Kan Zoram ah heti taka mahni intihlum (suicide) an tam ta mai hi enge a chhan ni ang?. “Khawvel hun hmawr a ni tawha, Setana pawh a hmanhmawh tawh a ni”, tih leh thin ringawt hian a tih tlem phah lova, chuvang chuan Setana’n chetna a nih pawh in engtin nge a chet dan kalhmang tih leh eng hmanrua nge a hman tih hi kan chhuichhuah tur chu ni in ka hria.Ka ngaihdan ka han sawi hma hian zawhna han siam hmasak duh ka nei a, a chhanna erawh ziah tel ka tum hranpa lo a, kan ngaihtuah zui a tan ka tih a ni e:
1)Nun hlutna hi enge/nun awmzia enge?
2) Damrei hi enge a tul kherna?/Tar thleng dam hi a tulna enge?
3) Hmabak thim lutuk a nun reng nge tha thih mai?
Internet khawvel:
Kan khawvel hi a zim sawt kan tih kan tih lai hian he khawvel zimna hian enge a ken tel tih hi ngaihtuah chian chu a ngai ta hle mai. Internet khawvela kan chen tawh lai leh kan in hnaih tulh tulh kan tih lai hian kan in laichinna erawh a hla tulh tulh thung si.Tawngka a inbiak lumlam ai chuan digital thil hmang e.g phone leh message te kan uar ta zawka. Thian kawnglai a kal paha ti ti melh melh hmuh tur an vang ta. A ai ah Message type pah leh hla ngaihthlak chu kan thlan zawk a ni ta.
Tawngka chhuak hmang miahloa a in kawm melh melh theih tawh hnu hian inlaichinna hlutna hi a tla hniam ta viau hian kei chuan ka hria.Pindan chhunga computer a tanga zankhua khua a thian kan kawm theih tak hnu hian midang kan mamawhna hi a tlahniam ve zel a, a tak ram ai chuan a logic leh visual kan ngaina zawk tawh tlata. Midangte nena kan inlaichinna tha kan hloh tawh chuan heng internet kaltlanga social network ten inlaichinna tak tak min pek tak tak loh zia kan hrechhuak thin.
Nun hlutna hre tur chuan midang te tana inpek hmasak phawt a tul. Kan vei leh kan thinrimna Message leh social network a kan au chhuahpui hian eng teh vak nghawng a neilo tih hre tu chu a hmangtu te tho hi kan ni. Heng hian duh khawplohna leh a tak ram thlenpui duhna lian tak a siam, mahse chumi a tak ram chu engtia pan tur nge, engtia tihhlawhtlin tur nge tih kan hre si lo.Technology leh Media avangin vawiin ni a ka bawlhlawh paih pui kha naktuk lawkah chuan mi hriat leh ngaihsan a ni thut thei tih hriatna Zoram khawvela a ni tawh tlat si a.
Tihtur/(dreams)nei, ti thei lo
He khawvel hi a speed a sang lutuk tawh kan ti thin, hemi awmzia ah chuan thil a in lumlet(thlakdanglam) renga. Hei a ni khawvel a kal chak tawh lutuk te kan tih leh ngawt thin nachhan chu . A bik in kan Zoram ah phei chuan ‘change’ hi a tam lutuk, kan entawn ber chu western culture a miau a. Dreams hi kan van nei nasa tak em, chu kan dreams chu tih hlawhtlin theih a nih dan pawh kan hre rei ruaia, a chhan pawh media lama kan thil hmuh leh hriat te avang a ni e.
A bik in thalai te rilru ah thil lian a tam ta. A dreams a chu tihhlawhtlin theih ngei a ringa, ti hlawhtling tura ke pen pawh a in peih nghal. Mahse, a thawk chhuak dawna, a thei lo, dangtu an awm tlat chu amah dangtu chu a awmna leilung, a chhung te, kohhran, pawl leh sawrkar e.t.c an ni. Chu a dream(suangtuahna) chuan a beng ah a tur ta ut ut a, riltam taka chaw tuihnai taka inhluia kutphuar sak tlat anga inhriatna a lo nei ta a.chu a thil vei chuan mutmu a tuahtir thei ta loa, a kut phuarana kha phelh se chaw eithei mai tur kha a dang tu/phuartu avang khan a tih theih pawh ti theilo a lo ni ta a ni.
Chu a vei chu sawhkeh a duha, a damlai hian enge maw taka tiha hmingthan/hmingthat a duh a ni. A kawng a hria a mahse a kal thei si lo.chu chu internet kaltlang leh digital thil kaltlang in an ti ve ngiala mhse a tak ram erawh heng hian a thlenpui si lo.Thinlunga tur tu na tak chu pai hrehawm ti in a tihreh dan leh a sawh keh dan a zawng ta a, ruihlo, sex, nun ho…,a engamah erawh chuan a tum angin thil a tihtir thei chuanglo.Chu chuan a mah ah nguina(depression) nasa taka a lo siama, thinrimna, nguina, hmabak thimzawnga thlirna te a lo nei chho zela.A pawi ta ber chu hmabak thim neia inhriat leh tihtheih zawng pawh ti theiloa in hriatna chu a ni ta a ni.
Media vang:
Kan ram Media han than chak dan em em hi a mak zawk hial a ni. Heng hian thil tha tam tak a thlen rual hian thil a va han chawkhnawk nasa tak em!. Danrual an ni mawlh si lo kan thil hmuh leh hriat thin te hi. Media vanga thil danglam zung zung hi a va han tam tak em, a bikin kan ram ah ngat phei hian chuan a va han nasa tak em. Film thar chhuak a paing hi a kan in lehlin siak a.Tunlai film chhuak thar te hian enge min kawhhmuha eng ngaihtuahna nge a thlirtu te a pek thin tih hi ngaihtuah a ngai ta hle mai.
Tunhnai a film chhuak ah reng reng chuan kan khawvel hnawkzia, derthawnzia leh inthlimna tamzia kan hmu chamchi ta mai. ‘Doomsday’(rorelna ni) lampang lantirna film tam ta lutuk te hian a thlirtu thil ngaihtuah chianglo thinlung ah chuan hmun hnawk a va siam nasa dawn em!? Media kaltlanga a tha ber ber leh a nalh ber ber kan hmuh vang hian kan dream leh beiseina chu sang taka vawrh in a awma, nimahsela kan tualchaina leh ka tlakna leilung nen erawh a inhmeh thei mawlh si lo.Heng hian khamkhawp lohna, nun zalen duhna leh thil thlakdanglam duhna, kum upa lam leh nu leh pa tam tak in a hriatthiam miahlo chu a thlen ta thin a ni.
Hmabak ngaihtuahna thim:
Tunlai khawvel hi thalai te khawvel ni ngawt biklova, thalai te ta bik anga kan sawi fo thinna chhan hi chu, thil in thlakdanglam man chak berte an nih vang a ni.Thalai te hian dream an neia, hmabak pawh an thlir thin. Thil inthlak danglam chak lutuk hian hmabak thlirthiam a ti hara, tuna tanga kum sawm chhunga thil danglam thleng tur mai pawh sawi ngam a harsa ta e. Thalai te bik phei chuan an ngaihtuahna hian hmalam huntur chu a thlira, tuna an nun dan leh thil in thlakdanglam chak lutuk hian an lu a ti hai takzet ta e.
An mamaawh leh an duzawng san zia te hi nu leh pa tamtak ngaihtuah thiam phakbak hian thalai te chuan an ngaihtuah thiam a sin. An nakin lawka tu leh fa te rawn khawsak dantur leh mamawh san turzia pawh a hretu an ni tlat. Heng ngaihtuahna hian hmabak huphurhna lian tak a kengtel tlat tawh. Pa taka awm, chhungkaw tha taka din chu duhthusam ni mahse mawhphurhna a ken tel erawh chu an hlau tat lat mai a nih hi.
Mahni inrintawklohna a nasa tial tiala, hnazawn hautakzia leh Political fitness pawimawhzia te, rilru ah rawn lang zut zut chuan chhungkaw din ngamlohna a siama. Chu chuan thil ti thei lo leh mi tangkailo ni anga inhriatna a neihtir a, mi danglam leh changkan ruala changkan ve theihlohna chuan mahni in kiltawihna a neih tir avangin nun thlakhlehlohna hial a lo awm thei ta a ni.
Vala lu a hai:
Kan khawsak dan leh kan nun dan zawngzawng hian lu a ti hai ta.Zoram ah ngat phei chuan kan nun hi a chiri in a chingchivet nasa lutuk ta. Nun lem hmanga nun peih tawhlo thalai te hian a taka nun an duh tawha. Kohhran hmaikawra hman emaw tih kual vel hi an ti thei tawhlo. Nih chu ni, ni lo chu ni lo tih hi an duhdan a ni ta.Nu leh pa te chuan an fa te sual pawh a lang ah tal chuan inthup tur in an duh lai hian an fate hian inthup tit tet an duh ta lo.
Mahse Zoram ah chuan Kristianna vang in nun tak leh chhungril nun bun ruah a ngamawm mawlh si loh.Vairam ringlo rama an Fa nu mal mahni chauha kal tura tir ngam Pa khan Zoram ah chuan an in Compount reilo te a chhuahsan pawh a ngaingam leh si lo. In rin ngamlohna leh in rintawklohna khawvel ah kan cheng tawh tlata a buaithlak a nih hi.Pa in fa a rin tawhlo a fa in Pa a rin tawhloh chin ah chuan thil a fel thei tawh thin lo.
Thalai te hian an nungchang khawlo te hi an nu leh pa te hian zeppui ai in zeppui lo se an ti tawh zawk. Sual in zeppui hian rah tha a chhuahlo chuvang chuan thalai tam tak te hian an nu nu leh pa te an rin ngamloh phaha, an thusawi te pawh zawm harsa an tih phah thin. Hmai hnih neia hun hman a ngaih thin tlata vangin thalai te nun a ipika, thlan zawktur hreloa hawi hawi in a tawpa ah thawpik taka awmin mahni indemnaa khatin a awm ta a, nun meuh pawh a thlahlel ta lo a ni.
Similar Posts:
- Thalaite Hmathlir
- Thalaite’n nau vei takin ram an vei!
- Thalai ten tan kan lak a ngai
- ZORAM POLITICS- Congress leh MNF insiamthat lehzual nana ka beiseite.
- Harh ang u..thalai huaisen te u!
October 25th, 2010 at 2:42 pm
1st keuh
Report this comment
October 25th, 2010 at 2:44 pm
thui tuk a..la chhiar peih hrih lo
Report this comment
October 25th, 2010 at 2:46 pm
lehkhabuah siam law2 chi male
Report this comment
October 25th, 2010 at 2:47 pm
Thui tak2 ve…..hman hunah hmanhmawh lovin ka la chhiar ang…
Report this comment
October 25th, 2010 at 2:47 pm
huizzz.
Report this comment
October 25th, 2010 at 2:53 pm
Nun hlutna hi enge/nun
awmzia enge?
PATHIAN TA ANI!
Chemtatrawta chu ama tlei tlei in alo tlei ve hle mai
Report this comment
October 25th, 2010 at 2:57 pm
A tha hle mai. Ka thil lo vei ve tak a ni. Mizorama mahni intihhlum tam chhan nia ka hriat pathum ka’n ziak ve ang e.
1. Chawrchhuahnain a zir loh vang
Hmangaihna tel lova kan inneih thin avangin inthen kan awlsam a, fate fahrah-ah kan siam a, chhungkua a kehdarh thin. Chhungkuain a zir miau loh chuan fate-ah nasa takin a nghawng thei.
2. Ngaihzawng vang
Ngaihzawng neih kan intihhmuh a, a nei lo bik nih chu zah-ah kan la tlat a. Naupang te te ni chungin kan nei ta fir fer mai. Chu’ngah chuan inkar thu chhiat chang a lo awm a, inhmangaih taka awm laia eng emaw vanga inthen leh intihthiam loh hian mahniah phurna a bo va, damchhan nei tawh lo nia inhriaiin intihhlumna hial a thlen thei.
3. Ruihtheihthil vang
Ruihtheihthil kan ti a, kan rui a. Ruih laiin kan chanchhiat zia leh harsat zia emaw, retheih zia emaw kan ngaihtuah a, kan inngaihtuah lungpuam a, chu chuan mahni intihhlum duhna hial a thlen thei.
Report this comment
October 25th, 2010 at 3:05 pm
Kumin emaw kum hmasa lam emaw Mizoram suicide rate tarlang thei mai kan awm em???hre ve chak mai2..
Report this comment
October 25th, 2010 at 3:12 pm
@Post tupa: I rawn sawi duah mai a, a tha khawp mai, bengvarthlak ka ti hle mai. Hetiang taka zirchianna ang chi hi ka ngaihsang a belhchian chi tak a nih hi. I ti tha e.
Thu kam hnih khat lek:
Suicide hi kan ramah a tam kan ti a, a statistic tak hi a hriatchian theih em aw? Han tarlang law law la a tha hle ang. ngaihruatna ringawt atang achuan dawn thiam a har khawp mai. Per capita a chhutin a sang tak tak nge, mihring kan la tlem avangin kan hre zung zung a a tam angin a lang mai zawk?
Chhan hrang hrang vanga suicide awm a ni tih kan hai lova, chhan ni thei awm tlangpui te i rawn tarlang bawk. Ti hian han ngaihtuah chhin ta i la. A chhan ni thei awma i rawn tarlan te khi i generalised deuh em?
Mizoram chhunga kum hnih thum chhunga suicide te hi chhui zau ta ila, determinants hrang hrang hmuh chhuah tum ta ila. Entirnan; Hnam (mizo, vai, etc), Sex (mipa, hmeichhia), age groups ( naupang to tar), social standings(family type or class, marital status, employment status), educational status, religion and/or denomination, physical and mental health status,addictions, etc etc te maw.
Chutiang taka chipchiar chuan han chhui in han zirchiang chhin ta la, i thuziak hian a chhiartute tan information a nihna mai piah lamah hian tangkaina thuk tak a nei ngei ang. I thlen chin atang hian hma han sawn la zau zawkin han ti leh ta che aw.
Rawtna leh kamkeuna mai a ni. Bawhzui lam chu i thu thu. I lo ti dim diam tawh a nih chuan ka hriatlohna a tak hi min lo hrethiam dawn nia.
Post thatak i rawn chhuah avangin a lawmawm kan ti leh ange.
Report this comment
October 25th, 2010 at 3:22 pm
Comment na kara thil dang rawn zeh chu,inthlahun awm viau mahse,Internet hmang tir ka nih avangin comment na ah mahni ID a thlalak dah dan hi min hrilh thei in awm mial lo maw?
Report this comment
October 25th, 2010 at 3:22 pm
La tam vak a maw’n le?
Report this comment
October 25th, 2010 at 3:24 pm
@Mama: gravatar.com-ah lut la, i misual email ngei khan inregister la, thlalak dah dan tur chu a lo awm mai ang.
Report this comment
October 25th, 2010 at 3:33 pm
Thianpa hi chu thuziah chu i thiam ve chiang a lawm. Tha khawp mai. Thlalak pawh a thiam hle tih ka hria…
Report this comment
October 25th, 2010 at 3:50 pm
Hetiang lam hi hman ni khan “Lengzem” chanchinbu in an pdf file subscriber-te hnen ah email min rawn thawn hlawm a,an ziak dik ngawt in ka hria.Han paste luh mai ka tum deuh a,ka lo delete tawh tlat! He problem hi ngaihtuah chian a mizo ten hmalak na tur kan neih lian tak pakhat a niin ka hria!
Report this comment
October 25th, 2010 at 3:54 pm
Kan titi naa kan tawngkam hman leh kan nun hi a inmil thin em? Kan fa te hian kan zia hi an hre chiang khawp mai a, thu tha kan hrilh a, kan hrilh anga kan nung bik silo a nih ngai chuan an rilru kan ti chingpenin, kan ti phawklek thei viau ta ve’ng.
Awmdan mawi te leh thil tha chi hrang2 kan hrilh a, kan sawi ang khan an hmuh leh hriatah kan nung ve ngei turah ka ngai. Kan sawi angin kan awm bik lova fa te erawh zawm tura kan hrilh/hauh thin vaih chuan an rilru nasa takin kan ti hel thei ngei ang. Chumi atang chuan tlem2in rilru beidawnna an nei thei ngei ang. Pathian thu te hi sawi ve zul si nuna lang silo kan nih chuan kan nep zia kan puangzar ni ngawtin ka hre thin bawk.
In lama kan nundan atangin kan tan angai, nunlem (fake life/pretending) hi kan paih angai hmasa phawt maithei.
Report this comment
October 25th, 2010 at 3:57 pm
A zat ve ka chhiar ta comment phawt ila chhiar leh teng
Report this comment
October 25th, 2010 at 4:12 pm
Ni e, suicide rate atang hian chiang ber ang.. han thohte u a hria te khan.
Report this comment
October 25th, 2010 at 4:21 pm
Hei suicide rate: kumin ah september thla thlengin mi 50 an awm tawh nih chu. mipa 46 hmeichhia 4
Hetah : Vanglaini
Report this comment
October 25th, 2010 at 4:23 pm
tam ve thawkhat chu nimaw…pop. atanga thlir phei chuan….tichuan kum lam eng nge tam ber le kan la zawt leh hram teng??curious…..
Report this comment
October 25th, 2010 at 4:25 pm
ka’n tlei leh xel teng zeus..lol
Report this comment
October 25th, 2010 at 4:33 pm
chikus, kum lamah chuan kum 10 – 80 an ni tlangpui
Report this comment
October 25th, 2010 at 4:38 pm
nih duh hmel ka ti Frost heheh..vanglaini link i rawn dah khi ka chhiar tawh e…I sual thiam ve mai2 reuh ka ti…heheh
Report this comment
October 25th, 2010 at 4:50 pm
Tun hun ngei ah pawh hian rilru beidawng,intihhlum duh hial khawp rilru pu an awm ngei ang!
Report this comment
October 25th, 2010 at 5:41 pm
Post tha tak ani. A interesting khawp mai, thil nithei tam tak hui khawm a, point mumal taka i rawn chhawp chhuak thiam hi tha ka tih em em nachhan pakhat ani.
Mahse thil pakhat lek, a point 2 na ‘Tihtur/(dreams)nei, ti thei lo’ hi thil nithei a nih rual in khawvel ram dang nen han compare chhin ta mai mai ila, ram changkang zawk ah mi in an dream ang pawh tih hlawhtlin theihna kawng zau tak an neih na ah pawh a percetange a lak pawn suicide hi a sang zawk fe tho mai. Chuti anih chuan khimi point bik te khi a valid tak tak angem tih ka ngaihtuah mai mai.
Ka ngaihtuah na chhan pawh a solution siam thei vek dawn ta ila tih atangin khimi point solution nei tawhsa te ram ah pawh a san tho chuan….. tih vang ani.
Report this comment
October 25th, 2010 at 6:11 pm
Beiseina kan neihna Lal Isua, kan damchhan chanchintha-ah hian chiang tlang ila chuan suicide hi a awm lo tur.
Report this comment
October 25th, 2010 at 6:25 pm
Suicide-na chhan zinga tam ber pawl ”depression” (rilru hah tih ringawt ai chuan a awmzia a zau zawk) hi natna dangte ang tho in vei thei vek kan ni. Kei ngei pawh kum 2 liam ta velah khan ka nei thin a, a chhan awm vang te, awm kherlo te pawn rilru hi a beidawng ngawih2 a, kan hrang ngoih2 in kan inhria a, midang leh khawvel hrim2 hian min tlansan vawng2 in ka hre thin.
Ka sawi duh chu Mizoram ah bik tak phei chuan physical illness ah deuh chauh doctor-te hmuh kan tum tlangpui. Mental illness nei te hi chhungte’n awmthatduhlo ah an puh fo bawk. Helam hi inchhiarzau a thra. Rilru beidawnna neite hi anmahni mai bakah an bula mi te tan mi hlauhawm an ni thei. counselling, psychotherapy leh medication te a trangkai ber a, a bula awm ten an treat dan in nghawng a nei thui hle bawk.
”Beiseina neilo te hian huaisenna an tlachham a, an nung zel ngam tawh thrin lo”
Report this comment
October 25th, 2010 at 6:30 pm
tunlai thalai tamtak inawkhlum zingah hian ruitheihthil tih vang tih hi a tam deuh ber ang,an ruihtheihthil tih hi chu a chawtani ka ti ve tlat.An nu leh pa/chhungte hian ana thei ang berin,a hautu pawhin khami tawngkam kha ka lo telh kher2 a aw..tih tur hian an hau ve thin bawka,tiang ho hian depression,mahni inhmuhhniam na etc etc.. an neih tam tawh awm mah lak laia,an chhungte ngei in hetia ana thei ang bera an hauh/vin chang hian thenkhat hian an tuar zo lo thin.Inawkhlum thenkhat ngati nge?A pa in lehkha zirturin a tia;apa/a nu in chhung inkhawma tel turin a tia;apa/anu in a hau ve deuha;ruihtheihthil a ti ve thin a..Heng ho leh a dang atam ang chhunalam fahrah te te a chhungte thih tir ching ho hi a ruk tak chuan an in thiam lo ve ngawt ang
Report this comment
October 25th, 2010 at 10:36 pm
Mahni in tihlum hi zawng dan tak tak theih a ni lovang…. a in ti hlum tur hriat chian sa a nih ngawt loh chuan…
Report this comment
October 25th, 2010 at 10:59 pm
September thla thlenga mahni intihlum zat 50 a tlin hman chuan a hniam lem lo tihna a ni. India ram hi kum tin mi nuai khat zelah 12 vel intihlum ang kan niin ka hria. Christian ram leh tribal community ni bawkah chuan suicide rate sang ber state kan nih ka ring.
Dr. hrekima chuan chhungkuaa intihlungawilohna avanga intihlum ta hi Mizo zingah chuan an tam awm ber niin a sawi. A dik duh hmel viau mai. Family ministry hi uar a ngai hle a ni. Ruih hlo hi khawi ramah pawh a chhan lar berte zing ami a ni bawk.
Report this comment
October 26th, 2010 at 12:35 pm
In awkhlum apiang na taka hrem an ni ang, an tia…tumah an in awkhlum gam lo (^_^)
Report this comment