Hei le kan Mizo tlangval thu leh hlaa duai ngai lo te kutchhuak ka han phawrh mualpho e. Marema Biate hi a hming pum chu Lalremsanga Biate a ni a, “Biate” tih hi an khaw hming ni lovin a hnam hming a ni zawk e, kan lo hriat sual palh ka hlau deuh a, an khaw hming chu Sakawrdai a ni daih. Amah hi an sawi Marema, Mizoram University-a ka zirpui thin a ni.
“Hnehna Kawng”
- Marema Biate
Zirna run sang belin thaikawi runah,
Vanglai hun hmangin hawihte’n siang i lawi a;
A mi hluana’n i mawi chuang ngei e,
Thliah hnu chhawl ang uai lul suh ang che aw.
Kawltu chawi nun iang kan ni nghilh lo la,
Taimak, tumruhna nen sir sawn zelin;
Hmatiang hlen tumin puanven sawi chhing la,
Thangchhuah diar nen an lo hmuak che asin.
Lengdang zawngte chu lallai par tlanin,
Lenlai phama lengin vul lai an chen;
Mahse, nang zawng hei hi hre reng ang che,
Thawhrimna phena hahchawlhna awm hi.
Hmatiang hlen nan hun leh ni a rei lo,
CHhel takin tuar la, hahchawlhna nuam chu;
I hmaah a awm, tang fan fan rawh le,
Arkeziak ka ban nan che, chhuahtlangah.
17/10/2010 (A phuah ni)
Marema hian chhaz a hmuh zawh loh avanga a thinlung chhungril bera a vei em em tan he Love Poem lungrun tak hi a phuah a, mahse ni thei ngang lova a hriat leh tak avangin Mizo zirlai zawng zawng te fuih nan a hmang leh ta zawk a ni e.
Similar Posts:
- Biate Hnam leh Zialung Khua!
- Tho la, ding ta che
- Mizo landmark pahnih
- Damdawi thi sem
- Love Story- IV (Ka Thài)
October 13th, 2010 at 7:33 am
Va Phuah thiam ve.. Thu hi 1n phuah thiam bik e…
Report this comment
October 13th, 2010 at 7:38 am
Marema Biate i tih hi Lalremsanga Biate kha ani em 2w :?:
Report this comment
October 13th, 2010 at 8:04 am
Zephenath leh Cyber thug dawt ah chiah ka awm ve nia.
Report this comment
October 13th, 2010 at 8:12 am
Comment 3 hi a OT nghal ringawt a, admin ten delete se ka va ti e, ka tan hnehna kawng a inhawng ani mai. :lol:
Report this comment
October 13th, 2010 at 9:13 am
Chang thumna tlar hnihna,’Lenlai phama lengin vul lai an chen,’ tih a “phama” tih khi a awmzia ka hrelo.
Report this comment
October 13th, 2010 at 9:18 am
Thiam hle mai,
Report this comment
October 13th, 2010 at 9:27 am
phuah thiam khawp mai, kei chuan ka tlin ve hauhlo ang. mahse hei te chauh hi ka lo sawi ve tlem chuan plagiarism deuhlo maw, high school /middle school khawi zawk nge ka hre ta lo mizo subject ah khan hetiang ang deuh hla hi kan zir thin tlat, thu thenkhat phei chu in ang tak2 a tam mai.engpawh chu nise a taihmakna a fakawm e
Report this comment
October 13th, 2010 at 9:28 am
mawi ve tak chu ani..
Report this comment
October 13th, 2010 at 9:29 am
Zephenatha’n a lal thuthleng a sawhnghet sauh sauh e! :lol:
Phuah mam nalh thiam hle tak mai a…
Report this comment
October 13th, 2010 at 9:37 am
BREAKING NEWS : CHILE MINERS RESCUE OPERATION chu tunah BBC ah LIVE a pek mek a ni.
Report this comment
October 13th, 2010 at 9:47 am
Zephenatha a rawn tang mar chho, 2statesa a dul hret. An inveh, inhel, a changin hmalam panin an innawr. An hnungtawlh leh hret, a va turu em! (fiamthu ve mai2 huat awih loh…palh chuan ngaidam)
I phuah nalh zaih zaih hle mai. Zirlaite tan fuihna tha tak a ni.
Report this comment
October 13th, 2010 at 10:08 am
A tha khawp mai, ti zel teh se.
Report this comment
October 13th, 2010 at 11:12 am
Phuah nalh zalh2 hle mai…ce hriatthiam loh ka neih chu
“Lenlai phama” tih tlar a phama tih khi awm zia ka man nawh…a hria chuan rawn sawi fiah teh un…..
Report this comment
October 13th, 2010 at 12:55 pm
A tha viau mai. “Phama” khi ka vawikhat hriatna, sawifiah a tha hle mai. A tlar tawp ber, “Arkeziak ka ban nan che” tih pawh khi a aia nalhin a tih theih a rinawm mang e!!
Report this comment
October 13th, 2010 at 9:26 pm
‘Phama’ kei pawh ka va hre lo em! Eng tihna tak ni ang maw.
Hla tluangtlam tha tak a nih hi.
Report this comment
October 13th, 2010 at 9:43 pm
Muantea’n a hriat loh chu, keini tan hriat rual ani lo! Cyber chuan Zeph chu a la tluk lo deuh ani maw? 1st tihah chuan!
Report this comment
October 13th, 2010 at 10:15 pm
@Maisek, ka ngaihtuah ngial pawhin a thuartham awm pawh ka hrethiam lo :smile:
Report this comment
October 14th, 2010 at 6:36 pm
Marema Biate hi Students’ Outlook Magazine Jt. Editor a nia, in hriatthiam loh lai chu amah lo zawt mai teh u. Enga ti nge First leh first loh vel mai maiah hian kan buai viau le… a ho em mai, a hman thlak thin lutuk.
Report this comment
October 14th, 2010 at 7:13 pm
17/10/2010 (A phuah ni). Hei hi chhutsual palh ani em? vawiin hi 13/10/2010 a la ni chauh bawk sia? jamesrdm, a hlaphuah chu a nalh khawp mai, mahse ka tuipui pha lutuk lem lo va.
Report this comment