Nipui a ni a, khua chu a lum kher mai. Kan thianho chuan zinkawng zawhin bike in kan tum ram chu kan pan a. Khawlum uap churh mai leh ni sa vawl vawl mai chu tawrh a hrehawm duh khawp mai. Thli thaw te pawh a lum vek hialin ka hria.
Kan tlan zela. Thui fe kan tlan hnu chu kawng bul lawkah chuan lui nawm hmel deuh mai a lo awm a. Kan han dinga, chu luiah chuan kan han inphih harh a. Khawlum laia lui tui dai nuam taka inchiah chu a nuam duh ngei mai. Kan eitur ken te chu eiin kan chawl a. Theih chu nise kha lui kha phurh tel ve mai a chakawm khawp mai. Lum tih deuhin inchiah leh zawk thin ila zinkawng chu a hrehawm lohvang mawle…
Chutia kan han inphih harh lai vel chuan chhungkaw pakhat kan kalna lam tur atanga rawn kal hi an rawn thleng a. Anni pawh chuan chu lui chuan a lo hip ve aniang, an dinga, an rawn chhuk ve a. A hnung atanga rawn chhuak nula chu hmuh thianglo ang mai a ni, a hmeltha kher mai. A vun lah a no nalhin a var em em mai a, silhloh pawn a eitlak hialin ka ring. A hmaifang lah chu hmelthatna zawng zawng nei tura khuavang siamluih ni duhawm tak a ni. A sam lah chu Rimenhawii sam aipawn a nalh loh ka ring miah lo! A..hmelthatna leh duhawmna zawng zawng nei tura he leilung siam bik hi a ni ber ang. Chu chuan kan awmna lam a rawn pan nia! Mumang pawh a ang rum rum alawm le.
Chu luiah chuan an chhungkua pawh chu an han inphih harh a. Nuam an tihhmel khawp mai. Sir khatah keini ho chu kan lo thu khawm tal a. Chu hmeltha-i chuan a rawn en zawk a. A mitmeng a va mawi em! A vawikhat melh zauh pawh khan khawlum a dai sawng sawngin ka hria. Mahse, a hming leh veng erawh kan hre tlat lo.. Chhingkhual lenmawii tih chauh lo chu!
Rei vaklo an awm hnu chuan kal turin an insiam a. Motor-ah chuan an lut leh ta a. Keimahah danglamna a awm ta tlat mai! Ka vawikhat hmuhnaah ka vei titih ringawt mai ni mawle. An kal dawn..aw, an motor khi a ke thep vek se aw..siam ila, han inhmelhriat ila ka va chak em! An liam dawn.. lo hawi leh lawk teh..mawh..ka lo bye bye tal teh ang che.. aw, an liam ta!
Khawiah nge maw a kal dawn le? Khatiang khawpa hmeltha kha mizo thlahah hian an lo awm thei a ni maw? Aw..thil ka hrechhuak ta..mahse a tlai tawh lutuk. An awmlai khan lo va biak tur a ni aw. Mahse, tunah chuan a tlai tawh si. Lo va a chanchin vel chu ka hre teuh awm si a. An kal tur te han thlahin han bye bye ila, nui sen sen chungin min han chhanglet ve awm si a!
Ni e, tunah chuan an tlan liam daih tawh. Hmuh tur a awm tawh lo. Tlai khawhnua ka thil ngaihtuah chhuah pawh a hunlaia ka hman loh avangin awmzia a awm tawh lo. A pawi ta ber chu a awmlaia a hmelthatnain min zem nasa lutuk kha a ni.
Keini pawh chu kan kal veleh ta a. Ni chu la sain, khua pawh la lum uap churh mah se kei ka ngaihtuahna erawhin ni a sa a ti lova, khua pawh lum a ti hek lo! Ni e, ka ngaihtuahna chu kha hmeltha-i te car chhungah khan a awm daih alawm!
Similar Posts:
- Post HOT deuh
- Nuam dangdai ve deuh asin.
- Thatna in aw niang…..
- (Sunday Pual) Lalpa lo kal a hnai ta
- Teirei kam leiletah zankhat…
October 19th, 2010 at 8:50 pm
E, Tumah an comment si lo kan comment ange.
A ngaihnawm khawps mai, Thingtlangpa pawh a kalkhat ta lo deuh e, ka thurawn a ngaithla a ni ngei ang lems.
Nia, thuziak mite hi ka ngaisang, misual hi in tan, in rawn in phochhuahnan a remchang a, hman tangkai thiam a tha hle mai.
Han comment ve teh u lems.
Report this comment
October 19th, 2010 at 8:50 pm
A ngaihnawm hle mai
Report this comment
October 19th, 2010 at 8:52 pm
Ka 3rd leh ta
chhiar tan ang
Report this comment
October 19th, 2010 at 8:54 pm
Nula emaw i tih kha ka nupui a nih kha. In thlantla phuai vel lutuk kha kan nuih zui tlawrh tlawrh che u asin. Zinkawng thui takah fiamthu nuih tur min hlui zui avangin kan lawm khawp mai. Kan nu khan i metmeng kha mak a ti teh mai a nia, ‘mumanga hmuh atan pawh ka duh lo’ a ti :lol:
Report this comment
October 19th, 2010 at 9:00 pm
@KT, Tun tum chu ”a khuhhawnna” a tel loh vang a nih khi i chet fuh loh.. :mrgreen:
i idea lo a nih chu, han na der thut la, thi trep angin han awm la, bike ai chuan an motorah chuan an phur ngei ang che..vanneih phei chuan a malchung..ehh ehhh…tlai khaw hnu ah nui vur vur lo la..
Report this comment
October 19th, 2010 at 9:01 pm
Bike in nei tho sia um mai tur a lawm. :lol:
Report this comment
October 19th, 2010 at 9:02 pm
Ke a kal a nuam awm bik mange…………..
Report this comment
October 19th, 2010 at 9:03 pm
@Rempy
A khuh hawn pawh chu i va ngaipawimawh ve. :lol:
Report this comment
October 19th, 2010 at 9:03 pm
Nia ti ro evergreen, bike an nei tho sia,um vak2 mai tur lawm le…Ngaihnawm hle mai.
Report this comment
October 19th, 2010 at 9:05 pm
@KT.. eh eh …..
Report this comment
October 19th, 2010 at 9:05 pm
#1 Hehe..ka ngaithla tha khawp mai. Ka rawn tidanglam e..hehe.
#5 nang hi chu i ril mange aw..
Report this comment
October 19th, 2010 at 9:06 pm
@bucko han um turin kan tum ram kan thleng hman nang!
Report this comment
October 19th, 2010 at 9:19 pm
@KTP
Thupuia i hman “Chhingkhual Lenmawii” tih khi a chhung thuah ka hmu miah lo. :lol:
Report this comment
October 19th, 2010 at 9:21 pm
Hetiang Dream vak sawt tawh chuang silo hi nuam ve riau… A ruka star a ruka ban leh hunlai hian a tam
Report this comment
October 19th, 2010 at 9:22 pm
A van ngaihnawm ve aw, vawi 2 ka chhiar nawn chu. A thupui, Vulmawi sak kan en kual a, ka hmu lo tlat, Pu Tawnga Phd of Vulmawi zai hi kan dah hram teh ang:
https://www.youtube.com/watch?v=HbPeWNdF5z0
Hmingliana of Vulmawi (song from Parmawi Rimtui Album)
https://www.youtube.com/watch?v=0PStHLNOqcY
Report this comment
October 19th, 2010 at 9:25 pm
Nia..mikhual hmeltha tak a nih avangin ka hmang mai a ni e..
Report this comment
October 19th, 2010 at 9:27 pm
A thupui nen a inmil turin Vulmawi hla kan enkual a, ka tihna hairehai :lol:
A thu ziak nen a in mil tho bawk ang chu
Report this comment
October 19th, 2010 at 9:29 pm
Hmel a sawisel tur awm lo, pianah pawh sawisel tur awm lo hi ka hmu teuh tawh! ka lung an ti leng lo leng leng kei chu…hehe!
Report this comment
October 19th, 2010 at 9:29 pm
A tawi ka ti rengah. a ngaihnawm hman tep. Mahse Nula hmel en nasat lutuk avanga i chet dan tur theihnghilh fo i chin chuan future chu bright lo ve tak chu ini :lol:
Report this comment
October 19th, 2010 at 9:38 pm
Ka ngaihtuahna chu kha “hmeltha-i” te car chhungah khan a awm daih alawm!
Kha Hmeltha-i tih ai khian ….kha “Chhingkhual Lenmawii” han ti ta la a buk a rit deuh anga tiin duhthu ka lo sam pui vel che a.
I kutchhuak a ngaihnawm thin e
Report this comment
October 19th, 2010 at 9:40 pm
Chhingkhual Di – Butta:
https://www.youtube.com/watch?v=KYjweB1PvqQ
Chhingkhual lenmawi – Liandailova:
https://www.youtube.com/watch?v=Q-ijLQL7kVA
Thiante kan dam kim lai, kan sak ho dial2 thin lai te kha avan ngaihawm teh daih vele
Report this comment
October 19th, 2010 at 9:51 pm
*thinlai ah i cham reng*
Report this comment
October 19th, 2010 at 9:54 pm
Nula hi chu ilawm ve a ni. :lol: Ngaihnawm khawp mai.
Report this comment
October 19th, 2010 at 10:07 pm
A va hmeltha tiah tiah ve….
Report this comment
October 19th, 2010 at 10:13 pm
OT OT: muantea, cyberthugz, kawnga te ho hian YMA Gen Conf chu a chhim ve hman lo te hi min rawn update turah ngai ila(h).
Report this comment
October 19th, 2010 at 10:15 pm
Naupang te si thu i thiam kher mai. Misual.com ti hlutu i ni e.
Report this comment
October 19th, 2010 at 10:44 pm
lalmi5ualpa, hei hi ni mai teh se.
https://www.ymalunglei.org/
Report this comment
October 19th, 2010 at 10:47 pm
#26: Naupang te si i ti ve ringawt a aw a ni tur ang a ni vek tawh a nia.
Report this comment
October 19th, 2010 at 10:53 pm
#26 min va hrechiang ve. Chuan..ka lawm lutuk aw..
Report this comment
October 19th, 2010 at 11:01 pm
OT Pics. YMA Gen, Conference na hmun front view.
https://img99.imageshack.us/img99/7761/chhun.jpg
https://img217.imageshack.us/im.....dalzan.jpg
Report this comment
October 19th, 2010 at 11:09 pm
#30: Mizoram fauna ni awm lo tak tak te pawh a awm ka ti, ka tisual palh maithei bawk. Zia maw, zialo maw.
Report this comment
October 19th, 2010 at 11:25 pm
#Thingtlangpa,Comment ve reng reng teh ang, khawvelah Sipai lam an hmuhnawm ber a (?) a dawtah nula hmeltha, dik em ?
Report this comment
October 19th, 2010 at 11:26 pm
#30 a civil tawngkam takin side view leh top view hmuh ava chakawm ve..
Report this comment