Pu HV-a post kha ka hmu tlai lutuk deuh alawm le… mahse a thianpa kha a sincere tak tak em tih ka hre chak. Chhan dan kan hriat belh theih tak mialin, ka ngaihdan hi ka lo thawh ve ang e.
Pathianin ‘mi nunna laksak suh ‘ a tih tih chu a dik chiang alawm.. tunah pawh a la ngai reng. Chuvangchuan Thuthlung Thar leh Thuthlung hlui a danglam tih hi chu ka pawm lo.
Athiest ho in sakhuana avanga tualthahna tam tak thleng an tih hi cu kan pawm a ngaiin ka hria. A thleng reng a ni – Islam hmingin, Hindu hmingin, leh sakhaw dang hming pawhin a thleng fo. Christian hminga tualthahna a awm lo tih hi chu thudik a ni lo, a thleng – Crusade te, Inquisition te, Salem witch trials te.. Chuvangchuan Christian hminga tualthahna thleng hi chu hnawl (ignore) mai lovin kan pawma (acknowledge), thupha kan chawi a ngai.
Amaherawhchu athiest ho in religion-a sakhuana zawng zawng huang khata an dah hi chu a tidik lo deuhvin ka hria. Muslims ho leh Hindu ho leh Christian ho huang khata dah hi chu a dik lo, kan rin a inang lo em a ni. Chuvangchuan hetianga an ti a nih chuan atheist tam tak, mi fel tak tak ho hi hi Stalin-a te, Moa-a te, Hitler-a te ho nen huang khatah kan dah thei dawn ami? Islam ho thurinah chuan ‘Slay the infidels’ tih a awm a, Pathian hminga tualthah chu an hreh lo reng reng. Amaherawhchu an sakhuana hi a dik em tih erawh chu zir chian a ngai. Kei chuan a dikin ka ring lo.
Christian hminga tualthah hi athiest hovin an sawi fo reng a. Kan hnawl (ignore) mai hi a dik ber lo. Kan pawma thupha kan chawi a ngai (apologise mai ang u). Amaherawh chu Christian hminga tualthahna thleng ho hi i bihchiang ang u hmiang.
Crusades. Thil thleng kha a dik hul hual lo. Amaherawh chu a context kan en a ngai. Khatih hun lai khan Muslim ho kha an hrang em em a. Middle-East zawng zawng khu an awp a, Europe pawh rawn awp tumin an rawn bei a. Chumi lo do let nan chuan European kingdoms ho kha an lo intel khawm ve mai a ni. Crusades tanna cu ‘self-defense’ a ni, a diklo hulhual (totally wrong) bik lo. Chuan Crusades lai mi thi zat chu 200,000 approx a ni e.
Inquisition. A bikin Spanish inquisition kha a hrang zual hle a. mi pawh an tihlum hnem ber.
Kum 350 chhung an kalpui a, mi thi zat chu 2000 approx a ni e. A tam vak lo.. ka tanna lam a ni lo a nia. A dik ka ti chuang lo.
Salem Witch Trial. Hemiah hian mi thenkhat in (Dan Brown-a hi ni ta berin ka hria) mi maktaduai tam tak an tihlum an ti hi chu a dik lo hulhual. Mi thi zat chu 25 a ni e.
Christian hminga tualthah hi ka thlawp lo, amaherawhchu an sawi ang em em hi chuan a nasa lo. Bakah khitiang thil khi a thlen leh a rinawm loh hle.
Now let’s look at the murders of Athiesism. Pathian leh Religion awmlohna hi a ralmuang zawk ang ti ho chuan hei hi in chhiar ngei ka duh. Kum 50-60 vel liamta mai khan atheistic regimes ho, Stalin-a, Moa-a, Hitler-a (hemite pathum chauh – not to mention the lesser tyrants like Pol Pott, Kim Jong il, Fidel Castro, etc.) ringawt pawh hian maktaduai 100 (100 million!) vel an tihlum a ni.. Mi thenkhatin ‘well they didn’t commit these things in the name of atheism’ an tih hi chu thil an hriat chian loh vang a ni. Communist ho bible Karl Marx a bu ‘Das Kapital’ hi a laiah (central theme) chu atheism a ni.. ‘religion is the opiate of the masses’ a tih hi atheism a ni lo maw? Bakah Hitler-a khan Christian ho kha a ngei hle bawk a ni.
Chuvangchuan Pathian telloh na ram hi a ralmuanglo zawk ni mai lovin a hlauhawm zawk fe a ni. Chubakah khitiang tualthahna rapthlak khi chu a la thleng thei reng a ni.
Thuthlung Hlui lam en ve ila.
Pathianin Israel-ho a thlan khan hleih bik a nei em? Israel (Abraham) a thlan chhan chu Genesis 13,14,15 kan en chuan kan hmu, midang te tana malsawmna ni turin. Hnamdang ho kha a hlamcchiah a ni reng reng lo. Bakah Israel ho thlan bik an nih khan enge an chan? Thu an awih chuan malsawmna an dawng, an awih loh chuan hremna an tuar nasa bik. Chuvang chuan ‘To whom more is given, more will be required’.
Thudik sawi teh ang. Keipawn Israel hovin Kanan a cheng ho an that chiam mai kha chu hriatthiam har ka ti, tun thleng hian chhanna tha tak ka la hmu bik chuang lo. Amaherawhchu chhan kan tum ve reng reng ange.
1. Pathian hian mi nunna ah hian thu a nei a, a duh chuan a laksak thei a ni
2. Pathian hian kawng hrang hrangin mi nunna a laksak thin. Chu chu thihna (death) kan ti.
3. Pathian remtihlohnaa nunna lo lak hi a dik lo.
4. Israel ho khan Pathian remtihnain an ti a, chuvang chuan an thiltih kha a sual lo ni lovin, Pathianin a ngaidam maiin ka ring.
5. Gen 15.16 kan en chuan ti hian a inziak “for the sin of the Amorites has not yet reached its full measure.” Chumi awmzia chu Pathian khan kanan-a cheng te ho kha inlamletna hun a pe a ni. Chance a pe a, mahse an chance an hloh ta a ni.
6. Engtinnge Pathian hre si lovin an inlamlet theih ang? Chhuanlam an nei lo.. Pathian puithiam Melchizedek-a leh a thlah te ho pawh kha an awm ngei ang. Bakah zawlnei Balaam-a pawh a awm. Heng bakah hian Pathian ring mi pawh an awm tho ka ring. Chuvangin Pathianin an inlamlet loh avangin an chungah rorelna (judgement) a rawn thlentir mai a ni.
7. Israel ho khan an do hmasa ngai lovin ka hria (ka hresual em?) Lal Oga leh Sidona pawh kha an do lo, an rama kal tlang mai kha an dil a, mahse annin an rawn do ta si a, self-defense ah an lo do let mai a ni.
8. Israel ho lo tanpui tu kha chu zuah an ni. Tunge kha Jeriko khuaa nawhchizuar kha?
9. Israel ho thuthlun pui tu reng reng pawh kha zuah an ni.. eg. Jebusites.
Chuvangchuan Pathianin Kanan-a cheng ho kha a hua a, tihchimih vek a duh tih hi chu ka pawm lo, anmahni sual vang renga hrem an ni tlatin ka hria…
Similar Posts:
- Zawhna (thutak) – Murders in the name of religion? Keima chhanna – II
- A lo ni ta em?
- Questions and answers
- Zawhna (thutak)
- Israel Hnam bo leh Mizote
October 20th, 2010 at 7:17 pm
Tu BAKCHEH mahin a la cheh loh phek thar i kai leh ang awms.
Report this comment
October 21st, 2010 at 4:31 am
[...] https://misual.life/2010/10/.....a-chhanna/ [...]
Report this comment