February, 2013 | mi(sual).com

Archive for February, 2013

2011 khan Mizoramah Hmeichhe Police tumah an awmlo???

Thursday, February 28th, 2013

In lo hriat tawh chuan min lo hrethiam u la, mahse he thu hi ka hre ve chiah a, mak hi ka ti khawp mai. Kum 2011 chhung khan Mizoram Police ah hmeichhia tumah an awmlo a ni awm e!!!

Article a a in ziah dan chuan kum 2010 khan Mizoram Police ah hmeichhia 537 an awm a, mahse 2011 ah chuan tumah an awmlo a in ti. Hmeichhe police 537 te chuan banna an thehlut vek chu a ni awm si lova, lo nilo ta sela kan Police lam atangin hemi chungchang sawifiahna a awmlo nge, record tu te hian an ti sual nge, Outlook ho hian thu chiang an hriat theihloh avangin ti hian an rawn report ve tawp? Headline ah te an la hmang phei phei zui.

OUTLOOK: Mizoram Didn’t Have a Single Woman Cop in 2011: Govt

Mizoram did not have a single woman in its police force in 2011 while Maharashtra and Tamil Nadu have the highest number of women in police ranks in the country, according to government statistics.

Out of the total 16.60 lakh police personnel in the country in 2011, 93,887 were women accounting for 13.3 per cent, Minister of State for Home Affairs Mullapally Ramachandran said in a written reply in Rajya Sabha today.

(more…)

Posted in Mizoram | 22 Comments »

Zu nge Zawngtah

Thursday, February 28th, 2013

Zu in leh zawngtah ei hi chu thil inang deuh ania aw.

A tawk chiah a kan lem chuan zu leh zawngtah hian chaw ei an ti tui lutuk a, mahse a tawk chiah hi hriat a har em mai pawh a.

Tam lutuk ei chuan zawngtah hian pum lam ah hna a thawk hmasa ber ang chiah hian, zu pawh hian pum ah a thawk a, a tam lutuk chin ah chuan chhuahna bawk ania zawngtah ang thoin a zawn ni. Pakhat in hnuailam a pan a, pakhat in chunglam.

A tuina pawh fuh tawh laklawh chuan, engzat pawhin, an ngam nia mawle. A van poh leh a nei awmchhun chuan an la intihtheih pui em em zel.

Kan lem tam emaw tam lo emaw bul ami te hian a rim hi an lo hre ve tho tho nia, a tam leh tlem lam ai mah chuan a rim hi ani midang in an hriat hmasak fo thin zawk chu.

Posted in HAHAHA | 18 Comments »

Chalfilh Bial Bye Election vote chhiar a ni dawn ta!

Thursday, February 28th, 2013

28.2.2013: Kumin thil thlenga ngaihven hlawh bera ngaih, Chalfilh Constituency Bye Election result chu vawiinah a hriat theih dawn ta! Zing dar 8 atangin Aijal Club-ah vote hi chhiar a ni dawn a, chhun dar 12 velah Chalfilh Bial MLA thar hriat theih beisei a ni.

Kan hriat theuh angin, Chalfilh Bial MLA nih tuma candidate hi mi 7 lai an awm a. Chu’ngte chu — INC Candidate Pu Ngurdingliana te, MNF Candidate Pu Lalvenhima Hmar te, ZNP Candidate Pu C. Lalchhandama te, MPC Candidate Pu Lalhmangaiha Sailo te, BJP Candidate Pu C. Ramkinlova te, LJP Candidate Pu DK Thanga leh Independent Candidate Pu R. Lalrohlua te an ni.

Vote chhiarnaah ka awm dawn a, a theih chuan a theih ang anga rawn update ka tum ang a, admin-te pawhin post lamah min lo suanluhsak nghal zel a ni ang chu.

VOTE TLAK DAN TUR:

Tun bak hi result hriat hmain rinthu sawina hun a awm dawn si lo va, rinthu han sawi ta mai mai ila. Khua, vote tla zat leh chak tura ka rinte han dah ta mai mai ila.
(more…)

Posted in Mizoram, News, Politics, POLL | 30 Comments »

Thingtlang nun.

Thursday, February 28th, 2013

Thingtlang nun hian hahdamna deuh a nei a. Tualchhung ami te hi an in hre pawh vek zel mai a, an bai chhuan liam thleng pawh hian; chawhmeh insuah sak te pawh hi nunphungin a ken tel a ni. He thlalak hi kum 3 vel lek kal ta a lak a ni a. Khaw pakhat a tlai, zanriah kil hma a naupang ho hun hman thin dan a ni e.

Titi thiam deuh chu ni ila, ka han sawi zui teuh tur hi a ni a. Titi thiam loh luatah a picture chinah hian kei chuan kan duhtawk phawt mai ang e.

Bonus pic: (Nizan, 2013 february, thlabial zan zet kha chu aw…)

Posted in Lifestyle, Mizo Society & Culture, Mizoram, Pictures | 22 Comments »

Hranghlui Chanchin Ropui/Biru Thenkhat Hailan Tumna ! (Chhunzawmna)

Wednesday, February 27th, 2013

III. F.Challianngura :- Heta Mizo pa danglam chanchin hi Pu Ch.Aikima’n M.U.P Tlangau September leh October 1994 a chhuah kan hmuh ani a. Hetih lai hian amah chu tar chau tak leh rethei tak ni tawhin, a chanchin pawh hi overseer Lalhleia ziak sak niin a sawi a.

Mizo zing a India zalenna sualtu zing a tel ve chhun leh Delhi-ah Mahatma Ghandhi nen pawh lo inhre ve phak a, thil tam tak lo sawipui ve angin tarlan ani a. Pu Aikima bawk hian chutiang Mizo fa te lo awm ve si, tuma bengkhawn a hlawhlo a vuipui thu pawh kan hmu a.

F.Challianngura hi 1936 lama Silchar thlengthla, chutih lai Bengali Dawkai lianber pawl Gopal Chandra Naha te hnena thawk ta ani. Zalenna sual tura Congress in beihpui an thlak laiin, a pu. Sailen Naha chu an hruaitu ber pakhat a ni a. An campaigna hmun tin a zui vein amah pawh Congress member a ni ve awm e.

Chutih lai vek chuan Hailakandia Jamindar lian leh Sawrkar ukil ber ni bawk Hem Chakravarty chu Sawrkar lamah tanngin a khua-leh-tui (a estate luahtu) te nen an lo buai chho zual ta zel a, Congress mipuiin luhchilh hial an tum hian Hailakandia Congress hotute chuan Pu Sailen Naha leh a Mizo tlangval chu an va chah ta ani.

(more…)

Posted in Copy Paste, Mizo Society & Culture | 9 Comments »

Kangṭhelh motor hrang hrang

Wednesday, February 27th, 2013

“Kangṭhelh motor” han tih ngawt hi chuan Mizoram a kawk deuh bikin ka hria. Engpawh nise, Fire & Rescue motor-te hi chi hrang hrang an awm a, kangṭhelh tur bik deuh a duan an awm laiin, kangmei chauh nilo, damlo leh thil chi hrang hrang a ṭanpui ngaite ṭanpuina hmanraw chi hrang hrang an ni ber zawk awm e.

Mi ṭanpuina atan a an hmanraw chi hrang hrang hmang tur chuan lirthei a pawimawh hle a, an motor ruangam (design) a zirin hmanna tur a hrang ṭheuh bawk awm e. Tlem azawng han tarlang ila:

Hetiang truck hi “Rescue Squad” an ti a, emergency-ah chuan chumi hmun thleng hmasa chu an ni ṭhin. Truck hian tui (water) a pai ve lova, inchhanchhuahna tur hmanraw chi hrang hrang a pai hnem em em thung. Mi pathum an chuang ber a, chumite chu fire fighter, rescue/hazardous materials tech’ leh medical lam train tawh an ni:

(more…)

Posted in Information, Pictures | 29 Comments »

Thlawhtheihna

Wednesday, February 27th, 2013

(‘Panlai Nun i ti chhen a’ min tih takin, ti hian ziak tan pawp te’ng.. Tin, thlalakna lian chi ka neih ve loh avangin, thlalak a fiah lem lo khawp mai. Tarmit vuahin lo thlir ve tawh mai r’u.. )

Thingtlang khawhar
Kan venga khawl ri thei awm chhun kha Buh-her-khawl a ni mai a. Zing kar leh tlai ninemah buh an her thin avangin khuaah thawm a siam ve a, khawhar a hnem ve thei viau. Hetiang a nih avangin, fehrehsan a’n thlen meuh chuan, khawchhung chu a reh vawng vawng a. Ralkhata arpui tui lai kawkawdak lauh lauh leh veng tawntirha sikul naupang thawm tih loh chu thawm dang reng hriat tur a awm ngai lo.

Helikawptarrr
Eng ti tura rawn thlawk ve ringawt thin nge an nih kan hre hauh lo va, tute nge chuang tih phei chu kan hre lo leh zual. Amarawhchu, helikawptar rum vang vang kan hriat erawhin kan awm hle hle thei ngailo. Vanneihthlak takin, chawhma chawlhlawk laia Lunglei lam atanga helikawptar rawn ri vung vung kan han hriat phei chuan, hmanhmawh baklengin kan veng tlangchhipa khelmual kan neih chhun lam chu thlantla leh thaw hlawp hlawpin kan han thleng a. Kan chet ran deuh tumin, helikawptar chu kan thlir vauh vauh hman thin. Mual kan thlen vel leha Lungsen lam pana a thlawk liam tur kan han hmu hman tawk thin kha chu a beidawnthlak thin a sin.

Churukut!
Helikawptar a rawn thlawh tawh hi chuan, kan venga pavalai ka nel tak hian ka tawngfiah hmaa ka au dan a zir thin a. Ka zak ve thin khawp mai. Helikawptar ka hmuh apiangin, thlawhtheihna, Churukut min rawn hawn rawh ka ti thin a ni awm e. Churukut kha enge a nih pawh tun thlengin ka la hre bik chuang lo!
(more…)

Posted in Event, Luangliam, Pictures | 13 Comments »

Mizo rubotu MSU-in a dem

Tuesday, February 26th, 2013

26.2.2013: Mizo Students’ Union (MSU) chuan vawiin khan thuchhuah siamin, Western Development Liberation Front of Mizoram intite’n Ni 19.02.2013-a Mizoram Forest Department hnuaia hnathawk mi panga — Nelson Vanlalruatkima, Lalrinmawia, Vanlalfaka Reang, Lalsangmawia leh Lalliansanga an rubo leh anmahni tlan nana cheng nuai 100 an phut chu an dem takzet thu an tarlang a, he thila mawhphurtute hian sum leh pai phut lo leh intiamkamna awm lova a rang thei ang bera an mi man te chhuah turin MSU chuan a phut thu an tarlang bawk.

MSU chuan WDLFM intite hi National Liberation Front of Tripura (NLFT) hnuaia mi, Tuikuk helte an ni ngeiah a ngai a, hetianga Mizo mipuite tana harsatna an siam fo hi MSU chuan a dem takzet a ni. Heng an mi rukbote chhanchhuak tur hian Mizoram sawrkarin theihtawp a chhuah avangin MSU chuan Mizoram sawrkar chungah lawmthu a sawi a, chutih rual chuan rukbote dam taka an lo chhuah vat theih nan tun aia nasa lehzuala tha leh zung, ngaihtuahna seng turin MSU chuan Mizoram sawrkar a phut takzet a, tin, an mi mante tlan chhuah nana cheng nuai 100 an phut mek hi engti kawng maha pe lo turin MSU chuan sawrkar a ngen bawk a ni, tiin an tarlang.

He thil thleng hi MSU chuan lungchhiatthlak a ti takzet a, Mizo mipuite kan leilungah ngei pawh kan him lo ta fo mai hi pawi a tiin enliam leh ngaihthah mai chi-ah a ngai lo takzet a ni. WDLFM intite’n an thil phut a hlawhtling lo a nih chuan an mi mante thaha an vau pawh hi MSU chuan a hrethiam lo va, heng tuna an mi mante hi pakhat pawh hel kut tuara an boral a nih chuan MSU-in a tul angin hma a la ve nghal ang tih hi WDLFM intite hian lo hria se MSU chuan a duh a ni, tiin an tarlang bawk a ni.

Posted in Mizoram, News | 14 Comments »

Delhi ah Mizoram House thar

Tuesday, February 26th, 2013

via Dipr

New Delhi a cham mek Chief Minister Pu Lal Thanhawla chuan nimin tlai khan New Delhi Chanakyapuri a Mizoram House sak thar, Rs. 20.65 Crore senga sak chu a hawng.

Mizoram House sak thar hi Mizopa chhiara chhawng 4 niin, basement a awm bawk a. Mi 39 thlen theihna tur niin, VVIP leh VIP te tan bakah Resident Commissioner Office atana ruahman a ni a, staff quarters leh dormitory a awmlo a ni.

A building hi RCC frame structure a ni a, kawngkhar te hi electronic card lock system vuah vek a ni a, tukverhte hi alluminium glazing frame vuah vek a ni bawk a. VVIP leh VIP room chhuatte pawh Italian marble leh hard wood flooring hman a niin, guest room ah laminated wood flooring hman a ni bawk a ni.

(more…)

Posted in Information | 30 Comments »

Durtlang kham a kang

Tuesday, February 26th, 2013

Nimin tlai lam khan Durtlang kham ah kangmei nasa tak a chhuak a , Benjamin Ruala te in pawh a kangkai pha tep a mahse vanneihthlak takin an thelh hman a ni awm e!
Pics- Bena