Zing lam Dar 3 : 30 vel a ni a, Ruah thimpui hmahruai tih hriat – thli vawt zet mai chuan huana kan phuihnam kung chu a rawn chhêm su lawp lawp a. Tawkfangah, Laipuitlang phèn atangin chhum thimpui a rawn inpangawzial tup tup a. Chu chuan kan In chung rangva hlui, kilhna hlui tawh tak takte chu Tom & Jerry ang maia khawngaihna leh lainatna tel hauh lovin a rawn sawisa ta thrawt thrawt a.
Thli chu a na tual tual a, kawpui sà i ri dur dür leh kawlphè zuai zuai karah kawlphetha erawh a awm lo thung. Chu chuan khaw awmdan chu a tirapthlak lehzual a.
Kan in, ka pu pa hunlai daih tawha sak – tharum hmanga nà mtu an awm loh avang chauha la ding hram hram, kawmchhaka Pu Hruaia In lianpui leh kawmthlanga Pu Vela In sang takin a karcheh tlat avanga thli leh ruahpui laka la tlu sawp lo ve mai chu, thlarau sual luhkhung ang mai hian a chakna thahruite nen, a pûmin a khur hlawk hlawk ni berin ka hria.
Chutah, khum nghawr nghing lawih khawpa nâ, thenawmte In a dêng ta emaw tih mai tura hnaiah trek a’n tla dur a! Ka nau mu tui lai a phu zuk a, ka kuah a, khaw awmdan hlauhawm leh rapthlak tak chu biruk san tumin kan inlukhuh a. Khawfing chah hma – thim chhah hunlai tak a ni.
Dar 4 vel a ni tawh a, kawlphe leh Biak In mual atanga thli-vìr rawn thaw vuk vuk tih mai loh chu, khawpui ri leh ruah erawh a hà n tawh a. Chitè ruam atangin tiau chhumin khua vel a rawn tuam chho mek bawk a. Naupang tan chuan khaw awmdan chu khawlo tak a ni. Khawchhe thawm rapthlak a reh deuh thuap tawh a, kawl erawh a la phe zuai zuai tih bang awng atangin ka hmu a.
Thawklehkhatah kan kawngkhar kalhna a ri rak a, kawngkhar inhawng riin a zui a, kan unau chuan beng kan tùn hrû a. Mahse, chu erawh kan hlau lo! Ka nuin thenawmte thlai thar a khar chhawn bazarah a han zuar dawn tih kan hria, chu chu kan nunna a ni si. Khua chu chhe engangin bumro hle mah se, khum betin a nâ te a nih ngawt loh chuan nuamsamlo engang mah se ka nu chu chawl thiang a ni lo.
“Liante, kawngka hi rawn khar rawh le”
tih leh chhuah a rual a. Ka nu chu ka thlir a, kan kawt rahbi chho ulh zet mai a, bawr taka a inphur chho lúk lúk te,
“Nu rà ng, chhuk rawh, i chaw tur bazar sa ningnawi ka rawn hawn dawn che…”
ti a, a hnung zui tum kan zawhtepui a hnâr lai te pawh kawlphe èng zuai zuai hnuaiah chuan ka hmu a…
Nu,
Ka dam khawchhuah nan i tuar a
Ka nawmsak nan i rethei a
Ka hlim nan i lungngai a
Ka puar nan i tam a
Ka changkan nan i berhchep a
Ka seilen nan i tè tual tual a
(Misual, vawiin thlenga ‘Nu’ la nei ho khan lo duat mawlh mawlh teh u!)
Similar Posts:
- …tual tual…
- Kha zan kha
- Zan Tihbaiawm!
- Kawrte-ah pawngsual rapthlak!
- Pu C.Lalbiakliana thi thu lawrkhawm
hairehai
July 7th, 2011 at 8:49 am
Ima ,anu,mami,mai,kai,
nu mawww
[Report abuse]
July 7th, 2011 at 9:18 am
A va tha in, hnuk a va ti ulh zawk em!! Comment zawng zawng nen ka chhiar chhuak vek e!!!
Losul haw hun vel a; kan unau a, Lianthangpuia hla kan sa dial dial thin te kha aww… Pu Kawlhawk, i thuziak zet chuan, ka chun fam chang hnu ngaihlai a ti thar e..;-(
[Report abuse]
July 7th, 2011 at 9:20 am
Ka nu hmangaihna aw nem chu,
Theihnghilh ni reng ka nei lovang;
“Bawihte min vahvaih san mah la,
Ka tawngtaina tal hre reng rawh”.
Min hmangaihzia ka ngaihtuahin,
A hnena awm ka va chak em!
Ka tan a tawngtainate chuan,
Thlifim angin min rawn chhem thin.
[Report abuse]
July 7th, 2011 at 9:55 am
A ngaihnawm in Nu hlutna a tar chhuak tha hle mai. Poem pakhat kan hriat chhuah leh phah chu a. Chu poemah chuan, nu ber kha rul in a chuk a. Na tiin a vial a vial a. Zanah pawh a mu tha thei lo a. Mahse chu nu chuan, rul chuan a fa te chuk lo a amah a chuk zawk avang a a lawm zia a chham chhuak a…
[Report abuse]
July 7th, 2011 at 10:39 am
Thu thlauithlum dan chu a van ngaihnawm ve… a buruak ah min chen tir ve tak tak thei a lawm mawle… Mahse a tawp dan hi a tawp thut a ka kham lo e…..
[Report abuse]
July 7th, 2011 at 10:47 am
Misual, vawiin thlenga ‘Nu’ la nei ho khan lo duat mawlh mawlh teh u!
A tha hle mai.
Hmangaihna min zirtirtu pawh hi nu te an ni lawm ni. An sawi tam lo, an inhlanna atangin hmangaihna awmzia kan nunah kan zir anih kha.
Hmangaihna nei miah lova fa hring ve te pawh an awm a, heng ho hian khawvel an ti zing anih hi.
[Report abuse]
July 7th, 2011 at 11:09 am
Thlams khi hla khi ka duh lutuk, kanu kiang a thla muang tak a seilen kava chak thrin tak em, .. Post tha tak ani,.. Ka hnuk ati ulh don alom le
[Report abuse]
July 7th, 2011 at 11:28 am
53. Thlams, Ka hla duh lutuk i rawn tar lang e. Kum 10 liam tawhah khan, Adi tawngin kan let a, kan Naupangten an sa ve thap thap thin. Ka duh zual lai leh ka hnuk ti ulhtu chu e, “BAWIHTE, MIN VAH BO SAN MAH LA, KA TAWNGTAINA TAL HRE RAWH”, ” Ka Nu, ka hria asin” (HU=Hnuk ulh)
[Report abuse]
July 7th, 2011 at 11:29 am
Ka nu ka ngai e…kum 2 dawn kan inhmu tawhlo..miz u mom..
[Report abuse]
July 7th, 2011 at 11:32 am
“Bawihte, min vah bo san mah la, ka tawng taina tal hrereng rawh” (khawhmuh a fiah lo, mit a phè ta tlat mai)
[Report abuse]
July 7th, 2011 at 12:05 pm
kawlhawka thu ziak hi chuan thling a vit ngaih zel
[Report abuse]
July 7th, 2011 at 5:12 pm
Nghah man a va awm teh lul em! Vairam ka kal dawn hian ka nu leh ka u ten Vanapa Hall bulah khan MST bus ah min thlah liam a. “Pathian in a hrereng che ania” ti a min thlah kha in an thlen hnuah a lo insit deuh ni tur a ni, “Mi chuan an fate thufing tak takin an thlah a….” a lo ti a ni awm a. Mahse, kha thu tawite khan ka kalna a piangah min kaihruaitu a nih phah ta a….
[Report abuse]
July 7th, 2011 at 5:19 pm
VaiVa, #62
[Report abuse]
July 7th, 2011 at 6:21 pm
A va ropui e o….comment ka chhiar vek…a ngaihnawm… LALPA ka lawm e.
[Report abuse]
July 7th, 2011 at 6:46 pm
[Report abuse]
July 7th, 2011 at 7:50 pm
Paws 170 chuang ka vawm lut ve tawh a, tuntum hi kawmen uangthuang tak awm si loa kawmen 60 chuang a luhna paws awmchhun a ni. Ka lawm e!
Sualin khawlo hlawm hle mah ila, Nu hmangaihna erawh kan va lo chiang hlawm tehlul em!
[Report abuse]
July 7th, 2011 at 8:41 pm
In tih pa ve nak laiin mi i vel, chu ni ber e…
[Report abuse]
July 7th, 2011 at 9:57 pm
Kawlpui, i post dang zawn awl dan min lo hrilh teh, kei misual junior hi.
[Report abuse]