Aw, Eiruk hmangte u, in chung a pik e! Pathian ram leh kohhran thawhlawm tam tak tak in thawh a, nimahsela rukruk in bang chuang si lo! In hmui dawtheiin “Lalpa, Lalpa..” in ti a, LALah in pawm chuang si lo! Vantlang bumnan in inchhungah “Tawngtai Room” in siam a, in nunah “Tawngtai nun” a lang leh chuang si lo!
Tawngkam thiamin mihring in bum a, Lalpa erawh in bum hauh lovang le!
Ram tana ro tling leh Damna tur thil ruahmante chu Ram mipui tizaktu leh “Natna” min pek belhtu maiah in chantir a, RAM aiin Party in hmangaih a, mipui aiin mahni! Malsawmna emaw kan tihte chu anchhiaah in chantir a, kan Zoram ropuina tur emaw kan tihte chu Hmuhsitawma min siamtuah in chantir thin maw!!
Mi ramte ke pen ruala ke pen ve kan chak a, pen ve thei tura kan inrin laiin kan kaihza tha min chhah sak a, kan aia naupangten min lehpel a, kan chhuk en thinte chu kan chhoh en zo ta!
Aw, eiruk hmangte u, in chung a pik e! Keini miretheite hming hawhin, kan riltamna chhawk zangkhai tura kan chanpual Vai lalpa hnena in zuk sawi chhuahte chu nghakhlel tak leh riltam takin kan ka angin kan lo nghak a, mahse kan kaa a lo luh hmain nangni vek chuan min lo ei zawh sak leh vek a, kan riltam a reh chuang si lo! Keini riltama kan cher telh telh laiin nangni erawh chu in ui vulh te nen lam in thau kung kung a, keini fur khawchhiaa tawm hulna tur in tha pawh kan neih loh laiin nangni erawh chu in chenna atana in tih pawh ni lo,thla 6 dan emawa in tlawh zeuh chauh thin in THLAMte chu an ropui tak tulh tulh! Kan ram hmasawn aiah in chhungkuain hma in sawn a, kan khawsak a harsat telh telh laiin in in chhawng a sang tulh tulh thung! Kan khawlai kawngte a chhiat tulh tulh laiin in inchhung bungrua te chu a changkang awk awk thung a! Keinin hlam bial em pawh in hmun kan neih loh laiin nangni erawh chuan lui dung leh mual tha zawng zawng HUAN atan in Patta zo tawh si! Kan zirna lamte a tlakchhiat telh telh leh in fate zirna sikul erawh a tha telh telh thung a… Tawngka maia kan ram hmangaihin a TAKah erawh mahni in leh lo bak in hmangaih phak si lo!
Aw, Eirukhmangte u, in chung a pik e! Ngaiteh, tunah hian nuam tiin i inchhek arbawm hle mai maw!! Mahse, hei hi hria ang che: I eiruk avanga thangtharte anchhia heti zozai phur zo lo va mual i liam ni chuan i la inchhir ve ngawt ang le! Thlaphang taka engemaw sawi tuma i ka i an tawk tawk a, i tawng ri hriat tur a awm tawh si loh hunah chuan i sum eirukte khan i nunna chu second khat pawhin an pawtsei thei chuang dawn si lo! Mual i liam ang a, tuma hriat i hlawh zui hek lo vang! A hrechhuak chhunte pawhin hmuhsitna nena nui chungin i hming an lam zeuh zeuh chauh tawh ang! Chumi hnu lama i chatuan hmuna na tuara i rum tlawk tlawk hunah chuan eiruk i bang hlen tawh ang a, mahse a tlai lutuk tawh si ang!!
Aw, eiruk hmangte u, in chung a pik e…a pik e!!
Similar Posts:
- Keini chu thingtlang mi kan ni a
- Antam chi leh mihring
- ‘SUUU’in ti,’SEEE’ ah kan ngai!
- Chawlhna
- Kan ti a ni zawk!
(Y)
March 3rd, 2008 at 4:16 am
Eiruk hmang leh lukirho hi chu an chung a pik ngawt mai!!!
Report this comment
March 3rd, 2008 at 5:27 am
a va tha dap2 ve, kn minister te kongkapuiah font size=18 vela lianin han tar chuai2 a va chakom ve!!! biak in kongkaah nen, eiruho an in chawih2 nan a tha ngot ang..
Report this comment
March 3rd, 2008 at 5:53 am
inthlan leh hun chuan misual.com a member te hi in candidate ve se!
Report this comment
March 3rd, 2008 at 8:48 am
Tunah rih chuan:
Eiruk hmangte u, in eng a thawl e (version tharah chuan:”in chan a tha e” )
Vantlang ngaihsan inni dawn si a;
Zak laileng lova helpruk chingte u, in eng a thawl e
Thlam man to zet zet in nei dawn si a;
MNF Minister corrupt zual parukte u, in eng a thawl e
Mizorama hausa ‘top ten’ ah in tel dawn si a
2008 inthlana huna mipui bum thiam te u, in eng a thawl e
MLA nih leh in chak zek zek si a
Dul kiar liah khawpa eiru thiamte u, in eng a thawl e
In damloh pawn Vellore, Mumbai velah in kal daih thei si a
Zoram hmangaih der thiamte u, in eng a thawl e
In fapate’n engthawl takin 4×4 SUV an lekchhuak thei si a
Report this comment
March 3rd, 2008 at 8:58 am
Aw..nasa taka eirupa, heng miretheite chan tur a bo a bang om lova i ei zawhsak avangte, Nangma pumpui tranghma hai avanga ka hmangaih Zoram i rawk avang hian i chungthu a pik e. A hnuaia i ei ruk ho tal hi chu i rawn kir leh thei lawmni??
#Tuirial hydel project compensation – Rs. 2,15,33,450/-
# Police mawza leina – Rs. 16,00,000/-
# Baffacos sum hman dik loh- Rs. 90,00,00,000
# Toilet Van leina- Rs. 63,00,000/-
#Referal hospital bungraw leina-Rs. 1,73,00,136/-
#PMGY sum hman dik loh – Rs. 27,54,86,000
Report this comment
March 3rd, 2008 at 9:19 am
A van thra chiang…..
A eirutu zawng zawng copy khat theuh pek a va chak awm ve. Ka print ang a, ka thawn vek ngai dawn emaw ni?? Address dik tak kan hmang ngam lo anih pawhin address dik lo hmangin misual.com members zawng zawng in ka thawn dawn emaw ni???
Report this comment
March 3rd, 2008 at 12:48 pm
lukir a glady? eiruk t hian sum le pai chau m NI?
Report this comment
March 3rd, 2008 at 1:38 pm
a heading hi ka duh lutuk, tha pap pap lutuk
Report this comment
March 3rd, 2008 at 1:42 pm
Hmmm,tha dap dap hle mai,a eiru ho hnenah chang ni lo,mipui zawng zawng chiar theih tur a copy sem hial chi a ni. Amarawh chu kan ti hram teh ang~kan Minister te chang hi kan kheng a, kan Department Head te pawh hi an bang thei bik lo ang.A lian in an eiru lian a,a te in an eiru te mai ni in ka hria.Kan zoram ka ngaihtuah hi chuan ka thaw a ipik thin.pawisa involve na tawh ah chuan,hmingche tawk hi an awmve ziah.
Report this comment
March 3rd, 2008 at 1:50 pm
@keimah: Baptistu Johana iangin i article hmang hian Zoram kan suar tluan dawn em ni? Eiru nasa zak silo,eiru hausa chapo bawk si, aw… Ka thin a va’n rim em! Kan ram chu a ni ve si a! Hnam ka len nuam mang e!
Report this comment
March 3rd, 2008 at 2:03 pm
hei chu, kan za vaia mahni in en let nan hmang ta ila!! Lalpa ti a tawngtai ngawt hi Pathian hian duh tawk hmel loh a, Chhung inkhawm hman, zan mut dawn tawngtai, chaw ei dawn a tawngtai …..Pathian biak hi kan ‘schedule’ zing a ‘item’ pakhat ve mai ang ni lo in, kan thil tih engkim leh ngaihtuahna engkim ah hian Pathian hi dah tel ve vek ila, Pathian thu kawr a hman ngawt na tam zawk hi a reh deuh thei angem??
………………………………………….
NB: @keimah chu ziak thiam dup dup hle mai; hetiang a len na a i titi thiam chuan nula nu leh pa chu an hmin nghal thlup chu sawi loh, thlengpui khup hnu thal leh thei lo, ang vel an ni ziah dawn tihna anih hi
Report this comment
March 3rd, 2008 at 2:45 pm
Ei ruk hmang ho hi mipuite min zah loh vang leh an sual hrim hrim vang chu thuhran ni se, an chung pik zia pawh hre lo khawpa bual at an ni tawh a. Kut kem neih hi addiction chi khat a nih avang leh rilru lam piansualna nasa tak a nih avangin sakhaw lam rawngbawltute leh psychiatrists te nen tangkawpa enkawl chi an ni. Mi a leh rilru lama piangsual nghet tawh laklawh ho siamthatnan hian fuihna thu tha tluang pangngai hian awmzia a nei tawh ngai lo. Mihring pangngai siamthat nan khaw dur a ngai a nih chuan hengho siamthat nan chuan TEK a ngai hial tawh ta ve’ng!
Chutih rual chuan hei hi pawimawh ka ti hle: Eiru thei dinhmuna ding, eiru duh miah lo te, kan ram leh hnam tan tia rinawm taka hna thawk thin te, nupui fanaute rual awt ngawih ngawiha an awm lai pawh a dikna tan avanga rethei ngam ngat te hi chawimawi i la, an chanchinte hi i sawi uar lehzual ang u. Heng mite hi kan ngaisang a, kan chhuang a, kan zah a, kan ‘hero’ te an ni tih hi mi diklo te zahna tur khawpin tun aia nasa hian i tarlang ang u.
Report this comment
March 3rd, 2008 at 2:48 pm
pu keimah, chaw hmeh ka ei ruk ka ei ruk hian ka chung a pik tho angem le?
lolz.. i ziak thra hle mai a.
eiru piangthar tih vel te hi a HO riau ka ti.
kan sawisel phak erawh awm mah suh sela..
Report this comment
March 3rd, 2008 at 3:26 pm
Eiruk hrim hrim hi i do ang u.In hria maw.Pa te ei ruk avanga phaia awm kan tam teh zawngin leh.
Report this comment
March 3rd, 2008 at 11:28 pm
Tunge eiru hnem ber ang. Rorelni ah a chung apik dawn ani mai ang chu Alo thleng thuai dawnsi a.
Report this comment
March 4th, 2008 at 12:08 pm
Keichu an chung pik vak pawn ka hre love a..Mizoram ah chuan eirute chung a pik lo ve..:))
Report this comment
March 4th, 2008 at 3:18 pm
Eiruk hmangte hi chu kan dem tlang viau in ka hria. Eiruk tur nei ve lo te pawh hian tihtheih kan nei ve khawp mai tih hriat a thra, entirnan thamna pek loh te. eiru te leh thamna la tu te kan sawisel a,keimahnin kan hlawkna turah chuan mi tlawn leh thamna pek kan hreh leh si loh chuan kan in ang reng tihna a ni. ‘i dik ngam ang u’ tih hi ka mizo pui te ka han ngen ve duh a ni e.
Report this comment