mi(sual).com

from https://zonet.in/?p=5472#more-5472

07 Jan 2011, Hyderabad, Andhra Pradesh: Telangana state hran siam chungchanga Srikrishna Committee report duh lovin zirlaiten Osmania University campus-ah buaina an siam a, heng zirlaite hi Police-ten kut an thlak avangin, Telangana Joint Action Committee (JAC)in sumdawnna leh zirna in zawng zawng khar vekna tur hriattirna a chhuah. Osmania University zirlaite hian Telangana bial pumah nawrh huaihawt duh mah se, Telangana Joint Action Committee (JAC) hian zirna in khar chu tawk rihah an ngai a, JAC thu ang hian zirlaite chu an chawl vek a, Hyderabad khawpui hmun thenkhat leh dist. dang 9-ah sumdawnna hmun leh bazarte pawh khar a ni.

JAC hian Parliament inkhawm leh hmasa berah Telangana State hran siam chungchang ngaihtuah a nih theih nan, sawrkar hnathawkte pawh engemawti tala sawrkar nawr ve turin a ngen a ni. Nimina Srikrishna Committee report thehluh a nih atang khan Telangana chungchangah hian buaina engemaw chu a chhuah rin lawk sa a ni a, Road Transport Corporation (RTC) Bus te pawh hmun engemawzatah chuan fimkhur thilah an tlan lo a ni. Osmania University hi a hma atangin Telangana kaihhnawih buaina-ah a hmunpui a lo ni tawh thin a, vawiinah pawh khan boruak a sosang hle a ni. Nizanah pawh khan zirlaite leh Police te an intawng nasa a, tawngkam thaa zirlaite an hnawh darh theih loh hnu-ah Police te hian thelret silai mu leh mittui tlakna hlote an hmang a ni. Zirlaite lung vawmah Police 12 vel an hliam a, zirlai pawh engemawzat an hliam bawk a, an zinga pahnih chu damdawi inah dah an ni.

Khawpui chhung hmun dangah erawh chuan buaina a chhuak lova, sorkar chuan thil thlen dan kimchang, a thlalak nena theh darh lo turin TV channel te a hriattir a, hei vang hian buaina pawh hi a darh zau loh phah nia ngaih a ni. Vawiinah khan he University campus-ah hian Police tam zawk tirh an ni a, zirlaiten kawng an zawh loh nan an dang a ni. Puan tawh angin, Telangana state thar siam rawtna leh phutna hi nasa hle tawh mah se, Srikrishna Committee chuan Andhra Pradesh state hi then rih loh a rawt a, state hran siamin a nghawng tur leh a kaihhnawih thil dangte an en chian hnuah an ngaihdan hi nimin khan Union Home Minister hnenah an thehlut ta a ni.

Ziahbelh: from Times of India, Hyderabad, 08.01.11
Nimin January 7 khan Osmania University ah hian police te leh zirlaite an inbei nasa hle a, zing dar 10:30 atanga tlai dar 7 vel thleng an inbei ani. Zirlai 400 rual vel hian campus pawna awm Gun Park ah rally neih an tum a, chumi chu police ten campus an chhuahsan an phallo a, zirlai te hian lungin an vawm ta a ni. Police te chuan tear gas leh rubber bullets nen an lo bei let ve a. Chawhnu dar 2:40 velah zirlai ho chuan thar thawh lehin Molotov cocktails nen an va bei let leh a, campus leh a chhehvel a lirthei 10 vel lai chu an hal bawk.

Chutih lai chuan:
TRS rejects Srikrishna panel report on Telangana
Telangana Rashtra Samiti (TRS), Telangana state hran neih nana campaign hmahruai tu te chuan Srikrishna Committee rawtna hi an duhlo bur a, State hran anih loh chuan thil dang engmah kan pawm lo ang, an ti.
T-Cong MPs’ ultimatum to Sonia
Telangana Congress MP 8 te lah chuan budget session lo awm leh turah sorkar in Telangana State siamna tura Bill a introduce loh chuan banah an lo vau bawk.

Srikrishna Committee Report chuan enge a sawi ber?
Justice Srikrishna Committee reports suggest separate Telangana, united Andhra Pradesh among six options.

TelanganaNewsOnline.com ah hian chiang zawkin chhiar tur a awm.
https://www.telangananewsonline.com/Features/Sri-Krishna-Committee-Report/

Chiang lehzual a chhiar duh tan:
CCSAP (Justice (Retd.) B N Srikrishna) Report
https://mha.nic.in/pdfs/CCSAP-REPORT-060111.pdf
CCSAP – COMMITTEE FOR CONSULTATIONS ON THE SITUATION IN ANDHRA PRADESH

Similar Posts:

• Telangana
• MZU Sports-ah buaina chhuak leh ta!
• Mizo IR 10 thihnaa mawhphurtu Maoist 2 police in an man
• VC thar zawnnaah zirlai ten aw nei ve
• Mizo Students Union (MSU) mi leh sa 90 man

Recent Posts:

• mi(sual) member piancham!
• Kal dem dem.
• Nova’n Anchhia A Lawh Sual Emni? {:Sunday Pual:}
• Beiseina nung (Pathianni pualin)
• Burma-ah ka zin Part – IV (Tuingo khuaa lung satel mak an tih kha)

This entry was posted on Saturday, January 8th, 2011 at 2:00 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.