Keini ang, thirsakawr aia tawlailir nei hmasa; inbual aia insual nuam ti zawk. Nikhata vawi sawm chuang arpuiin no a keu leh keu loh ena Ar In luhchhuak zut mai thin, thingtlang naupang dik tak tan kha chuan thlasik khawvawt kha a va han namai lo thin tak em! Aizawl lama kan rualpuiten Mario khela princess chhanchhuah tuma an beih lai khan keini chuan bek lei si ngar ngar chungin, a kaw tawpa tang sephung pachal kawmchhuah tum khan kan bei a. Hitman leh Tatanka te in-wresling an en laiin keinin mit tla dawn dawnin Haathi Mere Saathi te kan en ve thung a. Thirsakawr nalh tak tak an khalh kual pap pap laiin keinin bawng kan khalh a. Thenawmte bawng pachal, Kizara meia pawt ngam nih te kha ropuina chi khatah kan ngai a nih kha!
Ni a ral a, kum a liam a. Khawitairek zuk natzia hahipa sawi thin khan ‘KFC’ te kan ti ve ta a. Bawng insi aiah Brad Pitt-a te insual lai te kan en ve ta. Khawvel hi a letling ta nge maw keini hi kan letling ta he hu zawk le? Masi a lo thlen dawn apianga tlaivar zan hisap rana kan meichhemna tur thing fawm khawm tu tu thin kha, Forum leh Big Bazaar-ah te kan inpawm hnawk ta hle mai a.
Thlawhna thlawk thawm a awm hleka chawei tui lai tlansana pawna tlanchhuak dawr dawr thin khan ‘cabin crew’ te nuih sak pahin ‘Hi’ te kan han ti ve kawkalh ta a. Nun hi a letling zo ta a nih hi maw le. Heti a ni chung hian, Thawhtan zinga phur lo zeta ipte aka sikul lam pana kan kal hnak hnak laia, Chhipte tlang chung atanga min thlir thintu ‘ni’ kha erawh zawng a la danglam ve lo. Tuan leh mang ata tawh rinawm takin, he khawvela nunna nei tawh phawtte tana chakna leh malsawmna ni turin a la chhuak tuktin zawng a nih hi!
Zawngtah kung lawn huai tana khawpui nula chhai sual an awlzia te hi keini aia sawi awm deuh deuh an awm. Miin cellphone an hum fur tawh hnu pawha “Ka phone number chu… zero three eight nine…” kan la tih lauh lauh lai te kha hmanni lawk a la ni. Siamtu hian keini ang Zoram khaw kilkhawr, thingtlang fahrin te hi chu sum leh paiah min duhsak lo a nih pawhin, hmelah te tal min duhsak deuh ni se, mi angin kan nui mawi ve tur hi a nia. Chutih a hnekin, kan hmai phek hlai pui maiah hian zopa hnar dik tak, tawi bawng vut mai min han vuahsak a. Pian tirh ata he kan sakhmelah ngei mai hian laiphir min han paitir nghal thlap mai a! Heti kan ni chung hian nula te hi hmeltha kan la ti ve ta lai a. ‘Come Away With Me’ tih pui tur nei hawt si lo hian ‘Wonderful Tonight’ te, tawng ve tawh ni awm fahran hian kan kurpui ve a. Vun hang naran hi chu a la pawi em em lova, mi fate chuan ngaihno te an la bei tal a. Keini ve erawh zawng ngaihno bei chu sawi loh, thosi leh vangvat kara hnuhhram hnuk bawrh bawrh tura duan sa reng niawm fahranin kan luhlul hmel hliah hliah mai a. Kan heti chung hian darthlalanga inbih vang vang hnuah kan la nui ve sak sak thei tho a nia. Siamtu hi dem lutuk tur pawh a ni lo ve.
Krismas bawng hmu tawh leh la hmu ve lo kan inlungawi hleih thinzia te kha aw. Nunhlui mai an ni ta si a. Masi ruai theh dawn tuka bawng talh en tura zing khaw vawt zet hnuaia kan kal hram hram lai leh ‘a phing ka hauh a nia’ kan tih lai te kha..hmanlai an chang mek chu a ni sia le!
December 9th, 2010 at 6:04 am
Rilru ah a thar leh thin
Report this comment
December 9th, 2010 at 6:16 am
Zing kar karah ka lung an len chu le.. Hitman leh Tatanka tih vel kan buaipui lai te kha..British bulldog..an poster ka khawl teuh zel.
Report this comment
December 9th, 2010 at 6:35 am
Chhiar a nuam khawp mai.
Bawng phing kan pet thin lai te kha, va ngaihawm ve..A ham puar mawlh kha ni. Sil fai miah lohten kan hampuar thin ania..!!
Report this comment
December 9th, 2010 at 6:36 am
A ni ngawt mai ! Princess kha ka chhanchhuak ve zak zak thin a sin, chhanchhuah hma kha chuan ‘tan’ a na ve duh khawp mai.
Kekawr pawh ha lemlo leh kawr hma kilhna pawh awm kim tawhlo ha in, hnar a hnap tawlh sut luh rual a, ‘a phing ka hauh a nia’ ti thin kha…..a lo dang lam ta khawp mai.
‘inbual aia insual nuam ti zawk’ ha..ha..ha :lol: :lol: sawithiam bawrh bawrh em mai…..ukil ni ta la…i hlawk ngawt ang… :lol: :lol:
Scooter kan han nei thar ve a, ‘petrol aiin detol’ kan heh zawk a…. :lol: :lol: :lol: :lol:
Report this comment
December 9th, 2010 at 7:05 am
Ka chhiar ṭan chauh emawh ka tia a zo der mai :undecided:
:khi_deuh_sâng:
A ngaihnawmin a ṭha ka va ti kher em ve le…han chhunzawm leh teh
Report this comment
December 9th, 2010 at 7:18 am
zing kar ah ruah a sur cherh cherh.muchung a chhiar a nuam…a tawp daih a
Report this comment
December 9th, 2010 at 7:56 am
It’s a thrill into one’s own life on how to link past and present. Awfully interesting, guy!
Report this comment
December 9th, 2010 at 8:05 am
@chawnghilh (nick a nia..inkoh lawl lawl mai tur), hriatthiam awlsam zawngin han rephrase leh teh a..ka chhiar nuap nuap a, i sawi tum awm ang ka ngaihruat thiam trawk chauh a ni mai!
Report this comment
December 9th, 2010 at 8:07 am
Post tu chu south india lama awm a ni mauh!
Report this comment
December 9th, 2010 at 8:33 am
Thingtlang nun leh khawpui nun paltlang(tawng) ve ve te hi an nihlawh bik ka ti lo thei lo.
Coolsoul ka ziah tum i rawn ziak.
Report this comment
December 9th, 2010 at 9:19 am
Ngaihnawm thak thak hle mai. Chhiar a nuam. A dang ziah belh tur han ngaihtuah leh teh
Report this comment
December 9th, 2010 at 9:23 am
Bawng phing kha ka pet ve fo mai.. :lol: I ziak lunglenthlak hle mai.. (lungleng ve khanglang te’ng) :lol:
Report this comment
December 9th, 2010 at 9:32 am
Lung ava ti leng ve… tun ang hunah te hian Mas hun a muh tur thing lian pui pui kan zawn khawm a Kawnah kan chhep vum thur tur thin a, Kawrlum kan nei ngai lova Bata silipar bak bun tur kan nei ngai heklo,kan ke chat kha te kha; kan phallo chung chung kan nu te khan min nawhsak a, ava han na thin tak em
chhun alo ni a Tlangsam buk karah Buk lem kan sa chu hnu tlangher ah chun kan in Nupa lem leh nge nge thin :)(Tunlai hunte hi nise Pawngsual Case mak pui pui hi kan awrh fo awm asin) Saihlum kan thrual a Sava kan veh a; kan perh thla lem hlei lova….
Report this comment
December 9th, 2010 at 9:35 am
Ngaihnom zat zat..
Report this comment
December 9th, 2010 at 9:48 am
Coolsoul, thu i thiamin i ziak ngaihnawn thin hle mai! hmanlai nun i phawkchhuak thiamin, lung ti leng zawngin i ziak thiam a! Khawvwel thang zelin a ken tel hmasawnna avanga nun a lo danglam tak zia nalh tak leh ngaihnawm taka i ziah avangin ziak zel turin kan fuih ang che!
Report this comment
December 9th, 2010 at 9:57 am
I thu ziah chhiar a nuam hle mai
Report this comment
December 9th, 2010 at 10:08 am
A flow a tha kher mai.Mizo kutchhuak lehkhabu tha pawl tal ‘Thihsak pawh ka ngam’ tihte nen huang khatah ka dah ve ngawt.
Ruah a sur cherh cherh a, lung a leng cherh cherh :lol:
Report this comment
December 9th, 2010 at 10:13 am
Hun tlemte chhungin ngaihtuahna tam tak min neihtir hman e! I thiam thlawt e!! :happy:
Report this comment
December 9th, 2010 at 10:16 am
Ava han ngaihnawm tak em….ka lung aleng thar hle mai…hetiang thil ropui lutuk minrawn herlum sak leh tu coolsoul09 kava lawm em..adang pawh rawn ziak leh zel rawh…
Report this comment
December 9th, 2010 at 10:22 am
kan sawi ve lawks….
Saihlum zanah kan hruala,a tuk nichhuah ah tlaizawng par tlan tur changa tlaizawng kunga vawt ti taka kan thu khur ti tih leh zing dai fim vawt hlar mai tawn chung sava kan veh thinlaite kha a va ngaihawm tak. :wink:
tunah chuan tlaizawng par hmuhlohna pawh a rei ve ta khawp mai
Report this comment
December 9th, 2010 at 10:24 am
Ava han ngaihnawm mai mai tak, thu i thiam hle mai. A vawi thum nan kan chhiar leh phawt teh ang.
Report this comment
December 9th, 2010 at 10:40 am
Panlai nun ngailo reng mihring hi awm theih dawn loh nih hi…
Ziak thiam phian..mahni insawichhiat pahin in in fak leh zauh zel bawk sia…chhiar a nuam e…
Bawng phing sawi takah chuan ka pet ve hman chiang…
Ziaktupa chu i awmna sawi lo na a,hriat theih tho mai…..
Report this comment
December 9th, 2010 at 10:43 am
A ngaihnawm reuh lutuk, thu i thiam rualin sawichhuah tur lungtileng thei i thur chhuak thiam khawp mai. Masi bawng hmu hmasa pawl nih kha chu a nuam ve chiang a lawm.
Report this comment
December 9th, 2010 at 11:04 am
Va tha ve………….han ti zel teh.
Report this comment
December 9th, 2010 at 11:26 am
Ni e, hmanlai an chang zo ta si…
A ngaihnawmin i ziak/phuah chhuak thiam hle mai.
Report this comment
December 9th, 2010 at 1:55 pm
Ka like tawp : Siamtu hian keini ang Zoram khaw kilkhawr, thingtlang fahrin te hi chu sum leh paiah min duhsak lo a nih pawhin, hmelah te tal min duhsak deuh ni se, mi angin kan nui mawi ve tur hi a nia.
Report this comment
December 9th, 2010 at 3:32 pm
Coolsoul: Dont turn back the wheel of time!
Ziak ngaihnawm lunglengthlak hle mai.
…khrum
Report this comment
December 9th, 2010 at 5:04 pm
ka buai lutuk zingah ka chhiar hman lo a, chhiar chak tawkin ka awm nileng lawm le..tha kher mai lung ati leng
Report this comment
December 9th, 2010 at 5:36 pm
He post zet chuh… a va tha in a va dik em….
Report this comment
December 9th, 2010 at 7:47 pm
lung ava ti leng ve…ka mithla ah kan naupan lai a rawn lang zut zut mai..
Report this comment
December 10th, 2010 at 1:13 am
Chhîar ve ciah, tra khupz my..coolsoul ge2..
Report this comment
December 10th, 2010 at 1:18 am
Chhîar ve ciah, tra khupz my.mhce keicu a toi k ti e.chhiar tui dn cauh a top dih a,,kumthar sikul luh hun kn huphurh thn thu te kha han thlng lo2 la tra tr ny…nyway ****.
Report this comment
December 10th, 2010 at 5:19 am
@Coolsoul I thu ziak hi a chhiar a nuam thei hle mai, tin hun kal tawh leh tun dinhmun i khaikhin dan hi a ngaihnawm, In veng ah ngei khan Masi i hman ka duhsakche
Kan naupanlai chuan zingtakah masi Bawng/Sial chaw pe tur ten kan tho thin.Thih lungngai, zing khawvawt nen chaw chu an eitui lo thei khawp mai
Report this comment