tam tak i sen a ngai phawt mai. Tin, ran i vulh dawn a nih pawh in ran In tur leh a leina tur i neih a ngai,etc,etc..
Kut hnathawk lo va awm theih vang a ngaihtuah chiang lo va “thatchhia” in tih leh ringawt thin te hi dik lo.
Nilengin ni sa hnuaiah inhlawh mah la cheng 150/- ?? vel em ni i hlawh ang. Kan hun leh tha sen hi kan nileng hlawh hian a mil ngang lo va, hei hian min ti thatchhia a, mi tam tak chuan nisa hnuai a nileng a chau hnep a, hlawh tlem te hlawh ai chuan, an chhungkaw member zingah sorkar hna thawk pakhat emaw, kut hnathawk lo va hlawh hmuhna nei an awm a nih chuan, chumi ring chuan engmah ti lo vin an awm ta dual dual ni in a lang. Kut hnathawk a nitin a inhlawh thin ho hi chu chhungkua a sorkar hnatawk awm ve lo, loh theih lo va in hlawh an ni tlangpui ang.
Thawmhnaw man lah chu a han to em em khawp. Thil reng reng hi a in balance lo kual vel vek mai a nih hi. Sap thalai te hi mizo thalai ai a an taimakna a awm lo. Pawisa an mamawh a, an phu tawk hlawh an hmuh theih vang in hna an thawk peih a nih hi. “Sapramah chuan thil man a to thung a lawm” kan ti leh ngawt thin. Mizo nula pakhat nileng in va in hlawh se, kawr pakhat leina a daih em? Sapramah sap nula nilengin va in hlawh se, thawmhnaw tha tawk tak pahnih pathum a lei thei nghal. Kan ramah hian nikhat hah tak a in hlawh in kawr pahnih pathum lei ve theih ni se, thalai hnathawk lo va In a awm kan awm meuh lovang.
Sorkar hna neih miau si loh chuan tihngaihna chu a awm der chuang si lo va, sorkar hna nei ve si lo leh sumdawnna tha nei ve si lo te tan chuan hlawh tlem te a in hlawh reng mai loh chu kawng dang a vang khawp. Mahse kei chuan nileng a hah tak a hlawhtlem te hlawh tur a chhuak peih lo ho hi ka dem ve reng reng lo. Kei ngei pawn ka peih dawn lo tih ka hriat chian avangin.
Obs! kan comment duah chu, chhiar pawh ka chhiar nawn hman tawh lo..
Report this comment
September 11th, 2010 at 4:42 am
elc* aha
Report this comment
September 11th, 2010 at 4:50 am
Tunah hian India ram puma zirtirtu indaihloh na ringawt hi (hna dang sawi tello pawhin) 1.2 million vel ani
Report this comment
September 11th, 2010 at 4:50 am
comment a nih chuan tawi te, OK
Report this comment
September 11th, 2010 at 4:57 am
Sawrkar hna chauh ani hleinem induhsakna techu, hman deuh Synod higher a thawk tur pawhin, written a pakhatna la lovin Synod pastor teho ministry lam atanga lo bei tu emawni kha an la daih an tih kha
Kan Synod tehi na thianghlim bik ania… LOL :lol:
Report this comment
September 11th, 2010 at 5:08 am
@ funny va hre mak te deih ve…!! Politics hi zawng a in rawlh thuk teh e..ti rawh maw!
Report this comment
September 11th, 2010 at 5:16 am
Dawt
Report this comment
September 11th, 2010 at 7:44 am
@elcee
I comment a ngaihnawm khawp mai. Midang comment pawh. Engtinnge hna thawh tur tam tak si hi, hnathawk lo awm mai mai ho thawh theih tura kan ruahman pui ang. Kawnhg kawhmuhtu kan awm a ngai ani. Tunge chu hna chu thawk ang ?
Private lam lo sawi ta ila – Employer ni a mumal taka an hnuaia thawk an rawih te hlawh pe ho hi, sawrkar hian Duty Draw Back ang chi deuh hian incentive pe sela. Tichuan kan Industrial policy te hi thlak in Dan thar siam ila, Mizoram mi diktak mi regular 100 a emploment a pek theih chuan Industry a din phalsak ila, chutiang zelin incentive pek dan tur hi sawrkarin duang sela. (Tuna kan Industrial Policy ah hi chuan 49:51 Investor:Mizoram) an ani. Tumah an lolut duh lo anih hi.
Hna a tam kan han tawngpawng tih ngawt thina Organised deuh hi chuan a tam lo hle ani. Temporary job hi chu a awm nual thung. Taima tan chuan kawng a awm kan han tawngpawng tih leh ngawt thina, tuna comment tu tamtak pawh hian Aizawlah hian rawn zawng chiah teh u, Placement Agency an awm silo, advertisement a chhuak a tlem si, rinaiin in bo ve map map mai ang. Chutih rualin Bike khalh thei delivery ti tur advertise awm sela mi 200 velin an dil ngei ngei.
Angaihna hria han pen chhuak teh u, tanpui ngaiin hna neilo ten min au anih hi
Report this comment
September 11th, 2010 at 9:10 am
elcee comment ka duh tawp! Mzvision, nia armchair activist ni mai lo hian, a taka pen chhuak tur kan mamawh anih hi!
Report this comment
September 11th, 2010 at 9:48 am
@elcee: I rawn ti lawmawm hle mai! Tan kan lak nasat a ngai a ni. I thuziah te a pawmawm khawp mai, mahse nguntaka chhut a ziah chhuah aiin rilru a lo pai sa, rawn irh chhuak a ang tlat…. logical thinking a ang lo
NOI
Sawrkar hnathawk han tih hian, a chunga ka sawi tawh ang khian hna kan inchan si lo va. Productivity a san belh loh mai bakah development na tur sum an eiral hnem ting mai si a.
Anna khat an hlawh lai pawh in an in chawm zo tho mai. Mahni inchawm zo lo, khawtlang in in an sak sak ang chi kha chu khawtinah an tlem khawp a sin. Kut hnathawh hi hlawkna teh hluai ni rih lo mahse, inchawm zawh ve tawk tawkna a ni.
Engmah tih loh ai chuan a tha.
Kan sawi mawi lawk a nih chu…
Report this comment
September 11th, 2010 at 11:24 am
Pu vaiva thlir dan hi ka tawmpui khawp mai. Tin, elcee thlir dan pawh hi a thlirna ki-ah chuan dik leh viau bawk. Ram hnuk tling thu post a ni a, sir hrang2 atanga thlir a tul hle reng a ni.
Ni e, sorkar hian, political appointment emaw hleihluaka induhsakna appointment pe lovin, a tling, a thiam leh a tlak chauh pawh la ta se, lehkhathiamte hi a la seng dawn chuanglo. Pension lah an tlem si, vanduaithlak taka thite hmun ruak luahkhah zel pawh ni se; lehkhathiam kum tina lo pung chho zel hi chhawr vek sen an ni ngai dawnin a langlo.
Hengte hi nguntaka ngaihtuah chungin eng hna ‘ EIZAWNNA’ nge ka thawh ang ? Engtinnge ka thawh ang ? Eng hlawkna leh harsatna nge awm thei? Chung chu engtinnge ka sut ang ? Kan thiamnate chu heng hun a tana hman tur hi a ni dawn lawm ni? ENGTINNGE KAN TIH ANG LE ? Kan education system atangin tan a ngai ang…tun mai(the hour) a tan chuan Moral reform emaw revive a tulin ka hria. Duh aiin a lo thui awl a!
Report this comment
September 12th, 2010 at 2:03 am
@vaiva! Nia,ka pai sa reng a nia, ka han puakchhuak chiam pek a nih hi, min lo chhiar sak in awm nual tih ka hriat in ka thaw huai nghe nghe
Teak te hi europe-ah te hian a thing a chan that avangin Lawng (boat) siam nan ber a an hman a ni a, a to phian lehnghal a ni awm e. Europe lam a export theih tur in kan bei chiam dawn em ni?
Pu Mza te ho khan lo ngaihtuah teh u!
Chittagong hi Mizoram atang chuan Lawngchawlhna hmun pui hnai ber a ni a, Chitagong hi khawvel ram hrang hrang a Lawng lian pui pui in a tlawh reng si a. Mizoram atanga Chittagong kalna kawng leh dan hi thil harsa a ni em? Central sorkar ve ve in an rem tih hmasak ngei a ngai phawt dawn a, chu mi tur chuan nawr a harsa viau em? a hmun a thu ho khan lo ngaihven deuh thei ula, thahnem in ngai tak tak a nih chuan
Report this comment
September 12th, 2010 at 10:36 am
@elcee
Hei Chhitagong chu hnaih mah ila India nen hian relation a tha lo nge Burma lam Akyab port lampang Mizoram lawngtlai atanga pan tur in kan inruahman ruih mai mawle.
Export business hi thil awlai lo tak ania, mi hrat deuh ka neih chu a ngai khawp. Mahse Export Import luhchilh hi chu an chhuak leh duh mang mang lo anih hi.
I duh ang tlin tur hian hmalak ka va chak em
Report this comment
September 12th, 2010 at 10:48 am
@elcee: Pu mza sawi ang deuh hian Bangladesh lam hi chu kum kha leh chen kha a dawr hlawhchham tawh a. Sittwe port lam hi i melh rih phawt ang aw! 2014 ah chuan kawng a inhawng ngei ang le.
Report this comment
September 12th, 2010 at 3:22 pm
Ok! Ka thil hriat loh lam tak a ni. Eng ang in nge, eng chen nge an in dawr Bangladesh nen chuan? Enganga ngawrh in nge an beih, “Hlawhchham” tih ngawt mai hi enge a chhan? Hlawhchham lo va dawr dan a awm lo maw? A hre deuh khan han sawi zel teh u
Post thar han siam nghe nghe u la hre deuh deuh an lo awm leh mai ka ring.
Akyab port chu a hla lutuk deuh ka ti. A kalkawng ringawtah pawh sum tamtak a ral nghal ringawt awm si a. Chhitagong erawh chu Silchar distance ang vel lek a ni a, theihtawp a harsa chung chung pawh a beih vak a phu ka ti Mizoram tan chuan. Sawi tawh ang in hetiang lam hi hre lo tak ka ni a, an in dawr dan vel leh enge an hlawhchham chhan tih vel ka hre chak hle mai.
Report this comment
September 12th, 2010 at 3:40 pm
@elcee
Bangladesh leh India hi Level hrang hrangin an indawr tawh. Europe ram ang nise Shillong atangin Syhlet ah chumi zawhah Dacca dawt lehah Kolkata. Hetiang bawk hian Agartala dai mai khu Bangladesh Rel kalna ani Dacca khu 3 hrs drive vel chauh, kan Bengali unau te pawhin an sutlang zo lo.
Karimganj atang khuan Syhlet chu darkar khat tlan chauh ani bawk. Tunhma chuan Rel pawh an inkal pawh thi ani awme.
Bangladesh hi Mizoram chhim thlang tawp Parva atang chuan hnaite ani tawh darkar 3 tlan bak ani lovang. He International road hi lai dawn ta se Bangladesh lamin nge duhlo ang keini Zofate hian tih chhut tham khawp ang.
Mizoram atang pawh hian Bangladesh nen in sumdawn tawnna tur hian Tlabungah India lam chuan hma an la tak naa, Bangladesh lam hian a chhawn duh tlat rih lo ani. Kan inpawh lutuk anga anmahni hi ral an lhau nge mak ve deuh chu ani.
Tuna hmalakna mek hi India sawrkar decision anih avangin phur takin i zui phawt mai ang u keini misual ho hian
Report this comment
September 12th, 2010 at 4:11 pm
@elcee: Hetah hian lo chhiar chhin ta che kimchang lo viau mah se… Relkawng leh Sittwe port chungchanga ka comment leh midang comment te
Report this comment
September 12th, 2010 at 7:07 pm
Mz leh Vaiva! Ka lawm lutuk e.
Hetiang tehnuaih hi a lo ni maw!
Vaiva link dah ka chhiar thuak, ka zin tur ka chhuak tep a comment vel ka chhiar hman rih lo, ka haw veleh a bul atangin ka chhiar tha leh ang a, a bul atangin ka rawn tan tha leh ang
Report this comment
September 12th, 2010 at 9:06 pm
Welcome. Nangmah vangin ka komment hlui ka chhiar leh veks, paih tur ka hre lo belh tur erawh ka hre maithei
Report this comment