Hetah a thih dan kimchang post ka lo insawiba tawh laklawh si a, ka han post chawm mai a ni. A la chhiar lo tan chhiar hmasak a pawi lovang.
Zan khat chu Zawngṭah sang khuaah sakei huai a tla a. Sakei kar an kam a, zanah chuan kar chu a per ta a. Neuva chu a thleng hmasa ber a, a ṭhiante pahnih Thanga leh Chhingpuia chu an lo thleng ve nghal a, mipui chu an lo thleng hman lo va. Sakei chu a kap fuh a, kar tualah chuan thi a baw ten tun mai a, hla kalin an ring lo va, thui lo tê chhuia kah thluk mai theih an inring a. Sahnu chu an thup a, a thi te kha lei an phul a, an tireh vek a.
Mipui lo thleng hnenah chuan, “A kap ṭhelh a ni,” an ti a. Mipui beidawng chu an kir leh ta tih veleh an pathumin sakei hliam chu an chhui ta a ni. Neuva chu silai kengin a hmasa a, Chhingpuia’n a zui a, Thanga a hnuhnung ber a. An chhakah chuan phulraw hûng a awm a, an han hnaih deuh chuan thingṭang rah tliak ri bak hi an hria a. Sakei niin an ring lo va, anmahni aia huai zawkin an lo tlâk khalh niin an ring a. ‘Mi kan ral palh ang tih a va hlauhawm ve le, tute nge min lo tlâk khalh ta mai’ Neuva chuan a ti rilru a. “Tute nge in nih?” a han ti a. Chu veleh sakei khan a rawn zuan a, a lênthla dawr mai a; a tukkhum thlung a sehchahsak a ni. Chhingpuia chuan a pawm a, a ṭangkham a; a bul lawkah chuan sakei hliam chu a rum ham ham reng bawk a. Thanga kha mipui ko turin a tlân ta a, ral aṭangin, “Sakei kha a lo kap fuh a, kan hliam e,” a ti a.
Mipui chu an lo lêt leh a, Neuva te ṭhiandun lo inpawm an hmuh chuan an pahnihin a seh emaw an ti a. Chhingpuia chu, “I engah nge a seh che?” tiin tam takin an zawt a ni. An bul lawkah sakei hliam chu a rûm reng mai si a, tlangval huaisen thinrimin an bei mai ang tih hlauvin upate chuan an vêng bawk a. Neuva zâwnna tur hläng an siam zawh chuan zâwn an tum a, Neuva chuan a lo duh lo tawp mai a. “Engah nge min zâwn ang? A na hleinem, ka kal thei reng alawm,” a ti a. Zâwn luih an tum paw’n a duh ta hauh lo va. Neuva chuan a chhîpah a kut khinghnih a suih a, a tho ta mai a. Mi pahnihin lehlam lehlamah an chelh vat a, a kal ta a.
In an thlen chuan, “Min thlah rawh u, mahni inah chuan keimahin ka lut tur a ni,” a ti leh ta tlat mai a. A û Thangsavunga chuan, “Neuva, a na lo tak tak em ni?” a han ti a. Neuva chuan, “Ka û te hi ât pawh in â mang e,” a ti a, an vawn an thlah ta a. Inah chuan amahin a lut ta a, khumah an muttir a, an ṭangkham a, a rawn entute chu hlim takin a lo be thei reng a. “A na lo ve, ka dam leh mai ang. Ka nghawng erawh chu a piang sual deuh dawn a nih hi. Hmeichhe naupangte’n an infiamnaah ‘a hnuhnung hnung chu Neuva nupuiah’ tiin an la tlanchhe ṭhin dawn a nih hi,” a ti mai a.
A tûkah chuan Sakei kha an va en a, a lo thi reng mai si a. Sakei thin chu Neuva an eitir a, chuti khawpa hliam nâ tuarin sakei thin hel a ei thei chu mak an ti em em a ni. Tin, muthmunah zun leh êk a thiar duh lo va, banglai chhûng êk inah a chhîpa kut khinghnih suihin an kai ṭhin. Tin, buh tui a hâwp thei reng a, a va na em ti-a han rûm der eih pawh a awm miah lo. Vaibel a khât tâwkin a zu reng bawk a. A enkawltu ber chu a û Thangsavunga nupui Tuahzingi a ni a. Tuahzingi chuan, “Neuva, engati nge i kut hi i chhîpah i suih reng?” a ti a. “Ka suih lohvin a ṭha nang,” a ti mai a.
Ni khat chu a vaibel dawn a seh keh ta rawp rawp mai a, Tuahzingi chuan, “Engati nge i vaibel dawn i seh keh tak rawp rawp mai?” a ti a. Neuva chuan, “A han na deuh viau vei alawm mawle,” a tihsan mai a. A û Thangsavunga hnenah chuan, “Ka û, sakei mi sehna hi i kut zungin han zen teh,” a ti a. Ani chuan, “A na ang e,” tiin a zen duh lo va. Neuva chuan, “Zen rawh, a na lovang, in tu leh fate hnena sawiah pawh in la duh ang,” a ti a, a zen luihtir ta a. A kutzungchal tlumin a zuk zen a, a nghawng ruh te chu a lo sawm buai mai a. A dam zovin a ring ta lo va. “Engati nge a la dam theih chu le,” a ti a, mak a ti em em a. A tukah chuan sakei chu an ai ta a, an aih ni chawfak her zetah chuan a mu zangthal chu a let tawp a, a thi a ni ta mai a. A enkawltu Tuahzingi chuan, “A lu chu a lehsak a, a taksa chauh a let a ni,” a ti.
Neuva chuan an sa beih a kawlh viau chuan, “Sa a thih loh leh kei ka thi ang,” a ti ṭhin. A thih hian a nupuiin nau a pai a, a nau pai chu a dam ta lo va. A nupui chu Lianthangi, Tachhip zirtirtu hlun Vana nu kha a ni. Neuva tuarchhelzia hi a hre chiang apiangin mak an ti a, amah tluka tuarchhel hi an hre ngai lo va, khawvelah hian tuarchhel ber a nih loh pawhin, pahnihna chu a ni bik lovang.
Thulakna: Mizo pi pute leh an thlahte chanchin by K. Zawla
Similar Posts:
- Neuva
- Darkhuang Hman Dan
- Mihring, Zukchal leh Keipui Intlansiak Ropui
- Lianuma tlâwmngaihna
- Runginu leh thialtea
May 10th, 2012 at 1:36 pm
Chhiar chiah ila….
Report this comment
May 10th, 2012 at 1:46 pm
Sakeiin a seh atang hian Neuva hi ni engzat chiah nge a dam le TS?
Mak deuh mai chu nizan khan ka rilru ah Ropuiliani leh Neuva hi zu awm ve trat a
Report this comment
May 10th, 2012 at 1:47 pm
haha ka nuih a za thut! eng emawni Grp ah khan ka va paste ve mai dawn mawni le
Report this comment
May 10th, 2012 at 1:58 pm
sakei hi a huai zek ania..vai ho sai chunga chuang a zuan kha in en tawh em..dan fia fia tak ani..! Neuva te ho hi an lo huai khawp mai..
Report this comment
May 10th, 2012 at 2:08 pm
@Chhangteval, ni 3 hnuah a nia.
@Soberboy, an lo paste leh mai ang.
@lrpa, kan Mizo pasalthate kha an lo huai thlawt. A then chu ât-huai rawngkai deuh ni mah se, an huai a ni tho tho.
Report this comment
May 10th, 2012 at 2:11 pm
Hmanlai chuan Mizo pasaltha
Tunlai chuan: illegal wildlife poacher
Report this comment
May 10th, 2012 at 2:28 pm
Report this comment
May 10th, 2012 at 2:39 pm
Bawn tiah tiah
Report this comment
May 10th, 2012 at 2:55 pm
“..khawvelah hian tuarchhel ber a nih loh pawhin, pahnihna chu a ni bik lovang“…
A ngaihnawm hle mai…
Sakei hliam bula huaisen chu ka ha se, at-huai pawh ka ngam lo hrim hrim… 
Report this comment
May 10th, 2012 at 3:14 pm
A ruh an phawrh leh khan engtin maw a lo tih kha?
Report this comment
May 10th, 2012 at 3:38 pm
Hmanlai kan pasaltha te hi an lo ropui ngawt mai. Tsa sawi ang deuh khian at-huai rawng a kai deuh na a huaisen zawng an huaisen a ni.
A ruh an phawrh leh khan Neuva khan ‘Zawn ka ngai love, keimahin ka kal thei’ a tia mi kha @The_Chhamnanator
Report this comment
May 10th, 2012 at 3:42 pm
Hahaha… Nia mawle. Ka nuih hi za a nia.
Report this comment
May 10th, 2012 at 3:44 pm
@ sheldon… Neuva ruh an phawr leh khan maw, ka ruh in phawrhpui ka ngailo, keimahin ka phawrh thei a tia, ama ruh an phawrh tir ta vek…
K’u TuaiSiala post-a ka chhiar tawh tho nge ni? Neuva hi a ni lo’m ni kha? A mawngtama khawihlipui hnai tuah tawh, a chemin dap chhuat a kar kau te te a, thut chilh pawp tu kha…
Sawi zawng paw’n mawng a za uaih uaih… 
Report this comment
May 10th, 2012 at 3:49 pm
Ngaihnawm khawp mai……….at huai tih lam ai mah chuan khatih hunlai a, mipui te ti buai a mi ti ralti thin Sakei bei a an nun an hlan hi chu ropui han tih loh theih chi ah ka ngai lo.
A tuarchhelna phena, midang tan harsatna a siam palh ang tih hlauh avanga amah a a tuar mai thin pawh hi fakawm khawp mai. khatih hunlai khan damdoi tha leh han in enkawlna kha a awm dawn lo tih mi pangai tan chuan hriat sa a ni a, a sap tawng takin
hetiang common sense an tih pawh hi hrilhfiah ngai kan awm leh zauh thin 
Report this comment
May 10th, 2012 at 3:50 pm
@Dr Mahminga Sailo….Kha chu Neuva pa zawk a ni. Neuva chanchin hi chu ka chhiar tawh a….
Report this comment
May 10th, 2012 at 4:08 pm
Asteric™… Ka lawm e…
Ka thil hriat hi a’n chiang lo thin khawp aa(h).
Report this comment
May 10th, 2012 at 4:29 pm
@Dr. Mahminga, post bultannaa ka link dahah khian a awm, chhiar rawh. Neuva zawk alawm.
Report this comment
May 10th, 2012 at 4:49 pm
Ka chhiar zo chiah e. Ka confi leh ta..
Kan pa Hrangchhunga, (Chawngbawla tu chhuan fapa) pawh, buh chhek tul laiin a tukhumah khawihlipui a vei a. Buh tin 3 phurh a thulh chuang miah lo..
A tukhum khawihli hmuamhma velah buhhum kai luai tia an sawi phei chuan a, luak te pawh a chhuak zawmah in ka hria… 
Report this comment
May 10th, 2012 at 4:55 pm
Neuva chanchin a rilru luah nghal thin chu khawihlipui hi ani .Carbuncle anih mai hmel!
Report this comment
May 10th, 2012 at 4:55 pm
Neuva chu a naupan lai atang renga naupang huaisena sawi a ni tawh a. Hmanlai mi deuh emaw tih mai awl a nia, mahse, 18+ tih vel chauhva piang a ni a. Lehkhabu ka en leh loh chuan a pian kum hi ka chiang ta mai lo. Chanchin ngaihnawm a ngah khawp mai.
Report this comment
May 10th, 2012 at 5:19 pm
A ngaihnawm thin e. Ka save khauh e.
Report this comment
May 10th, 2012 at 8:52 pm
At huai tel bawk, tlawmngaih huai tel bawk, rilru huai hrim hrimna nen.. pasaltha a ni e. Post tha tak a ni
hairehai
Report this comment
May 10th, 2012 at 11:16 pm
ka nu pa hi a hmingah Neuva an ti ve tlat, mahse ani chu Kohhran Upa a ni daih thung. . . . Ka pu pa erawn Neuva fans te zing ami a nih ka ring e. . . Neuva hi a huaisenna aimah in a tawrhchhelna hi khum a har in ka ring e. . .
Report this comment