Hman ni lawk ah Thakthing ah Naupang kumtling lo satliah mai pawh ni lo,naupang chhe pel awr chu Pawngsual anih mai piah lamah a nunna hlu tak chu rawng taka laksak ani a.Chutiang a titu chu tun ah nuamsa tak in Jail ah him em em mai in, a hrisel loh pawha enkawltu tur Doctor nei thlap in Inrinni tin sa ei theihna (ni tur ah ka ngai deuh va) leh ei leh in tur ngaihtuah buai ngaih miah lohna hmun ah dah a ni a.
Chutiang anih mek lai chuan Muallungthu ah chutiang rual lek tho chu Rawng taka tih ni ve tho in, pawngsual a that tupa chu a vanduai deuh thung a,chilhlum a tawk ta anih chu kan hre theuh awm e.Nunna zah lo tu chu a nunna pawh zah bik a tulna a awm love kan ti anih pawn mihring nih chhung chuan kan thiam awm hle mai.Mahse hetiang ngot chuan mi zawng zawng chungah a tih theih hauh lo ani tih pawh kan hre chiang thawkhat e.
Hetiang ringawt mai chu thil tih chi leh tih theih reng pawh ani lova,chuvangin ang khat a hremna dan khauh leh na deuh tak hi siam nise,chutih lai kar a lo vanduai bik deuh te mipuiin an lo chil hlum te an awm anih chuan tih ngaihna a awm chaung lova,mahse mipui kut tuar lo pawh a simna tham deuh va dan hmang si a rorelna hi awm thei se chaun a that ava rinawm em!!!
A bik takin Kumtling lo naupang (Kum Sawm nuai lamte) pawngsual tute chu warning pek nan an KUT veilam tan sak a,Kum 5 tal emaw JAIL tan tir ni bawk se,tin Naupang pawngsual a that tute chu an KUT DINGLAM tan sak leh An SERH tan sak tur ani tih ang te hian DAN hi mipui te tan pawh a lungawina tham hi awm ta se,MOP RULE hi a ziaawm deuh mai bak ah,chil hlum ngawt aia chuan Piantharna CHANCE duhawm leh tha em em mai an nei dawn a Pathian duhzawng tak pawh ani mai thei asin.
Bible ah pawh Kut khinghnih nei a Gehena a kal aia chuan pakhat tan a Vanrama kal a that zawk thu kan hmuh hi, an piangthar ta lo anih pawh in Serh tansak leh Kut dinglam tan sak chuan mi a pawngsual nawn leh tawh kher in a rinawm lova, Mipui te rilru a dam hrim hrim mai bak ah hetiang thil thleng zing lutuk hi a tih zia awm theih deuh a rinawm.
Kan thianpa pakhat in kan veng ah naupang pawngsual tu an man a,Jail ah khung ani a,rei vak loh vah a rawn chhuak leh a, a pawngsual leh thova an man leh a, Jail ah bawk an khung leh a,a sim chuang lo tih min hrilh a a sim hmak theihna tur khawp a hremna a tawk lo tihna ani mai a,Chutih lai chuan chu a naupang pawngsual nun erawh a ti chhe vek a,a vanbuai phei chuan a hmangaih ber pawh nei thei tawh lova siamtu ani asin. Huatthlala tak hi ani ringawt mai.
Mipui thinrim in kawng an zawh a,MHIP thinrim in thu chhuah an siam chamchi a,thu chhuah tam vang leh kawng zawh avanga tih reh deuh theih ni se zawng tun mai a thil rapthlak tak thleng hi hriat tur a awm hauh lovang. Chuvang in kan dan siam thu khawl te hian engtin emaw tal he thil chimawm tak thleng ngun ta em em mai hi engtin a lo zia awm theih deuh vang tih han ngaihtuah deuh teh un,a reh a reh hmak emaw rem hmak emaw chu he khawvel awm chhung a Setana hrin ni tawh thin te mihring chenna khawvel ah hi chuan a bo thak thei hauh lovang.
America Engineer rual hovin Earthquake prevent turin engthil mah Design theih ani lova,mahse resist (Lo tinep) thei tur chuan engkim a design theih thung ani an tih angin reh hmak thei dawn lo mahse ziaawm thei tur a hmalakna neih erawh dan siamtute leh roreltute tih makmawh a ni takzet in ka hria. Enge Chhiartute in ngaih ve dan le???.
Similar Posts:
- Pawngsual hremna dan tur
- Kumtlinglo khawih a ni leh tawh
- Pawngsual hi
- Halloween a Pawngsualtu te tih makmawh chu!
- Zoram hi kan pawngsual em ni????
Happy Birth Day… 
November 12th, 2010 at 8:00 am
Keipawh hei hi hmanni thil thlen hnu khan ka ngaihdan hmasa ber (first) a ni.
I ngaihdan khi ka sawi belh hma-in kan thlawp phawt a nge. Ngaihdan tha tak pawh a niang a.. Dan kenkawh lai tak hi kan buaina a ni leh ang tih a hlauhawm ve mai mai…. Tuna kan dan tam tak pawh hi kenkawh that a nihloh avang hian Mizoramah sualna te pawh atam phak ve bawk a ni.
Report this comment
November 12th, 2010 at 8:16 am
A awmsa vek … molesting, murdering — khatiang CrP kha an awrh khawmtir mai alawm! Mob rule-a chet chiam hi engtia hrem ve tur nge ni zawk ang le? Kan hre lo der mai zawng a nih hi! Dan ang chuan action lak tur a ni miau si!
1994 January khan H. Thansiama inah tualthahna a thleng a, mahse, Tuirial-ah ruang kha an hal hmak a, thawm dang a awm ta miah lo ni khan a lang. Thamral thei chi hi chu a awm tho.
Report this comment
November 12th, 2010 at 8:19 am
na lutuk ai na in hrem zel rawh se..tunlai chu misual tih takah misual chanchin a tam hle mai.
Report this comment
November 12th, 2010 at 8:48 am
Dan chu dan vekin a hneh leh thei tlatzel a.
Report this comment
November 12th, 2010 at 8:50 am
post hmasa lamah khan ka ngaihdan ka sawi tawh a sawi kher tawh lo mai ang. Tuna a case awrh pawh hi hrehawm taka damchhung lungin tan emaw khaihlum emaw niin an sawi, zephenath sawi ang deuh khian a dan kenkawh lai tak hi a ni zawk thin e.
Report this comment
November 12th, 2010 at 8:57 am
Thi silo a na taka hrem tur ani mai…
Report this comment
November 12th, 2010 at 9:18 am
Naupang pawngsual a that zui hrim hrim hi chu man ila; a pawngpual sak nu leh pa hnenah an duh duh an lo enkawl turin pe tawp mai ila ngaihsak zui lemlo bawk ila
Report this comment
November 12th, 2010 at 9:24 am
Pawngsual hremna tur atan chuan DANBU pharh kual vel ngai ka ti lo. Pawngsualtu te hi mipui kut ah hian hlan hmak zel nise, kan lo inchil hlum ta nih pawhin tam tak kan inchil hlum hman chuang lo ang. Pawngsualtu 5/6 vel kan inchil hlum chuan Mizoram ah hian Pawngsual hi chu a reh ve mai ang.
Report this comment
November 12th, 2010 at 9:37 am
Kum tling lo pawnsualtu chauh ni lovin, pawsualtu reng reng chu nataka hrem tur an ni ringawt !!!!
Report this comment
November 12th, 2010 at 9:57 am
Zeph sawi ang deuh khian a kenkawh lam leh bawhzui hi a ni, kan dan neihsa pawh hi hnehtakin kengkawh se chuan tun a thilthleng ang hi a thleng kherlo mai thei,
Tun a case awmsa pawh hi bawhzui thrat loh chuan engmah loin a zuzi leh mai ang, eg,he case a witness zz te hi court in a koh hun a piangah kal ziah tur a nia,tun a andinna ngaiah dingrengse, kum 10 hnu pawhnise witness te hi taima takin court in a kohin kal zat2 rawhse,kum 2/3 a liam chuan tun a kan thinrimna te hi kan theihnghilh leh mai thei,MAHSE case chu a kal dawn chauh tih hi hrereng ila thiltisual ngei pawh hi witness thrat loh vangin anzalen leh mai2 a lawm
Report this comment
November 12th, 2010 at 10:00 am
“…a kenkawh lam leh bawhzui hi a ni, kan dan neihsa pawh hi hnehtakin kengkawh se chuan tun a thilthleng ang hi a thleng kherlo mai thei,”
Dan awmsa pawh kan kengkawhin kan zah hlawm bawk silo, dan siam belh pawh angai hrih em ni le! :roll: :?
Report this comment
November 12th, 2010 at 10:12 am
Personal security chungchang hi hmanni ah kan sawi ho a. India ram dan nep zia leh a hremna nat loh zia te pawh kan sawi ho a ni. Prime Minister Manmohan Singh meuh pawh in kan dan hmanlai te hi siam that a ngai tawh nia a hriat thu pawh a sawi tawh kha.
Hmanni a Emmanuel Zomuanpuii pawngsuala that tu, Gurung-a fapa (mithenkhatin Mizo emaw in lo ti a, Gorkhali, Mizo hming nei fapa a ni) Lalrammawia pawh khan Ukil tha a rawih phawt chuan kum 14 vel bak a tang leh lovang tih hi chiang takin ka sawi ngam a ni. Chuvang chuan kan dan neih te hi an nep em avangin mipui in kan kut a rorelna kan chelek chang a awm thin niin ka hre bawk.
USA te ang khuan dan nei khauh ve ilang chuan hmanni a mipui chet dan te pawh kha a demawm kan ti thei ang. Mahse, ram changkang te nen hian kan inkhaikhin fo thei lo tih pawh hi kan hriat a tha hle bawk a ni.
Gurung-a fapa Lalrammawia chungchangah chuan lo let leh ta ila: (Source K.L Liana) Indian Penal Code, IPC an tih mai chang 302 leh 376(2) (f)-na angin thubuai an siamsak ni awm tak a ni. IPC chang 302 khi tualthatte hremna a ni a, khi mi ang khian thil sualtitu Court-in thiam loh a chantir (convict) a nih chuan hremna pahnih chiah a awm a, chu chu dam chhung lung in tan emaw khaihlum emaw a ni tawp mai. Hei bak hremna dang a awm lo.
Tin, IPC 376(2)(f) hi pawngsual hremna a ni a, Kum 12 chung lam pawngsualtu chu dam chhung tantir theih a ni a, a tlem berah kum sarih tal a tangin pawisa a chawi bawk tur a ni. Mahse Court-in kum sarih aia tlem pawh a tantir thei a, mahse chutianga kum sarih aia tlem a tantir chuan engvanga kum 7 tal tantir lo nge a nih kha a chhan leh a vang a ziak lang tur a ni thung. Tin, naupang kum 12 hnuai lam pawngsualtu chu dam chhung tantir theih a ni a, a tlem berah kum sawm tal tantir tur a niin pawisa chawitir a ni bawk tur a ni. Mahse Court-in kum 10 aia tlem a tantir thei a, chutianga tih a nih chuan engvanga kum sawm aia tlem tantir nge a nihna chhan kha chiang takin a tarlang bawk tur a ni.
USA angahte khu chuan mi an thil sual tih a zirin kum za tang tura an tih te pawh a awm thin ni awm tak a ni a. India ramah erawh chuan chutianga tih a theih ve loh va. Court-in dam chhung tang tura a tihte pawh hi an thih hmain an lo chhuak leh fo thin a nih hi. A chhan chu IPC an tih mai chang 57 angin, dam chhung, tih hi kum sawmhnih anga ngaih tur a ni a. Chang 55 angin sawrkarin dam chhung tang tura Court-in a tih kha a tihhniamsak thei a, mahse kum 14 tal erawh a tang tur a ni thung.
Tin, IPC chang pakhat mai ni lo, pakhat aia tamah dam chhung tâng tura tih ni ve ve ta ang sela, a pahniha a tanna kha a kal dun tur a ni a, kum 20 a ral hnuah 20 dang tang leh tura inchherchhuana tih theih a ni lo. Chumi awmzia chu Lalrammawia hian a thil sual tih pahnih ah khan kum 20 bak a tang dawn lo tihna anih chu. Ukil a neih that dan azir in kum 14 ah pawh a rawn chhuak leh thei.
Hetiang a kan ngaihtuah chuan mob rule hian thatna pawh a lo nei ve reng mai. Ram changkang zawk te nen kan intehkhin fo a, mahse eng dinhmun ah nge kan din tih pawh hi kan hriat chian ve hi a tul a ni. He Mizoram sorkar hian rare of the rarest case ah pawh khaihlumna dan hi a kengkawh dawn lo kumkhua. Chu chu mipui te hi a hrechiangtu ber kan ni bawk a, kan kham khawp lo thin a ni.
Kan India ram dan hi chu siam that ni thei se, a duhawm khawp mai.
Report this comment
November 12th, 2010 at 10:28 am
A tuartu (victim) chhungte tan hian ana don hian k ring alom mawle. Suangtuahna in an fanu future tur kha an ngaihtuah ve rauh2 thin awm si a, pawl 10 a pass hun tur te a hnathoh tur te, a thawmhnaw inhmeh tur zong te etc etc. Vawilehkhatah tu maw HUR leh suahsuahtukhawmpawn vangin he khawvel hmu leh toh lo tur in laksakin an awm ta a ni a. Naupang nui ri an hriat ringawt pawn amah anih takin tiin an en hram zel k ring. chuvang chuan a chhungte tan eng hremna in nge an rilru tidam deuh ang (eng hremna poh kenkawh se an rilru chu dam famkim don chuanglo a). Tuna kan judial system anga hremna lekkawh thin ang hi chuan misual thil tih hi a justify mawlh ka tilo.
She won’t be there no more to enjoy things like small and foolish childish fun things we use to enjoy when we’re her age. She will miss those thing we took for granted like first love, heartbreak etc etc. Soi ve deuh duah ni e. rilru na ve tlats article ami anga an hrem mai2 don nih chuan…….. :cry:
Report this comment
November 12th, 2010 at 11:48 am
kan dan neihsa ang2 pawh kenkawh mamawh ngawih2na in min urthlu tawh hlawm a, a kengkawh tur takin a kenkawh siloh chuan,a dangin ankengkawh mai,anthiam ve dan2in, DAN dang pawh a la nizel ang, mamawhnain min urthluk tawh chuan Mob rule kherlo pawh hi a la hringchhuak mai ang, mob rule pawh kan khawpkhamloh hun a thlen pheichuan…REVOLUTION ???
Report this comment
November 12th, 2010 at 12:34 pm
Khawvel tawp hmaloh chu sual hi a tawp dawnlo. A hremna chu eng anga na leh hrehawm pawh nise.
Lalmuanpuii(fam) thattu hrem kan duh dan hrang2 kan sawite kha a la reilo hle. Thenkhat chuan kan duh anga hrem nilo deuhvin kan hria em aw? Ka ti a.
Muallungthu vanduaina lungchhiatthlak thlengah khan mob rule a tihhlum a ni a(pawngsualtupa kha). Thenkhat chuan em em a kan ti a. A dik tak chuan, kha mob rule a che te zingah khan, misual dot commers an awm nual ka’n ringa. Chungho chuan thil thleng hmasa zawka comment te kha an chhiarin, comment pawh ka ring. Chung atang chuan, mi nawlpuite duh dan leh tha tihdan nia ringin khatiang khan an che duh ta mai a ni law’ng maw tih te mi ngaihtuah tir a.
Ram changkang apiangah sual leh sualna chi hrang2 te a tam zawk mah a maw ni a tih theih. Ka hriat thiam ve dan mai mai chuan, hnam/mi fing apiangin sual leh sualna avanga thil thleng aiin tha leh thil tha thleng hi an ti langsar zawk zel a. Chu chuan ram leh hnam, leh khawtlang mawilohna a hliahkhuh thin.
Report this comment
November 12th, 2010 at 12:39 pm
Hetianga Mizo mipuite kan thinrim a, dan khauh tak lek kawh duh hun a lo thlen hian kan kan politiciante bawk hi an demawm leh thin zawng a nih hi! Mahse kan politiciante dik lohna hi kan dik lohna a lo ni leh bawk si a, a va han buaithlak tak em! Mipui nawlpui insiam that kan ngai chu a nih ber hi!
Khuareiin min hnem leh ta maw tihah pawngsualtute chakna a rawn chhuak leh ang a, thanharh a tulzia kan hre leh hnuhnawh ang a. Heti reng reng hian kan ram riang te hi a chhunga cheng Zofaten kan pawngsual chho zel dawn a nih ber hi!
Ka va han run tak em! Aw Zoram!
Report this comment
November 12th, 2010 at 1:35 pm
Kumtling zei tak tak pawh an awm laia kumtlinglo engmah pawh hrelo han pawngsual mai hi chu a zialo tih piahlam a ni. ‘Sual man chu thihna a ni’ pawngsualtu, tualthattu ni bawk pawh khan a sual man a hmua a thi ve ta a ni. Mipui kut tuar in!
Tuna a lan dan ah chuan kan dan neih sa te hi kan duh tawkloin roreltu te hian pawngsualtu te hi an hremna tawklo a ni tih hi a ni. Hetianga kristian rama mipui kut tuara thi an awm reng hi a mawiloin Pathian duhzawng pawh a nilo hrim hrim. Chuvang chuan hetiang a in thahna leh pawngsual rapthlak tak mai hi a thlen tawhloh na turin kan dan te hi siam that chu a ngai a ni.
Report this comment
November 12th, 2010 at 1:59 pm
A tha khawp mai. Nia Dan hi chu kan khawsakzia a zirin siamthat/ siamthiam chu a pawimawh khawp mai. Mahse a pawimawh ber chu kan thil neih la thlak danglam loh hi a nihna ang tak a kan hman leh hman loh hi a pawimawh. Tuna kan Dan pawh hi a hmangtute/ a chelektute hian an zir lo em a tin ni. Thil tihsual in ang rau rauah pawh a thente rei tak case an awrh laiin, a thente chu reilote chauh an awrh a. Heng pawngsual/ tualthat case pawh hi a nihna ang tak chuan kal seng chuan a na tawk ve vio tho a ni.
Mizoramah chuan Tualthat/ pawngsual te pawh hi thiantha leh pawisa nei tan chuan a tihfel a awl em a tin ni. Roreltute hian an hmanrua (Dan) hi an pawngsual a, chumi an pawngsual dan hmang chuan pawngsualtute an enkawl a nia, a ngaihna a awm ngang love.
Report this comment
November 12th, 2010 at 2:14 pm
Kan legislator (lawmaker) te pawh hian an tih tur an ti lo deuh chu a ni e. Memeber of Legislative Assembly an ni a, an duh a, an tum phawt chuan dan siam tha/tichak thei an ni. Mahse, kawng hawn, hall hawn tih vel bak thiam an nei tlem deuh niin ka hria.
Chutih laiin India danpui hi State sorkar a dan an siam chawp te hian a kalh thiang lo hulhual thung a. Amaerhawchu, a dinhmun a zir in tih chak theihna emaw tih nep theihna emaw chu an nei a ni.
Kumtling lo pawngsual hi a lo berah, eng ang dinhmun ah pawh ding se kum 20 aia rei tan ngei ngei theihna ni sela, kum tlinglo pawngsual a, thattu chu chiu hlum/khaihlum ngei ngei ni bawk se. Tiang zel in. Tuna kan dan hman lai angah hi chuan mi hmuh lai ngei a tual that tu pawhin ukil a neih that phawt chuan kum 5 ah te a rawn chhuak leh mai thin. Hei hi mipui hian kan kham tawh a nih hi!
Report this comment
November 12th, 2010 at 2:31 pm
Misual hremna dan kan sawi a, kan reh pharh mai alawm maw le. Sual hi kan lo haw lutuk lo anih dawn hi. Chu ai chuan dan lova awm te pawh kan hum duh zawk a, kumtling lo pawngsual a that tu chungah pawh dan dik taka rorel kan phal hek lo. Kan phu tawk chiah hi kan hmu zel dawn a ni.
Report this comment
November 12th, 2010 at 2:41 pm
He post chu pawngsual chungchanga comment hmasa ho lakkhawm ang mai a ni. Ka ngaih dan chuan “Dan” tam poh leh kan buai ting mai dawn a ni. @HV, sawi ang khian kan dan neihsa te hi uluk zawk leh felfai zawka revice leh khauh taka kalpui hi a tawk viau in ka hria. Pawngsual chungchang chauhlo pawh siamthat ngai chu a tam viau ang, zu no khat kawl leh um za kawl hrem dan in ang reng te hi a fuhlo ka ti, aaa a tam mai sawi dawn chuan.
Report this comment
November 12th, 2010 at 2:43 pm
He article cu ka pawm zawng tak ani
Chil hlum tih vel hi cu an vannei ka ti zok ka duh dan cuan dam reg si dam nuam ti si lo thi duh si thi thei silo hian han siam ila, inchhir si mahse awmze nei toh silo hian. An serh te cu tan sak ila an ti nawn toh lo khawp ang
Report this comment
November 12th, 2010 at 3:55 pm
kan jail te pawh hi a nuam lutuk(misual hrem nan) an ti.central jail a hnathawk tawh ngei in min hrilh. underground cell, thim mup reng mai, thawm leh ri reng reng hriat tur awm lohna,mihring biak tur pawh awm loh na.Outside world nen a inzawmna reng reng awm lohna te hi awm ve sela a thra ang.
Report this comment
November 13th, 2010 at 4:34 am
mi zawng2 post toh hnu hian kan post ve mai2 ange.
Naupang chhungte(a nu leh pa) rilru tur dawn hian an fanu duat lai pawisawilo nunna latu leh rapthlak taka pawngsualtu hi jail ah nuamsa takin a awm…tih hriat ringawt poh hi a va thinrim thlak dawn em,he pa hi dam tlak a nilo…a thil tih sual avang hian tu kut emaw vawikhat tal a tuar toh em?
Report this comment