A khuhhawnna
Inthlahrung rilru takin ka mi zawn chu a hmuh leh hmuhloh ka zawt a. Ani chu,”Ani awmna leh arbawm chhe lumna ka hre lo” tiin min chhang a. Arbawm chhia kha a lumna ka zawt tel miah lo a, mahse a sawitel si. Ka ngaihtuah ta mai mai a, ni e, arbawm chhia chu eng atan mah a tlak loh reng a ni. Mahse, he arbawm chhia leh mihringte hian inanna kan nei tlatin ka hre zui a…
Hlutna neilo nia kan ngaih chu..
Arbawm chhia hlutna hi zawng dawn ta ila a vang viau ta ve ang. Bawlhhlawh hlawm ringawt niin kan ngai a; khawpui nula, sil loh pawhin a eitlak ang tihtur khawpa thianghlim tan phei chuan kawng sira arbawm chhia lo let reng hmuh chuan chawei pawh tuiloh phah mahse ka hrethiam lutuk. A tawp em tak a ni.
He arbawm chhia ang deuha hlutna neilo nia an ngaih putar khaw thima vak vak mai. Zan thim hnuaia riahna tur pawh neilo tura inngai tawh kha Liandova te unau khan an ina meilum ai ve turin an sawm a nih kha. Kha putar kha engnge a nih? Tunge a hming an ngaihven lo. Anmahni ang bawka rethei nia ngaiin khawngaihna rilru puin an sawm a nih kha.
Mi thenkhat chuan hre lovin vantirhkohte an thleng thin..
Kha putar tawp tak anga lang kha tuma ngaihsak hlawh lovin reife a awm a. A hnuah eitur pawh neilo unauin an thleng a nih kha. Khatia amah khawngaihtu tak tak, mi enhrang ve ngailo a hmuh khan putar khan tunge a nih tih kha a tilang ta a nih kha.
Ni e, kha mite khua khan kha putar lakah beiseitur awmin an hre lova, tumahin an ina awm atan an duh lova, a hnuaia mite ho chu an hruai haw vek a nih kha. Mahse, kha putar kha mi ropui a ni a, a thlenna hmun kha chhe hle mah se a chhunga awm kha a ropui thung a sin.
He kan ram hi engnge a nih ve le..
Kan khawpui nun hi en teh ang u. Dikna hian hmun a chang em? Hausa leh rethei kan thliar ta lutuk te hi kan ram hian a chhiatphah ang mawle. Khawiah pawh kal dawn ila incheina, pawnlam landan hi a va pawimawh ta em! Thingtlangpa tih hriat ngawih ngawih tan pisa dawr te hi a har tan ta. Mi neinung, mahni hlawh phu lova khawsa kan tlawn huam huam a, mahni nihna anga lang ngam chu kan nuih zui a nih hi. Harh a ngai a ni.
Ni e, ngaihtuah teh ang u. Han en reng renga kan chhawr theih tura kan rinloh, mi harsa ve tak a ni tih hriat ngawih ngawih chu buaipui kan hreh tlat thin a, office min lo dawr dawn pawn kan be tha ngai ta lo. VIP tia sawi tute khan VIP aia ngaihsak zawk kan nei ta a ni lo maw?
Arbawm chhia leh mizo te..
Khawpui lunlai taka mahni nihna anga lang ngam khawpa dik chu kan nuih a; hmeithai leh pachhiate zuam tawk lekin kan changkang ta. Kha mi rethei, rethei kumkhua tura siamtu eirupa erawh kohhran rawngbawltuah kan thlang leh thung si. Rilru leh ngaihtuahna fim hmangthei lova sap nungchang thenkhat entawn tawk leka pachhe hnam kan ni mai lo maw?
Kha arbawm chhe lumna hre lo tu khan a ti lumtu, thil chhia siamtu ar erawh a duh em em a, ar tana tangkai em em arbawm kha chhe tawh tih hrereng mah se a tha siam lovin arbawm chhe tawh tak chu a la hmanga, a hnuah phei chuan ar chuan arbawm chu ti lumin a tlan bo san ta daih a nih kha. Tha takin ar kha enkawl se chuan a sa a ei ngei awm si a…
Similar Posts:
- Sap em leh arbawm :-)
- SMS chhas hi?
- Thli leh ruahin thil a tichhiatte
- ‘Hlutna’ hlutna hi eng nge?
- Zu zawrh nge corruption do ngai zawk?
October 23rd, 2010 at 11:38 am
1st comment! :P..mase k ciar lau:P
Report this comment
October 23rd, 2010 at 11:40 am
kei chu ka chhiar chhuak
Report this comment
October 23rd, 2010 at 11:53 am
Post tu pa @ thu hrang hrang, niamnai lo tak tak i rawn post fo mai. Mizo thalaite hi eng mi nge nia min hmuh le? Hnam dangin i thute hi an hrethiam lo hlauh zawk a; a lawmawm a ni. Chubakah he site hi i ti tawp.
Report this comment
October 23rd, 2010 at 11:57 am
ka chhiar chhuak e… i thu chheh vel chhiar a nuam khop mai…
Report this comment
October 23rd, 2010 at 12:06 pm
A dik ka ti, hnam dang in an hriat hma a in siam that a ngai reng a ni. Tunah rih chuan kan hram ri leh kan hniak hi a in perh san lutuk…
Ka rawn ti ve leh a ni e…. :roll:
Report this comment
October 23rd, 2010 at 12:08 pm
Kan sikul kal lai chuan arbawm kan tah thin. Tunlaiah hian an la ti ngai em le, thingtlang lamah tal hian? Kan nau te ho hi chuan hnang hlai te phei chu enge a nih pawh an hre tawh lo, a thiam phei chu khawilamah.
Report this comment
October 23rd, 2010 at 12:16 pm
a va tha dap2 ve…ka chhiar cuak dap…
Report this comment
October 23rd, 2010 at 12:25 pm
#3 a inthlahrunawm ta fu..mahse..kan hmakhua han en hian khua a var lo ka ti em a ni.
Report this comment
October 23rd, 2010 at 12:26 pm
#3 dawihzepa hi i ti trawp zawkin ka hria..i rilru tiat lek2 hi thu fahrah te2 hi rawn auchhuahpui thin teh suh. A post tu hian thudik a sawi a ni. Hnamdante hriatah hian eng ang pawhin zep tum mah ila, kan hnam hi a chhe telh2 ang a, min la hre dawn tho tho, kan “pharisai’ zia hi.
Report this comment
October 23rd, 2010 at 12:30 pm
Keima chhuan Thingtlangpa nge nge a ziak thiam leh hlap hlap mange. Mi rethei leh hausa kan inthlauh nasat poh leh Kristian tak tak kan nilo tih a lang, biakin ropui deuh deuh nei mah ila. State sum tam lutuk, kan insem ruallo lutuk hi engemaw zawnga kan tih danglam loh chuan ram muanawm ani reng dawn lo.
Report this comment
October 23rd, 2010 at 12:31 pm
Thingtlangpa, kei chuan thiam ka tih ngai rengin thuziak i thiam ka ti. Thil ho te anga lang pawh hi ropui takin i rawn chhuah leh tlat thin! Chhunzawm zel ang che.
Report this comment
October 23rd, 2010 at 12:39 pm
#3:Dawihzep post ropui tak a ni lo a nih pawhin i comment dan khi i huaisar mah mah.
Report this comment
October 23rd, 2010 at 12:44 pm
I ziak tha hle mai. Ka rilrua lo lang kan sawi ve lawk teh ang,
hmeithai te, fahrah te pawh kha an hmuhniam ve khawp in ka hria, an thawnthu phuah tam tak han en hian 
Kan pi leh pu te pawh khan tawngkam mawilo tak tak an ching chhuak nasa ve khawp mai
An awm toh lo bawka, kan sel lawk anih hi
Report this comment
October 23rd, 2010 at 12:45 pm
3
dawihzep Says: Post tu pa @ thu hrang hrang, niamnai lo tak tak i rawn post fo mai.
Enge niamnai
Report this comment
October 23rd, 2010 at 12:48 pm
Frost, dawihzepa chal ah chil i hnawm ngam em :lol:
Report this comment
October 23rd, 2010 at 12:51 pm
khamrang, teuh lo mai!! badboy a’n a ngam ang ka ring
Report this comment
October 23rd, 2010 at 12:52 pm
@dawihzep…kan ram dinhmun dik tak a nih khi a sawi…thingtlangpa ka tran ltk ce…inthlahrug reg2 suh…zoram tan a thra ni a i hryt chu au chhuah pui zel rawh…dam reng ang che…
Report this comment
October 23rd, 2010 at 12:54 pm
Mahni ngaihdan mawl te te kan sahuai thing vawn chhung hi chuan mi faten hmasawna lamtluanga an lim puat puat lai hian backgear in kan tawlh hret hret a ni tih hi hriat a tha khawps mai.
Thingtlangpa i ziak THA thin khawp mai, thiam leh thiam loh chu kan tehfung a zir a ni. Mizo thu hla ril lama kan dinhmun a inchen loh angin kan ngaihdan pawh a inchen lo. A ziaktu thiam lam ngaihtuah lova, a that lam leh ram tana a tangkaina lamtur zawk hi ngaihtuaha chhiar chi a ni.
Dawihzep: I state of mind leh mizo hnam tana i patriotism a la chawk tho zo lo anih chuan kan thiamloh a ni lo ve. Huaisen vanga mi pawisawi tur tihna a ni lo, huaisen taka kan diklohna leh a tlabal lei te hailan hi chawimawi zawk tur a ni. Thingtlangpa keep it up, Bravo!!
Report this comment
October 23rd, 2010 at 12:55 pm
Dawihzep, badboy-a i ngam em, naktuk sikul banah aw :lol: frost chu tunlai a Bp a hniam deuh aniang :lol:
Report this comment
October 23rd, 2010 at 12:56 pm
khamrang,keiman ka ngam..lutuk..eksek hi ni mai
Report this comment
October 23rd, 2010 at 1:04 pm
Le le.. naktukah sikul banah chemtatrawta vrs dawihzepa, in marble perh zawhah, miss te haw hunah. field sirah aw.. khamoin robin huid.. tren tren table lamp
Report this comment
October 23rd, 2010 at 1:10 pm
Ehe le, chemtatrawta a rawn che ta, ka ring ve tawk ani. Dawihzepa chu a ri siah anga, a pik sen piat piat mai dawn ni. Frost, dettol leh lapua rawn pai rawh aw, dawihzep’an a mamawh dawn tlat :lol: :lol:
Report this comment
October 23rd, 2010 at 1:13 pm
Tui dawn teh lul nen… ha ha ..
Report this comment
October 23rd, 2010 at 1:23 pm
tunge i tran zawk khamrang.??
Report this comment
October 23rd, 2010 at 1:34 pm
Chemtatrawt, full support ka pe a che, dawihzepa chu football pet in bang han pet per vel teh, haiiii yeeahhh dhiisuummm :lol: :lol:
Report this comment
October 23rd, 2010 at 1:49 pm
trik pawh rn ti ngam leh mang si lo..kan se-chaih mai dn nia..lol
Report this comment
October 23rd, 2010 at 2:34 pm
Creative thei hle mai, arbawm chhia atangin va phuahchhuak nalh ve.
@KT, ti rawh, ti suh ka tihna ni miahlo in keichu thuziah a a thupui dah keuh2 zel hian a ti ngaihnawm lo zok ka ti ve tlat. ” arbawm chhia leh mizote” tih te khi awmlo ta se, a flow kha a kaltluang a, eng lam thu nge next para ah kan chhiar dawn hre lawk lo a kan zuk luhchilh khan a thuziah ah kan tui (we’re lost in the story)…
Thrianpa ber i ni bok a, k han soi tur hrelo soi ve nih chu…heading pek keuh2 hi a ‘lengzem magazine’ k ti.
Report this comment
October 23rd, 2010 at 2:40 pm
@rempy ni khawp mai. Ka hrethiam e. Ni e, lengzem ka chhiar ngun vang aniang..hehe
Report this comment
October 23rd, 2010 at 3:07 pm
BTW @KT: Thu i ziak hian (anytime, anywhere) i rilru a rawn awm ang ang i ngaihdan mil leh i tlang titi hriat atanga behchhanin i ziak thin em? Nge ni, i subject thlanah khan tlemin research, documented works based in i rawn phuahchhuak thin?
Thu tha tak tak, ramkalsiam duan na leh kan ramin raltiang a kai ve na tura duhthusam te, a thalo lai siamthat na tur hawi ten i thu hian thupui a fun thin. Thurawn ka han pe teh ang che, huatthuah lo la lo la, documents tha lutuk buatsaihnan a tha zawk dawn a ni.
Thu i ziak dawn reng reng in, a thupui (theme) kaihhnawih,entirnan social life, evils, corruptions etc. kha tlemin chhuizau la. Midang kutchhuak leh ziak a dahthat te khawnkhawm thin rawh. Chung chu tha takin file la vawng la, hun reilote chhungin archive tha tak i siam mai dawn a ni. Chumi behchhan tlata hma i lak chuan, i thuziak (duhthusam, duhaisam, ngaihdan) te hi a buk a rit hle ang. Chhiar liam puat atan mai ni lovin, Mizoramin a kan hun tawng chhoh zel chanchin la zirchiana chhuizauna atan hun lo la awm zel turah source tha tak a la ni mai dawn a ni. Chu chu i tihtheih ka duhsak hle a che, i lo ti reng a nih chuan a tha. Hma i la ta sa sa, han bei tluantling ta che. All the best.
Report this comment
October 23rd, 2010 at 3:14 pm
ka lawm e..keima phuah thin a nia..ka hrethiam e..ka lawm e..i thurawn min pek vangin ka lawm lutuk e…
Report this comment
October 23rd, 2010 at 3:22 pm
Nakinah history lam zirmi ten, “Keimah Thingtlangpa chuan heti hian alo ziak a…”
anla rawn ti ve fo mai dawn nih chu
Report this comment
October 23rd, 2010 at 3:26 pm
Compendium of socio-political scenario in mizoram 2010-2030 te kan la tia nga mawms.
Report this comment
October 24th, 2010 at 12:53 am
Thatchhe arbawm khai .Tuh reng peih chuan thache arbawm khai hi a hlawk duh phian.hahahahah
Report this comment