A khuhhawnna
He thlan khur hi a va nunrawng thin tak em. Chhungkhat laina, thiante leh thenrualte min pawt thenin a angchhungah dah turin min um thin a nih hi. Kan hlimna chu a angchhungah min pawh luh sak a, kan nui ri chu tap thawmin a thlak thin a nih hi. He thihna nun zet hi zawng anchhia chi khat chu a va ni chiang em.
Thihna hlimkawr atangin
Hmundangah hnathawkin a awma. A kal dawn chuan hlim taka an inhmuhkhawm leh hun tur an nghahhleh thu an inhrilh anga, hawn turte pawh an inchah ta ve ang. A kal tur chu a thlah anga, kha an inthlah kha he khawvel awmchhung atana an inhmuh tawpna ber tur a ni tih an hre si lo! Kan hma hun hi kan va hre lo thin tak em!
A hnathawhna hmunah te chuan a nau chu a hre ve reng anga, a ngai dawn tih chu unau nei chuan in hrethiam mai ang. Chutianga hmuh leh a chak em em chu a damloh thuin a rawn deng ta tlat mai le. A nau damdawiinah a awm a, a ngaihtuahawm tih thu an hrilh chuan a damlai ngeia hmuh tumin haw turin a insiam a, a nau hmel hmuh a nghakhlel em em a, hmanhmawh takin a hnathawhna hmun atang chuan a nau awmpui turin a haw ta….
Beiseina…beisei tur awm tawhlo chu
Khatia a haw a, kal kawnga a kal lai khan a nau, a thlakhleh em em,a damlai hmel hmuh a duh em em chu thlan khurin a lem pil ta! Chu thlan nunrawng tak chuan a nau hmu hman lo turin a angchhungh a pawt lut a, a khualzin kawng chu a zawh tawp tawh si. Kha nula erawh kha chuan chu thu chu hre lovin a nau hmuh a beiseina chuan a rilru a la luah tlat a, a nau chuan chuti maia a kalsan chu a la ringlo cheu. Mahse, a nihna takah chuan beisei tur awm tawhlo chu a beisei tlat tih chu amahin a hre si lo…a hriat hunah chuan a rilru chu eng ang takin na ang maw?
Hlimna reilote chu
Kan inkawma,fiamthu kan thawh a, kan nui ho dar dar a. ka thil hriat ang kha hre ve ta se a nui lai kha a tawp hmak dawn tih chu ka hre renga, mahse, kan thil hriat kha hrilh chi a la ni lo….a nau awmna nen a inhlat rih si a,a rilru lo tihnat vak chi a ni lo. Khatia kan nuih ho dar dar lai khan an inah chuan khawhar riahpuiin tlangval tlawmngai chu tui takin an mu anga, a chhungte erawh kha ka bula hlim taka la nui kha a hriat huna a rilru tur ngaih tuahin an kun tlawk tlawk a,an rilru a buai a sin…..
Khati a nui thawm kha a tuk lawkah chuan mangang leh rilru na rum riin a zui dawn a, a hlimna chu thlan khurah hnuhliam a ni tawh dawn. I chanah han indah the le…..
A hmuaktu duhawmlo chu…
Ani chuan damdawiina a nau damlo awmin a hmuah a ring a, mahse a tak takah chuan a hmuaktu tur chu thlan vung tharlam tak pakhatin a ni a sin. A nau khualzin kawngzawh tawp berna tur an thlahna hun lai vel chuan a haw mek a, a nau khawhar taka amaha thlan khura a mut hmasak ber zan chuan ani chu kan bulah a la nui…a nuihna chhan maw? A nau hmuh leh inringin a awma, a nghakhlel tawh a, a chhungte bula thlamuang taka awmtheih ringin a la nui thei. A nauin a boralsan tih a hre si lo… mahse, a hmuhchak em em chuan thlan vung thar tak pakhatin a lo hmuak si a……
November 18th, 2010 at 2:09 pm
nakinah ngun deuhin chhiar ang
:mrgreen:
Report this comment
November 18th, 2010 at 2:17 pm
Ni e, thihna hi chu a rawng a ni. Mi hausa leh mi rethei inan tlan theihna chu..
Aw.. Thihna..
Thihna..
Report this comment
November 18th, 2010 at 2:20 pm
Thihna hi chu,…. hnek sawk sawk a, nam paihtren hial ania ka duh ni. Mahse a tangkai em em tho si a.
Uluk zawka chhiarah khek phawt teh ang.
Report this comment
November 18th, 2010 at 2:21 pm
Beisei na …beisei bo thlen tu hi chu aw…..
Report this comment
November 18th, 2010 at 2:30 pm
Va khawngaihthlak ve aw!! A hrilhhai dan tur chu…! Mahni chanah pawh ka dah ngam lo e a….
Report this comment
November 18th, 2010 at 2:36 pm
Zualko : J.Thanzuala. Mana & Sons. Chu Kolkata ah a boral. A hre âwm te in hrilh darh mai nise.
Report this comment
November 18th, 2010 at 2:38 pm
rilru a hneh hle mai….
Report this comment
November 18th, 2010 at 2:40 pm
vanram ah chuan thihna ngei poh hi a la thi ve ang
Report this comment
November 18th, 2010 at 2:44 pm
LK ah ka chhiar zo chiah a,,helamah poh lo vawm bei nih hi…
Hetiang thil hi khawvel a ka thil tawn hreh ber te zing a mi a ni…
Rilru a na duh viau ang… :cry:
Report this comment
November 18th, 2010 at 3:00 pm
thihna hi chatuana nunna kailawn ani.
Report this comment
November 18th, 2010 at 3:17 pm
avan ngaihnawm ve
Report this comment
November 18th, 2010 at 3:46 pm
Hmangaih leh duhlai, kan la thlakhlelh ngawih ngawihte’n thihna avanga min han kalsan zet hi chu, thinlung a rùm a, rilru a mangang a, kan vän ruai mai thin zawng a nih hi, he khawvelah hian. A na a, a nun a rãwng kan ti lo thei lo.
Kawng lehlamah chuan, mihringte hi thi thei lo ni ta ila, tar chak lo buaipuiin thalaite kan tul nileng zak ang a, hna dang thawk hman lek lovin Adama thlahte hian Evi leh a thlahte nilumah kan inpho chhawk zak zak mai dawn a lo ni. He khawvelah hian kan leng tawh lovang tih pawh a hlauhawm zawk ang. Dam hi a hluta a hlimawm takzet laiin thihna hi themthiam taka Siamtu remruat a lo ni.
Robin Sharma thusawi hi kan nun atan a pawimawh:
“When you were born, you cried while the world rejoiced. Live your life in such a way that when you die, the world cries when you rejoice.”
Report this comment
November 18th, 2010 at 3:57 pm
Nung tur chuan kan thih hmasak a ngai si a. Thih hlaulo fa tunge awm le?
Report this comment
November 18th, 2010 at 4:07 pm
thihna hi chu aw.. min vel tam tawh mange :cry:
Report this comment
November 18th, 2010 at 4:08 pm
Thih hi ka chak chu niloa amaherawh chu ka hlau tehchiamloa, mi boral pawhhi ka la run lutuk lem lo. Pa te thihna erawh chu ka tuar ve viau, keipawh kala thi dawn tih ka hria. Khawvel hi a hrehawm zawnga ngaihtuah chuan Pathian hnena thlen tluka chakawm a awmlo. Ka ngaituahna hi a strong bik em em pawh ka ti chuangloa zan mu zinga thawh tawhloh tawp mai chakna te hi ka nei thin.
Mihring nun hi in anglo tak ania. Al Qaeda hote khan zuk hlau vakloa mawle hahaha….
Report this comment
November 18th, 2010 at 7:14 pm
thihna hian Pathyan ropui jia leh kan thu loh jia a ti chiang hle in ka hria. tumah thlei bik leh duhsak bik pawh a nei chuang lo. i tin chung a thleng tur leh kan la tawn theuh tur a nih rual in a hun a lo thlen chiah hi chuan tu tan mah han nuih pui mai mai chi lah a ni bawk hek lo. Pathian a in tu lut thiam thiam hi an vannei a ni mai….. thihna pawh hi mi piangthar thi leh piangthar lo thi te hi chu a nat dan a dang in ti ve lo maw… piang thar lo an han thih hi chuan mitthi chhung te tan a nat dan hi a thuah hnih bik zual a sin….
Report this comment
November 18th, 2010 at 8:22 pm
Thih hlau lo tan hi chuan khawvel hi a ho duh phian ang a!!
Report this comment
November 18th, 2010 at 11:29 pm
Thihna hi Pathian red card a ni. Mahse, infiamnaa red card-te ai chuan hlu tak a ni. Chatuan nunna nei tura kailawn a ni tlat.
Report this comment
November 19th, 2010 at 3:23 am
Thihna hi chu aw..sawi ngaihna ka va hre lo tak em! A tawp hi a ni tawp mai.
Hnuk i ti ulh dawn tlat KT :cry:
Report this comment