Bung 1-na kha ka rawn chhuah tawh a.
Hei bung 2-na ka rawn chhuah leh e.
eL in Bung 1-na-a a rawn sawi ang khán, ‘awm hmunah’ tih ngawt ái chuan ‘hmáichhanah’ tih kha a ṭawngkauchheh a dik zâwk nangiang mai. Min hrilh vára ka làwm takzet. Kudos! 
Ka rawn chhunzawm zël dáwn a. Ka zawh hun chuan lehkhabu pakhat ka chhuah zo a ni dêr mai! In sawi tawh angin lehlin chhuah hmasa ber ka nih loh pawhin a bu kim chuan a chhuah hmasa ber ka ni tho tho mai thei.
Hnam sakhaw style-a thü chhuah a pil bosan vang vang hi ka hrât dáwn ṭan tlatin ka hria. Nangnin min lo ning vei ráwl nèn! 
Tichuan tù vak mah rilru tak taka titipui tùr nei lovin mal takin ka nung tâ kha a ni a. kum 6 kal tâ-a Sahara thlalèr-a ka chhiat thleng khán. Ka kháwl chhúnga eng thil emaw ni a lo keh chhia a ni. Chu thil siam ṭhat leh harsa tak tùr chu keimah chauhvin, kháwl thil thiammî leh mî phurh pawh nei lo chuan siam ṭhat hlawhtlin ngêi ka tum a. Thih leh dam inkár tak tak a ni a khâ kha. Ni riat chhúng zet chu tui in tùr mümal pawh ka nei lo.
Mihring luah lum khawvêl aṭanga fïng säng tam taka hlá thlalèr vut ro kárah chúan a zan khatna chu ka mú a. Lawng keh chhiat vànga tuifinriat lailía . . . ái te pawh chuan ka awmna chu a fál fé zâwk tihna a nih chu. Chutih láia aw sín tëina ka mu lái min rawn tiṭhangharh thut mak ka tih tùrzia chu in zëldin thiam mai awm e. Chü âw të chûan :
Khawngaih takin . . . beràm lem mi lo ziahsak teh à ?
« Eng a ? »
« Beràm lem min ziah rawh ! »
Ṭêk tlà thäwm hria ang maiin ka zúang tho zawk. Ka mit ka nuai vak a. Chîk fé hian ka en kúal a. Khùnkhàn deuh mai hian mi maksak te reuh të mai hian min lo en ràn mai tih ka hmù tâ a. A hnûa chü pá lem ka ziah máwi ber chu hei hi a ni :
Mahsé ka lemziah hi a tak ái chuan a ennawm lo fé zâwk. Ka thìam loh a ni lo. Kum 6 ka nih láia lem ziah ka zirnaah khán puitlinghovin min tilunghnüal a, rúlpui inhawng leh rúlpui inkhär tih vêl bâk kha ka ziak thiam hman lo va ni.
Chü thil rawn inlár të chu mak ti taka ka hauvin ka en reng a. Mihring luah lum ram aṭanga mél sang tam taka hláah ka awm tih kha hre reng la. Mahsé hë pâ të erawh hi chu bo vâkvài hmél emaw tuihäl hmél emaw hläu hmél emaw pú pawhin a lang lo va. Thlalèr ram pilrila naupang bo hmél rëng rëng a pu lo. Ka ṭawng chhuah theih rúal rúalin,
« Eng . . . Engngê hetah i tih a ? » ka ti a.
Thil pawimawh ber ni àwm fahran hian dam thlep hian,
« Mâw ! Beràm lem chu min ziah rawh ! » a ti nawn leh hräm a.
Thil a han thlen mak tak tak tawh hi chúan thu awih loh ngam a ni tawh ṭhìn lo va. Kei pawh chuan àwmang lo ti teh mah ila chü thlalèr pilrilah chuan ka ip aṭang lehkhaphêk leh pencil chu ka phawrh lo thei ta lo. Leilung chanchin te, nun hlui chanchin te, chhiarkawp te leh ṭawng hmandàn dik tih vêl hlïr ka zir tih ka hre chhuak a, lem ziak ka thiam tawh lo tih chü pâ chu ka hrilh ta ringawt a. « A pawi hlei nëm. Beràm min ziah hräm rawh » tiin min la chháng fan a. Beràm lem vawi khat mah ka la ziah chhin loh avàngin ka lem ziah thiam awm chhun pahnihte zinga pakhat ka ziaksak tâ zâwk a. Rúlpui inkhär lem kha a ni.
-Ni lo ni lo ! Rúlpui kaw chhúnga sáipui awm lem ka duh lo ! Rulpui chu a hlauhawm ém mai, sái chu a lian bawk sï. Ka in chu a të lutuk. Beràm ka duh. Beràm min ziah rawh » a rawn ti thei mai chu mak ka ti takzet a ni.
Tichuan hei hi ka ziak tâ a:
Uluk deuh mai hian a en a, « A ! Kha chu a khawr bím bém êm ! »
Hei hi ka ziak:
Ka ṭhianpâ të chu nasa fé hian a nui sen sen a, « Khâ chu ! Beràm a ni lo . . . kèl a nih khá. Kî te a neih kha ! »
Chuvang chuan ka ziak ṭha lehpek tâ a :
Mahsé a hmáa mîte ang bawk chuan hnâwl a ni leh pek : « Khâ chu a tar êm ! Rei deuh dam tùr beràm ka duh ! »
Ka kháwl ṭhiah sawm a la ngái vei nèn ka dawh thei ta ngang lo va, he milem hi ka thäisak ta püat ringawt a :
« Hei hi báwm. I beràm duh chu a chhúngah khán a tawm ! », ka ti vïn ta tük a.
Mahsé ka beisei loh deuh mai hian ka roréltupá hmél chu a rawn hlim chho sáng sáng a :
« Kha chiah kha aläwm ka duh chu ! Hë beràm tán hian hnim hring a hautak teh vak i ring em ? »
« Engahngê chu chu ? »
« Ka in a të lutuk á ka ti . . . »
« A tâwk thawkhat ang. Beràm te tak të a nih kha ka pêk che»
Lem chu a thlêk vang vang a, « Chuti teh chiama a têt loh hi! Ehé ! A muthlù vêl nia ! »
Chutiang chuan a ni, chü lal fapa naupang të chu ka lo hmélhriat chhoh ṭan ni.
May 9th, 2011 at 12:33 am
A va thui ve uuuuuummmmmm zzzzzz….zzzz
Report this comment
May 9th, 2011 at 12:33 am
Khai lem, ilo chhiar ang u lem, comment ka hawng nghal e………
Report this comment
May 9th, 2011 at 12:44 am
First….. chiang lutuk
Report this comment
May 9th, 2011 at 12:47 am
”Mihring luah lum khawvêl aṭanga fïng säng tam taka hlá thlalèr vut ro kárah chúan a zan khatna chu ka mú a. Lawng keh chhiat vànga tuifinriat lailía . . . ái te pawh chuan ka awmna chu a fál fé zâwk tihna a nih chu. Chutih láia aw sín tëina ka mu lái min rawn tiṭhangharh thut mak ka tih tùrzia chu in zëldin thiam mai awm e.”
A chung PARA-a a kar awl lai khi i lo dah khat thei em aw, post-tupa? I dah khah theih loh chuan Part One-a TUAISIALA comment no.19-na khi i apply mi le aw.
A thu a zangkhai a, chhiar a nuam khawp mai. Rawn let zel teh khai.
Report this comment
May 9th, 2011 at 12:47 am
A part hmasa kha ka chhiar lo a ni ang. A bung deuh tlat.
Report this comment
May 9th, 2011 at 12:47 am
Han ti zel teh, a khamawm lo riau dawn tlat.
Report this comment
May 9th, 2011 at 12:48 am
I post hi nangmah ang chiah a nawi a nih hi le.
Report this comment
May 9th, 2011 at 12:49 am
Admin chu ni ila #4 khi ka delete ang comment hawn hmain alo comment vel, thawt thawt mai
@ZoIITian: Double inverted comma i hmang lo lui nge, tih sual ve hrim hrim.
“Ka ṭhianpâ të chu nasa fé hian a nui sen sen a ” tih hian
hetiang hi nge, 
hetiang zawk hi? 
Report this comment
May 9th, 2011 at 12:50 am
I thil thlir dan pawh pangai ve tawh lutuk lawm..
Report this comment
May 9th, 2011 at 12:55 am
@8 Ozima___tihsual ka nei em ni? Ka lo ti leh thawt thawt thin a, Comment hawn kher te a lo ngai a ni maw, ka bo teh mai a nia aw. Help Help
Report this comment
May 9th, 2011 at 12:56 am
Ka hnial vak vak che a, ka ning che tihna ni miahlo a nia, keiphei chu inhnial pui tur an awm loh chuan ka khua a har tlat zel. Again
Report this comment
May 9th, 2011 at 12:59 am
@Bawngtlaia: Nick i rawn thlak ni maw? A posttupa awm loh lai ka lo inti thu a nih hi. “Yes boss!!” ti rawh vat
:fiamthumaimainihkhi:
Report this comment
May 9th, 2011 at 1:00 am
@ozima chu ka post ah min rawn trim laiin min tlanbosan a…ka la bikbosan ve dawn che nia,,
Report this comment
May 9th, 2011 at 1:04 am
@Ozima__
Report this comment
May 9th, 2011 at 1:05 am
@Ozima___Ka nick ka la thlak lo , Ka mi(sual)-na pawh a la rei lo. Ka nick hi ka duh ve em em bawk.
I fiamthu khi tak tak emaw ka lo ti dawn a lom le…
Report this comment
May 9th, 2011 at 1:07 am
@Dau: ilo nui thraw a ka 1,2,3, an paih daih khi aw.
@ta-trawt: ka NW chiang lova, a muanh lutuk, chuti lam biahthu zawk chu ni e. Kei pawh ka titau dawn ka first an paih daih a, zualbonez ai rei ka titau dawn
@Bawngtlai: ka hriatsual zawk a ni e, comment delete vangin ilo #4 daih vang a ni zawk e
Report this comment
May 9th, 2011 at 1:07 am
Tumawro ah chhiar chhuak ang, a Part 1 ka chhiar atang khan a ngaihnawm leh hle ka ring, thu thiam kan tih te chu, abc atanga z thleng, dahkhawm thiam hi an ni mai, chung zinga sawihmaih hauh loh tur chu; a post tu pa hi a ni.
lo ziak zel rawh, a ngaihnawm tan dawn e,..
Report this comment
May 9th, 2011 at 1:23 am
I taima hle mai
French thawnthu ah chuan “Les Misérables” kha ka chhiar bakah a movie pawh ka en ve.
Report this comment
May 9th, 2011 at 1:33 am
A va ngaihnawm ve! A tha hle mai.
Report this comment
May 9th, 2011 at 2:22 am
I thukhel a tha thin hle mai a. Lo ti zel teh. I post hi a tha thin;mahse i comment fimkhur lo thei em a,i post hi an ngaihsak tha duh lo ang tih a hlauhawm. I ti tha khawp mai..
Good Post.
Report this comment
May 9th, 2011 at 3:05 am
Hetì ang thawnthu hi ka vawi khat chhìarna a ni híal mai thei. A chhan chu a thawnthu kàlhmáng inrèmchhoh dàn hi a danglàm bîk êm a ka hriat vâng a ni.
Ka ngaihtuahna pakhatah chuan, he thawnthu hi Mizo tawnga phuah niin, French tawnga lehlin ni ta zâwk se; tùn ái hian French-ho chuan ngaihnáwm an ti zâwk hîal mah nã!!!
Post-tupâ, i Mizo tawng hman te, a thlûkna kimchang taka i dah thlíp thlèp peihte hian i taimâkzia leh i thiamna a rawn pàrchhuahpui a, chu pâr rimtúi tak chu mi(sual) te’n kham lo takin kan lo hnîm a, kan lo hîp vàwng vàwng a nih hi lè.
Han lètlíng thuai thuai la; chhîar châk ngàwih ngàwih hi an awm núal tawh ka ring.
Report this comment
May 9th, 2011 at 4:19 am
Zotiana chu ti tha e..
Mahse kan ti lui hram hram ange..computer screen ah hian thu thui deuhte hi ka chhiar tha peih der lo..ka print phawt thin..mahse misual a thil post print hi ka tan thil mawi ani leh chiah si lo a..
A that ka ring..best seller tha lo ka hre ngai lo!
Good job! Zotian
Report this comment
May 9th, 2011 at 8:40 am
A ngaihnawm ka ti tan riau mai. Mahse, thlûkna i dah taima leh lutuk hi a hnawk mah mah têp a, chhiar a tih-nawm phah lo mai ni lovin a tihrehawm thei têp, a tûl miah lohnaah pawh i hmang hnem mah mah, Spanish hawrawp i la deuh nge ni.
Post-a i tawngkam fuh tâwk lo ni-a ka hriat pakhat chu, ‘nasa takin a nui sen sen a..’ tih khi. Tumah nasa takin an nui sen sen ngai lo, zawi tëin an nui sen sen thîn zâwk. Tin, ‘thlalèr ram pilril’ i tih pawh khi ka ngaimawh lek lek. ‘Pilril’ chu ramhnuai ngaw/ram chungchâng sawina bîk niin ka hria, khitiangah khi chuan. ‘Thlalèr’ ti ringawt pawh ni la, a fiah tâwk em em tawh tho vang.
Bung 2-na khi a ngaihnawm tho nâin a bung mala chhiar chuan a ropui vak rih lo. Mihring chènna atang hla tak thlalèrah i muhîl a, mi të pakhatin a tiharh che a. Beram lem ziak turin a ti che a, i thiam ang tâwkin i ziahsak a, a zo der. Bung dangin a rawn dah pawimawh chho chawp turah ngai ang.
Report this comment
May 9th, 2011 at 9:00 am
kei chu part-I ka chhiar khan ka lawm riau a…a bu ka lei hmaks….75 man…chhiar zo tep…
Report this comment
May 9th, 2011 at 11:14 am
first
Report this comment
May 9th, 2011 at 6:35 pm
Novel hi ka chhiar nasa ve khawp thin a, pawl li nih lai atangin chhiar chi zawng zawng hi ka chhiar ve thin. A bansan deuh titih ani ta der mai!
vai novel ziak tu thar deuh Baghat emaw ni kha..3 mistakes…, One night at the.., enge pakhat leh kha..Five point someone, IITian ho chanchin lam deuh kha, chhiar an nuam ve reuh khawp mai..a thar a ziak leh tawh emaw?
Mizo love story, lehkha kal sual, nu leh pa te duh loh vang tih velte hi chu an ril lo ang reng thin khawp mai.
Report this comment
May 9th, 2011 at 7:54 pm
ka duh reuh ee he thil hi,a zawmna la awm se ka ti ngawt mai. ka duh reuh ee,ka chhiar nawn reng mai.
Report this comment