«
»

Khuavang awmna aṭanga mize hriat theih dan

August 18th, 2011 6:00 pm by TuaiSialA

1. Mit kova khuavang awm

Mit kova khuavang awm chu a tlangpui thuin khawthlang lama piang an ni duh hle a, thil uih lampang hi an ngaina duh hle a, zawngṭah râwt thak hi an chawhmeh duh ber a ni. Chawhmeh ṭhing hi an ti thei ṭhak lo. Sas lamah harsatna an tawk duh hle a, an damchhungin vawi sarih tal an sas-te’n an kawp avangin harsatna an tawk ngei ngei niin mithiamte chuan an sawi.

2. Khabe-a khuavang awm

Hetiang mi hi an indawmbawih thei hle. Milennium Centre pawh Milennium Sub-Centre ti tlat chi an ni a, zirtirna dawng hnem, hnawl hnem an ni duh. An vanduaina em em chu an hritlan hian an khuhpuak ngei ngei hi a ni. Mizo ṭawng upa lamah an hnufual em em a, mi nuihzat an hlawh fo, anmahni erawh an nuih a za ngai miah lo thung; hei hi an danglamna em em a ni.

3. Hnar ngula khuavang awm

Hnar ngula khuavang nei chu an hmingah ‘Zui’ tih a awm duh hle tih chu Aigupta mithiamte chuan an hmuchhuak. An hmel a ṭha tlangpui a, mahse, an hmang thiam lo deuh vek. Chhura thawnthu an hre em em a, an rilruin ‘khawchhak tawp hi khawiah nge a awm ang le..?’ tiin an inzawt zing fo ṭhin. Thingthupui kunga lawn an awlsam hle bawk. Khawpui aiin thingtlang lama cheng an tam tlangpui.

4. Bianga khuavang awm

An hmai a hlai duh hle. An rilru a ṭha hle, hmel tel lovin. Pan hnah to vangin rilru hahna thuk tak an nei ṭhin. Thingsemim hi tui an ti hle a, a hling chhun pawh na an ti ṭhin hle bawk. A tlangpuia chhutin Vanlalsailova hi zaithiam ti vek ang an ni, an chibai deuh fur tawh bawk. Silchar hi sap rama awm emaw an ti a, an kal pawhin sap ram kal angah an inngai ṭhin.

5. Hmuia khuavang awm

Hetiang mi hi an ṭawng ziap ziap ṭhin a, an ṭawng zawngin an hmui hi ar mawng phu ziap ziap a ang thei hle. Mahnia phun bul bul an ching hle bawk. A tlangpuiin Khawruhlian khua an zin deuh vek tawh a, Vanbawng khua hi nuam an ti duh hle. William Shakespeare hi kum BC hun laia Persia zaithiam emaw an ti tlangpui. Khawhar in hi nuam an ti hle a, taksa sawizawi nan biakina lam hi ṭha an ti ber.

6. Chala khuavang awm

Chala khuavang nei ho hian an taksa peng dangah khuavang lian pui pui an ngah duh hle niin Uganda aienthiamte’n an sawi. Centre fresh hi an ngaina hle a, Manchester United ṭantu an ni tlangpui. Thasiama se no neihna an tlawh tawh deuh fur a, a kalna kawng hi siam ṭhat kher kher ṭul an ti lo tlangpui. Bible thu an hre hle a, hman ṭangkaina tur an hre tel lo thung. Tin, Vanlalpianga reh an ti hle bawk.

7. Hnapthlenga khuavang awm

Hnapthlenga khuavang nei ho hi lubuk chi an ni duh hle niin Bhutan loneitute’n an sawi. Kawng na leh zang kham an nei ṭhin a, zinga mu rei chi an ni bawk. Thlai hnah leh rah aiin sa an duh zawk a, dal kan pawh an ei zeuh zeuh ṭhin. Zing nichhuak hi mawi an ti ṭhin hle, an hmu khat deuh mai pawh a. Zana an len hian dar 9 hmain an haw ngai lo va, baibing chhum tuihang an ngai ṭhak lo.

8. Benga khuavang awm

Naupan laia vuak aia ben tawk ngun zawk an ni. Internet hi an la hmelhriat lo tlangpui a, facebook hi a hming hre chhunte paw’n lehkhabu hming emaw an ti bawk. PL Liandinga leh Zoramthanga hi unau emaw an ti deuh fur a, mahnia thlalak an ching hle. An vanduaina em em chu an khawlai len hun leh ruahsur innang thei lutuk hi a ni. Sas bula chetchhiat hi ngaiah an neih tawh bawk niin zirbingmite’n an sawi.

9. Nghawnga khuavang awm

Ngawnga khuavang neite hian ngaihtuah an ngah hle a, ngaihtuah chhuah erawh an nei ngai meuh lo. Zan muthilh laia ha ṭhial rik riap riap an ching a, hlauh erawh an ngah fu. An hlauh zingah biakin leh bible hi a langsar ber. Khawvek map-ah India awmna zawn hmuh harsa an ti duh hle a, an khuavangte hian a dum lam aiin tlemin a sen lam rawng a pawl deuh. Rawng dum lam aia rawng duk lam ngaina mi an nihna hian mi ti kher kher tak an nihzia a tilangchiang hle.

10. Tukkhuma khuavang awm

Mizoram aiin vairama awm hi nuam an ti zawk a, beauty parlour-ah an tal tam tlangpui. SMS pack hi an heh hle a, hmeichhia an nih chuan nu lian lam an ni tlangpui a, mipa an nih chuan pa valai tak an ni tlangpui. Hobby an nei mumal lo va, an hobby tur chu an ṭhiante’n an ruatsak mai ṭhin.

Mal riauva inhriatna an nei lian hle a, huau huau an lawm hle thung; hei hi mi mak danglam an nih ve-na a ni. Chawhrualin an chal a thui hle a, kawng an kal zawng pawh hian an kal su hloh hloh ṭhin. Mithiamte zirchianna pawh an tawk nasa hle tih Pakistan firfiakte’n an zirchianna aṭangin an hmuchhuak.

Similar Posts:

Recent Posts:

This entry was posted on Thursday, August 18th, 2011 at 6:00 pm and is filed under HAHAHA.

39 Responses to “Khuavang awmna aṭanga mize hriat theih dan”

  1. 1
    Zephenath Says:
    August 18th, 2011 at 6:01 pm

    A va reh ve khuavang kallai ni maw?

    A ni tak tak meuh ang maw….. (Y) Khuavang hi nei lo tluk ka ni, ka kutah hian takte chu a awm!..

    (ka hnuai chiaha mi hi ka khawngaih leh hnuhnawh

  2. 2
    sisen Says:
    August 18th, 2011 at 6:01 pm

    Ka chunga mi thawt thawt chu a… :P
    chhiar ang tan ang

  3. 3
    Pakak Says:
    August 18th, 2011 at 6:10 pm

    good post

  4. 4
    Ozima Says:
    August 18th, 2011 at 6:12 pm

    Ka khuavang awmna a sawi tel ve lovah!! :-)

  5. 5
    restored Says:
    August 18th, 2011 at 6:16 pm

    Ka tukkhumah khuavang a awm. Hehe.

  6. 6
    Zephyruss Says:
    August 18th, 2011 at 6:25 pm

    Hahaha- hnathawh a tih nawm phah dawn e vawiin chu, mood a ti fuh tlat-

  7. 7
    sheldon170 Says:
    August 18th, 2011 at 6:30 pm

    Hehe…. Keipawh ka bengah khuavang a awm thin a! Mahse a awm tawh lo niang. PL Liandinga leh Zoramthanga te unau emaw ka ti tawh lo…eh. Post tupa hi i imagination a tha, thawnthu (fiction) ziak teh, i thiam ang. Kan lo zuar ang e.

  8. 8
    pathlawi virgin Says:
    August 18th, 2011 at 6:36 pm

    mawngtama khuavang awmte, khupa awm te, kezungpuia awmte, chawna awm te, hnar kawchhunga awmte, laipawnga awmte, dulkiar laia awmte, malno laia awmte, hnutea awmte, zakhnuaia awmte, lu-a awmte, hnugzanga awmte…ka van hre chak lehzel ve…. ;-)

  9. 9
    drake Says:
    August 18th, 2011 at 6:49 pm

    in khua vang kha lo thang lian a, pawng ul chuan fimkhur rawh u……
    Ka khuavang 1 awmna hi a sexy lutuk a…..aaaa sawi leh lo mai zawk ang :-P

  10. 10
    ZerO Says:
    August 18th, 2011 at 6:58 pm

    A ho

  11. 11
    Lamji Says:
    August 18th, 2011 at 7:05 pm

    Haha!!ava tha em (Y)
    Nih leh hmai a khuavang tam deuh papor phek chi ang deuh2 ho hi??!! :P

  12. 12
    Asteric Says:
    August 18th, 2011 at 7:16 pm

    haha…ka va han awihlo hlawm tak :-D Khuavang ngah chi ka nia ka khuavang awmnate chu a hrilhfiahna a inkalh nuk mai.

    mit ko, biang, hmui, chal, hnapthleng, nghawng ah te khian ka nei vek ;-)

  13. 13
    hiho Says:
    August 18th, 2011 at 7:38 pm

    a tak tak a nih ka va ring lo eee :-S

  14. 14
    PKfanai Says:
    August 18th, 2011 at 7:42 pm

    Open your mouth, Hahaha…

  15. 15
    chepahakhata Says:
    August 18th, 2011 at 7:44 pm

    Helai post chu “Khuavangchhinchhiah” in sawi duhna a va ni hmel ve? Khuavang leh khuavangchhinchhiah hi a inang lo a nia, thil hran daih a nia ni a.

  16. 16
    ChhanaPa Says:
    August 18th, 2011 at 7:46 pm

    Mit tui ding luanna ding lampam a khuavang nei ho hi min la sawi tel ve lo tlat. Han sawi ve law2 teh. (Y) :-P

  17. 17
    LR_rengsi Says:
    August 18th, 2011 at 7:46 pm

    A va ho mai2 e o…min ti hlim phian si…like..:D:D

  18. 18
    Ozima Says:
    August 18th, 2011 at 7:55 pm

    #15 (Y) Kei pawh khuavang tiin ka lo comment pek, mahse lamtawi ni ve mai :-P

  19. 19
    beethugs2 Says:
    August 18th, 2011 at 7:55 pm

    Ka biangah Khuavangchhianchhiah ka nei a, Vanlalsailova zaithiam ka ti bawk mawle.. Tuaitea chu va hre thei char char ve aw..!!! :-$

  20. 20
    littlerascal Says:
    August 18th, 2011 at 8:04 pm

    #9 drake chu va inla tekti ve a ;-)

  21. 21
    PKfanai Says:
    August 18th, 2011 at 8:04 pm

    16.Chhanapa, i dam rei dawn a nih chu.(tute emaw aiin).hahaha.

  22. 22
    TuaiSialA Says:
    August 18th, 2011 at 8:09 pm

    Khuavang chhinchhiah chu a ni dawn teh tak e a! Khuavang kan ti mai zel a. Hriat reng tur a nih hi. Sei teh duah ai chuan khuavang tih mai pawh a awlsam tho hi maw.. A lawmawm e. Hmundanga ‘khuavang chhinchhiah’ nei chu remchang dangah kan la ti ang chu! Ka ‘HAHAHA’ post angah hi chuan thutak zawng lo bawk ila.

  23. 23
    Kitty Says:
    August 18th, 2011 at 8:27 pm

    Ka fanu in a ke phah hnuai ah khuavang chhinchhiah a nei tlat mai, a thang lian tual2 lehnghal. A awmzia min lo hrilh theih cuan ka lawm ngawt ang. I rintlak XXX :-P

  24. 24
    Grey_RM Says:
    August 18th, 2011 at 8:27 pm

    A hlimawm hle mai a. Nuih a 100 khawp mai :-D (Y) ka khuavang awmna erawh sawi dawnlo rengs..haha :-P

  25. 25
    H.Vangchhia Says:
    August 18th, 2011 at 8:33 pm

    hahaha dangdai ve a :)

  26. 26
    shylo Says:
    August 18th, 2011 at 8:53 pm

    Ha Ha!! Kei chu KVCC (khuavangchhinchhiah) ka nei ve lo vaaaah!

  27. 27
    Saitawk Says:
    August 18th, 2011 at 8:54 pm

    Ka englo ah ka nei a, ka englo reng mai!! :-)

  28. 28
    H.Vangchhia Says:
    August 18th, 2011 at 8:55 pm

    Saitawk, PCO pu la a tha mai ang :D :-P

  29. 29
    jahauhruaia Says:
    August 18th, 2011 at 8:59 pm

    Ka khuavâng awmna kan chhiar hmasak ber chut chu a…benga khuavâng nei ka ni e..ka hlimpui khawp mai (Y)

  30. 30
    lianchhiara Says:
    August 18th, 2011 at 9:16 pm

    Tuaisiala nge nge, i tuai let nalh hlawm mang e. Kan khi sun sun mai alawm.. :D

  31. 31
    troxx Says:
    August 18th, 2011 at 9:33 pm

    Kutze-en (palmistry),Horoscope , Ai-en etc etc BLAH BLAH BLAH
    Awmang ve deuh2 hi chuan a awm thin …. MAHSE RINTLAK TAK KA HRELO E !

  32. 32
    TuaiSialA Says:
    August 18th, 2011 at 10:11 pm

    #28 :-)

    @troxx: Kan inang vel ang a.. Mahse, han chhiar ve reng reng la..

  33. 33
    Jonathan valbawiha Says:
    August 18th, 2011 at 10:15 pm

    Khai aw a va mak teh nuai ve a, a tha tho khat e. (Y)

  34. 34
    muantea Says:
    August 18th, 2011 at 10:55 pm

    Ka biangah a awm….ka nuih a za lutuk….

  35. 35
    lushai_er Says:
    August 18th, 2011 at 11:12 pm

    Awmah ka nei, i sawi tel lo :-O

    Tun hma khan sa kap thei tur upa-in an ti thin. ;-)

    Bethlehem pa pakhat khan a nawh reh sak thin kha maw le :-P

  36. 36
    troxx Says:
    August 18th, 2011 at 11:20 pm

    HAHAHAHAH ….. Chhiar chianglo a comment hi chu van thalo takkk …. (Y)

  37. 37
    blackmagicwoman Says:
    August 19th, 2011 at 12:38 am

    TS, i van sawi dik. ka biangah khuavang ka nei a, vanlalsailova zaithiam ka ti ngei bawk! mahse ka la chibai lo…engtikah enaw ka la chibai ve ngei dawn a niang…yessss! lolzz

  38. 38
    darkhuanga Says:
    August 19th, 2011 at 1:24 am

    hahaha….ka khuavang awmna ang mizia hi ka lo la pu lo, put ka tum peih lo ..mahse chhiar a nuam, horoscope satliah ai chuan ka duh fe zawk :)

  39. 39
    Tete-i Says:
    August 19th, 2011 at 1:46 am

    hahaha..ka beng kawmah khuavang chhinchhiah ka nei,a tawp lampang khi a dik hmel phian.:-D

Comments are closed

This is an archived copy of mi(sual).com — new comments can no longer be posted.