Naupan lai atanga fingvar pawl leh lehkhathiam, khawtlang hruaitu ten in talent avanga an hual ruk in ni a. Zirna tha dawngin Engineer in han ni ngei a. In hmel a that loh pawhin hming bula Er. in dah vang ringawtin nula ten in nupui nih an chak nghal a, nu ten makpa atan an it che u a sin!
Tichuan sorkar hna in han thawk a. JE lek in nih lai pawhin Kohhranin Krismas thawhlawmah cheng sang chunglam an han tuk nghal luah che u a. Kohhran Nuho sangha zuarin Kg 3 lei torah an ngai che u a. YMA in inhlawhna pe thei turah an ngai che u a. A tawi zawngin in inzat in te kohhran leh khawtlangin an endawng titih laiin nangni chu nihna pawimawh an hnawn chawt chawt che u a.
Mi zahawm in ni.Zoramah corruption duhlohna zual zelin Director te meuh pawh case an siam sakin ACB in an man ruau ruau a. Minister hlui mai nilo Chief Minister hlui meuh te in pawh an dap rawk rawk a.
Joint Director tih ang reng te chu an suspend rup rup a. Hna hnuaihnung lam thawk phei chu an ban thuai thuai a. Nangni zawng, thubuai pawh in awrh thei lo a.
In zing ami te thubuai awrh ve thei awma lang lah chu sorkarin thubuai ziahluh tura a tih hnu-ah pawh hnukdawk lehin Chief Minister in, “Anni hian criminal case an awrh chuan hmasawnna hnathawh a thuanawp ang,” a ti leh mai a. A zung nen lama corruption phoro tumtu Chief Minister meuh pawhin thubuai a awrhtir ngam lo che u a nih hi.
In engineer pui ten ram danga kum 20 – 30 daih kawng an siam theih laia thal khat daih kawng in siam pawhin kan sawisel chuang lo che u a. Luahtlak loha building in sak pawhin in tihawm rengah kan ngaihsak che u a. Eng project-ah pawh uluk taka estimate leh design in siam te revise ngai eng ang mahse thil nihphung tur rengah kan ngaihsak zel che u a.
Aw… Engineer te u, he Zoram-ah hian in eng a va thawl tak em!
Similar Posts:
- Chief Minister hi maw???
- State government surrenders again
- Bureaucratic Corruption a tam zawk em Political Corruption aiin Mizoramah?
- Health Care Si-kim
- Eirûk thubuaiah Hawla fihlim
October 12th, 2010 at 7:49 pm
nia ka thlawp ceu…harhchhuahnan hmang mawlh teh se
Report this comment
October 12th, 2010 at 10:01 pm
Er lam hoi kan soi don emo tia- Dr ho kan han hmer tel leh tlat thin?
Guess its not out of jealousy!
Report this comment
October 12th, 2010 at 10:21 pm
Eiruk/ Corruption hi huat/do avang a bo mai thei a ni lo a, Mizo te hi thil sawi peih tak mai kan ni a, mahse bawh zui lam hi chu kan uar lem lo. Rin thu hi a tam khawp mai a, a tawpah chuan thu tak emaw kan ti thin mai a ni.
Budget te hi hria ila, tin, Right to Information te hi hmang tang kai ila. Ram changkang zawk a mi te hian he tiang hi engtinnge an lo hmachhawn tawh tih te hi a zir chi in ka hria.
Ei ruk aia kan buaipui tur chu kan ram than chhoh zel dan hi a ni. A kalkawng a dik chuan harsa deuh mahse kum 5~10 velah chuan mi state te pawh kan umpha ve mai thei a, lehkha thiam hna hmulo vairamah kal rawh u kan in tih zel chuan, Bangladesh ang chauh kan la ni mai ang. Bangladeshi ho hi Australia, USA tih velah an tam mai, hausa deuh deuh. Tumahin an ram chu haw tlakah an ngai tawh lo. Eirukah chuan kan awmna Haryana te hi ang sang daih zawk, Mizoram ai chuan, mahse sawrkar hnathawkin private enterprises hnathawhah a in rawlh ve ngai lo. Mizoramah chuan Iskut zawrh mai mai pawh kan sawrkarin private players te a chhuhsak zel a nia… MIFCO, MAMCO etc te hi private sector nen in compete tir se la, zalenna pe bawk se la, kan ram chu a thang ve mai ang.
Report this comment
October 13th, 2010 at 8:14 am
hmnnn….
Report this comment